蘭苑饎館

唔係陪朋友黎食龜苓糕，行街唔會行到呢個位。隱身太子街角的蘭苑饎館，二十年來以養生聞名，近期推出的古法糕點都幾得意。今次試埋菊花馬蹄糕與開心果糕。 晶瑩剔透的菊花馬蹄糕，以杭菊熬煮成凝凍基底，馬蹄粒如繁星鑲嵌其中。入口先綻放清雅菊香，繼而迸發馬蹄脆爽多汁。更令人稱奇的是開心果糕，墨綠玉色透著堅果油光，採用伊朗開心果研磨成漿，濃郁果香在椰香襯托下層次分明，軟糯彈牙的質地顛覆對中式糕點的想像。 店內木雕窗櫺映著老香港風情，點心師傅堅持每日現做限量供應。建議午後造訪，易搵位。…查看更多

講到呢間被米芝蓮金錢龜膠耽誤嘅牛肉麵糖水鋪，真係唔可以只記住佢嘅金錢龜，牛腩麵先係隱世王者。牛腩炆得夠入味，每塊肉都吸晒湯底精華，入口即溶之餘，仲保留到少少牛筋嘅煙韌感，食落層次分明，好有口感。 然後要大推嘅, 係出奇制勝嘅開心果糊—入口唔會太甜，反而係帶點果仁本身嘅天然油香。唯一美中不足係, 如果再加啲碎果仁做口感層次，就完美了。不過即使無加，質地已經夠綿密滑順，暖胃又有飽肚感。食完唔捨得走？記得拎多幾件佢哋自家整嘅糕點返屋企孝敬屋企人。如果配茶食，真係會覺得人生可以咁簡單又咁幸福。…查看更多

作為打卡食品及餐廳，令人滿意。打卡開心果甜品，顏色夠綠。懷舊既環境也不錯。午餐後甜品：1）開心果糊，第一啖，有開心果味，正，食多幾啖，就只得甜味，濃味D開心果味會好d😊😊兩個人可以share 一碗，淡嚐。2）迷你開心果糕，$22，味道比開心果糊淡，所以要食先，清新Q 彈👍🏼👍🏼👍🏼…查看更多

耐唔耐都會幫襯，麵食，糖水、麵食，甚至龜苓膏，到佢啲過節糕點，全部試過晒。疫情前，有做好多精緻晚飯菜餚，好欣賞呢間小店。醒店家處理，已經上咗年紀，只提供有限度菜式，但係每一道菜都堅持水準。如果各位淨係對開心果糊有興趣，你注定損失好多。因為我成日去食，所以唔係影好多相，但係信我，呢間嘢，掂 ！…查看更多

一入到去發現呢間餐廳 原來攞咗幾年米芝蓮 但係2020年之後就冇繼續攞到獎 內裏裝修 比較老派 但乾淨衛生 員工都有笑容 員工年紀都係上咗 50以上 帶咗阿媽黎試 我阿媽點咗杏仁糊 點知發現有一陣燶味 問咗佢哋員工 佢哋話佢哋嘅杏仁係炒過 同埋比較濃 所以會有呢種感覺 咁所以我都唔識點樣點評呢個杏仁糊 我就叫咗開心果 味道十分濃鬱 唔會死甜 開心果味好濃鬱 十分推薦開心果係用嚟自伊朗 成本 質量被美國貨更加高 雖然唔係意大利貨 要喺成本同埋質量攞個平衡 有機會都想去去荃灣分店試下…查看更多

連續多年米芝蓮⛄️推介嘅太子老店開心果糊 $44餐牌寫明用伊朗🇮🇷嘅開心果偏向淡身啲，唔太甜隻味唔會好假不過如果開心果味濃啲會好啲🤔開心果糕 $22 口感Q彈👩🏼‍🍳都係偏向淡身啲🧐一食落口唔太食到個開心果味要食多幾啖，先食到總結：都算係幾特別👻嘅中式糖水舖，好少見有店舖🏡有開心果糊雖然開心果味道偏淡，但有時想食🫦吓糖水，又唔想食太甜嘅嘢，過吓口癮👅，都唔錯嘅🫶🏻😆好味程度： 8/10回頭度：8/10…查看更多

