薩莉亞意式餐廳 (海怡西商場) (裝修中)

員工完全沒有禮貌，Hea 到爆，好多客响外面等但餐廳內仲有好多位無人座！ 送餐啲汁漏到成地都係，成碟蜆凍嘅，攞返出嚟係熱但乾曬，無可能食到！ 前幾次去都冇咁嚴重！ 我同我老公食完返屋企屙咗幾次！ 真係無下次！

鯷魚芝士薯蓉鯷魚極之鲜美，薯蓉入口鬆化易容，加芝士香脆味濃，價錢公道，非常推薦大家品嘗！農舍薄餅一上碟就急不及待被剷去大半，餅脆香口配菜合襯合味，可嫓美薄餅hut，趁熱食。雞肉多利亞雞肉軟滑口感新鲜(雖然不是活雞)，焗飯焦香可口，size適中够飽肚，價格相宜，值得一試。

原來開咗咁耐我都係第一次嚟食，╭(°A°`)╮由於太肚餓所以都冇影到啲食物相，但係就影到佢嘅餐牌，可以見到佢嘅餐牌選擇都幾多，☆*:.｡. o(≧▽≦)o .｡.:*☆對於選擇困難症嘅人來講真係有啲困難㗎，(*¯︶¯*)每一樣嘢食都好吸引同埋價錢都唔貴，\(≧▽≦)/不過份量就有啲少，如果多番少少就好啦，(>﹏<)質素都係咁嘅，冇話特別差，我覺得作為下午茶都唔錯，但係作為正餐就分量少咗啲啦！（¯﹃¯）

食物：咁嘅價價錢 算係咁啦但全店最大問題一定係員工 佢地傾住計 隔座山嗌過去咁都冇問題 開心愉快地工作 大家都唔介意但係個四眼員工 一邊媾個女同事一邊執枱又唔望張枱淨係望女同事 搞到倒瀉芬達 咁算係點呢？之後仲要求其拎一張餐紙仔抹下就算 但仍然因掛住傾 冇留意成凳成地都係 就咁就走左 到下個客坐落去 成褲都係 仲成地痴淋淋 真係請庇護工場班人仲有熱誠過依家班人

薩莉亞是一間價錢合理既鋪頭，佢既對得住佢眉價錢，我個人比較推介多人黎食、因為可以試多d野食，期中我覺得一定試既係佢雞翼同羊架，都係好有特色，加上佢明太子意粉我覺得驚為天人

成日見到呢間餐廳排哂長龍，朋友個個都話又平又抵食，點可以唔試呢一睇到個餐牌，啲嘢果然真係好平！平到好似唔需要睇價錢任叫都得。今次我哋就叫咗甜蝦粗管麵、肉眼扒、雞翼同埋溫泉蛋肉醬多莉亞！首先，雞翼雖然係簡簡單單，但係好好食好入味！甜蝦粗管麵面頭佈滿芝士，芝士仲可以拉絲！啲汁又香濃嘅奶味，唔錯！溫泉蛋肉醬多莉亞其實即係肉醬焗飯，但係小弟覺得超級好食！唔單只係有肉醬，仲有芝士同埋白汁，無可挑剔！至於肉眼扒，牛肉唔會好un，啲燒汁都調校得好好，咁嘅價錢係邊度搵！小弟食完今次之後，唔單止覺得佢係平靚正，而且上菜好快，差唔多等5分鐘就開始有得食，仲要熱辣辣！

😃呢間餐廳開咗無耐，一直都好想試，但次次嚟到都好多人排隊👨‍👩‍👧‍👧所以冇機會試到，今日終於有機會過黎👏，餐廳好闊落好多位，啲食物都幾新鮮🥘🍛🥗，地方好乾淨👏員工好有效率。下次會再光顧。😄

今年2019年年頭海怡廣場開咗 , 對於住係南區既我當然覺得very good啦之前聽聞過 既食材由工場預先處理好再分到每間分店, 雖然唔太確認真偽, 但以我都去過好幾間分店用餐既經驗就覺得分店既環境、上菜次序非常影響食物既質素由於海怡分店開業至今未滿一年, 所以環境、衛生都十分理想, 而且地方大, 梳化座位加上一面成排大玻璃對住廣場內環境, 空間感十足, 非常舒適今日自己一個人食, 所以只係order咗一份意粉🦑🦐明太子魷魚蝦仁意粉 ($34)沒錯, 外出用餐抱住圖片只供參考就正確😂更何況$34一份意粉, 茶餐廳都唔得啦, 所以我本來都無乜期望雖然上碟既美觀真係麻麻, 但一撈, 已經香噴噴, 而且醬汁嘅份量啱啱好, 每一條意粉都掛上醬汁, 佢既價錢、質素、份量, 真係冇嘢可以挑剔, 滿分💯

