影片
營業時間
今日營業
07:30 - 21:00
星期一至日
07:30 - 21:00
以上資料只供參考, 請與餐廳確認詳情
太忙又未食早餐，見到蛋撻王就忍唔住去買野食喇，有牛油皮蛋撻同酥皮蛋撻，先發現原來已經好耐冇食牛油皮蛋撻喇，於是即刻買牛油皮蛋撻、牛奶撻同兩個麵包。即買即食，蛋撻整得好好食，曲奇皮黎講算薄，有蛋香，而且有驚喜在食完個撻皮都唔會漿住個口，好正呀，Yum yum😋😋 到左夜晚，口痕醒起仲有兩個包未食，一個係合桃提子包，另一個係軟心芝士包，我就搣左四分之一既合桃提子包，又係有驚喜，放左咁耐，一咬依然係好軟糯，質感好豐富，最後食哂成個包，無得頂呀👍🏻👍🏻👍🏻🙏🏻☺️🍀
繼續閱讀
哈哈，好開心，今日返到屋企好肚餓，見到老公買咗四個撻，兩個芝士撻，兩個蛋撻，幾好味！藍色包裝盒，幾靚！之前食過一次呢間蛋撻王嘅蛋撻，質素唔錯，牛油味香濃，最鍾意就係呢種牛油曲奇嘅蛋撻！今次第二次食，質素都OK，保持到，所以叫蛋撻王真係冇叫錯！另外仲食咗佢哋嘅芝士撻，我諗算係全香港最好食嘅芝士撻之一，芝士味濃郁🥰！中間好似芝士蛋糕嘅味道，加埋外面牛油曲奇皮，相當濃郁好吃😋！平民價㗎，可以食到傳統香港食物，真係唔錯，呢個價錢可以有呢一個質素，相當值得，大家都應該支持返香港本土食物！
繼續閱讀
唔知大家有冇食個蛋撻王入邊嘅非蛋撻食品呢？雖然我每次去蛋撻王都會試吓佢嘅新鮮出爐蛋撻，不過今日比我見到有提子包，形狀都幾特別幾吸引，就一於試吓啦！雖然價錢有少少貴，但係份量都可以嘅，足夠一個人嘅下午茶㗎啦，提子嘅數量都算多，起碼都睇得出係大方嘅，包嘅軟熟咁都可以，都幾好味嘅！
繼續閱讀
今日途經蛋撻王聞到好香, 男朋友👦🏻忍唔住停低左望下d出爐蛋撻🙈🤣 見到有個黃金蛋撻好吸引於是就買左一個嚟試下😋😆黃金蛋撻其實即係咸蛋黃蛋撻, 上層散發住咸蛋黃嘅油香, 有少少橙黃色嘅蛋黃油係上面`浪浪下', 十分邪惡😈, 熱辣辣嘅蛋撻咬落去係半流沙嘅質感, 整個味蕾隨即滿怖住咸蛋黃嘅味道, 入面嘅蛋漿質感滑溜帶蛋香, 有光澤, 口感鬆軟, 甜度剛好, 唔會有涸喉嘅感覺!☺️ 牛油曲奇撻皮口感鬆脆帶有濃濃嘅牛油香! 好味😋!
繼續閱讀
蛋撻王做facial經過，見到間鋪個名咁把炮叫蛋撻王，想試下佢係咪勁得過我之前中學對開個間無得輸既面包鋪賣既蛋撻既地位。第一次黎買，唔知呢到蛋撻有咁多種類，埋counter同個姐姐講要三個蛋撻，個姐姐兇我話：「要邊隻啊？」唔知有咩味，心諗講原味實無死，我就答：「原味。」點知又比姐姐兇多次：「即係邊隻啊！」佢指左個牌比我睇，原來有牛油皮酥皮仲有好多其他蛋撻，係無原味呢樣野。anyways驚比人再兇，即刻叫左三個酥皮蛋撻，之後就急急腳咁走。佢鋪頭出面話，隻酥皮蛋撻有成300幾層。番到屋企叮番熱黎食，酥皮真心鬆化，係好食既，蛋心唔算好甜，我個人口味鐘意再甜少少。真心係唔錯，有被佢個酥皮驚艷到。下次挑戰佢個牛油皮先。
繼續閱讀