蝦蝦燒

營業中

休息中

🍤【蝦蝦燒｜佐敦人氣海鮮燒烤放題！鮑魚＋即撈生猛大頭蝦】 📍地址：香港佐敦白加士街10-24號永富大廈1樓 💰人均：晚市$298起（限時2小時） **🔥 海鮮控天堂！即撈即燒超新鮮** 踏入「蝦蝦燒」，最吸睛絕對是中央的「活蝦池」！生猛大頭蝦任撈任燒，每隻都手掌般大，蝦肉爽彈鮮甜，建議一開二燒更入味。海鮮櫃仲有新鮮鮑魚、扇貝、灰蜆等，鮑魚燒到微焦邊最香口；扇貝加蒜蓉牛油燒至爆汁，鮮味十足！必試鱔串，魚皮烤脆後油脂甘香，肉質厚實無腥味，啖啖滿足～ **🍢 串燒款式多！肉食獸狂歡** 除海鮮，肉類選擇亦驚喜！羊架醃得入味，燒至外脆內嫩，羶香恰到好處；豬腩肉串油脂分布平均，焦脆口感似日式燒鳥。雞翼有蜜糖、麻辣兩款口味，推薦麻辣版，辛香惹味！內臟控必掃雞腎、雞軟骨，爽脆有嚼勁。牛肉串配金菇肥牛卷是經典組合，記得蘸自家製燒汁提升風味～ **🌽 蔬菜雜貨一樣有驚喜** 食完大魚大肉，推薦燒翠玉瓜、冬菇平衡膩感。翠玉瓜保留水份，簡單撒鹽已清甜；冬菇燒到邊緣微脆，咬落juicy！粟米可燒至焦糖化，甜度爆燈。懷舊廚師腸、司華力腸係港式燒烤情懷，雜丸類則適合填補「燒烤空檔」XD **✅

蝦蝦燒的環境舒適，裝潢簡單明亮，讓人感到輕鬆自在。餐廳的座位安排合理，即使在繁忙的時段也不會過於擁擠。海鮮當然係必食啦🤭😍大頭蝦：每張枱都坐近水缸，當你想燒蝦的時候，就可以隨時夾起，非常新鮮即夾即燒蝦肉彈牙，鮮味十足，燒烤後的香氣令人食指大動。鮑魚：職員非常友善，還教我們要剪去外殼，防止被彈傷質地滑嫩，口感極佳，搭配燒烤醬汁非常美味。扇貝：肉質鮮美，燒烤時保留了海鮮的原汁原味。灰蜆：味道鮮美，鮮甜而又不膩。鱔串：燒烤後香氣四溢，口感滑嫩。魚🐟❤️❤️❤️最讓我驚喜的是可以原條魚的燒烤，魚肉鮮嫩，燒烤後的味道更是讓人驚艷。只需要稍微加少少鹽和胡椒調味，已經非常鮮甜蝦蝦燒還有「一蚊鍋」除了燒烤，還有火鍋選擇新鮮的食材和多樣的選擇，無論是海鮮還是肉類，都讓人有著愉快的用餐體驗。

今日同屋企人去咗佐敦「蝦蝦燒」食放題，真係好開心！一進去就已經感受到餐廳嘅熱鬧氣氛！首先，呢間餐廳嘅服務真係一流，侍應生都好有禮貌，仲會主動幫我們介紹。食物好多選擇，包括各種新鮮嘅海鮮、肉類同埋蔬菜。我哋選咗大大隻蠔、海蝦、扇貝、鮑魚、魚，同埋好多串燒，仲有唔少配菜，真係眼花繚亂！大頭蝦自己楝，非常新鮮！ 仲有自助吧台，提供各式各樣嘅飲品同埋甜品，食完燒烤仲可以嚐嚐甜品，完美！仲有啲甜品同埋雪糕～仲有加一蚊可以打埋邊爐！

