薯仔屋電影餐廳

營業中

休息中

難得放假梗係要食好西慰勞自己！今日同朋友係柴灣試咗哩間主題餐會，感覺幾得意！香港好少有呢種露天風味的西餐廳，而呢個西餐廳仲有以電影為主題，餐廳裡面有幾部電視播映近期上畫的電影，隔離就有一件戲院，入到去真系非常有氣氛。order咗個套餐之後，就以一碗輕盈健康沙律作為前菜。我就order左個鐵板香煎美國天然豬肉眼扒配薯菜，淋上汁更加野美。豬肉眼扒的肉質很鮮嫩肥美，口感軟滑，肉味濃厚，亦不會太油膩，非常滋味。薯條同配菜搭配上所嘅淋醬汁，更加好味！而餐廳的忌廉粟米湯亦有濃濃的忌廉味。無論係主菜定係湯嘅份量亦比其他餐廳多，讚！飲品方面，餐廳就有三種水果味嘅特飲，我就選左芒果味，特飲更配上芒果味雪糕添。食到飽一飽仲可以過去隔離睇戲，真係啱曬戲迷。我自己就幾中意哩種有特色嘅餐廳，中意睇戲嘅港島朋友一定要黎試試佢！

話說之前朋友話柴灣有間電影餐廳，今日就去咗試探下，發現又幾值得分享，睇得又食得！餐廳好得意，以電影做主題，牆上面會有幾個螢幕播放近期上影嘅電影，而餐廳隔離就係戲院，超方便，部分飲品同小食可以拎埋戲院度一路睇一路食添！我今次要咗BB雞豬扒薯菜！先上咗前菜係餐包配送沙律，沙律有菜同水果，幾豐富開胃，而餐包亦好香脆，咬落去真係會聽到聲個種，沙律配餐包原來真係幾好味！之後就到主角上場！講就話係BB SIZE，但都非常有份量，而且肉汁鮮嫩多汁，有口感！仲有豬扒煎得面頭金黃色，非常吸引，食落亦非常juicy。仲有薯菜食得岀係好新鮮，配上沙律醬係無得彈，好fresh,食咁多肉梗係食啲菜中和下 ~ 佢成個set din仲有個忌廉湯，好香好濃郁，仲好滑，唔錯！其實我覺得呢啲餐廳都幾得意，影迷就更加唔可以錯過啦！

晚上8點多去到餐廳，餐廳位置離地鐵站不太遠，但地方遠離鬧市，要花點時間找路喔。餐廳佈置休閒，以電影/卡通公仔作主題，放滿了cd、模型等裝飾品和一對愛情鳥，令整個空間很有活力呢！而且還有足球機供客人玩，是和朋友相聚的好地方。和朋友叫了2個餐一起吃，分別是蜜糖燒豬仔全骨配肉醬鋪天薯條和香煎蘇格蘭肉眼扒意粉。跟餐配蒜蓉包和沙律 ，轉其他特飲有半價優惠，我們就加錢點了2杯黑牛。豬仔骨加了燒烤醬烤焗，十分惹味。肉質雖不算滑但絕對不嚡！！2個人不停地吃，好快就吃完了。還有它的鋪天薯條，份量好多啊。熱辣辣新鮮炸起，滿滿的薯肉，而且邊位是脆的。沙津菜配芝麻醬，my favourite。很大塊的牛扒！比手掌還大，還未吃意粉已經有點飽了。牛扒煎得微焦，吃下去更香口！肉質偏實，近筋的部分會較軟稔。意粉用了茄醬調味，甜甜的，不怕不夠味喔。跟餐加配的黑牛，是可樂和朱古力雪糕的組合，雪糕凍感較重喔。

