204
8
9
港鐵銅鑼灣站 F 出口, 步行約6分鐘 繼續閱讀
電話號碼
28904884
開飯介紹
已開業十多年的樓上咖啡店,設有懷舊街機及各款卡牌遊戲,招牌菜為醬燒豬仔全骨。 繼續閱讀
營業時間
今日營業
12:15 - 23:00
星期一至日
12:15 - 23:00
公眾假期
12:15 - 23:00
公眾假期前夕
12:15 - 23:00
付款方式
AlipayHK 支付寶 現金
座位數目
20
其他資料
網上訂座
Wi-Fi
切餅費
電話訂座
賞訂座積分
加一服務費
電視播放
當面支付
有關獎賞計劃
食評 (232)
每逢星期六日都迫爆人嘅薯仔屋,今次就提早book定平日夜晚,終於有位了餐廳有好活潑嘅小動物好驚喜!店主係確定所有客人都唔怕小動物之後,就放咗小動物出嚟隨處活動可以睇睇後面嘅圖片~隻鸚鵡叫藍藍🦜,超可愛係我腳邊留左好耐!佢間唔鐘會輕咬,但係係好細力,完全唔痛咖!另外仲有兔仔Ginger🐰、倉鼠肥肥🐁同烏龜Ninja🐢 2人至尊份量套餐($188 per person)E個價錢係包左一杯特飲,另外仲有$208 無限添飲餐飲,同$228 無限添飲特飲~醬燒豬仔全骨配 肉醬薯仔屋鋪天薯條難得黎到梗係試下得醬菜式啦豬仔骨好入味而且好林而薯條加上芝士肉醬之後,酸酸甜甜又可以拉絲,果然係得醬菜式!米蘭肉醬番茄焗千層麵宜家已經小左好多地方有賣千層麵了,真係好足料,至少見到八層開胃得黎又飽肚~跟餐仲有脆卜卜嘅芝士蒜蓉包,夠曬fresh嘅凱撒沙律同埋熱騰騰嘅蜜汁燒雞翼!超滿足derrrr~特飲:左:榛子可可 右:薄荷可可E幾日都凍左好多,大家都想飲返杯特濃朱古力暖返個胃推介榛子可可!佢唔會太甜但又好有榛子朱古力味!我哋仲轉左其中一個甜品做心太軟(+$28)好靚又好食,超鐘意朱古力熔岩嘅感覺套餐真係好豐富!餐廳有得睇(店主有好多收藏品)、有得食、仲有得玩真係難怪好難book位了 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-27
96 瀏覽
今日同朋友約好詳談近況, 疫情關係, 都少見咗, 難得相約, 當然要揀間唔會好速忙被趕嘅餐廳樓上 cafe 會係最好嘅選擇, 我之前都有來過薯仔屋, 因為有位朋友好喜歡玩足球機, 我又無玩過, 就跟佢來過一次不過今次再訪, 又有另一返體會, 感覺好親切餐廳員工好細心, 我早到了, 佢先比杯水我等朋友, 又為我介紹餐牌上菜式, 有一個得獎嘅燒豬肋骨, 另外亦提到餐廳經已營業16年 (果然唔容昜), 以及牆上那些畫, 是由老闆畫的!除咗餐牌, 仲介紹一下餐廳嘅寵物比我認識, 佢地嘅習性等, 小動物可以隨意拍照, 動物可愛, 肥肥白白好健康, 最有 heart 係老闆收留一D被棄養動物, 非常有愛心!員工見我朋友未到, 又招呼我玩遊戲機, 不過我揀咗睇漫畫, 我被蠟筆小新所吸引, 那些年嘛!餐廳外賣3折, 用膳其間都見到有客人來買外賣, 撐撐小店, 3折真係非常吸引另外餐廳亦有做 , 價錢都好優惠, 有$980 / $1480 / $2280 供 6-12 / 15-20 / 20-25人享用到講下我地嘅食物, 我被一個海鮮拼盤價錢所吸引, 二百三十多就有4款海鮮, 仲要有一隻龍蝦, 好抵食!員工仲會額外比杯水洗一下用具, 很貼心嘅服務, 仲會提我地唔好飲錯除了價錢同小動物取勝, 餐廳環境都很衛生乾淨, 怖置擺設都很用心, 可見老闆花了很多心思食到一半老闆來了, 佢都有為我介紹一下小動物嘅名, 又同我地一齊同小動物玩咗陣, 當中最喜歡雀仔藍藍, 顏色好靚  聊下聊下, 同老闆&員工就好似朋友傾計咁, 好窩心嘅感覺, 見佢地之間嘅交談都好和諧, 難得好老闆, 大滿足的一晚! 仲有種返屋企食飯嘅親切感! 繼續閱讀
(以上食評乃用戶個人意見 , 並不代表OpenRice之觀點。)