今日同閨蜜去食海鮮放題，餐廳位於佐敦嘅「蝦蝦燒」。呢間餐廳專注海鮮，尤其係蝦，係自己即撈，勁新鮮。如果你鍾意食海鮮，呢度絕對係一個唔好錯過嘅地方～餐廳每日新鮮入貨，大頭蝦爆曬膏，食落去口感滑溜，味道濃郁，蝦身厚肉，入口彈牙，真係令人回味無窮～仲有大大隻蠔、鮮甜扇貝、彈牙肥美鮑魚 、鮮魷、多款類型魚、多款海鮮選擇、多種肉類選擇、仲有多款甜品、雪糕………真係好多，寫唔晒出嚟，哈！而家更有個特別優惠，加一蚊就可以打埋邊爐，性價比高到爆！你可以一邊燒海鮮，一邊享受火鍋，簡直係雙重享受。邊爐嘅湯底選擇都幾多，有豬骨、麻辣蕃茄，滿足唔同口味嘅朋友。

今晚同個friend去咗佐敦嘅蝦蝦燒食海鮮燒烤放題，燒得勁開心！呢度最正嘅地方係，佢哋每張枱都連貫個蝦池，啲蝦全部都好生猛，可以即夾即燒，真係夠晒新鮮！除咗蝦之外，佢哋嘅海鮮池仲有好多嘢揀，好似活鮑魚、沙白、青口、大蜆等等，全部都好新鮮，燒完之後勁juicy！🐟🐙🐚佢哋嘅自助區仲有好多嘢食，好似原條泥鯭、東風螺、鮮魷，仲有各式各樣嘅串燒、肉丸、瓜菜，總之就唔怕冇嘢食！🍢🍡🦑🦪🦐🦀佢哋啲食材夠新鮮，加上自己動手嘅樂趣，真係越燒越多，自己燒嘅嘢食，最緊要控制火候，唔識都唔緊要，呢度嘅店員都好nice，會教你燒烤嘅技巧。蝦蝦燒真係一個好適合一班朋友嚟gathering嘅地方，可以一邊燒嘢食，一邊吹水，氣氛一流！

除咗日式放題，火鍋放題，今次搞搞新意思，喺佐敦食一間流水蝦燒烤放題，餐廳環境唔錯地方大，每張枱隔離就係玻璃流水河，裏面充滿生猛大頭蝦，餐廳以全自助形式，即夾即燒大頭蝦新鮮彈牙。海鮮自助區有花螺、海魚、魷魚、鮑魚、帶子、生蠔、扇貝任燒任食，仲有多種調味料，包括海鮮必備金銀蒜蓉，海鮮都好新鮮加入蒜蓉最配合。燒烤肉類都放雪櫃乾淨衛生，豬牛羊雞串樣樣齊，特別有豬大腸、雞皮餃子、玉子燒、漢堡扒、墨魚蝦卷、台灣腸，燒烤真係好食。仲有多款蔬菜，茄子、脆肉瓜、菇類、菠蘿等……最鍾意燒粟米，粟米超甜加牛油燒超級正。總結：餐廳座位舒適，食物衛生新鮮美味，抽風系統強勁，一直燒都唔會大油煙，啤酒汽水任飲，多種海鮮任食，海鮮愛好者好快回本。

這間餐廳的流水蝦放題真是讓人驚喜！！餐廳內的流水蝦缸讓人一進門就感受到活力四射，選擇自己喜歡的活蝦，現烤的過程令人期待。每隻蝦都鮮美多汁，讓人垂涎欲滴。每位顧客都可以根據自己的喜好，選擇各式各樣的食材，包括鮑魚、生蠔、貝類等，任燒任食。每台還會額外提供兩串白鱔，肉質鮮嫩。餐廳現在加一蚊便可以享用小火鍋，讓人可以在燒烤的同時，享受另一種吃法。除了主要的海鮮，還有各類的蔬菜、肉類串燒選擇，滿足不同口味的需求。雖然是平日，客流量仍然頗多，氣氛熱鬧。餐廳提供多種飲品選擇，從汽水到啤酒，應有盡有，搭配海鮮燒烤再合適不過。如果你是海鮮愛好者，蝦蝦燒絕對值得一試！無論是新鮮的流水蝦，還是各式燒烤，都是令人回味的美味佳肴。下次再來的時候，肯定會帶上更多的朋友一起享受這份美食盛宴！

