627
45
9
開飯介紹
區內人氣新加坡菜餐廳，其招牌海南雞飯標榜一份有半隻雞，而且嫩滑富肉香。裝修帶點懷舊風格，如採用黑白色地磚、木製餐檯椅等。
繼續閱讀
營業時間
今日營業
11:00 - 22:00
星期一至日
11:00 - 22:00
*下午茶時間：1400-1800
以上資料只供參考, 請與餐廳確認詳情
食家推介
相關文章
成日經過都坐滿人，一直好好奇，今晚終於去試咗。舖頭好闊落，有卡位亦都有普通座位，所以多人小人都可以嚟食👍🏼\ 招牌海南雞＋油飯+雞雜冬瓜湯 /好欣賞佢海南雞又好唔同種類可以揀，亦都可以揀白飯或者油飯，最緊要佢會送咗個冬瓜湯，個人覺得冬天同夏天飲都幾清，唔係味精湯，我個人好鍾意個湯。海南雞好嫩滑，仲有三種醬可以自己揀點樣搭配，份量都好多，飯好香，個人推薦揀油飯。💙\ 黑白雞（海南雞＋醬油雞）＋油飯+雞雜冬瓜湯 /朋友就揀咗黑白雞，其實即係海南雞加豉油雞，一個餐可以試多兩種唔同煮法嘅雞，性價比都幾高！🫶🏻\ 冰爽砂拉越菠蘿冰 / 雖然未到夏天，但係其實呢個菠蘿冰係四季皆宜！用咗原隻菠蘿作為飲品杯，賣相非常靚，再配咗嚿菠蘿喺杯邊，插上裝飾太陽傘，夏威夷風情出晒嚟。菠蘿冰飲落味道唔係好甜，沙冰口感都好好，唔會太硬，亦都唔會太水。🥳\ 開心果椰子奶昔 /平時都好鍾意飲奶昔，不過開心果配椰子呢一個Compilation真係比較少見，但係又出奇地夾，椰子味好濃，開心果味都唔會好artificial🙆🏼♀️
繼續閱讀
有眼不識泰山 差點就錯過這家寶藏🏴☠️店了火焰醬香椰子雞窩（半隻）跟油飯 ＄168也太大了吧 還要在面前燒窩 上面還淋上一層酒精 用火燒一次視覺感滿分💯窩裡滿滿的雞肉 湯🥣清香的椰子甜香 尾再來淡淡的雞香還有椰子🥥 肉 還第一次喝到這麼重椰子🥥 味的湯 而且不腥大家還能沾他們所付的醋 湯🥣 更甜更鮮 雞肉和椰子🥥 肉感覺也不同呢～鮮油咖央多士 +$15笑死😆 鮮油也太大塊了吧~！！但是好吃的而且咖央醬味在而不甜 配脆多和牛油🧈 是邪惡的美味牙～咖央油條配薄荷朱古力雪糕 +＄38誰會想到呀～咖央和油條竟然搭 不會覺得肥膩 再加上巧克力真的讓人意上不到牙 愛薄荷朱古力雪糕一定要試配著吃是個創新驚喜的美食 是個會讓你炸腦袋的東西～開心果椰子奶昔 ＄32喜歡💕 ！！先是開心果 再是椰子🥥 甜~順順的微濃稠 喝起來不會過甜 相信沒人不喜歡～～參巴辣蝦醬通菜 ＄42他們的參巴辣蝦醬味在 又不會過辣大家記得在吃前上下拌好 每片的通菜都沾到汁通菜都嫩的 特別最好吃的是通菜葉～～要吃～～每分品質都滿高的 但就在一個不起眼的地方 真的會讓人「走寶」然後發現大家來這家都是為了 「海南雞飯」 下次要再來吃他們的雞飯才行😆
繼續閱讀
