蘑界野生菌石鍋雞

今日俾多次機會魔戒，用咗現金券$300 ，去到先知原來唔可以同任何優惠同埋套餐一齊用，所以一定要散嗌 咁就會貴午市套餐好抵食㗎既然要散嗌坐低就有個食物土雞鍋要等佢滾一陣，今次又頭，第一次試係比較爽口，不過正價要$88一份 由於侍應太琴費已經上咗，冇影到相哈哈 不過細細份唔係好多都貴㗎，始終食呢啲名貴菇菌類都好貴都係由西瓜同桔，好甜不過今次冇食佢啲涼菜，因為好辣又鹹 肚餓嗌咗個現成嘅滷水金錢肚，冇得走辣一定要食辣的 質素麻麻地，因為偏硬 同埋想枱好細份之前好似大份少少同埋底下墊咗三件好大嘅蓮藕所以牛肚份量又更少喇🤣估唔到蓮藕咁粉咁好味 好味過主菜🤣🤣 $98.5隻新鮮蝦，好好味 個頭苦苦地，但係我好鍾意嗰啲汁 質素好encore 雞嘅都係連骨嘅多肉好好多，成餐有侍應哥哥招呼，呢個侍應叫做家熙，服務態度又友善又唔怕麻煩，而且教晒時間招呼得好好完全唔同上次咁， 果然有認真改善啊佢哋呢個男士認真係服務一流，做嘢又叻同埋同佢講嘢醒目好多，有啲後生啲嘅女侍應好似冇咁容易明白 所以有時都係搵返熙待應手打檸檬茶走甜就要口同佢講好大杯佢老人頭菌就係爽脆口感幾特別嘅蝦丸都幾真材實料幾好味， $58都可以試整體而言環境同質素都唔錯👍今次又唔趕時間會好啲，不過趕時間真係唔好打邊爐，尤其是嗌大鍋share🤣🤣遇上教師節（我都唔知咩嚟。）仲有禮物收。🤣🤣本身諗住又係嗰啲膠花就唔要，原來入面有三個多汁鮮甜嘅水蜜桃超正…查看更多

