影片
營業時間
今日營業
11:00 - 23:00
星期一至日
11:00 - 23:00
*截單時間: 22:30
以上資料只供參考, 請與餐廳確認詳情
相關文章
粉嶺呢間位於名都商場既蘇哥清湯腩，位置剛好對正東鐵粉嶺站，人流不絕，食客頗多，由深圳經香園圍番香港，再坐車到粉嶺東鐵站，個肚仲未飽，就嚟食碗麵先回家。入內坐低睇下餐牌，就點了碗清湯崩沙腩湯粗，好快就送上。湯頭清湯底唔錯，飲幾啖唔確喉，崩沙腩炆得恰到好處，有肉味，根膜連肉，口感豐富，麵條爽滑彈牙。整體滿意。口味：🥚🥚🥚🥚环境：🥚🥚🥚服务：🥚🥚🥚🥚性价比：🥚🥚🥚
繼續閱讀
今日到粉嶺做嘢，趕工在即，轉頭又要落上水。到咗粉嶺火車站一出名都商場就見到呢間蘇哥清湯腩。之前試過其他分店；所以二話不說同拍檔就入咗去。午餐時間非常多人。我哋接近兩點啱啱好有位。我叫咗牛三寶酸辣粉：有牛腩，牛筋牛肚。份量十足，一個大男人都夠飽。酸辣味啱啱好；多花生多蔥，啱曬我。牛肚夠爽、牛腩牛筋夠入味，軟硬適中。拍檔病咗冇乜胃口，就叫咗個淨魚蛋拼牛丸。佢話魚蛋睇得出新鮮魚肉整起大大粒，牛丸彈牙；有圖有真相。連個湯底都夠清甜。一人一個油菜。菜心芥蘭夠嫩滑；加個凍檸茶；埋單148性價比高。仲有不得不讚佢哋嘅服務。一個眼神已經知道你有需要。今時今日嘅香港呢啲服務，簡直超班。
繼續閱讀
下午茶時段至六點，今日剛剛好可以趕上尾班車，見到店內外都已經日頭湧湧，下午茶嘅選擇都好多，價錢優惠，仲包埋熱飲清湯金錢肚河~湯底清澈，牛味香濃，金錢肚非常爽口，每個洞內都完美沾上清湯，一口一件，非常滿足！鮮蝦雲吞擔擔麵~雲吞大大粒，裏面嘅蝦非常彈牙，夠曬新鮮👍🏻麵質亦都非常唔錯，雖然係下午茶，但份量都好多，好抵食！淨紫菜三寶丸~總共有三款丸，分別係牛丸、墨魚丸同魚蛋，粒粒都非常彈牙！特別推薦魚蛋，魚味夠哂香濃！叫咗咁多嘢，都係呢個價錢，真係非常抵食
繼續閱讀
晚市時分，呢間餐廳人來人往，外賣絡繹不絕。選擇眾多，除咗一般湯粉，仲有擔擔麵同酸辣粉，真係令人眼花繚亂。我試咗清湯牛三寶飯，內有牛腩、牛肚同牛筋，金鳳飯大碗，份量十足。牛筋彈牙，食落去特別有口感，而牛肚則偏向草肚嘅部位，軟腍得嚟唔油膩。牛腩偏瘦，但肉質鮮嫩。加埋底下的蘿蔔，男士食都絕對夠飽。仲有腩汁蘿蔔，腩汁香濃，大嚿嘅蘿蔔清甜冇渣，湯汁滲透咗蘿蔔，食落去特別美味，腩汁畫龍點睛更加出色。接住我試咗淨鮮味鯪魚球，魚肉香濃，完全唔會粉味重，相對天然，口感煙靭彈牙，搭配胡椒粉輕輕調味，味道清新，令人食得開心。最後，我仲加咗一杯凍檸檬茶，清爽提神，加配只需$8，係非常划算。整體來講，呢間餐廳唔單止選擇多，質素亦非常好，無論係飯定係小食，都令人感到滿足。下次一定會再來試吓其他菜式！
繼續閱讀
清湯牛三寶，一碗濃郁的湯底中，牛肚、牛筋、牛腩三者交織出豐富的層次感。牛肚經過長時間的燉煮，口感軟嫩卻不失彈性，每一口都帶著湯汁的鮮美。牛筋呈現出膠質的豐腴，入口即化，黏稠的質感讓人忍不住一口接一口，牛腩則是這道湯品的靈魂，肉質細膩，肥瘦相間，咬下去時肉汁四溢，帶著淡淡的油脂香氣，令人回味無窮。湯底清澈卻不失濃郁，帶著淡淡的藥材香氣，喝起來暖胃又暖心，彷彿將所有的疲憊都一掃而空。白土烏龍純茶，茶湯呈現出淡雅的金黃色，香氣清新怡人，帶著淡淡的果香與花香，入口時，茶湯滑順細膩，帶著微微的甘甜，尾韻則有一絲清爽的苦澀，讓人感受到茶葉的純粹與自然。這款茶飲不僅解膩，更能讓人心情平靜，清湯牛三寶與白土烏龍純茶，一濃一淡，相得益彰，讓人感受到味覺的極致享受。
繼續閱讀