46
9
1
港鐵觀塘站 D4出口, 步行約1分鐘
繼續閱讀
電話號碼
51129938
營業時間
今日營業
07:30 - 20:00
星期一至六
07:30 - 20:00
星期日
全日休息
以上資料只供參考, 請與餐廳確認詳情
招牌菜
上次去觀塘工廈拎完網購，落到樓下見到間隱世食肆「蛋哥」的餐牌，食物感覺幾吸引，有我鍾意的蛋包飯，吞拿魚沙律，牛油果蛋餅，仲有低碳選擇，Bookmark 咗一直想試趁住放假帶埋屋企人嚟食個Lunch==========🔹吞拿魚蛋沙律 $30滿滿的蛋白質，吞拿魚碎蛋份量豐富加入紫洋蔥，提升味道及口感層次沙律醬酸酸地夠開胃推介指數：8/10==========🔹是日炒雜菜 $22當日為西蘭花及椰菜福花以上湯加麻油煮成，加入紫洋蔥及蔥花等，絕不馬虎，調味適中推介指數：8.5/10==========🔹牛油果蝦仁蛋餅 $45健康低醣之選蛋餅感覺似奄列，上面擠上蜜糖芥末醬，蛋皮有不錯的蛋香蝦仁吃到淡淡蝦味，口感帶輕微爽彈；牛油果夠熟幾creamy另加入烚蛋及椰菜絲，令蛋餅更豐富推介指數：8.5/10==========🔹流心蛋包飯 $68厚厚的蛋估計用上4-5隻雞蛋炒成雞蛋保持嫩滑富蛋汁，蛋香不錯炒飯選用珍珠米，加入雞肉粒、火腿、紫洋蔥粒及椰菜等，味道佳推介指數：8.5/10==========🔹泡菜牛肉蒟蒻麵 $62低碳之選青瓜新鮮爽脆；烚蛋蛋白軟嫩牛肉份量多，肉質嫩滑；泡菜的酸甜辣度比例不錯推介指數：8/10==========🔹紅豆冰 +$10紅豆煮得夠腍，奶比例適中，甜度恰好推介指數：9/10🔹熱檸水 +$3選用檸檬夠新鮮，檸檬香突出而沒有苦澀==========免加一服務費整體用餐體驗感滿意，食物質素不錯，份量豐富而定價親民，性價比高；加上店員服務態度好又有禮貌，值得回訪
繼續閱讀
💛 #觀塘 #蛋哥 #EggForAll去完旅行返返工，又嚟返觀塘揾嘢食😌 今日試吓呢間位於觀塘工業中心嘅「蛋哥」💛 佢哋大部份嘅菜式都有蛋食㗎，啱晒雞蛋控我呀😆🍝 蝦蝦天使麵 （$68）呢個係一個白汁天使麵，仲加咗半隻溏心蛋，同啲香蔥🤩 天使麵好掛汁，好好味！個醬汁入面仲有一粒粒嘅蟹籽，增加口感又好味😋 難怪係廚師嘅favourite😍！🍛 流心蛋包飯 （$68）超大個流心蛋奄列！ 個飯係半腿雞肉炒飯，少少鹹鹹哋辣辣哋😋👍🏻🐥 秘汁炸雞 （$28）秘汁係類似照燒汁咁，炸雞皮薄肉大舊，啲肉咬落仲好軟腍添！🐣 香煎雞扒早餐 （$37）連奶油豬、炒滑蛋、茄汁豆🐽 雞扒真係好香又大塊！ 奶油豬都好正，仲好脆添！ 茄汁豆唔係罐裝嗰啲，係佢哋用真蕃茄親自整㗎😍 仲有炒滑蛋份量超多又夠滑😋🌮 蝦仁牛油果蛋潛艇 （$47）最後仲有個潛艇😍 個潛艇包夠脆夠香，餡料又超級多！ 牛油果好creamy好正！#觀塘黃店 #觀塘美食
繼續閱讀
