266
33
37
| 餐廳: | 蛇王芬 |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
港鐵香港站 E1 出口, 步行約6分鐘
繼續閱讀
電話號碼
35795954
開飯介紹
招牌菜是蛇羹，同時供應燉湯及小炒。
繼續閱讀
營業時間
今日營業
11:00 - 21:30
星期一至日
11:00 - 21:30
公眾假期
11:00 - 21:30
公眾假期前夕
11:00 - 21:30
以上資料只供參考, 請與餐廳確認詳情
有關獎賞計劃
招牌菜
食家推介
相關文章
約咗個舊同學食晏，專登揀嚟「蛇王芬」，依家天氣咁熱就梗唔喺諗住食蛇羹啦，目標喺佢啲燉湯，皆因佢啲燉湯都好有口碑架，所以，前嚟一試。「蛇王芬」喺中環屹立好多年，鋪面及環境一直無變，古雅嘅吊燈，大大細細嘅舊式木椅或圓櫈，喺老飯店嘅模樣。是日就全場都坐滿客人，聽落啲口音或對話應該有唔少喺遊客。佢哋嘅燉湯賣到$120一盅，但依家「燉湯套餐」俾多少少就多個飯，配碗上嘅燒味飯賣$150，配碟頭飯賣$170；而燉湯共有5款選擇，不過，數量有限，售完即止，據侍應講啲燉湯真喺頗都受歡迎。燉湯、雙拼燒味飯套餐 $150燉湯選咗蜜瓜瑤柱海竹燉響螺，原盅燉，自然保留所有精華，撈一撈，果然用料十足，絕無欺場，而入口醇和香濃，飲得出貨真價實，不愧喺招牌作。而燒味飯本來想食叉燒搭燒鵝，不過，叉燒已賣晒，所以，轉揀油雞燒鵝，油雞做得皮爽肉嫩，帶點豉油嘅香味甜，燒鵝亦有一手，外皮仍具香脆感，富油香。另外，阿姐推介我哋試另一款套餐「燕窩蛇湯海鮮節瓜盅套餐」，話喺四季都啱食，有春清、夏調、秋補、冬防之效，唔會好似食蛇羹咁燥底，餐牌反面更有詳細嘅介紹。除咗節瓜盅，仲配上一份炒飯及「公利」蔗汁（送完即止），目測所見，亦喺成為唔少客人嘅選擇。蛇湯節瓜盅、炒飯套餐 $188先講賣相，已經比一般燉湯套餐靚仔好多。先試試個湯，單睇外觀就知道用料慷慨，節瓜盅上面 有一大撮燕窩，仲有好多海鮮粒、蛇肉，湯頭清澈鮮香，仲放咗少少食用玫瑰花，滲出陣陣玫瑰花香；蝦肉爽口，蟹肉鮮甜，燕窩就唔講啦在，夠晒養顏。此外，個蛇王芬臘腸蟹肉蛋白炒飯亦炒得有一手，裏面混有好多料，口感豐富，再加上飯粒分明，入口清爽唔油，確實好食。公利蔗汁一向有口皆碑，只係嫌杯蔗汁太細杯唔夠喉。 所以話呢，就算唔食蛇，一樣有好多選擇，點兩個餐一齊嚟分甘同味，再者，啲燉湯確喺高質，而節瓜盅亦有亮點。
繼續閱讀
由冬天講到春天，終於俾我去到食蛇羹，專登揀左間有四代相傳，十分有名的食蛇飯店，中環的老字號 - 蛇王芬。入到去坐低，店員好熱情講解了食蛇不是傳統般易上火，其實四季亦可食用，流傳的易上火是由於外間的蛇店會配搭藥材去熬蛇湯羹底，蛇王芬的蛇羹並沒有沿用這做法製作，所以完全不怕會燥熱情況。店員亦詳細講解了食蛇的好處和提及他們有其他菜式亦為大熱養生之選。最後我和朋友點了一份太史蛇羹、一份燕窩蛇湯海鮮節瓜盅配招牌的蛇王芬臘腸蟹肉蛋白炒飯，還有一杯公利蔗汁太史蛇羹(碗)，蛇羹係呢間飯店既招牌菜之一，用蛇肉熬製而成的湯羹。