6
5
0
以上資料只供參考, 請與餐廳確認詳情
砵仔糕由細食到大😍, 但呢間大澳蘭姐砵仔糕就同傳統有少少唔唔同, 因為有好多味道, 仲鴛鴦味道添!🥢有最傳統既紅豆砵仔糕, 又有芝麻蔴砵仔糕, 有綠豆砵仔糕, 鴛鴦味道就係呢三種互撘上下兩層咁!! 試左芝蔴+紅豆鴛鴦砵仔糕, 芝蔴味好濃好香, 配上傳統味道又唔太甜, 感覺幾特別!另外綠豆砵仔糕就比較清香清爽, 而且綠豆好多, 好飽肚呢!店家都有啲飲品, 買左紫貝天葵, 價錢比其他店平, 味道較酸, 唔錯!地址 : 蘭姐砵仔糕大澳石仔埗街A段12號地下評分 :7/10
繼續閱讀
行山前繼續掃街...話說一大雞蛋仔又點可以滿足人類嘅慾望丫見到蘭姐砵仔糕檔口堆滿人等買砵仔糕，有啲人甚至唔係買一個半個，而係買夠幾個拎走，心諗呢度一定係隱世小店必食推介啦！我就同男朋友一人一個買咗兩款味道黎試，由於佢嘅黑芝麻味原來係有混和啲花生碎係裡面，對於有花生敏感嘅我就冇得試啦，所以我就叫咗個原味嘅紅豆砵仔糕。一拎上手見到真係堆滿好多紅豆，每一粒都好似我喺日本見到嗰啲金時咁，咬落去豆嘅口感係有啲過硬嘅，都唔知係煲得未夠淋定係隻紅豆本身嘅質地問題，黃糖部份都還好，唔會太甜，但口感上就略嫌唔夠煙靱🤔男朋友就話佢個黑芝麻都幾香，芝麻同花生本身都各自有其獨特嘅香味，兩者混和之後又別有一番感覺，都夾得唔錯下次去開大澳，如果個肚仲有quota都一試冇妨嫁
繼續閱讀
依家好食既砵仔糕已經吾易搵，好多都落粉落多而口感實的的，紅荳份量又少，完全吾好食深水埗兩間所謂老字號已經大不如前。今日去大澳四處逛逛，一入去開頭已經見到呢檔蘭姐砵仔糕，不過怕砵仔糕易飽肚，而我又想食其他大澳小食，所以就等回程肚子有位先食或者買回家食也可。回程準備去搭巴士，再經過蘭姐砵仔糕，見到有位女仕買好幾個即食之後又再買幾個拎走咁堅！即刻衝埋去買個原味紅荳即食！好好味呀！係兒時味道仲要好多好多紅荳！口感一d都吾會死實實、而且甜味適中超正下次要試埋其他口味
繼續閱讀
呢度的砵仔糕有很多花款, 有黃糖味的紅豆, 芝麻味的花生, 椰汁味的綠豆, 還可以鴛鴦. 黃糖味的紅豆, 紅豆硬硬的很有咬勁, 個砵仔糕本身也偏硬, 食呢個需要點咬勁, 紅豆味道不突出反而被個糕的甜味蓋住.芝麻味的花生, 花生脆脆的加上少許芝麻粒的口感很特別很香, 個糕軟軟的很易入口, 芝麻味濃而且好味, 口會黑晒最好食完飲水.椰汁味的綠豆, 呢個最好食, 綠豆硬度中等, 椰汁味香而濃, 很配綠豆. 鴛鴦是把紅豆綠豆混在一起, 口感複雜特別, 值得一試.
繼續閱讀
之前在網絡上看到好多食評 覺得不錯這次特別看了地圖 決定去找找看本身以為要走很遠的一條路也不知道當天有沒有開的攤子現在竟然只停在小食店旁 真好耶!!!我買了最愛吃的《黃糖味》上面有一粒粒蠻大顆的紅豆粒只是煮不夠綿 硬硬的 好像有點怪砵仔糕本身口感過軟 一點都不彈牙而且有一點黏牙的 很普通!!!另外買了《黑芝麻味》試試看吃下去之後可以感覺到它是用黑芝麻粉做的因為咀巴裡吃到粉粉的感覺 不夠滑重點是黑芝麻味又不夠濃 失望!!!
繼續閱讀