呢間海南雞飯店出名幾抵食，今次去咗長沙灣店，座位幾闊落，食物選擇又多！🔸招牌海南雞飯 $85叫咗必食嘅海南雞，跟油飯同雞雜冬瓜湯～ 價錢算幾合理，雞肉份量多，去骨啖啖肉，肉質都幾軟滑！有齊三色醬，酸辣汁最正！油飯不油膩，湯有好多雞腎，唔錯！🔸星洲叻沙摻摻 $74好大碗勁多麵😂 呢個價錢好抵食！配料有豆卜、魚片，魚蛋、蝦、青口、芽菜、通菜，都幾豐富！叻沙湯飲落幾香又唔會太濃味，係比較清爽嘅味道～ 性價比幾好！🔸參巴辣蝦醬通菜 +$21叫主食可以加配一個小食，叫咗通菜試吓～好入味微辣，好食！🔸鮮油咖央多士 +$15另一個小食叫咗咖央多，好大塊厚切牛油，好邪惡👿又好好食！多士夠香脆，牛油加咖央醬，好正！🔸開心果椰子奶昔 $32近排新推出，第一次試開心果加椰子呢個組合，又幾好飲喎！幾香滑又清新，開心果味唔算太出，椰子味濃啲～🔸冰爽砂拉越菠蘿冰 $48原個菠蘿上好打卡！挖咗菠蘿肉再攪拌，原汁原味，好香甜😋🔸雪山樽仔奶茶 $18另外叫多咗樽奶茶飲吓，幾香滑，唔會太甜～
繼續閱讀
今次食呢間，係因為之前見到佢個椰子雞煲賣相好吸引bookmark咗！尋日天氣又凍返，啱晒食呢個暖笠笠煲❤️2個人叫咗呢幾樣～#火焰醬香椰子雞窩 $168呢個煲有半隻雞嘅份量，職員會喺個煲上面倒一杯茅台然後點火🤭佢有個沙漏計時器，漏完沙大約十分鐘就可以叫職員開蓋～ 一路等一路有好香酒味飄出嚟🤤個湯超清甜，職員介紹係純椰青水，無加一滴水，仲有幾舊椰青肉食～職員教食嘅時候唔好一次過飲晒啲湯，留返啲一路食一路淋落個雞度😆個煲跟咗個去油湯殼，但我哋覺得有雞油仲好飲啲😌😌跟咗碗 #油飯 ，仲有鮮沙薑、桔仔、辣椒仔可以加入豉油度，個豉油酸酸地，吊一吊味好食!!椰青水+雞 呢個配搭無得輸，好食之餘，飲完個雞湯即刻暖笠笠，我哋成個湯飲晒😂！+$39 #夜市沙嗲串 （四串） 一雞一牛各兩串，個沙嗲汁超惹味，好食到我叮一聲🤩早知叫半打😂😂+$48 #冰爽砂拉越菠蘿冰原隻菠蘿擺上檯，好吸睛重菠蘿味，飲落好滑身，好解渴#惹味雞雜怡保芽菜 $50芽菜爽口，夾埋雞雜鹹鹹地好食#馬六甲椰子雪糕 $28有兩球雪糕，個底仲有啲好似糖水渣渣咁，有雪糕又有糖水，有驚喜～
繼續閱讀
收到風知道最近餐廳推出咗「火焰醬香椰子雞窩」套餐，就拿拿臨約老公過嚟品嚐吓啦。呢間餐廳喺我地經常出沒嘅地點附近，已經幫襯過幾次，係屬於平民價錢嘅東南亞菜。最近天氣都幾清涼吓，點個雞窩暖吓身先。見到侍應遮遮拎住個煲同埋啲工具送到我地張枱。有個好得意嘅沙漏裝置，上面寫住＂Susan教你食椰子雞：先影相再飲湯最後先食雞＂搞到我好鬼期待添。睇見侍應遮遮點起個火，再淋啲酒落去個煲蓋等佢燒著，酒精即時引發火焰！此乃危險動作，小朋友切勿模仿！等到個沙漏流曬差唔多五分鐘左右，侍應遮遮再送上油飯及配料俾我地。打開鍋蓋，好香椰子味呀！呷啖湯，好清甜嘅椰子湯，忍唔住飲咗一大碗。湯面浮起少許雞油，但不致於太油膩。窩裡的雞肉好嫰滑，我地三扒兩撥就ＫＯ咗個椰子窩。跟住送上嘅特色小食拼盤，全部即叫即炸，送到枱面上仲係熱辣辣。特別推介脆炸鳳尾蝦卷，真係好香脆，兩條真係唔夠喉呢！最後再嚟多份星洲叻沙摻摻，料頭充足，湯鮮味濃，又係忍唔住飲曬啲湯，哈哈！又係大滿足嘅一餐！
繼續閱讀