152
2
1
港鐵天后站 A2 出口, 步行約2分鐘 繼續閱讀
電話號碼
28871028
營業時間
今日營業
12:00 - 23:00
星期一至日
12:00 - 23:00
付款方式
Visa Master AlipayHK 支付寶 現金 八達通
以上資料只供參考, 請與餐廳確認詳情
影片
相片
+1K
+9
食評 (159)
等級1 2024-06-01
117 瀏覽
失望失望失望🫠開頭見個環境唔錯打算去試試點知咁失望首先性價比低食物無選擇無得加減得一個套餐醬料都係得兩種刺身正常龍蝦偏細隻帶子係唯一好食嘅其他都一啖食完螺都係俾一粒你唔夠都無得加🤷🏻‍♀️🤷🏻‍♀️🤷🏻‍♀️個雞無味 醬料又無得個碟魚生豉油同個柚子醬配個無味蒸雞😵‍💫見到碟菜真係笑左幾條金菇一條山葵最後連個粥都勁淡味第一次食蒸海鮮最後個粥係無味真係有啲嬲最後個甜品食左一啖就唔想再食員工態度差👎🏻👎🏻👎🏻真係無下次 繼續閱讀
(以上食評乃用戶個人意見 , 並不代表OpenRice之觀點。)
等級2 2024-05-24
157 瀏覽
同朋友慶祝生日約左食蒸氣火鍋原本以為可以自己揀海鮮原來冇得揀 係一人一set 一開始既刺生幾好食象拔蚌、油甘魚、酒漬赤蝦都好出色半隻蒸龍蝦都好食不過有啲細麵豉剌身帶子好大粒 好好食原本吾鍾意飲麵鼓湯但蒸完之後帶子啲鮮味入晒去 好甜甜品可以揀士多啤梨或者伯爵茶蛋糕士多啤梨味超級好食另外其他嘢就有啲失望魚、丸、花螺、蔬菜都正常發揮 繼續閱讀
(以上食評乃用戶個人意見 , 並不代表OpenRice之觀點。)
等級2 2024-05-19
172 瀏覽
慶祝生日想食好少少,所以去試試天后的蒸氣鍋,餐廳不是很大,但坐得舒服,仲要全程有店員服務你,不用自己動手❤️❤️大家記得要預約😊餐廳有2個選擇,$888 (需預訂)及$598 套餐 [per head];因為唔知道$888套餐要預訂😔,所以揀$598包括- 餐前小食- 刺身頭盤(花龍蝦、象拔蚌、油甘魚、北海道帶子、銀鱈魚、酒漬赤蝦、北寄貝)- 法國藍龍蝦(每位半隻)- 蘇格蘭刺身帶子(海草配西京麵豉)- 時令海螺、一夜干石特魚、山椒醬油配白鱔- 手打鮮製蝦滑、手打鮮製墨魚滑- 時令海蝦、蒸原隻生蠔- 日式京葱醬油配本地地雞- 櫻花蝦芝士烏冬- 新鮮野菜盛合- 日式雜炊- 日式甜品成個套餐性格比極高,所有材料都貨真價實,以下點評最愛:🔹刺身頭盤: 所有刺身都好新鮮,特別係龍蝦刺身及象拔蚌爽口彈牙;帶子及赤蝦鮮甜美味😋好想再encore🔹法國藍龍蝦🦞:職員蒸得剛剛,令龍蝦肉好容易整條挑離殼;龍蝦十分新鮮、甜、爽口、彈牙及juicy;一點調味都不需要😋🔹蘇格蘭刺身帶子(海草配西京麵豉): 大大粒嘅帶子浸落海草同西京麵豉湯,湯嘅鹹鮮完全沒蓋過帶子的鮮味,而湯又可以吸收帶子鮮味,是一個兩全其美嘅配搭👍🏻🔹手打鮮製蝦滑、手打鮮製墨魚滑:極鮮及真材實料!食得出係店員每日新鮮手打,而蝦及墨魚味極濃😏🔹日本雜炊:店員放左龍蝦頭及殼去煲呢個粥,加上吸收哂蒸海鮮時嘅精華,簡直令人回味無窮😋😋要食多2碗,同時令自己完全忘記拍抵佢🥲 繼續閱讀
(以上食評乃用戶個人意見 , 並不代表OpenRice之觀點。)
等級3 2024-05-12
185 瀏覽