 久不久會到戲院看戲，柴灣這間新戲院是我的新寵兒，這天放工後約太座在戲院會合，趁還有時間順道在戲院內的餐廳吃晚餐才入去看戲 。餐廳設有多種遊戲如足球機，又有小屋子供兒童玩樂，更有電影短片介紹，環境輕鬆愉快。 套餐包括有沙律 加十元可以有餐湯，主菜有數款可以選擇，意粉，天使麵，肉類等，太座選擇了香草燒法國BB野雞拼豬扒薯蓉雜菜，我選了魁北克鋪天薯條配燒豬仔全骨。先送來的沙律以小碗盛著，是凱撒沙律，爽脆可人，餐湯是露筍忌廉湯，質料仍有進步空間。 太座的主菜來了！燒雞賣相吸引，金黃色的外皮， 很豔麗， 肉質也不錯 ，很香口，豬扒是厚切的 ，肉質仍很嫩滑， 肉味尚且不錯 ，配菜有薯角和西蘭花，薯角粉糯便好吃。另一款主菜是魁北克鋪天薯條配燒豬仔全骨，分量頗大，顏色紅彤彤的，從骨與骨之間用刀切開，輕而易舉，肉質頗鬆化，燒烤醬調得出色，惹味非常 ，Poutine譯作鋪天薯條，是加拿大的薯條小食，加了肉醬和芝士，酸忌廉，特色出色。餐飲加錢可轉雪糕梳打，清甜氣味清新， 入場前還可以在餐廳購買小食帶進場享用，十分方便，今次吃飽，下次才試。

約了友人來柴灣戲院睇電影，由於時間尚早，所以決定先吃晚餐再入場。本來打算去附近商場搵食，不過友人說：戲院旁邊不是有間叫「Small Potato Movieland」嘅電影主題餐廳嗎？聽說那裡除了有晚市套餐供應外，還有多款可以帶入戲院嘅小食，非常方便。原來友人早有準備，毋須我傷腦筋，實在太好了！餐廳座落於 Cinema City 永利中心購物商場地下，剛好就是位於售票處對面。店裡裝潢很有特色，融入了不少電影元素，例如店內有多部電視，不停播放住電影預告片，連天花的燈飾亦用上電影菲林造型作設計，加上牆身上嗰幅以薯仔扮演不同影片角色的佈景板，極具電影感。環顧四周，座位闊落，開揚寬敞，而且氣氛輕鬆，加上店內有足球機和兒童玩具供食客和小朋友使用，挺適合一家大小來用餐。餐廳採半自助形式，客人可以先去櫃檯落單，侍應隨後會將食物逐一送上。晚市套餐共有 6 款選擇，價錢非常實惠，最平 $62 已經有交易，而且仲會奉送蒜蓉包、是日沙律、咖啡、茶或汽水，如果想轉凍飲就要 +$2，轉其他特飲則半價優惠。除了套餐外，其實餐廳還有多款特色小食提供，如 Poutine 薯條、焗薯皮、薄餅、串燒、韓式炸餃子等，全部即

今天晚上去了柴灣永利買野，順便搵野食~原來呢度開左戲院~仲有戲院餐廳呢今日一於呢度食啦你看佈置幾靚呢這裡先自助購買，再由店員送上食物像是樓上cafe , 有玩樂的設施這個餐廳集團原來有其他餐廳呢環境不錯, 價錢又不貴呢menu 像是戲院售票處上的Screen也有實體menu晚餐不包餐湯，我們另加了餐湯湯夠濃又足料~蒜蓉包夠熱辣辣又香口挪威三文魚配天使麵配松露香菌忌廉汁三文魚超新鮮，份量又多，配上香濃忌廉汁和松露香菌味，非常好味，天使麵麵質爽，推介~豬肋骨分量十足，性價比高肉質鮮嫩夠腍，非常惹味呢配上薯條加上肉汁，薯條夠香脆係呢度飲野傾計是不錯的選擇呢~食完野仲可以去睇場戲呢