餐廳主打菇菌+雞鍋，喺香港算幾特別。佢的野菌雞鍋較出名，而素食者就可以單點素鍋。餐廳平日有午市優惠，喺Openrice可以平少少買到3款套餐（肉/海鮮），而單點食物就有88折（唔適用於鍋底）。午市冇加一而且供應時間長（1230-1600），2小時用餐時間，冇客就可以繼續坐，計落午餐比晚餐抵食好多。同朋友即場買咗1張套餐券，再單點野生菌養生鍋、刺身金耳菌、芥辣紅乳菌同板藍根青菜。2個人有2個鍋，1大1細，加上可以到自助區拎醃菜同生果（各2款），好夠食。鹽醃海帶莖：自助前菜；似韓式醃菜，唔辣，味道略鹹，海帶莖滑身帶𡁻口，好食醃蘿蔔：自助前菜；蘿蔔爽脆，有辣勁，開胃刺身金耳菌：$68；幾乎個個寫評價的人都點，聽落好似幾特別；賣相先聲奪人，冰鎮，青檸片同金耳菌間隔排列，旁邊放切半的小青桔，應該係俾客人唧啲青桔汁配搭享用，亦有日式醬油同wasabi；主角係金耳菌，佢的質地同味道激似蒟蒻，雖然適合扮魚生，但本身冇味，唔點醬油同wasabi就味如嚼臘；試過以青桔汁拌食，味道好酸、好怪；建議大家唔好點呢個前菜芥辣紅乳菌：$58；呢個前菜/小食同樣係食質感，但佢特別啲；上檯時，第一個反應係：「做乜俾碟未熟的豬膶我？」無論颜色同質感，佢都好似生豬膶，瘀紅色又滑潺潺，朋友試咗少少經已投降，接受唔到呢個紅乳菌的口感，而我就覺得佢好特別，撈咗芥辣好惹味；值得一試野生菌養生鍋：湯料足，有大量雜菌同竹笙，仲有紅棗，感覺滋補；用一個非遺墨脫石鍋上檯，個鍋份量十足，但已撞崩少少，而且鍋唔深，湯底份量有限；侍應提議未落火鍋料前先飲湯，湯幾清甜；湯底有油，唔確定佢係咪真•素食，可能同野生菌土雞湯底一樣，只係冇連雞件上~野生菌品質和牛套餐鍋B：$130；火鍋料豐富，有白菜、粟米、薯仔（心內美）、黑豆腐、冬瓜、安格斯保樂、牛肉丸、蝦子滑、土雞片，前菜/小食係鮮椒溏心皮蛋，連1大杯手打檸檬茶、靈魂口味碟，鍋就係單人小鍋野生菌土雞湯底；呢個1人餐的配料多，份量唔多，基本上係2-4小件，鮮椒溏心皮蛋就係1隻開3件；套餐賣相精緻，全部細碟上，感覺有啲排場；試咗蔬菜，唔係太特別，黑豆腐略嫌粗嚡，鮮椒溏心皮蛋油膩但入味；手打檸檬茶夠2個人飲，微甜；葷食人士可試下呢個套餐，食材樣樣有啲，淺嚐即止板藍根青菜：$48；朋友話必點，因為香港食唔到，而且爽脆、鮮甜；佢似細棵的嫩芥蘭，連菜花食，唔苦，爽口；但始終只係葉菜類，取價都幾離地生果：自助區供應西瓜、柑；西瓜清甜，keep住refill 蘸料：放咗已調配好的靈魂蘸料，因為唔覺得特別啱口味，所以冇試；拎咗生蒜、芫茜、蔥、芹菜，再加少少醋都好好食；蘸醬唔係必須，就咁喺個鍋撈上嚟，食物已經有鮮味環境方面，餐廳佈置典雅，坐得幾舒服。負責我果邊用餐區的侍應都幾熱情、健談，但就漏單，單人餐的鍋底等極都未有（套餐的配料已送上），前後問咗2次，最後先由一位上菜員送上雞鍋連爐具。個爐似露營用果種，餐廳又有啲出風位，所以侍應要花時間調整爐的擺放位置，其後發現鍋底一直滾唔起，原來冇gas，於是又要換gas~食物同價錢方面，性價比一般，用餐後直至第2日，都覺得口乾同出現輕微身體不適反應（我對味精敏感），估計同啲鹹/辣前菜有關，食咗唔係太舒服整體嚟講，呢間餐廳值得一試，第1次嚟會覺得用餐體驗美好，但建議lunch嚟，消費較低。記憶點唔多，主要係食環境同體驗。佢啲菇係多，但餐牌只列出各種菌類而冇標價，加上全屬單點，冇拼盤，人少的話，就算佢菇多，都冇錢+胃納試多幾款。嚟多幾次可能就覺得不外如是~…查看更多