最近開心果熱潮席捲全港，就連月餅都加入戰團🤣無論是舊式餅店還是主流麵飽鋪都有出咗多種產品，例如撻、蛋糕、燒餅到格仔餅都有😍不過講到最老牌就當然係位於太子既蘭苑僖館，最出名就係佢地開心果糊😆 餐廳門面已經好有歷史氣息🛖平時主力賣粉麵同糖水，晚上8點就收工，第一次黎以為係普通糖水鋪都開到好夜為，食完晚餐過黎摸咗門釘🐒 今次下午過黎人流唔多，即刻點咗碗深綠色既開心果糊🟢盛惠$44，夏天流流當然係食凍既，上到黎見到相當杰身，差點呈半固態，有點似開心果糕😋入口味道濃而不烈幾香口，甜味自然得黎唔會粘住喉嚨，份量都幾足有點飽肚感，有機會可以試下買開心果糕同屋企人分享😃…查看更多

同屋企人喺旺角行完街食完飯， 想食甜野， 阿姨就帶咗我哋去呢間咁傳統嘅糖水舖。 呢間餐廳裝修好有香港復古味道， 好有情懷。 蘭苑喜館主打龜苓膠同傳統中式糖水。 由於 龜苓膠太補， 我哋就揀咗唔同嘅中式糖水。 呢間舖頭竟然有最近好hit嘅開心果糊， 我第一時間就要order， 其他家人就叫咗芝麻糊，銀杏甜湯。 其中，伊朗出品開心果糊- 好驚喜， 因為香港好少有。 個樣青bb， 有淡淡嘅開心果味， 唔係好甜。 另外屋企人嘅糖水， 都好滋潤。 最後我哋仲買咗開心果膏返屋企，質素唔錯！…查看更多

地點位於太子,太子站步行兩分鐘🚶🏻‍♀️開業接近40年,曾經連續多年獲得米芝蓮推介,老子號中色糖水店～蘭苑饎館近排開心果關注組介紹店舖開心果糊被受關注,專程試下個開心果糊使用伊朗開心果製作🤩🤩所以顏色比平時普遍見到既開心果為深色💚💚 開心果糊開心果味好淡唔出,完全無開心果碎粒粒Nut質地好濃厚,口感幼滑唔太甜,甜度適中特別雖特別,但可一不可再✖️唔明點解甘多人大推開心果糊可能顏色吸睛又特別只可以講出色拎到米芝蓮唔會係因為開心果糊…查看更多

行經太子醒起前排好多人講呢間開心果嘅中式甜品，所以就入去試下。舖頭裝修十分傳統，但整體闊落舒服，牆身貼滿報道、獎牌同餐牌食材。我地一心黎食開心果甜品，所叫叫晒開心果糕同開心果糊，另外再試埋個菊花馬蹄糕。菊花馬蹄糕，開心果糕糕款會倒落碟上面再一開四，方便share黎食。糕嘅質地好’動L’，好彈。菊花馬蹄糕好清香，對比新年食果啲馬蹄糕，多咗一份後勁淡淡嘅菊花香，糕入面有幾粒馬蹄，但略嫌少咗啲，個人比較鍾意有多少少馬蹄碎會有多啲口感。另外開心果糕幾濃開心果味，甜度適中，覺得比開心果糊更好食。每啖都似食到好多開心果磨成漿咁，但因為佢純粹得個糕，冇其他果仁碎，所以食落單一咗啲。開心果糊舖頭寫明開心果糊係用伊朗嘅開心果出品，唔知係咪因為咁，所以定價都好進取。上到枱先知原來係熱嘅，出晒煙。隻色同開心果糕一樣咁綠，質地就好杰，攪起身仲杰過平時啲芝麻糊。食落第一啖冇乜味，要食多幾啖先有淡淡嘅開心果味，整體唔太甜，亦冇啲好假嘅開心果味，但食到一半就開始有啲好似攪唔勻而出現嘅粉粒，食到最低因為已經凍咗，由原本嘅糊變到稀咗。個人黎講，如果想食開心果甜品止下癮，可以選擇開心果糕，價錢合理啲，味道亦都濃啲，開心果糊就真係唔建議食(44蚊一碗，我寧願食2個開心果糕)。而糕嘅size雖然唔算大，但少食多滋味，夏天入黎坐下食兩件糕其實唔錯。我見餐牌都仲有其他中式糖水、貴價啲嘅補品、粉麵同主食。…查看更多