這天約了朋友去看電影，看完之後，見到隔壁有一間看似電影主題的餐廳，十分吸引，於是就去嘗一嘗。餐廳十分舒適，無壓迫感，加上裝修有心思，很有電影的味道。餐廳以自助形式點餐，我們就在收銀處的位置先點餐，之後侍應送上我們點的餐。我們點了三個套餐，豬肉眼扒、燒雞，以及豬全骨。首先來了一個蒜蓉包，味道香濃，非常香脆。剛到的扒餐配上鐵板汁，味道濃郁，薯條熱度適中，不會太油，豬肉眼扒也比較厚身，配上西蘭花讓我們吃起來也沒有那麼罪惡感，也十分新鮮。燒雞的肉質也鮮嫩，配上薯蓉，口感新鮮，雞肉也容易分拆，熟度剛好。當然，豬全骨也真的是十分惹味，肉的分量也合適，不會只有一排排的骨件，配上特制醬汁的薯條，有淡淡的玉桂味，味道充滿層次感。我們點了特飲，有半價優惠也真不錯，我點的是熱情果特飲，香滑的雪糕配上甜甜的熱情果汽水，不會太甜，也去掉了口中的油膩感。整體性價比還算不錯，下次會再來品嘗其他的!

上個星期去了薯仔屋餐廳用餐，餐廳環境讓人耳目一新的感覺，裏面設有幾部電視，整體感覺十分舒適，放鬆。我和朋友點了肉眼扒, 燒雞同豬肋骨。燒雞肉質滑膩，不油膩，外皮鬆脆，又附上軟滑的薯蓉，可緩解口中濃郁的肉味，讓味蕾稍作休息，繼續享用其他食物。每個套餐都在一百元內，價格親民，性價比高。肉眼扒肉汁鎖住，不太油膩，牛扒汁也恰到好處。配菜亦有誠意，西蘭花很新鮮。燒雞此外，豬肋骨亦十分惹味，肉質鮮嫩，配上肉汁薯條，令人垂涎三尺。而且分量足，可以同朋友一起享用，另外，我點了一杯巴里熱情的雪糕熱情果梳打特飲，尤其令我回味，入口即溶的雪糕，口中充斥濃濃的牛奶味，十分綿滑，而且熱情果味的梳打也不錯，清甜的熱情果中和了濃郁的肉味，口腔氣味煥然一新。雖然價錢偏高，但是香濃的牛乳味 和清甜的熱情果味，讓人按耐不住想一再嘗試。餐廳裝修不錯，感覺舒適，之後會再一試。

今日心情好低落，唔知點解，所以就去左搵男朋友，希望有佢哄番我，今日我同男朋友去咗薯仔屋電影餐廳，因為男朋友咁岩喺柴灣做嘢，所以就順便去柴灣睇戲，睇子華神新戲，見到戲院前面有一間餐廳，就入咗去啦。我哋每人都叫咗一個餐一杯野飲，佢嗰個餐就係豬仔骨，而我叫嗰個呢就係豬扒茄法國BB燒雞。咁我個餐妮左先ge，上菜速度快！嗰個法國BB燒雞，真係不錯！熱辣辣送上嚟，雞胸位置比較鞋，其他肉都非常之鮮嫩，＄100左右食到咁樣嘅質素都不錯。以佢嘅豬仔骨就係燒烤味，我自己就覺得佢味道非常之濃，但我男朋友就話啱啱好，各花各眼啦。之後我哋就叫咗兩個羅宋湯，個兩個羅宋湯比較辣，如果食唔到辣嘅人呢，好似我咁，就比哂男朋友飲就岩啦。最後有兩杯野飲，我叫個杯呢就係西班牙雪糕咖啡，即係朱古力雪糕，而我男朋友叫個杯呢就係水蜜桃雪糕梳打，我覺得佢個杯好飲過我自己個杯，因為我自己個人就唔係太鍾意飲咖啡，但我就好鍾意飲水蜜桃。總括嚟講，都值得一試。

