蛋香烘焙

營業中

休息中

間嘢開咗10年，睇得出越嚟越冇心機做，以前好似係一家大細開，正正常常。近呢一兩年，得返一個中年女店員，每一次落單，晦氣到極，好似爭佢錢咁，最好你唔好幫襯佢，佢就唔使整。每一次整嘅格仔餅， 10次有10次都係未熟，腍啤啤，返到屋企要用焗爐加工，其實整雞蛋仔有晒配方時間，點解仲可以開咗10年都整得咁差，冇禮貌就唔使講，幫襯埋今次冇下一次。有時成日話啲人唔怪得要北上，好心啲餐廳自己反省一下，自己啲食物質素先講啦。

平日會食佢地D特色雞蛋仔!今日經過想飲野!試咗佢哋自家制系列之一~清潤意米水!可選無糖或小糖!入口潤喉小小甜,而且意米有益!意米仲可以飲埋！正自家制飲品仲有其他選擇架!

食物＆服務質素每況愈下！格仔餅買返黎已經林哂同埋燶，好心俾少少意見店員竟然同我講係我唔好彩。爭少少以為自己要道歉！好多年前幫襯都唔係咁樣！以後都唔會幫襯！各位想買之前都要諗清楚！

呢世都唔会再帮衬嘅店，大家都嚟睇吓呢個29文嘅格仔饼做成噉简直系抢钱！ 雞蛋仔都軟趴趴，冇乜味道。店内睇落周围都好邋遢，伙记态度又差，黑口黑面，好像別人欠佢錢一樣。

聽聞呢間雞蛋仔都幾出名，於是今日去試下。店舖起正福元湯圓隔離，都keep住好多人買。雞蛋仔即叫即整🤟🏻，等5分鐘左右就有得食啦🥰有幾款唔同味道嘅雞蛋仔，又有唔同嘅嘢飲賣，今日試咗原味先。🌟原味雞蛋仔$22外型一拎上手覺得有少少皺皮唔夠光滑🥹，但好彩食落又ok!即整熱辣辣，蛋香味都重🥚，外面個殼好脆，入面係有一半係蛋漿一半外殼😁，唔係空心的雞蛋仔。如果下次再經過都可以買來食，但係如果專登來食就唔會😆

住左北角咁多年，要搵一間好食既雞蛋仔真係好難！ 今日收工突然間好想食雞蛋仔，點知行行下見到呢間蛋香烘焙， 去到門口叫左個原味雞蛋仔22蚊，期間聞唔到有好香既味，心諗應該一般般， 等左幾分鍾後到手， 食左一粒好有驚喜， 又香又脆，一半係空心， 真係好食， 下次一定會回頭再食！！

一直係雞蛋仔Fans 原本鍾意食北角xxx /低調xx ，呢兩間蛋香夠，但略嫌太脆口 兼雞蛋仔入面既蛋糕體比例過少，食落感覺好似得個雞蛋仔外殼咁 今次去試蛋香烘焙，原本以為地點會好隔涉 但一落天橋就見到，店舖細細地，離遠都聞到陣蛋香味 叫左一底原味($22)趁熱即場試食 完全好滿意！聞落好香，同食落既蛋香一樣好夠脆度恰到好處，唔會界口加埋一半空心既內餡，絕對係一底95分以上既出色雞蛋仔唯一可能係甜度方面 再減甜多少少會更完美會咁無膩 下次會想試埋黑芝麻同抹茶味

今日要買外賣又唔係好肚餓，就喺條街度行吓行吓，睇下食乜好。行過聞到有間鋪頭有好香的雞蛋仔味，就決定食雞蛋仔。呢家d雞蛋仔要$20，真係百物騰貴，但係比照其他已經算做加得少，附近北角好出名果間都由十幾加到廿幾喇。不過見到鋪頭清楚寫住主要成份，用上100%紐西蘭牛油，我諗材料成本鋪租都唔平。佢個包裝設計十分透氣，紙袋同膠袋都係穿窿嘅，所以攞到返屋係都仲係外脆內軟，唔會林啤啤。而個雞蛋仔同聞落下一樣，充滿蛋香，非常出色。

今個weekend黎個炮台山下午遊💁🏻朋友帶左我去一間好多人推介既雞蛋仔/格仔餅店-蛋香烘焙。啱啱食左lunch既我地淨係可以買一底原味雞蛋仔($20)淺嚐🤤呢度既雞蛋仔係即叫即整，保證新鮮，包裝既紙袋有小孔比雞蛋仔抖氣，咁就唔會咁快淋；佢既材料來自世界各地🌍(麵粉來自美國🇺🇸、鮮雞蛋來自泰國🇹🇭/荷蘭🇳🇱、牛油來自紐西蘭🇳🇿)，可見店主對品質好有要求👍🏻雞蛋仔拎到上手熱辣辣，咬落好脆，好有內涵(有一半係蛋漿)，唔係空心既雞蛋仔，外脆內軟😎口味較淡既我覺得味道略甜🤏🏻經過開炮台山既會再食🖐🏻