去佐敦蝦蝦燒食飯真係一個好玩又好味嘅體驗😎一入到去，你就會見到個大魚缸，裏面游緊好多生猛的大頭蝦，仲可以親手撈，真係好過癮！啲大頭蝦每一隻都好大隻，燒完之後肉質彈牙，仲帶有海水嘅鮮甜味，真係食得出佢哋嘅鮮味，蝦頭好多膏😝除咗大頭蝦，呢度仲有好多其他海鮮選擇，例如生猛鮑魚、原條倉魚泥鯭、元貝、青口，甚至各種蜆類，全部都好新鮮，另外而家仲可以加一蚊有個小邊爐，可以打埋邊爐😎講到肉類，佢哋提供多種選擇，例如羊架同牛仔骨，啲肉質好好，燒出嚟香噴噴，無論係肉汁定口感都非常之出色🥩羊架啲肉嫩滑，油脂分佈均勻，牛仔骨又醃得啱啱好，咬落去肉汁會爆出嚟，真係滿足到你嘅味蕾😋而且，佢哋仲有好多新鮮嘅蔬菜同埋各種丸類，可以隨意配搭🥦無論你鐘意咩都可以攞到。熟食區亦都幾有驚喜，提供各種即食嘅小食，等你燒嘢食嘅時候可以先頂住肚，仲可以試吓唔同味道🍽️佐敦蝦蝦燒真係食得開心，玩得開心🎉無論係同朋友一齊聚會，定係家庭聚餐，呢度都係一個好嘅選擇。下次一定會再來，實現海鮮自由😎

主打大頭蝦可以自己夾自己燒大頭蝦生猛但是就係吾係甘鮮甜海鮮種類都幾多魚、青口、扇貝、生蠔等等……質素有D好有D差馬友、泥鯭、扇貝吾錯不過真係要自己掌握到燒幾耐吾係就燒到太乾希望佢日後可以加番D提示每種食物大約燒幾耐OK飲品有汽水、啤酒、韓國燒酒、QOO等等比較開心係有黑啤、韓國汽水同燒酒可以自己溝黎飲最後一樣好係晚市無限時6點開始慢慢燒燒到佢收店都得一定食得飽飲得夠價錢吾算平但是又吾可以話好貴中上啦真係一大班人吹水傾計飲飲食食吾錯

去到佐敦大家除咗會諗起打冷之外、大排檔同埋火鍋都係一個唔錯嘅選擇！但係如果有間又可以燒烤又可以任食甜品又可以任飲酒精同埋冇酒精飲品、仲要有埋打邊爐唔知大家會唔會覺得都幾吸引呢？當然唔止啦、呢間除咗係任食之外呢度嘅海鮮原條魚類，仲有好多唔同種類嘅海鮮例如生蠔鮑魚、甚至乎貝殼類仲有大頭蝦都係任食！最吸引就一定係蕭乾魷魚！呢款就係大家經常喺條街見到自己燒嗰啲乾魷魚一份出面都要$50、但係呢度都係任食！真係極度吸引㗎！當然呢度燒烤嘅材料絕對唔少、除咗有肉類串燒、呢度嘅蔬菜串燒、同水果甜品串燒亦都唔少！原條茄子甚至乎燒麵包蒜蓉多士、同埋迷你版鯛魚燒、仲有打邊爐嘅配料都非常之多！淨係菜類都有幾款選擇！廚子之外仲有熱食區、我最鍾意就係食佢個辣酒煮花螺、非常入味肉質鮮嫩、另外都有少量煎炸食物、熱食蔬菜有營養、仲有粉絲！最後當然唔少得就係調味料漲了區、蒜蓉牛油、泰式辣醬、甜醬、酸辣汁通通有齊！蝦蝦燒佐敦白加士街

今次去佐敦🚇呢間「蝦蝦燒」真係大滿足！入面有多排流水蝦缸，🦐大頭蝦生猛到彈起，自己夾完即燒🔥，蝦膏多到爆漿，鮮甜到震！海鮮陣容超強🤩，圓貝大大隻多汁厚肉、鮑魚彈牙唔韌、🦪生蠔肥嘟嘟配蒜蓉超正，仲有蜆同海螺🐚，全部新鮮無沙，燒完仲 keep 到入面嘅🌊海水味。來呢度每人會🤤送一串白鱔，🔥燒到皮脆肉嫩，🐟油脂香爆燈！自助區💪仲有勁多唔同款式嘅🍢串燒，最驚喜係秘制醉蝦🦐，酒香浸透蝦肉，唔洗燒😆任食爽到痹。佢哋加💰$1仲有個小火鍋🍲，食得多肉可以烚下菜🥬平衡返。飲品🧃方面除咗一般款式之外，仲有🍺罐裝啤酒，配串燒一流，而且仲有🍶真露任飲添呀！甜品方面主打唔同口味嘅🍨雪糕，仲可以配埋🍫朱古力鯛魚燒🐟，外脆內流心，完美呀！