貪平戲飛所以買到來柴灣睇完套戲出來已經夜已深原本打算出返去旺角食西點知剛好發現呢間裝修咁有趣既餐廳天花有電影菲林盤做燈具門口掛左一排排小小燈餐台面仲有植物作擺設加上環境幽靜 都有幾分外國風情餐桌之間唔算迫 坐得好free點餐的led 水牌都好有電影院風格睇得出店主花左唔少心思-由於太晚先睇完電影可以選擇的晚餐款式剩下不多了就選了晚餐D鐵板肉眼排薯菜配蒜蓉汁另外仲跟返個前菜沙拉 蒜蓉包同餐飲近日都有點悶熱 好適合飲返杯水果特飲蜜桃味好清新配上雲尼拿雪糕讚絕！塊肉眼扒都好有良心 唔係薄chichi 果種真係啖啖肉就連薯條都係好足料原隻薯仔切 條薯條仲長過電話-而家先知呢間餐廳都未遲 下次再來附近睇電影時會早少少來食埋佢其他野食先～

今日同女朋友去左屋企樓下嘅戲院睇戲，見到戲院嘅餐廳原來keep當日嘅戲飛飛尾可以有折，就梗係試下好唔好食啦。我地就叫左一個香煎蘇格蘭肉眼扒配意粉、蜜糖燒豬仔骨配肉醬鋪天薯條。野飲就叫左一杯expresso同一杯特飲巴里熱情。巴里熱情係熱情果味嘅梳打水，上面有兩圈軟雪糕，雪糕有好香濃嘅牛奶香味，而梳打水有小小嘅酸味，熱情果味唔太突出。Expresso咖啡味好重，十分提神。前菜嘅沙律配蒜蓉包就不過不失，蒜蓉包好脆好香口，但無乜蒜蓉味。沙律嘅菜幾新鮮，沙律醬唔會太多，酸酸地幾開胃。香煎蘇格蘭肉眼扒都幾大塊，上面有胡椒粒 提升左塊扒既香味 塊肉擺入口好輕易就咬得開 蘸左碟上既醬汁 減去左塊扒少許既濃味 食落感覺無咁油膩 意粉用茄汁加上紅青椒去烹調 味道唔錯另一道菜係豬仔骨肉醬薯條 薯仔新鮮炸起 食落仲熱辣辣 薯條上鋪左少許肉醬 肉醬令到薯條食起上黎整體感覺無咁熱氣 豬仔骨塗滿醬汁 份量足 味道出色 下次都會再試

來到位於柴灣戲院旁邊的薯仔屋電影餐廳，開門庭能看見盡寬敞的空間放著桌球機，帶有甫裝潢勞的歐陸氣味，任憑目光在餐廳內游移，圓形像播映畫卷的燈飾到播著電影廣告的電視機，每個細節都帶有戲院獨特的風味，雖有着華美空間，但食物質素仍能保持，提供着西式料理套餐。有趣是他們會定期更換餐單，定期推出新菜式，不時到訪便會有新驚喜。北克鋪天薯條配醬燒豬仔全骨HKD108燒豬骨一旁配上爽脆金黃的炸薯條，香氣極誘人，薯條以肉醬和沙律醬作點綴，內醬雖沾食薯條噴香夠味，數一數二美味的豬骨表面塗抹滿蜜糖，油亮焦香，咬下肉心，肉汁奔走出來後， 便能看見肉中帶微微血紅的骨，再把爽脆的沙律放進口中解膩，一口肉一口菜，兩者同時嘴嚼起來依然有滋有味，滿足又過癮。沙律為吃肉的暢快罪惡感， 帶來舒服的平衡， 也像為著我的健康帶來救贖的良藥， 品嚐著乾淨蔬菜原始的甜味鐵板燒燒豚肉配讚岐烏冬 HKD78鐵板豚肉拌烏冬又係一番新嘅體驗，味道有少少似係茶記食咗嘅豉油王炒麵不過係好食啲嘅嗰種，甚少餐廳會咁揼本去用讚岐烏冬，唔差巴利熱情 黃昏 兩杯特飲上面都有雪糕，配埋有氣嘅梳打特飲，絕大家去柴灣睇戲嘅時候不妨可以入去試下

