133
9
2
開飯介紹
長沙灣人氣新加坡菜餐廳的分店，其招牌海南雞飯標榜一份有半隻雞，而且嫩滑富肉香。裝修糅合懷舊及優雅風格，如以採用不同類型的吊燈及西式餐椅。
繼續閱讀
營業時間
今日營業
11:00 - 22:30
星期一至日
11:00 - 22:30
以上資料只供參考, 請與餐廳確認詳情
有關餐廳
招牌菜
食家推介
相關文章
太子呢間蘇山雞飯，長期都見到有人排隊，坐無虛席🤩今日終於排到入去試下👍🏻果然係正嘢！ 主打海南雞飯，當然要試吓，我哋仲叫左2款小食同特飲👍🏻款款都咁正招牌海南雞飯：雞肉好滑口🤤雞皮同雞肉一樣咁滑嫩👍🏻果然係招牌，跟餐嘅油飯，粒粒分明，連附送嘅冬瓜雞雜湯，都一樣係勁足料👍🏻娘惹咖喱炸雞配椰漿飯：上枱已經好吸引🤤炸雞脾大過我隻手板，個皮超香脆，一切開！不得了，炸過嘅雞肉都可以一刀切開到，就知有幾咁嫩滑！而且有咖喱汁同香辣汁拌個椰漿飯🤩真係味覺享受，香甜辣一次過擁有。鮮油咖吔多士：呢個口味到我要再叫多份🤤牛油🧈厚過手指！加上咖吔嘅香甜味！多士既脆口！係好邪惡，但真係欲罷不能😂😂炸鳳尾蝦春卷：同樣咁正，咬開大大隻鮮蝦👍🏻乳酸碟豆花梳打，恐龍美綠：杯美綠太正，面層放滿美綠粉👍🏻足料到癲😂 乳酸碟豆花，酸酸甜甜好開胃❤️總結：呢間D雞好正😂又嫩又滑👍🏻好高質！食物又大份，食到我地搓曬肚，好滿足❤️大推！
繼續閱讀
🔸海南豬扒叻沙摻摻 ($70)豬扒份量都幾多 肉質幾嫩 味道甜甜地有啲似香茅豬扒叻沙配料種類都幾多 有魚蛋、魚片、豆卜、通菜白魚蛋幾滑 魚片頭魚味頗濃 夠彈牙湯㡳幾香椰奶 唔辣 就咁飲可能會有少少鹹 但配埋麵就啱啱好佢地選用摻摻 一半油麵一半米粉 配上粗芽菜 口感更加豐富🍜🔸雪糕斑斕奶茶 (套餐+$18)頂層嘅雲呢拿雪糕插上傘仔⛱️ 外表幾吸精🍨不過就無得選擇甜度🔸小食拼盤(套餐+$49)- 順化豬肉串：甜甜地 一咬落去啲油脂 食落有啲似台灣腸🍖- 泰式魚餅：香茅味突出 都辣辣哋㗎- Susan雞翼/雞鎚：少有嘅全翼 外皮炸到金黃色 食到好香嘅南乳味🍗- 脆炸鳳尾蝦春卷：白色嘅米網紋外皮 食落特別酥脆 蝦肉彈牙厚肉🍤 幾好食😋好豐富 有4種小食 個人最鍾意蝦春卷 平日食蝦春卷都要點泰式辣醬 但呢一個唔點都夠晒味🔸參巴辣蝦醬通菜 ($42)通菜炒得爽脆 辣辣地幾惹味 唔食得辣嘅朋友唔使擔心 可以自由選擇辣度🔸招牌海南雞飯 ($85)海南雞配有三色醬 甜豉油、薑蓉、酸辣醬雞肉未算太滑 但做到少少啫喱質地油飯 有别於一般黃黃嘅雞油飯 上網見到介紹雞飯用左香茅 班蘭葉 南薑 紅葱頭 炸香再煲 食落質地軟糯 相比一般油飯無咁肥膩 🔸 輕怡排骨茶 (+$10)Order招牌雞飯仲可以加$10加配 排骨胡椒味濃郁 唔會太嗆 鍾意胡椒多過藥材味嘅朋友就最啱 中間仲有幾舊大排骨同豆卜 但排骨唔算太淋同味道有啲淡個人最推介小食拼盤 價錢實惠 又可以試哂咁多款小食 鳳尾蝦春卷又脆又好食😋 餐廳好近地鐵站 係大街位置 非常方便 上菜速度都幾快而且店員都好貼心😌 一坐底就自動遞上暖水♨️
繼續閱讀