一向鍾意食海鮮嘅我地，終於黎左蝦蝦燒試下😄依加原來除咗燒烤放題，仲可以加一蚊打邊爐，真係可以滿足晒全屋企人嘅口味啊🙂蝦蝦燒就緊係主打新鮮嘅流水蝦🦐 即夾即燒即食 真係超級爽呀🤩 因為真係好新鮮嘅關係 所以蝦肉特別彈牙🫶🏻 除咗流水蝦之外，仲有好多海鮮，例如鮑魚、扇貝、蜆類、魷魚筒🦑、生蠔🦪同埋魚🐟，全部都可以任食㗎🤩除咗海鮮之外，蝦蝦燒仲提供咗多款肉類、丸類、蔬菜類嘅食物🙂 可以燒烤之餘，亦可以放落煲仔打邊爐🙂 佢哋仲有提供窩夫同埋麵包，搽咗牛油🧈再加埋蒜蓉落去，自家製嘅蒜蓉牛油多士就完成左啦😍記住留埋肚食雪糕同佢地自家製嘅甜品🍮 今餐真係超級豐富同滿足呀😋

食材新鮮款式多，串燒有牛有豬有雞，海鮮方面有鮑魚、蠔、蜆、魚，熟食的醉蝦都好好味，大大隻又有膏，肉質彈牙，仲有火鍋丸腸仔可以打邊爐，348價錢嚟講有得食有得撈又得燒，都係一種唔同嘅體驗，值得推介

五小時有得食又有得玩嘅燒烤放題😻除咗燒烤仲可以加一蚊打邊爐 有四款湯底可以選擇 海鮮相當生猛而且新鮮👐有過百款燒烤、打邊爐配料、熟食、甜品、啤酒、各款飲品 選擇困難症嘅真係好啱 因為真係咩都有👍首先介紹返海鮮區域魚類都有三款 條條都大大條 另外有生蠔 鮑魚 扇貝 魷魚筒 各款蜆類而且側邊仲有相當之多嘅配料俾你烹調自己鍾意口味嘅海鮮 例如有牛油 蒜蓉辣椒 我自己整咗蒜蓉粉絲扇貝啦哈哈海鮮又點少得自己夾嘅大頭蝦呢 超級生猛！夾上嚟佢會掙扎㗎，記得放落冰水浸一浸佢啊超級多膏，真係好邪惡啊肉類方面都有好多種類 無論係牛肉豬肉羊肉都有多款選擇 另外仲有好多蔬菜類 唔使下下都係淨係食海鮮同肉 除咗熟食之外，又點少得甜品呀有杯裝雪糕做選擇 亦有其他不同自家製嘅甜品 真係超級滿足

同老公去咗一間地方好大,任飲任食,有過百款食物: 海鮮、串燒、熟食、火鍋配料、小食等等,超多選擇嘅餐廳！有無限供應流水蝦,即夾即燒,非常生猛,蝦肉鮮甜又爆膏！ 🐟海鮮區自助海鮮吧有生蠔、扇貝、鮑魚、原條魚、魷魚、螺等等...醬油區有牛油同蒜蓉可以加喺海鮮上面,真係啱晒鍾意食海鮮嘅我！另外仲會送每人一串白鱔,肉身好厚身肥美！本人推薦燒蠔同鮑魚！ 🍖肉品/串燒區串燒同肉選擇多到花多眼亂,有牛仔骨、豬仔髀、豬扒、羊架、雞皮、雞軟骨、雞柳、豬羊肉串、腸仔、多款丸類同蔬菜,連蒜蓉牛油法包都有,正！食完海鮮串燒,仲有蔬菜,瓜類,,番薯仔,菠蘿等等🤤 🥤飲品 飲品選擇多,汽水啤酒都係任飲架,仲有多款雪糕杯同自制啫喱！🫕 餐廳依家加一蚊有個小火鍋,可以打埋邊爐,湯底仲有豬骨,麻辣,蕃茄揀,燒烤又得打邊爐又得,仲可以夾流水蝦,有得玩有得食,今晚真係超滿足,仲有好多都未試齊,I will be back 🔥❤️