蛋，全部都係蛋‼️‼️😝😝朋友最近去做Gym,話要增加肌肉量，所以話要食多啲蛋🤭🤭俾我上網見到呢間蛋哥，即刻約佢出黎去食🤣朋友食量驚人，我哋兩個點左好多野食😱全日早餐All day Breakfast材料同出面有少少唔同，有腸仔兩條、薯餅、炒滑蛋、煙肉碎茄汁焗豆、沙律菜，最正係佢仲有個班尼迪蛋，超好食😋黃金西多士Egg Yolk Toast西多士入面夾住一層流沙奶黃，食落層次感更豐富，又香又甜👍👍黃金雞翼Salty Egg Chick Wings呢個新鮮熱辣，極度邪惡😅😅不過非常好食，蛋黃香味十足，雞翼又脆又香，而且肉質又嫩！👍👍推介，多人share最岩三色三文治Egg Salad 3 Ways呢個我鍾意❤️因為佢既三文治饀料非常之多，而且又有三種不同口味、顏色，無論視覺定味覺都出色‼️不過如果下次可以烘底烘底就更加好👍👍蝦蝦天使麵SHRIMP W ANGEL HAR呢個又係份量大碟，而且好有家既味道，令我諗起細個屋企人煮既麵☺️價錢公道又幾實惠，下次可以同朋友encore😋📌 蛋哥 (觀塘)觀塘觀塘道464-466號觀塘工業中心2期地下E2號舖#蛋哥 #雞蛋控 #健康飲食 #西多士 #觀塘美食 #美食推薦 #家的味道 #性價比高 #全日早餐 #egg #EGGLOVER #FOODIES #KWUNTUNG #teamhappyfoodies #thefoodieinitiative #globaleats #thefoodiesinternationalchat #internationalcuisinefamily #Internatiinalfoodiesunite #foodie #hkblogger
繼續閱讀
肥妹仔近排去多咗觀塘，行過工業中心發現呢一間叫蛋湯嘅餐廳雖然外表平平無奇，但係睇個Menu食物嘅價錢非常之平，就走入去試一試，究竟質素如何？芫荽皮蛋湯飯 $55老闆強推佢哋嘅芫荽皮蛋湯飯，因為呢一度嘅芫荽皮蛋湯唔係出邊坊間嗰種味精湯，而係真係真材實料用海量嘅芫荽同埋皮蛋煮成。肥妹仔飲咗一啖已經覺得不得了，真係好香芫荽味。芫荽控嘅朋友，麻煩大家一定要嚟試！佢嘅湯係飲完一啲都唔頸渴，有香芫荽獨有嘅氣香，唔加任何調味料已經好好食。喺呢啲咁悶熱嘅天氣下食一碗好實在嘅湯飯，係令人地暖在心頭。牛魔王沙嗲通粉 $60呢一個牛魔王沙嗲通粉，亦都係老闆強推肥妹仔一定要試，因為佢嘅牛魔王有三款牛，包括牛丸、肥牛同埋靚嘅牛肉，唔係嗰啲平時茶餐廳早餐果d乸度好鬆好粉嘅牛肉。沙嗲沙嗲好香好濃花生味，唔怪得知呢一個沙嗲通粉係呢一間舖頭嘅人氣no.1,大家係牛魔王嘅話自己嚟到識叫啦！椒鹽豬扒$30呢一個亦都係老闆嘅用心之作，佢同肥妹仔講佢哋唔係用啲咩大陸豬，而係用美國豬。肉嘅質素已經比較高級，果然食落去豬一啲都唔so！佢嘅豬扒係真係食佢本身嗰種鮮味，調味主要係外面嗰一層醬汁。佢嘅椒鹽係有啲香蔥喺上面，食落去同平時大家喺出邊食嗰啲台灣嘅椒鹽味有少少唔同，值得一試。秘汁炸雞 $28肥妹仔tum咗老闆好耐究竟佢嘅祕汁係乜嘢，老闆都唔肯講。用肥妹仔嘅舌頭去分既話就覺得應該有喼汁，蒜蓉等等。