32
3
1
港鐵銅鑼灣站 B 出口, 步行約2分鐘 繼續閱讀
電話號碼
23855211
營業時間
今日營業
11:00 - 23:00
星期一至日
11:00 - 23:00
付款方式
Visa Master AlipayHK 支付寶 現金 微信支付
其他資料
當面支付
食評 (41)
等級7 2021-12-27
1308 瀏覽
蛇羹是中國南方嘅獨特美食,但在絕大部份外國人眼中,食蛇(爬蟲類)卻是中國飲食文化中最噁心之一;即使中國人,也未必個個可以接受。蛇羹究竟源於何時何地,已經無從稽考;但使其發揚光大者,非清末廣東南海人江太史莫屬。由他的家廚所炮製的太史五蛇羹更成為之後美味蛇羹的代名詞。20世紀初,香港的商易及碼頭都集中在中上環一帶;由於貨運原因,早年的蛇舖也是在中上環開業。時至今日,百年老店例如「蛇王芬」、「蛇王林」仍然堅守中上環,只是舖址已經歷幾番搬遷。另一間老店「蛇王二」早年亦在上環開舖,30多40年前才遷至銅鑼灣黃金地段;自此生意蒸蒸日上,雖然店舖租金年年暴升,仍然無礙。豈料卻敵不過新冠肺炎疫情,在2020年4月光榮結業。以為香港的美食老店又少一間,原來店長靜悄悄起革命,於今年10月初捲土重來,並索性用自己名字開店。雖然店舖名字變了、老闆轉了,但幕後掌廚及部份老員工亦加盟新店,而且宣稱「食材不變 原汁原味」。趁着今晚天氣開始轉凍,儘管已經食飽飽,也決定去「蛇王熙」買兩碗外賣蛇羹回家品嚐。作為宣傳策略,由店舖招牌、以前門面大大將藝術化照片,皆有提及「蛇王二」。在商言商,無可厚非。難得「蛇王二」後人及商標註冊權持有人沒有異議。小店面積較「蛇王二」以前的波斯富街老店細了最少一半,門面沒有多餘空間設置燒臘枱,只能搬到去小店最內一角。堂食座位數目亦不夠20個,同以前密密麻麻有五、六十個座位的情況不可比擬。雖然空間有限,但招牌自家制鮮鴨潤腸及切肉臘腸,則仍然掛在牆上顯眼處,以吸引客人目光。餐牌同之前差不多一模一樣,除了招牌蛇羹,亦有多款燉湯、燒味飯及鮮鴨潤腸 / 臘腸飯。招牌花膠會蛇羹($75)大大碗,至於白菊花瓣、薄荷葉及薄脆三種蛇羹必備傳統配料就用一個小紙袋獨立袋起;有傳統風味之餘,捨棄透明小膠盒更加抵讚,迎合環保潮流。湯底鮮甜,充滿鮮雞及火腿濃郁味道,稀稠度亦剛剛好。老闆熙哥為了打響招牌,材料除了原有配方之外,更不惜工本加入花膠絲,但售價只較以前「蛇王二」貴幾蚊。花膠絲分量十足,但蛇肉份量就好似少了;雞肉及瘦肉絲亦熬煮太久,入口粗嚡,全靠美味湯底彌補。蛇羹味道較印象中的「蛇王二」年代退步了少少,希望只是因為店子剛剛開張兩個多月,仍然需要時間磨合廚房運作,過些時候質素會更好。今次買外賣,沒有機會品嚐馳名鮮鴨潤腸,到底味道有否改變?要下次幫襯堂食試過才知道了。 繼續閱讀
等級4 2022-04-01
61 瀏覽
