蛇王品

約咗鄰居入元朗食晚飯，天氣勁凍，食飯之前搵個地方暖吓身。今次試吓食呢間，之前疫情冇得堂食，淨係買咗蛇包外賣今次就可以坐低食。因為仲有一個鐘頭後就食晚飯，所以嗌咗個A餐一個細蛇羹一個糯米飯同埋一碗蛇湯啲糯米飯淨係食咗啲花生同埋食咗啖飯，其實係幾軟糯又有嚼口，但係一陣間要食飯，所以決定都係打包個飯。啲花生都好鹹香脆口，唔會係淋晒嘅。個蛇羹蛇肉唔算多，建議都係加錢加大個蛇羹會開心好多。另外蛇湯飲落去冇乜藥材味，但係一出門口行咗5分鐘到就成身出汗，個湯都有啲料到，成個人暖番曬。…查看更多

成日話秋風起三蛇肥，但而家啲蛇都係養嘅，分別都唔大㗎喇一向都喺佐敦食開，自從執咗之後，都未搵到邊間啱食咁去開元朗經過就試吓，薄脆放枱面任落，但唔算香脆，檸檬草都係任落蛇羹:足料，好多蛇肉，好多梳，但個芡就怪怪地，不過不失蛇湯:濃味，好多藥材，應該係有當歸，可以問清楚老細有咩藥材，唔受得嘅就唔好叫佢有糯米飯嘅，都好多人叫，但我胃唔好，唔係好食得糯米，所以冇叫整體: 會試吓其他蛇舖，完全冇選擇嘅都可以再試嘅…查看更多

最近血氣虛弱好怕凍立即過嚟補下一人細蛇羹套餐好抵食$75就有細蛇羹，細蛇湯同糯米飯蛇羹好足料味道雖然冇蛇王協咁濃但清清地湯底都鮮甜蛇湯清清地好補氣糯米飯唔係生炒冇咁熱氣 而且好足料 好多臘腸同花生飯硬度到啱啱好食完個人暖笠笠溫馨提示：套餐建議呢叫店員一樣樣上菜因為蛇羹要多啲時間食如果唔係蛇湯同埋糯米飯就會凍哂唔好食店員好好 見我蛇羹仲要食好耐姐姐特別安排之後分開上個蛇湯同糯米飯比我熱辣辣食好有人情味嘅小店值得一讚…查看更多

前排天氣轉凍，決定要食返碗蛇羹暖暖身。之前都食過呢間，味道唔錯，料又足；決定再食返呢間😋見好多人都點套餐，但一碗蛇羹對我來說已經太足夠了，所以單點了一碗細蛇羹。蛇羹好足料，好多蛇肉加埋雞肉，仲有雲耳絲；口感非常豐富！可自行加入新鮮薄脆同檸檬葉絲，我就每次都會落少少薄脆喺面，快快脆咁食，咁就唔會淋哂😂檸檬葉絲絕對要落，真係將味道再昇華！再建議真係要快啲食同埋唔好攪拌太多，因為容易變稀，但整體味道係好味嘅！…查看更多

好多人去蛇鋪就會食蛇羹，糯米飯同埋飲蛇湯因為我對蛇不敢興趣，所以我入到去都只因為糯米飯。而今日喺元朗見到都唔少人入去食蛇羹，糯米飯，我見到人地食得咁滋味，就受不住了誘惑....入左去試佢既糯米飯.....黎到碗糯米飯好似唔太多花生同蔥，但就好大碗飯$32 其實我覺得好平，好抵食👍🏻👍🏻👍🏻其實佢咩都有分大細，頭先叫糯米飯嘅時候，無嗌到大定細，我見佢就拎個細碗諗住不糯米飯比我，我即時同佢講要大碗…查看更多

今日要食計劃咗好耐都食唔到嘅蛇羹，落雨又唔想行咁遠，所以近近地喺又新街呢間試下，因為佢鋪頭唔大，所以枱唔多，最多五枱，每枱頂盡坐五個人，所以我地要等抬。等咗10分鐘先入到去，坐得較擠迫，由於要返屋企食飯，所以我哋無叫套餐食，淨叫兩個大蛇羹食，兩碗大蛇羹可以分比四個人食，個蛇羹除蛇肉外，仲有木耳丶雞肉同冬姑，算係足料，當然仲有🍋葉同脆卜卜落，呢個係食蛇羹不可缺少嘅配料。佢亦有套餐提供，分蛇湯同埋龜湯套餐，亦係分大細嫁，如果怕等位，可以叫外賣，冬天食蛇羹真係會暖粒粒嫁提下各位，呢間蛇羮唔係一年四季都開嘅，夏天唔開嫁，會買其他嘢…查看更多

前排天氣凍凍地，經過又新街見到這蛇羹鋪坐滿人，八掛上前望望，原來有蛇羹套餐，$70有蛇羹，蛇湯及糯米飯三樣東西！就試一試啦～先來蛇湯，應該是蛇加藥材來煲，味道不會太怪，不說的話，就像普通藥材湯水再來蛇羹，蛇肉中夾雜了不少瘦肉，大大碗又多料，不過個人覺得味道略淡最後糯米飯，都好多料，不會過硬，但味道也略為淡總括來說$70有三樣東西是超抵食，其他蛇羹店一碗最少也$60以上，不過小店就當然會比較迫和吵，但如果再經過附近還是會再幫襯…查看更多

秋冬起三蛇肥，冬天點可以唔食蛇， 其實我也超愛蛇！行開元朗辦年貨，又見到蛇王品，又好想入去整番個蛇羹！ 食蛇羹又忍唔住叫番個套餐！啲字都幾秀麗。大套餐$88包一碗大蛇羹，一碗蛇湯同埋一個糯米飯，抵過散叫，我咁大食要叫大套餐先夠飽架！大蛇羹好足料，大大條蛇肉， 仲有好多薑絲木耳絲雞絲杞子。可自行加入新鮮薄脆同檸檬葉，我就每次都加好多脆卜卜，然後快手食。蛇湯好清甜！整多個臘味糯米飯， 糯米飯軟糯加上香蔥炸花生相當有咸香，臘味亦肥瘦相宜有油香。食蛇行氣活血嘅效果即時可見，食完呢餐立即覺得個人暖笠笠，感覺好溫暖呀！…查看更多