影片
開飯介紹
區內人氣新加坡菜餐廳，其招牌海南雞飯標榜一份有半隻雞，而且嫩滑富肉香。裝修帶點懷舊風格，如採用黑白色地磚、木製餐檯椅等。
繼續閱讀
營業時間
今日營業
11:00 - 22:00
星期一至日
11:00 - 22:00
*下午茶時間：1400-1800
以上資料只供參考, 請與餐廳確認詳情
相關文章
今天來長沙灣接老公放工，他想吃新加坡菜，這間餐廳的下午茶供應時間是到晚上6點之前，於是我們便來到這裡吃晚餐。由於我們是當晚餐，所以總共點了4份下午茶餐，包括海南雞飯、叻沙滲滲、鮮油咖央多和炸雞翼。海南雞飯配輕怡肉骨茶：海南雞非常嫩滑可口，而且鮮美多汁，即使是雞胸，質感都依然柔軟，至於油飯的口感一點也不油膩，肉骨茶的味道則微辣，是我吃過最美味的海南雞飯之一。星洲叻沙滲滲：叻沙的辣度只是微辣，十分適合怕辣的朋友，麵條和米粉完美滲透叻沙的精華，每一口都有滋有味，而且配料都算多，有蝦、蛋、魚蛋和青口等等，以$58來說很划算。鮮油咖央多：多士十分香脆可口，牛油亦非常厚切，咖央醬亦不會太甜膩，美中不足是不夠熱騰騰，如果熱一點會更美味。Susan炸雞翼：雖然雞翼很香脆可口，可惜味道卻偏鹹了一些，而且沒有星馬菜的風味，感覺上只是普通的炸雞翼。開心果椰子奶昔：椰子的味道很濃郁，有點蓋過開心果的香氣，奶昔的質感則很幼滑，如果大家是喜歡椰子的味道，應該很喜歡這杯飲品。凍蜂蜜柑桔水：由於點了走甜，所以只有蜂蜜的味道，味道甜甜的，配上酸酸的柑桔，味道相當不錯。熱蜂蜜柑桔水：個人認為熱的比凍的更美味，因為蜂蜜和柑桔的味道會更突出，甜甜的同時亦帶有一絲酸味，是一款解渴的飲品。熱炭燒咖啡：炭燒咖啡比起一般咖啡更為苦澀一些，但咖啡味相對地會更重和香濃，同時亦有炭燒的味道，味道挺特別的。價錢方面，海南雞飯$75，叻沙滲滲$58，咖央多$30，炸雞翼$42，開心果奶昔$12，凍柑桔$3，兩杯熱飲免費，餐廳不用加一服務費，兩人總共$220。總結來說，今天的食物全部都味道不錯，而且下午茶的價錢十分便宜，性價比相當高，下次有機會一定會再來吃。
繼續閱讀
是日來到長沙灣的蘇山雞飯食晚飯，見到店名就梗係要試佢地嘅招牌雞飯啦，仲有出名嘅鮮油多士🤤坐低後即刻掃code落單，叫主食加配小食飲品等有優惠價，咁抵叫多啲野食先，呵呵🤭⭐獅城芽菜走地雞配油飯雞件嫩滑鮮味，芽菜吸了雞油好香甜，加上香噴噴嘅油飯真係食得好滿足🤤⭐雞雜冬瓜湯跟餐送的雞雜湯，冬瓜清甜雞雜鮮味，勁好飲！⭐海南豬扒喇沙摻摻另外仲叫了喇沙，豬扒香脆有香茅香，喇沙湯好濃好好味，微微辣又帶奶香，好味到湯都飲晒😆⭐鮮油咖央多士熱烘烘的多士配上冰凍鮮牛油，咬落爆漿，牛油鹹味同咖央嘅甜味同時湧現，好食到無野講。呢樣一定都出新鮮食，凍左就大打折扣了。⭐馬拉盞椰菜苗最後少食蔬菜便叫左一份，椰菜苗爽脆，馬拉盞炒都幾有辣勁，正。⭐凍椰奶 & ⭐仙草椰奶冰朋友同自己都不約而同揀了椰奶😆貪佢香甜嘛～⭐特濃薄荷朱古力雪糕 & ⭐馬六甲椰子雪糕最後就係甜品，跟餐有半價太抵了，兩款口味都要了，估唔到一客竟然有三球！正！好滿足的一餐，樣樣都好食，朋友無介紹錯。
繼續閱讀
長沙灣最愛既新馬菜餐廳🍴一定推薦蘇山雞飯。週末食個靚靚下午茶，蘇山雞飯真系滿座爆棚，皆因呢度環境舒適，食物好食又夠抵食😋同屋企人就點左幾個下午茶餐，未食午餐的，直接點返個海南雞飯餐配輕怡肉骨茶 $75，豬肉飯配油飯 $65，鮮油咖央多士$30，雞翅3 隻 $42，參巴辣蝦醬通菜 $42 。真系超級豐富美味，全部賣相都好正，見到都流晒口水🤤下午茶餐都跟飲品，可以點咖啡☕️，薏米水，熱飲吾洗加$，想轉特色飲品，就加$ 轉開心果椰子奶昔 $12，都好大杯好好飲。可以坐整個下午茶時間，慢慢食慢慢嘆，絕對係週末的愉快時光🥰
繼續閱讀
食物好鬼正 性價比極高唔小心叫到成枱都係嘢食😂😂海南雞仲有喇沙湯麵大推啲面吸晒個湯底超級正！再叫埋個特色小食拼盤同朋友share啱啱好👍🏻野杯方便就不過不失整體泥講都唔錯
繼續閱讀
6月中嘅長沙灣，天氣又焗又熱，落過幾陣雨，行去蘇山雞飯嗰陣都覺得成身黐笠笠，好想搵個地方坐低嘆返餐涼快嘅。入到去，餐廳裝修走懷舊南洋風，黑白地磚、木枱木椅，牆上仲有啲新加坡小畫，燈光夠光猛，坐位都算闊落，感覺好舒服，啱晒三五知己慢慢嘆。今次叫咗招牌海南雞飯，雞肉滑溜無骨，雞皮色澤深金黃，唔使點醬都已經夠味，配埋三款醬汁（薑蓉、甜醬油、辣醬）任你揀。油飯粒粒分明又香口，唔油膩。仲有一碗冬瓜雞雜湯，湯底清甜，雞雜份量唔少，真係有誠意。成餐食物分量足，味道有驚喜，價錢都合理，難怪日日都咁多人排隊。特別要強力推介係佢哋嘅 鮮油咖央多。鮮油甘香、牛油嘅溫度同埋狀態啱啱好。
繼續閱讀
您可能會有興趣的...