蘑界開到嚟香港啦😯，唔使上去深圳都食到真係好方便☺️，所以特登喺九龍去沙田試下沙田嘅店舖、坐地鐵或者巴士都好方便，舖頭係正一田隔離所以都好容易搵到，而加開張又有活動玩小遊戲☺️！高原野生菌土雞湯另外一定要叫份文昌雞、用嘅山林土雞湯配文昌雞、用咗墨脱石鍋健康又衞生、同埋天然野生菌係雙重雞嘅鮮味、整款湯每一日現熬嘅湯底、所以雞湯比平時濃厚帶點生菌香味😚有營養又健康！刺身金耳菌呢個金耳菌真係好正，賣相金黄通透睇得吓😍、真係好似食緊日本刺身，都算係健康嘅刺身、顏色吸引食到入口口感都幾爽😙！四季雙拼菌有黃牛同美味牛肝菌兩款，同時間食到兩款牛肝菌，感覺都唔錯幾特別，配埋個雞湯入哂味仲香😚真的唔錯之選！麻醬甄選千層肚呢個係一款凍食嚟嘅，直接加個麻醬嚟食味道都幾香口、千層肚口感爽脆味道都唔錯😋！鮮切三花趾每一隻牛得好少呢一個部位🤔、所以叫嚟食都係一個唔錯嘅選擇、梳化自己質地比較煙韌有啲爽脆嘅質感、我覺得都唔錯值得試吓🤭！鮮滷牛腱肉鮮滷豬耳鮮椒溏心皮蛋呢幾款都係大小小辣嘅食物、味道都唔錯、夏天胃口唔係咁好、入口帶點微辣口感、所以叫呢啲小食都幾好又醒胃😚！火腿野生菌炒飯之前係深圳食過，覺得都唔錯所以今次再點嚟食。呢個份量都幾多所以可以同朋友去一齊食，鹹香味十足野生菌爽脆，炒飯質地油潤粒粒口感，所以都幾香口又好食😋！手打檸檬茶呢度嘅檸檬茶都幾大杯，望落去啲顏色都幾深色、飲落口茶味都幾濃厚又唔會覺得好澀口，感覺有種回甘味道、夏天飲番杯凍飲真係幾爽😚！七彩土豆板藍根香水油麥菜食火鍋點可以唔嗌菜呢，所以叫咗呢幾款、呢幾款係朋友推介我食落都覺得唔錯，板藍根唔係度度都有得食☺️，望見賣相有啲似菜心，但個質感比菜心仲爽脆！…查看更多

成日返大陸嘅，一定有食過呢間，就算冇食過都一定見過佢排隊嘅盛況，估唔到香港都開咗啦，選址沙田新城市廣場，真係非常方便，大家唔使返去排隊啦😍😍😍佢係全國首家野生菌專門店，以「自然健康+沈浸式養生體驗」為核心，所以喺深圳人氣一直高企👍🏻佢以高原野生菌為主，用墨脫石鍋打造嘅火鍋。佢仲有款野生菌可以當刺身食，叫做金耳菌，口感真係好特別，一定要試嚇。呢個高原野生菌土雞湯底，真係非常鮮甜，我哋再加入四季菌雙拼同埋新一代見手青，冚蓋再煮幾分鐘，之後再加入土雞，再煮幾分鐘，就可以飲湯啦😍職員好好，會幫我哋校定鬧鐘，鬧鐘響咗佢哋又會過嚟幫手放食材落去，咁嘅服務真係以為自己返咗大陸☺️飲完湯之後就可以食雞同埋菇，隻雞真係好嫩滑，配上佢嘅靈魂醬汁，真係唔係講笑，呢個醬汁真係好好味，配任何食材都啱👍🏻唔同嘅菇又唔同嘅味道同口感，當然都離唔開一個鮮字☺️之後梗係要烚吓貴州鮮切吊龍啦，呢度嘅吊龍肉質特別嫩，而且唔肥，配合呢個湯同埋醬汁非常好味。呢度仲有喺香港好少見嘅高原七彩土豆同埋板蘭根，板蘭根係一種有啲似菜心嘅菜，值得一試。除咗火鍋，佢仲有好多小食，例如呢款鮮鹵牛腱肉同埋鮮鹵豬耳，鍾意食滷水嘅人一定鍾意食，少少辣好滋味。仲有麻醬千層肚、鮮椒糖心皮蛋，兩款都好特別。最後再嚟個火腿野生菌炒飯，真係大滿足。…查看更多

呢間火鍋店喺大陸都好多人排隊竟然開咗落嚟香港即刻試吓佢先新開張優惠當日可以一折享用鍋底環境舒適座位闊落去到門口已經好香菌味門口接待員見到有小朋友仲會主動同佢哋玩仲會派糖俾佢哋而上菜嘅服務生亦都非常細心每道菜都會講解喺我哋走嘅時候服務員仲話仔仔好得意好想同佢影相仲送咗好多糖俾佢拎返屋企呢餐飯無論環境味道服務都絕對係五星級見到有小朋友佢哋亦會主動拎BB凳俾我哋見到我哋冇晒茶水佢哋亦會主動幫忙加水超級超級好評…查看更多