可以不妨一試，但定價有點高，所以試一次就夠了。值得慶幸的是，這是一間不用排隊的米芝蓮店舖。🚇交通：近太子站 A 出口，在2 Soon Cafe旁邊。🏠環境：室內面積不大，裝潢重木系色彩，裝飾充滿中國古樸、典雅的風格。傳統的深色系木圓枱，牆身貼滿米芝蓮獎牌、報紙和餐牌，廚房在後方。🤵🏻服務：人手下單，不收取加一，只收現金，這可以會帶來少許不便。🥣糖水：主打中式糖水，其招牌是開心果糊。開心果糊 $44採用伊朗出品開心果，開心果味較清淡，勝在質感細滑，濃稠感來自打茨，未算是真才實料，🤭勝在用糖份量較少，味道偏向天然，整體正常，不算出色。蓮子合桃露 $45這是三個之中較為出色，有濃稠感，合桃味道也濃郁，蓮子不多，整體不錯。芝麻糊 $37濃稠感低，味道不算得上濃郁，比不上北角的福元湯圓，可以不用點。…查看更多

今日新年前過嚟花墟買花 重回舊地 以前在這裏附近返工的時候差不多個個星期都過嚟食店舖的裝潢和傢俬還是老樣子這些是以前飲食雜誌的剪報因為新年了店舖做了好多蘿蔔糕芋頭糕等客人過來取還記得他的蒸餸麵食煲仔菜樣樣都係好好食的，仲有他的足料老火靚湯 好懷念不過現在只剩下這幾款了南乳豬手麵湯底好濃味 豬手好淋好多肉 每一啖都充滿住膠質黏實個嘴 真材實料其他食客都是專程過來食龜苓膏的這裏的龜苓膏一點都不便宜很多都是過佰的他們都異口同聲說吃了很多年下次可以一試…查看更多

係我男友介紹來食的，一直好想試，因為聽講同其他傳統糖水舖唔同，有多好多特色糖水（應該話主要都係開心果糕同開心果糊🤣）開心果糊好濃厚好細密，啖啖入口都好香。而估開心果糕就好結實，唔會好重味，又唔會好甜，食糖水但唔甜先係最高境界呀麻😂。（不過同行既朋友就唔太喜歡個開心果味，覺得好似油油地既感覺，所以口味因人而異啦）我地都仲有試其他既糕點，分別有馬豆糕、紅豆糕、芝麻糕，都係正常發揮，冇太大特別，不過街上仲有賣糕點既都係賣少見少，可以一試的。…查看更多

本來想食開心果糊但怕太飽所以冇叫到🤣 應該下次阿b未出世前去食埋。之前食過佢地既馬蹄露，十分清爽，傳統糖水係我既favourite，特別係你想暖胃時，熱辣辣既糖水係first choice! 今次叫左個木瓜燉雪耳，完全是家的風味，冇咩fancy野，清潤又唔會太甜。我略嫌佢既雪耳煲得唔夠林唔起膠，希望下次黎試類似既野時會有驚喜。有樣野我係幾鍾意既就係佢既舊式settting，因為依家好少甜品舖係呢種裝修了。冇刻意去營造懷舊feel但feel nostalgic, 呢種就係舊香港情懷。…查看更多

話說幾年前開始突然好興開心果甜品，呢間舖係2年前突然好多人讚佢個開心果糊好好食咁啱好近當年嗰間公司，於是即刻去咗試買完外賣喺車即食，發現佢難食到一個點，絕對有理由相信讚佢好食嘅人係唔識食嘅太鍾意食甜品嘅我仲叫咗個紅豆糕，應該係我食過最唔好食嘅紅豆糕（食過最好食嘅係朋友整嘅）鬼口水咁嘅開心果糊除咗佢個名之外，我食唔出佢點解會係開心果糊又杰又無味，綠色係色素？深色到完全唔自然無果仁味、唔香紅豆糕睇樣好正常😓係得個樣，偏實少少紅豆煮唔透，硬到好似生豆咁完整一粒畢到上黎比大家睇🤣就⋯無乜必要都唔需要去試🥲…查看更多