平時慶祝都係食西餐多🤔Fd子生日都想試下啲新菜式😝見到有人介紹呢間日式海鮮蒸鍋Fd子都表示流哂口水🤤即刻book位先😚餐廳環境好好,落地大玻璃坐得好舒服座位唔算好多,好彩早啲book可以坐窗邊🤓港式蒸氣海鮮聽得多,咁日式究竟係點架呢❓❣️法國藍龍蝦海鮮蒸氣刺身套餐($598/1) 聽個名都知霸氣🥹首先一上就係刺身拼盤有齊花龍蝦刺身、象拔蚌刺身、油甘魚、北海道帶子、銀鱈魚北寄貝同酒漬赤蝦😍😍一餐可以試齊龍蝦同象拔蚌刺身😱真係好奢侈🥹龍蝦同象拔蚌都好鮮甜‼️🥹其他魚類新鮮😁銀鱈魚刺身第一次食😂冇咩腥味值得一提係個酒漬赤蝦🥹超超超好食‼️醃得勁入味‼️蝦勁彈牙起膠😻最愛呢一味🫶職員會建議大家由淡味食起~❣️法國藍龍蝦(每位半隻)藍龍蝦唔同平時啲波士頓龍蝦咁易食到,全程店員幫你mon住蒸幾耐,唔怕過熟/過生蒸完超多蛋白質😋成條肉起出嚟勁鮮甜彈牙😭😭仲有蟹鉗都好大隻,新鮮嘅海鮮就係唔使太多調味都好出色🫶❣️蘇格蘭刺身帶子未見過咁大粒帶子😱‼️起碼咬左5啖先食完😂下面有海草同西京麵豉湯,兩樣都吸收哂帶子鮮味🥹好好味好好飲🥹🥹呢道菜我超鐘意😘❣️時令海蝦/原隻蒸生蠔海蝦彈牙超大隻‼️蒸生蠔鮮甜完全冇腥味😙仲要豉油都唔使點😜❣️一夜干石特魚、手打蝦滑、墨魚滑、海螺、山椒醬油配白鱔一堆海鮮一齊蒸🤣全部都好食🤍雖然佢份量好似每人少少但其實食食下都飽左7成😇❣️日式京蔥醬油配本地地雞雞件用醬油醃過好入味~雖然單食有少少咸但係雞肉蒸得好嫩滑🫣 有少少喜出望外☺️❣️野菜盛盒❣️櫻花蝦芝士烏冬篇幅有限冇特別影相,有菇、秋葵同沙葛櫻花蝦烏冬好多芝士好香濃,份量啱啱好唔會太膩👍🏻❣️日式海鮮雜炊呢個真係超正😭😭一開始就放左啲粥同埋龍蝦頭喺鍋底一路蒸啲海鮮精華一路滴落去🤤最後店員會刮埋龍蝦頭嘅膏落煲粥度🫨最後就集會哂所有精華了🥹❤️‍🔥好好味呀嗚嗚嗚🥹❣️甜品 - 雪糕蛋糕生日為免費寫碟的😇同fd子叫左士多啤梨同伯爵茶味各一😉口感真係似雪糕🍦又大件☺️好滿足好完美嘅一餐😝全部店員會幫你睇住時間,完全唔使理蒸左幾耐喺呢個豬扒同意粉都要$300蚊一碟嘅時代,食下呢啲高質海鮮都幾開心😙如果仲未食母親節飯帶阿媽嚟一定好開心🤣🤣又健康又好食😚 繼續閱讀
(以上食評乃用戶個人意見 , 並不代表OpenRice之觀點。)
這間位於天后新開的日式蒸氣海鮮店,裝潢雅緻,座位寬落,最近推出的海鮮蒸氣刺身套餐,性價比超高,$500幾蚊有齊龍蝦、鮑魚、扇貝、刺身等多款貴價海鮮,最重要是款款海鮮夠新鮮,極受食客歡迎,難怪經常高朋滿座。海鮮蒸氣刺身套餐 $588今日與同行好友一同來試,共4人享用。/時令海蝦海蝦好大隻,新鮮爽彈。/扇貝扇貝味道超鮮甜,好厚身又大隻,約有12cm,以海草配西京麵豉烹調,特別惹味。/櫻花蝦芝士烏冬烏冬加上櫻花蝦及芝士,經過蒸熱,即成拉絲效果。/牛肉福袋&墨魚滑腐皮福袋裡面包住牛肉好精緻,墨魚滑新鮮彈牙。/一夜干石特魚/日式雜炊最後吸收了整晚海鮮精華的日式雜炊,配埋龍蝦頭、龍蝦膏丶龍蝦肉熬了成晩,啖啖精華所在,加埋雞蛋入口更滑身。/甜品士多啤梨芝士蛋糕,夠滿足女人的甜品胃。-虎嘯日式蒸氣海鮮刺身專門店--地址: 天后電氣道54號亨環天后5樓- 繼續閱讀
(以上食評乃用戶個人意見 , 並不代表OpenRice之觀點。)