3
3
0
港鐵堅尼地城站 B 出口, 步行約4分鐘 繼續閱讀
電話號碼
28166969
營業時間
今日營業
12:00 - 23:00
星期一至日
12:00 - 23:00
付款方式
現金
座位數目
4
以上資料只供參考, 請與餐廳確認詳情
食評 (9)
等級4 2023-04-24
543 瀏覽
作為香港人又點可以冇食過蛇羹,平日嘅生活範圍都唔會有,所以今日就特登過海食😛 (P.S. 原本想去嗰間蛇王海收咗爐🥲)因為唔太肚餓,所以只係嗌咗個細五蛇羹($52),姨姨即刻喺門面個大鐵煲𢳂比我,望落真係好似碗仔翅🤣用料方面都幾足,除咗底下滿滿嘅蛇肉,啖啖都食到冬菇絲同木耳絲👍🏻飲落比碗仔翅杰身啲,而且有浸中藥材味,反而冇咩特別嘅蛇味🤔枱頭仲有薄脆提供,咬起嚟有啲似粟米片,同蛇羹可以話係絕配!因為第一次食所以無得同其他餐廳比較,但個人覺得味道上偏淡,要加啲醋先夠味 繼續閱讀
(以上食評乃用戶個人意見 , 並不代表OpenRice之觀點。)
等級2 2022-10-30
549 瀏覽
環境西環遊車河剛剛見到有間蛇舖,唔似一般蛇舖,同時有燒臘同蛇羹,間鋪頭細細地,得3張細枱左右,但係牆上個架上面就擺左好多個玻璃瓶,有龜板,老鼠酒,蛇酒等等。品種餐牌其實都有好幾款野食,蛇羹,蛇湯,龜湯,糯米飯等。HKD52 一碗細蛇羹價錢唔算貴,所以入左去試試。食物質素配料可以任落,溫度夠熱,入口似雞湯味,比較稀,瘦肉比較多,蛇肉比較少,味道都叫OK的~ 聽鋪頭個疑似老闆娘講,蛇係印尼買過黎,至於咩蛇,講我都唔知,鋪頭只係開半年~ 繼續閱讀
(以上食評乃用戶個人意見 , 並不代表OpenRice之觀點。)
等級2 2022-10-08
394 瀏覽
同細個食到嘅味好相似!咁啱行過見到就試下,終於搵到一間好食我又鍾意。蛇肉都算多,雖然唔係話成碗都係蛇肉,總知嗰種味道係好吸引,唔識形容。我有食過其他鋪頭,好多都整到好似碗仔翅咁,落勁多野又重味精,有間米蓮蛇鋪又落當歸同其他藥材,重味到蓋過晒d蛇味。呢間蛇王球係我個人食過最接近細個(20年前)食過嘅味道。不過講返碗細蛇$52碗,份量唔太多,唔係成日食我覺得係值得嘅,會keep住食,希望呢間小店會長做有後生承傳落去,因為我見鋪頭好似得兩個老人家,唔想見到佢失傳,我仲想食多好多年。 繼續閱讀
(以上食評乃用戶個人意見 , 並不代表OpenRice之觀點。)
等級4 2022-04-22
333 瀏覽
下午4點,疫情之下,在堅尼地城的人並不多。剛剛行完山由山頂下來,突然間想吃蛇,記得堅尼地城有這一間,二話不說,整一碗蛇羹先。檸檬葉是新鮮切的。蛇羹不算太過 gamey. 一切都很有誠意。會再來的。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-12-20
434 瀏覽
冬天食蛇最啱,見到呢間新開嘅蛇王球好似唔錯而且仲係前牌捉蛇嗰個蛇王開嘅試咗佢嘅蛇羹套餐,有埋蛇汁雞飯啲雞好嫩滑,好入味,仲有幾條菜雖然個碗好細但係超多飯佢嘅蛇羹份量適中,有埋薄脆同埋檸檬葉可以俾你任加蛇羹啲餸份量啱啱好,蛇肉唔會好韌味道方面不過不失整體幾好,最鍾意係佢個蛇汁雞飯食完超飽有機會試埋佢個糯米飯 繼續閱讀
(以上食評乃用戶個人意見 , 並不代表OpenRice之觀點。)