薯仔屋開在銅鑼灣舊式商廈樓上,朋友叫開 Party時都常提起它,喜歡它有小動物玩,有遊戲玩,鍾意figure的男仔朋友又可以欣賞番舊版的機械人,有得玩有得食,係開心嘅。不過宜家呢個時勢,開Party就無可能嫁啦,雖然得我同男友兩個,但星期日諗唔到有咩地方去,照樣book呢到玩下game食下野,消磨下時間。有兔兔,烏龜,間中雀仔心情到仲會開金口叫兩聲。我地叫左呢到攞過獎嘅半份醬燒豬仔骨配薯仔屋鋪天薯條連poutine, 加多份肉醬千層麵,同埋飲品。等待食物的時間,就可以欣賞下放滿成個櫃的機械人,聽熊少爺講番star wars 點樣inspire日本開始畫第一代的gundum機械人,漫畫滲透外太空同星球戰爭的元素,都幾有趣味。逗逗肥肥白白的兔兔,玩下足球機,玩玩下食物就ready 上臺。千層麵鋪上不少肉醬醬汁焗製,味道不差。豬肋骨得過獎,自然對它期望更高,幸好味道也不錯。半份份量已夠兩人吃,肋骨食落甜甜的,而且面頭焗至微微乾脆,更添口感。Poutine淋上肉醬和cream cheese sacue, 是最classic 的配搭,加上炸得香口,我地都食得幾滋味。成餐晚餐有得玩又有得食,$400左右埋單,銅鑼灣呢個價錢來講算是抵食。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-13
332 瀏覽
帶著姐姐小女兒去到銅鑼灣新會道4號4樓去一間可以包場開派有寵物,有很多玩具和美食一應俱全的樓上cafe叫薯仔屋。餐廳設計滿溢箸有孩子的家庭般,最吸引是三個大飾櫃放滿懷舊玩貝、還有足球機、親子玩具遊戲區,懷舊電動遊戲機、書架放滿了大量漫畫,完完全全勾起我童年的回憶。小外甥女被可愛的獅子兔、倉鼠、鸚鵡、烏龜玩到不亦樂乎,帶她來是正確的選擇。焗蜜汁雞翼HKD68簡單簡單菜式百吃不厭,甜甜地外皮香脆肉質鮮嫩,外娚女最愛吃吃得滋味。黃金炸薯餅HKD48滿滿的馬鈴薯絲做成餅,口感酥脆又豐富,最重要是入口不覺得油膩感覺好健康。魁北克鋪天薯條配醬燒豬仔骨HKD198薯仔屋著名得奬菜式,推薦大家去必食真的好好惹味超水準。香噴噴的豬肋骨烤得拌勻,一刀切下去骨與骨好容易切開,一口咬下去肉質非常軟嫩而且不黏骨,醃得好入味,吃完也不會感到太膩呢。波羅的海HKD48 ~ 味道鮮甜藍天碧海HKD48 ~ 飲起來酸酸甜甜好開胃 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-30
249 瀏覽
約咗朋友食lunch,撞啱親戚有要事,臨時將表姨甥女暫託於我,所以只好帶多個小朋友赴約🤷🏻‍♀️好在朋友唔介意,仲即刻幫手搵咗間啱晒小朋友嘅Cafe😌😌Cafe有好多唔同嘅玩意,有足球機、懷舊電子遊戲機、board games、機械人模型、漫畫及玩具等,仲有小朋友最鍾意嘅小動物,真係大人細路都總會有樣嘢啱玩👍🏻飾櫃內嘅機械人款式多不勝數,店員透露老板自年少已開始儲機械人,店內所有機械人都係歷年嘅珍藏,有好多款式都已經年代久遠,最啱機械人發燒友朝聖👍🏻Cafe老板亦係漫畫迷,除咗出版過漫畫「小薯先生」外,亦收藏咗唔少漫畫,當中有我兒時必睇嘅「蠟筆小新」,我都忍唔住拎返本睇睇回味吓😆表姨甥女一時就玩玩具,一時就同啲小動物玩,已經無我嘅存在價值😆我就可以好輕鬆咁同朋友一邊吹水一邊食lunch:🍖醬燒BB豬仔全骨配鋪天薯條($98)店員極力推介佢哋呢款得獎菜式,咁我哋就一於試吓啦😆豬仔骨滿佈惹味醬汁,甜甜地幾開胃,肉質腍得嚟又好入味😋份量亦都算多,但驚喜感不大!反而薯條係熱辣辣即炸起,配有少少肉醬、酸甜醬汁及奶油同食,相對上我會更喜愛😋🥩香煎安格斯西冷牛扒配薯菜($128)我咁鍾意食steak,當然要點啦😆牛扒煎得幾香,而且牛味都幾重,配同即磨岩鹽真係幾好食,朋友都覺得唔錯,而且以呢個價錢嚟講都真係唔貴👍🏻🥣🍞是日餐湯及蒜蓉包(套餐跟餐)是日餐湯係羅宋湯,羅宋湯唔夠濃,蔬菜偏少,味道一般;蒜蓉包烤到金黃色,香脆之餘又有陣陣蒜香,都幾惹味😋☕️香滑即磨咖啡(套餐凍飲+$2)我唔飲咖啡,所以就無試啦!愛好咖啡嘅朋友就覺得咖啡還ok,但味道普通,無乜特別!🍵桂花茶(套餐轉特飲+$15)桂花茶清清地,有陣陣桂花清香,最好係可以無限加水,唔洗就住飲,抵飲👍🏻🤩Cafe俾人一種舒服親切嘅感覺,店員又friendly,我哋足足係度hea咗2-3小時😆就連親戚上嚟Cafe接走表姨甥女時,佢都玩到唔捨得走😂真係啱晒大小朋友一齊嚟👍🏻另外,Cafe做緊外賣自取三折優惠,意粉竟然低至$31就有交易,真係好抵🤩大推👍🏻👍🏻 繼續閱讀
(以上食評乃用戶個人意見 , 並不代表OpenRice之觀點。)