蛇肉煮得十分軟嫩，加上其他的材料和調味料，濃而鮮美，令人一口接一口食得非常過癮。最令人印象深刻的是佢上面鋪有香茅草，令到整碗蛇羹更添美味。燕窩蛇湯海鮮節瓜盅，呢道菜口感非常豐富，裡面加入了燕窩和各種海鮮包括蟹肉，乾瑤柱，湯汁清甜，非常適合喜愛口味較清既朋友。海鮮節瓜盅的碗形非常獨特，下面會有蠟燭熱住個湯，食得耐啲都唔怕海鮮湯凍哂會有腥味。蛇王芬臘腸蟹肉蛋白炒飯，這道炒飯口感非常豐富，裡面加入了臘腸、蟹肉和蛋白和紫椰菜花，蠟腸香得黎唔會太油，米飯炒得香糯，每一口都非常有嚼勁。蛇王芬臘腸係飯店的招牌食材之一，佢既油香配合炒飯非常適合。除了之前提到的菜外，還點了養生點心，包括菊花蝦餃、太子參帶子餃和翡翠蘆筍餃。呢啲點心沿用了養生食材為主題，新派同傳統既結合，簡直係如虎添翼，令人對佢既點心更好奇。菊花蝦餃，用了新鮮的菊花和新鮮的蝦仁製作而成，口感鮮嫩，非常美味太子參帶子餃，主要食材是帶子和太子參。餃上面放了烏魚子，更添整隻餃既鮮味，太子參係一種具有補腎益精、滋陰潤燥的中藥材，能夠幫助調節身體機能，增強體質翡翠蘆筍餃，這款點心用了新鮮的蘆筍和其他蔬菜整成薄皮，口感清爽，營養豐富。蘆筍係一種高纖維、低卡路里的食品，能夠幫助促進腸道健康。最後是公利蔗汁，全天然冇添加，係一種非常健康既飲品，夏天飲非常解渴，係一個完美的結束overall 蛇王芬飯店既菜款非常多，除左有傳統蛇羹外，仲有好多fusion中菜，而且每一道菜都非常特別。如果你中意嘗試新式製法mix傳統食材，咁蛇王芬絕對係一個值得一試既餐廳
繼續閱讀
自從立秋後，入夜無之前咁熱嚕～最近起中環行街時發現有一間食蛇既傳統餐廳《蛇王芬》，呢間餐廳屹立在港已經八十三年，佢同其他食蛇鋪頭有少許分別，就係有燉湯飲❣️估唔到蛇、燉湯同炒湯係咁夾架😍小妹爸爸好愛飲湯，決定同爸爸嚟《蛇王芬》撐枱腳😊我哋兩個叫左一份「燕窩蛇湯·海鮮節瓜盅配蛇王芬臘腸蟹肉蛋白炒飯」、一份燉湯配碟頭飯系列及一碟清炒西蘭花，初初以為一人份量應該唔會大份啦，點知份量十足兩條友差啲食唔晒😂不過勝在湯又好飲、飯又好食🤤不知不覺就食晒✌🏻▫️ 燕窩蛇湯·海鮮節瓜盅紅色燉盅一路熱住碗湯，蛇湯湯料十足，有玫瑰花、薏米、蛇肉、節瓜、燕窩、蝦、蟹肉，爸爸好西利飲到無味精少鹽，係湯料既原味！有玫瑰花同燕窩養顏又補身🩷🩷▫️ 臘腸蟹肉蛋白炒飯掀開盅蓋，映入眼簾係色彩繽紛，有別一般蛋白炒飯，配料十足，臘腸、潤腸、蟹肉、蛋絲、紫椰菜絲、蔥花，重點係炒到粒粒飯香，連屹立在港六十年既爸爸都讚不絕口👍🏻👍🏻▫️無花果蜜棗豬肺湯燉湯套餐有四至五款特色盅湯揀，第一眼望到《蜜瓜瑤柱響螺湯》可惜賣晒🥺，跟住就揀左今季當造水果《無花果蜜棗豬肺湯》，爸爸話呢個湯坊間較為少有！又一碗足料靚湯😍😍 蜜棗，瘦肉，無花果、雲腿、豬肺、南北杏，香甜可口無味精！小妹飲第一啖已經覺得超好飲🥳🥳▫️銀芽肉絲炒麵本身想試跟燒味飯個餐，可惜只做下午三點前，於是乎試吓佢地啲碟頭飯啦。肉絲一啲都唔幼，好似肉片對切😆炒麵都好食，味道方面岩岩好！▫️清炒西蘭花🥦繼續行均衡營養路線～叫番碟菜食吓，西蘭花點整都咁好食😋平時成日聽人講「食蛇好燥喎」「秋冬最好食番碗蛇羹補一補」原來唔係咁樣架，係誤會嚟😮其實～蛇性味平，善行氣活絡，四季可用！即使日後想食蛇但又怕蛇羮既話，不妨嚟《蛇王芬》試吓☺️☺️