總店位於長沙灣既蘇山雞飯，主打海南雞飯，太子分店都開左一段時間，今日終於有時間過黎試下太子分店鄰近地鐵站，非常易搵，餐廳地方都唔細，座位都多，地方光猛乾淨美綠恐龍食星馬菜點可以唔叫美綠恐龍，美綠味非常濃郁，仲加左大量既美綠粉，一d都唔吝嗇，又邪惡又好飲椰青椰青都幾大個，椰青水一d都唔少，清甜解渴龍蝦叻沙摻摻見到大大隻開邊龍蝦都已經流晒口水，仲有魚旦、魚片、豆腐卜、怡保芽菜等等既配料，好豐富呀，湯底味道都幾濃郁，辣度相信係為左迎合香港人而改良過，基本上唔辣仲帶有微微既椰香，摻摻麵=油麵+米粉，兩溝既食法真係好特別，整碗味道不錯招牌海南雞飯雞件肉質滑得黎都幾結實，雞味重，除左個雞，個3款醬料甜豉油、酸辣醬、薑蓉都係海南雞既靈魂所在，更能帶出雞既香味，而配白飯我覺得更能清楚食到雞本身既油香，仲有雞雜冬瓜湯附送，好有誠意又好味咖央多士多士烘至脆身，再搽上咖央醬，濃濃既椰香味，甜度適中，好滿足食物同飲品都好有水準，用QR code落單亦都好方便同避免落漏單既情況發生，價錢亦都好親民，唔掛得成日都見咁多人係門口排隊啦🤭
繼續閱讀
上星期為食貓吉蒂又同為食魚阿妹去找吃今次找到來太子途經藍馬之城以前曾經喺附近教過日文感覺特別親切😌見呢間名叫蘇山雞飯嘅餐廳入面咁多人決定入去試一試佢🙌🏻一如以往我地兩姊妹因為太餓又叫到成枱都係野食🤣～～～～～～～～～～～～～～～🐱鮮油咖吔多士 $30每次有鮮油奶多都必點嘅我見到佢緊係諗都唔洗諗就叫一份啦😁越邪惡嘅食物通常都越好食外層脆卜卜嘅薄多士入面係勁大塊牛油加上香濃嘅咖吔醬一口食落去牛油爆晒出黎真係食過返尋味呀😋🐱醬油三寶飯套餐 $93（餐湯加$10轉配輕怡排骨茶）三寶即係醬油雞、滷豬手及滷水蛋滷水食物味道剛好，不會太鹹亦不會太甜醬油雞雞肉亦唔會鞋口，只係雞味不夠但點上調味料（薑蓉、泰式辣醬、甜醬油）一起吃便惹味起來🥰輕怡排骨茶一啲都唔輕怡勁大碗😳味道係少許胡椒味嘅新加坡肉骨茶🐱鴛鴦叉燒飯套餐 $93（餐湯-雞雜冬瓜湯）鴛鴦即係海南雞及叉燒海南雞雞肉都算嫩口只係雞皮未夠爽身至於叉燒係厚切嘅偏瘦叉燒食落略嫌有少少乾身唔夠juicy如果係半肥瘦叉燒味道相信會更好🤣而意外地餐湯入面嘅雞雜竟然係精粹喎連平時唔太食內臟嘅阿妹都大讚👍🏻套餐半價加配🐱參巴醬辣蝦醬通菜 $21（原價$42）參巴醬唔知係咩醬不過佢同辣蝦醬一齊炒嘅通菜好好味我食咗一大半😂🐱SUSAN雞翼（3隻全翼）$22（原價$44）雞翼炸得外脆內嫰三隻全翼切半後上枱很貼心☺️套餐加配特飲 各$18🐱雪糕斑蘭奶茶🐱雪糕薄荷咖啡整體餐廳嘅環境同食物都不錯想喺太子吃星馬菜嘅都不妨一試喔🫶🏻
繼續閱讀
食到好食嘅海南雞飯同埋豬手飯，真係會食上癮，今晚就嚟到超人氣嘅海南雞飯飯堂<蘇山雞飯>，食佢哋好出名嘅海南雞飯，仲有豬手飯。平日嘅夜晚，都坐滿人，不過好好彩，唔使兩分鐘就能夠安排入座。餐廳供應嘅招牌雞飯，都有好多唔同嘅款式，同埋配搭套餐，仲可以以半價再加其他小食，真係經濟又抵食。<招牌海南雞飯套餐 配冬瓜雞雜湯>呢個海南雞飯套餐，只係需要八十幾蚊，碟雞份量勁多，單係睇份量就已經贏曬，用料十足。雞肉用上最滑嘅雞髀肉同埋雞胸肉，而且仲要係一早去灑骨，入口絕對係啖啖肉，另外值得一讚嘅係，雞肉咬落去感覺又嫩又滑。餐廳做得非常細心，客人可以根據自己的喜好來選擇多飯或者少飯，今次我哋就叫咗多飯，所以呢個套餐配搭嘅雞油飯非常之大碗。另外仲配有冬瓜湯，入口味道清甜，非常好飲。呢度嘅另一個招牌菜，就係<Susan豬手飯>，豬手肉份量勁多，用上秘製醬汁來烹調，入口醬油味道突出，肉質又腍又嫩滑，而且仲配有鹵水蛋同埋花生等配菜，非常好食。充滿骨膠原嘅豬手肉，食完真係能量爆燈。另外仲叫咗一份串燒小食，分別有豬肉同埋雞肉，配有非常濃郁嘅沙爹花生醬，惹味好食。小食拼盤食物非常豐富，有雞翼、豬肉串、鳳尾蝦春卷，同埋魚餅。個人非常喜歡豬肉卷同埋魚餅，烤得非常香口美味。最後兩個人埋單，都唔洗三百蚊，就食到咁多嘢，真心抵食，值得推薦呀！
繼續閱讀