呢一種咁特別嘅味道肥妹仔希望大家自己過嚟親身黎試。雞肉好嫩滑。班尼迪克蛋$45竟然港式茶餐廳有班尼迪克蛋，肥妹仔梗係要試吓啦！佢真係一啲都唔失禮，餅底唔係平時食開嘅鬆餅，而係用咗我哋平時食漢堡包嗰種，用牛油烘到非常之香脆，好好食。配上好新鮮嘅蕃茄同少少沙律醬，加上水煮蛋，咬一口蛋黃流心好誇張好澎湃，再加上煎到香脆嘅煙肉，最後淋上酸酸尾尾嘅荷蘭醬，真係咬一口令人欲罷不能！肥妹仔估唔到原來港式嘅班尼迪克蛋原來係可以咁好食。奶茶紅豆冰 $10老闆好貼心話因為紅豆已經偏甜，會建議我哋奶茶揀微甜。紅豆煮得軟糯，奶茶好滑，係一杯好好飲嘅紅豆冰。脆爆奶茶 $10肥妹仔覺得今時今日響香港要做一間食肆已經難，做一間有良心嘅食肆更加困難，希望大家可以多啲嚟支持下呢一d 餐廳。佢好用心去製造食物，奈何佢嘅位置真係比較偏僻，要靠大家多多支持。
繼續閱讀
話說嗰日我cheat day, 同朋友去咗觀塘呢間用雞蛋做主題嘅良心餐廳🍳💛，啲嘢食都幾唔錯，價錢又親民，以後去觀塘食飯又多一個好去處😋佢個位置喺觀塘地鐵站D4出口一落天橋直行幾分鐘就到，不過個位置係工業大廈地下有少少隱蔽，加上見佢大廈外牆搭緊棚，不過細心D睇都唔難搵嘅。佢入面都幾寬敞，而且貫徹以雞蛋做主題所以成間店都係黃色，睇返餐單上嘢食都算幾多選擇，價錢唔算貴平均都係$50-$60一個set，我估因為開係工廈入邊，鋪租平啲所以成本都可以控制到嘅關係。🍳佢有好多款同蛋有關嘅餐點 我梗係唔執輸，點左一個我超想食嘅奄列流心蛋包飯（$68）佢就係嗰啲喺飯上面有個巨型奄列蛋一切開好似瀑布咁樣流心嘅嗰款蛋，雖然切落去果下唔係好似我平時見到人哋嗰啲即時好澎湃感，可能因為我影咗陣間相唔係即時切開，但係都做到少少流心嘅感覺㗎，配埋下面日式醬油炒飯，真係好有嗰種蛋包飯嘅風味呢！🍜另外我見到網上啲人話一定要食佢嘅沙嗲牛肉麵，我哋就點咗個牛魔王沙嗲麵（$60），佢係分別有滑牛，生牛肉同埋牛肉丸組成，牛肉夠滑夠嫩，沙嗲醬好得，沙嗲味濃偏甜，花生香味好夠，配埋公仔麵索晒啲沙嗲醬，所有嘅比例都啱啱好，成碗嘢好得好高分💛難怪網上啲人大推佢嘅沙嗲牛肉麵👍🥗我仲見到佢有雞肉椰菜花飯（$62）呢個真心估唔到，因為係一間普通嘅餐廳竟然會顧及到一啲減肥肥人士👍雖然嗰日我係chest day, 不過我都懶健康咁點左呢款椰菜花飯當食多啲菜😝佢係將啲椰菜花切粒唔係絞碎，比較大粒，可能我自己炒椰菜花飯炒得多，所以我覺得我炒得好味啲😝不過喺出面會有地方咁俾心機炒椰菜花飯，價錢又唔貴，我下次嚟到應該會再點😉另外我哋仲有幾款小食💁🏻♂️🧆秘汁炸雞（$28）有四件炸雞球，上面淋左一啲甜甜地嘅醬汁，外脆內嫩，唔錯👍🧆椒鹽豬扒（$30）同我想像中嘅椒鹽豬扒有啲出入，佢其實係炸豬扒上面放咗一啲秘製嘅醬，似係一啲麵豉醬再溝豆瓣醬，味道幾特別，不過唔係我開始預計嘅椒鹽豬扒😝.我都幾驚喜喺觀塘工業區入面有一間咁特別嘅主題餐廳，而且味道唔錯，性價比都幾高，下次我會再返去幫襯😋
繼續閱讀
您可能會有興趣的...