影片
港鐵恒安站 A 出口, 步行約12分鐘
繼續閱讀
開飯介紹
虹橋小館提供正宗上海菜，經典上海菜式樣樣齊全。餐廳推介菜式有湖南辣子雞、糖醋排骨、蒜泥白肉、鮮肉小籠包等，價錢相宜，款式多樣。
繼續閱讀
營業時間
星期一至日
11:30 - 16:30
18:00 - 23:00
以上資料只供參考, 請與餐廳確認詳情
眾香港人認識的馬鞍山，只有馬鞍山市中心一帶可以叫做時尚一點，商店吸引一點，值得流連一下同容易找到食得落肚的餐廳。後來，鳥溪沙站開了新商場，各屋邨商場又大翻新了，似乎是多姿多采了。再多了幾分姿的，就是 We Go Mall 的出現，彌補了錦泰一帶連一個中型商場都沒有的可憐。去年冬，仔仔在附近上完游泳班，我們就決定在這個說小不小，說大不大的商場找地方晚餐。我們被一個光頭佬的公仔吸引了，我們就一於試這一間感覺似上海菜的《虹橋小館》吧。執筆時，此《虹橋小館》已搬了到石門，並易名《光頭佬》，轉營為一間茶餐廳。當日，一家三口去吃，我們就點了一個二人套餐。奪餐有兩個小食，小食一號是唯一啱太太食的四喜烤麩。濃濃的醬烤麩，有著微微甜又有可口的豉醬味，作為餐前小吃，很好。太太以其伴飯吃，也是不錯。小食二號是花彫醉雞。雞皮同雞肉都好嫩滑，酒味濃香，令整個醉雞都很味美。兒子對此酒味有少少抗拒，所以這雞就是我一人享用的美食。套餐有兩碗宋嫂魚羹，此羹有魚肉片，有很香的魚味。不用加醋，直接吃入口反而更香口，感覺不錯。菠蘿咕嚕肉，是套餐中的唯一主菜。這兒的咕嚕肉大大件，做到一條一條的。而咕嚕汁就偏甜，好啱小朋友的口味。而且，錦泰這一帶比較多年輕家庭，我們也看得見餐廳內的食客，幾乎每一檯都有小朋友。所以，我覺得，這味道偏甜的咕嚕肉，是針對小朋友口味的。排骨粗炒麵，是很香港式的上海粗炒。味道濃厚，而且多油。雖然看似不太健康，但勝在味道夠濃香，我同阿仔都大大碗地吃清光。鮮肉小籠包，感覺是不過不失的滬式點心。皮不太薄，很合我的心意。而且咬入口，有豐富的湯汁流出。只是，餡的味道不夠解甜而已。最後，是一份跟餐的甜品，椰汁紅豆糕。紅豆似乎是硬了點，但糕夠椰香，也夠甜美。味道上，口感上 (除了紅豆)，都感覺不錯。這，可以說是 We go Mall 內比較平民而且又比較好食又夠人流的食肆了。可是，We go Mall 實在太難做生意。執筆時，此《虹橋小館》已經退場多個月。現在，那《光頭佬》公仔重新在石門的一間工廠飯堂的門外出現，該飯堂員工的制式依然寫上《虹橋小館》。《虹橋小館》在工商業區，改了做港式茶餐廳，繼續服務大家。
繼續閱讀
同女朋友去屋企附近食晏，因為汰弱留強，商場淨返一間上海餐廳。餐廳午市套餐星期一至日都有，除咗傳統上海粉麵飯之外仲有麻辣米線揀，而家仲免茶介免加一添。嫩雞煨麵($48)。清清地，唔會太咸。個麵好夠份量，有菜有雞肉，不過不失，未見驚喜。濃茄牛肉麵($58)。唔係淨係得pat茄汁，真係有蕃茄粒，好似有啲蔬菜咁健康啲。牛肉大大塊又淋又無筋，湯底唔會太鹹，下次可以再叫。鮮肉小籠包(+$18/兩件)。雖然個皮唔算非常薄，內餡充滿肉汁，加返唔少分。餐飲熱豆漿($0)。算夠豆味，如果減少少甜就更好。
繼續閱讀
紅油抽手 $42辣辣地，肉料少，皮度適中有瓜子都ok。蒸銀絲卷 $28練奶配食之選，夠軟既。練奶少左d，不過算啦。高湯火腿津白 $68湯底好咸，菜量少，應該2-3條到。蔥爆牛仔肉 $88牛仔肉比例唔多，蔥比較多。味道不過不失。白飯 $10，份量ok。服務超級差，非必要不會再光顧。我地說想要杯水。店員就搶走我正在倒茶的茶胡。她說那你地唔要茶嫁啦。我說要呀，但想要杯水。她說咁你地好難服待喎，她走開。我地當場o哂咀，同場另一位店員之後拿水給我地。
繼續閱讀
同朋友仔到we go mall玩，求其入一間餐廳食lunch。嘢食ok，小籠包有驚喜，皮薄有湯😋青瓜&粉皮都好鮮好開胃👍🏼而豆沙鍋餅最遜色，個皮又厚又硬，唔太啱我口味😅最開心可以係度吹埋蠟燭食自帶蛋糕，無額外收費，仲提供埋碟&叉🥳🥳🥳
繼續閱讀
今日湊左姨甥仔放playgroup, 等齊屋企人行去WeGo Mall lunch, 嘩勁大個吹氣跳彈床area呢. 之前食過兩間餐廳都唔錯, 今次試下li間先. 原來11點半到4點半都係午餐/下午茶menu, 抵食😋. 原本坐近落地玻璃圓枱, 點知枱面太易郁同好曬, 就轉左大卡位枱, 完全fit到5大1b.>🌶四川擔擔麵 (HKD38)有粒🌶辣椒, 真係勁辣🥵, 麵質好索湯底.>滑蛋叉燒飯 (HKD40)叉燒, 炒滑蛋蓋滿整碟飯, 芡汁好味.>雪菜肉絲炒年糕 (HKD58)年糕軟腍腍, 份量仲勁多添.>虹橋小館炒飯 (HKD58)店家signature炒飯, 有蝦肉, 雞肉, 雜菜粒, 炒得非常均勻, 味道豐富.>豆沙鍋餅4件 (HKD8)Mini豆沙鍋餅, 豆沙餡OK多.>蒜拍青瓜 (HKD8)大粒切青瓜, 香口蒜味.>涼拌粉皮 (HKD8)粉皮口感爽滑, 花生🥜撈得匀循.>鮮肉小籠包2件 (HKD18)多汁👍🏻.
繼續閱讀