影片
營業時間
今日營業
17:00 - 02:00
星期一至日
17:00 - 02:00
以上資料只供參考, 請與餐廳確認詳情
蚊蚊豬係香港本地極具家庭式氣氛嘅火鍋放題代表，深受本地食客歡迎，特別適合一家大細或親朋戚友聚餐。蚊蚊豬主打無限時任食，而且收費親民，每人只需200-300蚊，就可以享用多種菜式，包括火鍋、烤魚、雞煲、刺身同埋海鮮拼盤，性價比極高。可以話同連鎖火鍋放題相比毫不遜色，甚至更有人情味。**海鮮拼盤與蒸氣火鍋**蚊蚊豬會按人頭送上蒸氣海鮮拼盤，每人可享蝦、蟹、鮑魚、生蠔同花甲仔等，並由職員協助控制蒸煮時間，確保每樣海鮮都鮮嫩可口。**前菜與小食選擇**前菜方面，蚊蚊豬提供近十款刺身，以及多種川味小食，如魚皮、木耳、皮蛋、青瓜等，選擇豐富。炸物新鮮熱辣，口感出色。**主食與火鍋湯底**主食可揀四川雞煲、四川烤魚或傳統火鍋，鴛鴦鍋更加係免費升級，無需額外加錢。季度限定湯底有雲南野菌鍋、田雞花甲鍋、沙嗲牛尾鍋，等大家隨時有新驚喜。**火鍋配料與肉類**火鍋配料豐富，主打牛肉有近十款，包括安格斯牛、封門柳、牛板腱等，每款都嫩滑多汁。此外，仲有雞肉、豬肉、多款海鮮、各類丸腸、炸物等，任君選擇。**甜品與飲品**甜品方面，蚊蚊豬提供本地出產的Da Dino杯裝雪糕，市面上至少30港元一杯，依度任食不嬲。飲品種類亦都繁多，包括啤酒，都係任飲不嬲，極具吸引力。**環境與服務**餐廳整體乾淨整潔，服務員態度親切，會細心為客人添加湯底或解答問題，營造出家庭式溫馨氛圍。雖然座位有時較擠迫，但氣氛熱鬧，非常適合各類聚會。
繼續閱讀
講到雞煲，「蚊蚊豬」絕對好食～用秘製醬汁炆煮，一上枱就聞到撲鼻香氣 ～雞件肉質嫩滑得嚟夠晒彈牙，連雞胸都唔會嚡口！醬汁濃郁帶微甜，麻辣度可以自己揀，覺得中辣最過癮～ 雞件吸盡醬汁精華！食完雞煲仲可以加湯打邊爐，建議留返啲醬汁做湯底，滾乜都特別惹味～ 晚市雞煲放題仲包埋安格斯牛、刺身等。牛肉有驚喜!! 幾款牛都好食，又有牛味又夠嫩，而且叫幾多比幾多，大大塊唔會孤寒👍🏻刺身都好新鮮，三文魚厚切👏🏻人均$300有找，仲無限時，無野挑剔👍🏻
繼續閱讀
平時食開連鎖集團嘅火鍋放題，但大家有冇試過家庭式嘅火鍋放題呢？😇 冇嘅話，就一定要嚟試蚊蚊豬。最吸引嘅地方係，佢做緊無限時任食，啱晒一家大細或者親朋戚友嚟聚會，想坐幾耐就坐幾耐😗 佢只係做緊200-300蚊一個人，而且食物一啲都唔馬虎！😎..首先佢會上一個海鮮拼盤，按人頭計算，每人會有一隻蝦🦐、半隻蟹🦀、一隻鮑魚、一隻生蠔🦪、同埋三隻花甲仔。佢會用蒸氣火鍋嘅方式去煮食，職員重會幫你睇住時間，咁就唔洗怕煮過龍。😝..前菜亦有多款選擇，包括近十款嘅刺身🍣，同埋多種川味小食，例如魚皮、木耳、皮蛋、同青瓜。..食完前菜，就到主食。有得揀四川雞煲、四川烤魚、或者就咁火鍋。鴛鴦鍋仲要係唔使額外加錢🫨 依家重有季度限定免費升級，有得揀雲南野菌鍋、田雞花甲鍋、同埋沙嗲牛尾鍋。打邊爐配料亦都十分豐富，主打嘅牛肉都有成十款咁多，包括安格斯牛，款款都好新鮮。仲重有雞肉、豬肉、多款海鮮、各類丸腸、多種炸物， 好多選擇🤓..最後當然唔少得嘅係，出邊至少三十蚊一杯嘅本港出產嘅 da dino 杯裝雪糕🍨，任食唔嬲😎🥳 野飲都包埋啤酒，都係任飲唔嬲🍺
繼續閱讀
200幾300蚊 唔覺得冇其他選擇掃app先知冇3文魚刺身 入座時冇一個職員講過咁就嗌左個雞煲同少少刺身真係食左幾舊雞煲同刺身都唔想食佢啲烤魚同再叫刺身11點冇3文魚 12點叫唐生菜又冇 早啲關門啦已經唔係坐低傾計 環境嘈到都唔想出聲問 啲牛厚到以為攞黎做燒肉
繼續閱讀
太子呢間餐廳開左七年，但次次無論咩時候行過都係人山人海，原來呢間餐廳好瘋狂，每人只需$2xx就可以無限時任飲任食，而且提早一日訂枱送海鮮堂蒸，趁今日收早就特登去試吓係咪真係咁抵食！坐低店員就會送上刺身拼盤，有三文魚、魷魚、甜蝦同貝類之後馬上安排第一輪海鮮堂蒸，有羔蟹、鮑魚、扇貝、蝦、青口同蠔第二輪原味香辣烤魚，餐廳用嘅係清江魚，大大條啖啖肉，食完已經有D飽到第三輪重慶麻辣雞煲上枱，份量非常多，原本食完雞煲仲可以轉個湯底打邊爐，但係我已經飽到頂唔順，所以將啲牛肉直接放落雞煲度一齊灼熟就食喇！最到幾飽都食埋雪糕先，好多口味選擇！
繼續閱讀