在銅鑼灣 near times square , finally opened a snake soup place 🐍🐍🐍🍲藥材味幾濃 湯幾好飲 蛇肉唔算多 豬肉絲就好多 份量比較少 價錢小小貴 overall OK ✅ 繼續閱讀
(以上食評乃用戶個人意見 , 並不代表OpenRice之觀點。)
等級3 2022-02-26
156 瀏覽
朋友極力推介呢間既脆皮臘腸同潤腸,話一口咬落去 "卜"一聲,於是乎慕名而來!黎到就緊係叫佢個$118超人氣蛇羹套餐:花膠會蛇羹,臘味糯米飯,涼拌拍青瓜雲耳我揀左雙腸(臘腸同潤腸各半條)糯米飯,說好了的脆皮呢?點解人人都話會"卜"一聲,但我兩條乜聲都冇喎😅!糯米飯配有蝦米,花生,冬菇,蔥花。老老豆豆…糯米飯實屬一般。主角蛇羹…比一般蛇羹鋪矜貴,因為有花膠,同埋除左檸檬葉外,仲有白菊花。我"了"勻成碗蛇羹,想搵條粗壯d既蛇肉黎睇下都搵唔到,可能切到好幼好幼,食左唔知係蛇肉定瘦肉?其實成碗蛇羹,你會覺得佢唔似羹而係似湯,水汪汪,我食晒d料,最後剩碗水。成個套餐最出色既原來係涼拌拍青瓜雲耳😆,十分入味,好醒胃永遠隔離飯香,我偷望隔離檯個哥哥仔碗潤腸飯勁多潤腸,多到鋪滿成個碗,再望一望自己果碗好寒酸咁😛 繼續閱讀
(以上食評乃用戶個人意見 , 並不代表OpenRice之觀點。)
等級4 2022-02-16
152 瀏覽
“超人氣蛇羹套餐:花膠會蛇羹+臘味糯米飯+涼拌拍青瓜雲耳”($118)“燒味雙拼飯:蛇汁浸雞+燒腩仔”($60)雖然話秋風起三蛇肥,但宜家食蛇邊有分季節架😆次次經過時代廣場附近都見蛇王熙排哂隊咁上網睇睇先知原來前身係蛇王二新舖由蛇王二店長打理,保證食得返以前嘅味道😋趁住下晝時間人流少啲一於去試吓😛叫咗個超人氣蛇羹套餐🐍當中包咗花膠會蛇羹,脆皮潤腸飯/臘味糯米飯仲會配上涼拌拍青瓜雲耳蛇羹會加上白菊花,檸檬草同薄脆大大碗超足料,每啖都食到蛇肉,雞肉,花膠而且陳皮香氣回甘,好食到一啖接一啖🤤臘味糯米飯大大碗,有半條臘腸同潤腸潤腸食落超級濃味糯米飯乾身,配有蝦米,花生,冬菇,蔥花,夠香口😚另外仲叫咗個雙拼燒味飯揀咗蛇汁浸雞🐔加上燒腩仔🐷個飯上枱時嚇一嚇,因為超大碗😂蛇汁浸雞色水比較深,雖然味道同切雞其實分別不大但食落的確夠哂嫩滑😋燒腩仔皮脆,肉質一啲都唔乾柴☺️跟燒味飯仲會配例湯/飲品食完超級飽😆細食嘅朋友記得叫少飯🤣 繼續閱讀
(以上食評乃用戶個人意見 , 並不代表OpenRice之觀點。)
等級4 2022-01-19
228 瀏覽
天氣轉涼,很多人會想吃一碗蛇羹進補。由前蛇王二店長熙哥主理的蛇王熙,從臘味零售的小舖,到了今個秋天於波斯富街重新經營餐廳。名物蛇羹套餐包括花膠燉蛇羹、膶腸飯或臘味糯米飯,特別在蛇羹於燉煮時添加了花膠,在保暖的基礎下加入養顏效用,既溫暖亦滋補。下次定必要再來試試另一招牌燉湯,重溫以前喜愛的菜膽燉豬肺。 繼續閱讀
(以上食評乃用戶個人意見 , 並不代表OpenRice之觀點。)