繼續閱讀
近來工作繁忙，有需要靠食療進補一吓，就嚟咗中環百年老店<蛇王芬>，一邊食一邊養生😛燕窩蛇湯海鮮節瓜盅套餐 ($188)套餐包含<燕窩蛇湯海鮮節瓜盅>同<蛇王芬臘腸蟹肉蛋白炒飯>兩味菜，另送<公利蔗汁>，可惜我哋幫襯當晚<公利蔗汁>送晒，無緣一試😖<燕窩蛇湯海鮮節瓜盅>蛇湯玫瑰花香同肉香非常突出，湯頭清澈，飲落令人好快暖身🥰 海鮮節瓜盅含有多款矝貴食材如燕窩、蟹肉、乾瑤柱、蝦肉等，口感層次非常豐富，滋陰營養值爆燈🤩 老闆娘向我哋介紹蛇湯嘅益處，同埋精選節瓜（全年收成，性質適合唔同體質食客食用）、玫瑰花（紓肝鬱）等入饌嘅心思，令我哋都十分讚嘆<蛇王芬>美食嘅保健價值🥺<蛇王芬臘腸蟹肉蛋白炒飯>好有鑊氣，配料份量毫不吝嗇，各散發獨有鮮美，飯粒分明唔油膩，美妙😍經典太史蛇羹 (每碗) ($140)蛇肉十彈牙，同市面其他蛇羹相比，<蛇王芬>嘅蛇羹肉香好濃，感覺沉實、偏鹹唔甜🍲 加上各樣配料如木耳絲、果皮，食落足料，味道天然😇西檸煎軟雞 ($140)傳統老店中菜總係有獨特吸引力，今次我哋食蛇肉之餘，再叫多味<西檸煎軟雞>拌本身都好多料嘅<蛇王芬臘腸蟹肉蛋白炒飯>食，真係好為食🤭雞肉炸得香口得嚟，內裏多汁肉嫩香甜😍 嘅香檸醬好清新，夾埋同係行 light 路線嘅<蛇王芬臘腸蟹肉蛋白炒飯>一齊食，完全冇食滯嘅問題😋<蛇王芬>堅持繁複的傳統手藝做出真材實料嘅美食👨🏻🍳 又與時並進配合香港都市人嘅需要揀選時令食材入饌🐍🫛🍈🥥🫚🧄🐓🐖🐂幫食客享受佳餚同時輕鬆補身，食得多，身體好👏🏻🙌🏻💪🏻🏋🏻
繼續閱讀
美國朋友主動話要食呢間，作為香港人傾，我都未試過呢一間老字號。裝修好有香港懷舊特色，感覺以前嘅酒樓就係咁樣嘅間隔。蜜瓜瑤柱燉螺頭(秋冬) ($120): 對於幾時要飲乜嘢湯，冇咗媽咪喺度我真係唔係好清楚，好彩佢哋餐牌上邊有寫住邊一種季節適合飲咩湯，方便可以適時進補。一上堂嘅時候，已經聞到好大浸嘅鹹香味，佢哋加咗豬肉同埋好多瑤柱，真係好足料，蜜瓜香甜潤喉，好耐冇飲過撳香濃嘅中式湯！金菇瑤柱扒豆腐($120): 呢樣係我揀嘅，有印象細個喺酒樓食過，但係好似近來都冇乜見過呢一款懷舊菜，香煎豆腐，配上金菇瑤柱芡汁，識落熱辣辣，最啱就係送白飯($20)! 菠蘿咕嚕肉($140): 呢個係我朋友嗌嘅，佢話喺美國食唔到正宗嘅咕嚕肉，所以每一次去到中式餐廳佢都必點。呢度嘅菠蘿用上新鮮菠蘿，而且咕嚕肉係冇骨嘅，每舊啖啖肉，炸皮唔會過厚全部啱啱好，酸甜度亦都適中！總結：而家去得多新派食肆，其實間唔中離婚懷舊香港老餐廳都唔錯，真係食得返兒時嘅味道，其實呢啲舖頭喺香港真係買少見少，趁而家佢哋仲捱得住嘅時候我哋就應該好好幫襯去支持吓啦。
繼續閱讀