原本想食百變蛋君，但原來2月底已經結左業好可惜😢上網搵下附近有冇其他雞蛋仔，就發現呢間蛋香烘焙，冇人排隊，所以落完order即整，好快就食得，雞蛋仔口味有好多，有比較少見黑芝麻味、低脂芝士、芒果雪糕等，反而格仔餅淨係得原味同榛子醬兩款🤓原味雞蛋仔｜$20見到店員整完之後都要攞雞蛋仔吹風扇先入袋，完整一底金黃色☺️咬開真係見到一半空心一半餡，外層好脆身，但我覺得蛋味唔夠香濃，質感唔算好鬆軟，以脆度取勝🙈

我食嘅係原味雞蛋仔。佢個雞蛋仔好有蛋香味，甜度適中啱啱好不太甜，內裡大半飽滿，另一半脆口，係細個時候食嘅正宗雞蛋仔味道同埋口感！我本身住北角以前食開北角好出名嗰間，但自從有次經過呢間買左一次黎試之後，就算行遠D，今日落住雨我都忍晤住行遠D行去炮台山買返底黎食！同埋佢個紙袋有洞比雞蛋仔抖氣外，而家疫情，所以佢再喺外面用膠袋袋住，連外面個膠袋都有洞比雞蛋仔抖氣好細心！ 賣雞蛋仔個姐姐都好好人！好有禮貌！好用心的小店，必定繼續支持！加油啊！

格仔餅癮起😅附近得呢間，試一試先就咁睇外表，烘得好唔平均😥外圍深色，入邊係淺色，比較薄身入面嘅醬都唔多，格仔餅有蛋味睇佢個名叫鬆軟，真係一d 都唔脆😅但亦唔可以叫鬆軟，反而有少少煙韌整體來講係麻麻地🥺唔會encore了回頭指數： 😋😋

有個friend介紹有間好正有好多味既雞蛋仔，所以今日就嚟試下，間嘢都有少少難搵，因為佢係喺巷仔裏面，嚟到都有啲人排緊隊，見到都有幾隻唔同味，最後就嗌左個朱古力碎粒雞蛋仔，其實都唔算等咗好耐，不過入邊得一個人負責整野收錢又係佢，所以都唔介意等多一陣💪🏻💪🏻終於有得食，佢係即叫即整，拎起手嘅時候熱辣辣，食落去都OK嘅，都係外脆內軟，同埋佢每一粒嘅雞蛋仔都有好濃嘅朱古力醬喺度，不過可能佢太忙，一個人要做晒所有嘢所以個賣相都麻麻地佢仲有個隱形檸檬茶配埋雞蛋仔有個套餐等我下次試吓係咩嚟既先😋

有無朋友同我一樣 由細到大都好鍾意雞蛋仔?可惜宜家已經越黎越少鋪頭有賣 🥲就算有都好鍾意整定攤曬係到 🌝難得搵到一間都幾多人推薦嘅雞蛋仔舖 一早已經bookmark定 👍🏻 今次終於去食lu.🔸原味雞蛋仔 $19 | ⭐️: 4.4/5 首先一定要讚👍🏻 老闆娘製造好用心 ❤️即叫即整 唔會整定擺係到 新鮮出爐之後 仲會用個風扇吹到脆身先卑我到手之後 熱辣辣 非常脆 唔會淋曬 👍🏻味道方面 好香蛋味 唔會太甜 🍳雖然個餡唔係話特別🈵️ 但好新鮮 好卑心機整所以推薦大家去支持吓 🌈.整體黎講, 我覺得呢間係好用心整雞蛋仔 ❣️雖然話$19 少貴 但係值得 👍🏻味道唔會話非常驚豔 唔食會後悔 😹但推薦大家支持吓佢哋 🥰 好想一路食到咁好味嘅雞蛋仔另外佢地仲有賣自家製飲品 i.e. 檸檬薏米水 🧊.Rating: 🌕🌕🌕🌖🌑

呢排突然間想食雞蛋仔，網上見到唔少人推介北角/炮台山嘅蛋香烘培，一於試吓！星期日3點左右黎到都有唔少人等緊，聽人講原味雞蛋仔最好食，一底$19，兩底$36。要左一底原味雞蛋仔，等左5-10分鐘左右就有喇，雞蛋仔攞到手就梗係趁熱啦，外脆內軟，雞蛋仔好有蛋香味，同埋我比較鍾意淡口味，食乜嘢都要少甜，呢款雞蛋仔啱晒我，唔會太甜。搣開裡面有一半餡，裡面都好有口感，最驚空心雞蛋仔！雞蛋仔質素真係唔錯，下次去開呢頭再黎過！