係港島區返工除左車錢貴，影戲都貴少少搵到間平啲既戲院，隔離就係戲院 ，雖然上戲不太多，但比其他平一放工食完就即去影戲，唔洗再好趕咁係戲院入面食有六個晚餐選擇，有扒類，意粉，醬燒豬仔骨包蒜蓉包加沙津餐飲，半價改特飲，加10元，可以有餐湯或額外意粉。選了挪威三文魚配天使麵配松露香菌忌廉汁份量多，濃忌廉汁和香菌味天文魚又新鮮，天使麵量多舖天薯仔配燒豬仔骨薯仔香脆鋪滿肉醬加忌亷好野味豬仔骨，肉質鬆軟，香口足足半條，一個人食份量好夠特飲熱情果雪糕梳打雪糕係軟雪糕，有濃牛奶味。又香滑配熱情果流打，酸酸地，好開胃另外，Bb泡鮮奶，如正常鮮奶，但有泡，好像飲左一陣風店內有桌上足球機，未夠時間睇戲可以玩下仲有一個小角落俾小朋友玩，好貼心

今日過黎睇戲，買完飛就見到呢度有間幾有特色既餐廳喎，咁就黎試下啦。原來餐廳既小食係可以帶入戲院食嫁，睇落好吸引喎。不過今日未食飯，就試下呢度既set dinner 先啦。好似個個都好吸引喎，最後我就叫左個薯條拼豬仔骨。朋友就叫左個燒春雞拼豬扒，2個一齊share食。首先黎左個沙津同蒜蓉包，沙津食落好fresh好開胃呀，蒜蓉包又熱辣辣夠哂脆。我個豬仔骨賣相十分吸引，而且估唔到食落咁香咁入味，比果間出名食ribs既美式餐廳更加好食。另外，個薯條都唔係普通既薯條，係而家好流行果種肉醬薯條，薯條又夠粗夠脆，食落真係大滿足呀。試左少少朋友既燒春雞，食落外脆內嫩又多肉汁。豬扒味道就不過不失，不過點埋汁食都唔錯喎。飲品方面，我就同朋友一個叫左黑牛，一個叫左杯芒果雪糕特飲。芒果雪糕特飲好特別呀，有種甜甜既果味，溝埋雪糕又清新陣好飲。呢間餐廳除左野食好味，環境都好靚嫁，而且有唔少設施比大人同小朋友玩，真係非常值得再黎食多次呀。

放左工諗緊去邊度chill既時候 朋友就話不如去柴灣個邊睇戲雖然去到發現想睇套戲睇唔成 但就意外發現左呢個食野好地方一黎到薯仔屋 見到佢既dinner set睇落都好吸引果然一入去 差少少就無哂位 好彩我地好彩坐左最後幾個位佢成個環境都好舒服餐廳入面仲有唔同電影既tralier睇真係好有氣氛！直程起正係戲院隔離平時食完野直接去睇戲真係岩岩好！同朋友諗完一輪雖然樣樣都好想食但最後就決定試下佢既e同f餐which係 香草燒法國bb野雞拼豬排薯蓉雜菜 同 魁北克鋪天薯條配醬燒豬仔全骨！佢另外仲有個salad再包飲品！佢係一個半自助形式既餐廳所以揀好之後只要去返前面買野食之後就會有人送餐上黎當我地個set一上既時候我同朋友都有點shock因為佢地既份量真係好巨大有點嚇親驚食唔哂但見到又覺得好幸福好彩同朋友兩個女仔個日都餓餓地先食得哂！佢既燒豬仔全骨係真係好似相影咁大件咬落去d肉已經吸哂佢既醬汁 成件事都惹味 d肉咬落去亦唔會話好硬定點所以同朋友都食到japjap聲好快就清左佢既燒春雞又係個surprise因為佢真係 好大隻！咬落去亦好有雞味 點埋佢既汁就更加夾唔會話好似平時其他餐廳食埋d雞好似