仲記得薩莉亞意式餐廳第一間☝🏻應該系荃灣誕生，想當年同學仔約我地去食嘅時候，十分之抵食，叫到滿枱都系，最終大家都清晒，味道亦的確唔錯，後期我拉媽咪去試個陣，已經要排人隴攞籌👉🏻辣味雞翼（8隻）呢到辣味雞翼由中學起一直深得我至愛，首先同pizza hut辣雞翼味差唔多，價錢至少比老麥嘅脆香雞翼平多蚊，所以來親都必嗌🤤❤️👉🏻水牛芝士薄餅想當年系冇咁多款pizza，見到至新推介呢款pizza，一於試試佢，味道非常好，一定要系啱啱上枱個時即食，芝士同茄膏味夠晒香濃，仲要咬口煙韌，🤣即得推介，凍後就差好遠，♨️必需熱食！👉🏻邦哥尼意大利粉味道似Tabasco煮出尼，帶酸味同辣味，意粉上食唔出硯味，有些少失望，下次唔會再叫😅👉🏻意式蒜蓉燒雞系薩莉亞之前都已試過幾次鐵板類嘅食物，驚喜度一般同味道只屬中規，今次叫左未試過嘅鐵板蒜蓉雞，味道就好似白灼雞加蒜蓉粒，雞肉完全冇俺制過，顯得非常冇味🤦🏿‍♀️💦✍🏻整體來講有做得好嘅食物同一般嘅食物，都系可接受範圍內，但服務真系有需要改善一入門帶位嘅中年帶眼鏡男人，明明餐廳仲有好多卡座，但就帶我同男人坐一個背脊貼牆連凳都拉唔盡嘅位置，目察應該適用於單人👤位/兩位較瘦

如果你唔怕等，薩利亞係一個好選擇，佢啲食物真係好平，不過你要好企得，慢慢等⋯我鍾意食巴馬火腿，所以叫咗個巴馬火腿拼辣肉腸，芝士巴馬火腿意粉，仲有焗蒜蓉青口只係$28，就有巴馬火腿同辣肉腸各三片，雖然質素唔係好高，但係我覺得已經係超值意粉有好多蕃茄醬同芝士，芝士焗溶咗，同啲蕃茄醬個汁好夾，好惹味，巴馬火腿都有好多片，係快餐店的價錢，但係有餐廳嘅質素，份量重好大碟青口洗得好乾淨，我最怕有啲海草夾係青口肉裏面，雖然係用蒜蓉焗，但係唔多夠味，爭左少少，或者下次食蜆肉可能會好啲

平時食蕯莉亞，多數買外賣，因為堂食要等好耐，今日見等6、7張枱，就等下，點知都要等左30分鐘先至開餐飲咗忌廉周打魚湯，忌廉味好濃，重有好多配料，有蜆肉同雜菜粒，口感好豐富，不過個湯唔夠熱，扣少少分平時喺其他Pizza店，多數只提供蒜蓉包，呢度我揀咗芝士蒜蓉包，係蒜蓉包上加多一層芝士，溶化咗嘅芝士同啲蒜蓉醬配合得天衣無縫，又夠熱又好味Pizza係巴馬火腿，辣肉腸，芝士，菠蘿，都係果句，好多餡料，又惹味，皮底鬆脆俾錢嗰陣時，仲驚喜，又平又抵食

去海怡睇完戲，順便係海怡食晚餐，原來宜家海怡地下開左幾間新餐廳，一早應該咁做啦！唔好全部南區人都去哂香港仔食飯，希望海怡商場好好利用其他空置的鋪位，租比更多有質素的餐廳！第一次試呢間意式餐廳，唸住都係食意粉pizza, 地方都算大，環境都算舒適！ 坐低一打開Menu就嚇親，每款野食都只係$3-40！ 有冇咁平呀？由於已經晚上9:30pm, 我地主要點小食為主！蒜香法包 $10 即叫即製，外脆內軟，都只係$10！意大利菜湯 $12 味道一般，沒有驚喜！歐陸風香烤焗香腸 $19 抵食👍🏼黑松露野菌意粉 $34 可能已經準備收工，感覺意粉唔夠熱，有黑松露味但冇黑松露的香味！蒜蓉焗田螺 $28 $28食到田螺真係邊到搵！而且餐牌寫人氣no.1, 就叫黎試試，都好食，略嫌太多油，好似油浸田螺！如果以做街坊生意黎講，呢個係平價之選！不過味道就不能有太高要求，一家人想平平地食下西餐，呢個絕對係好選擇！

今晚兩個人食薩利亞！6點已經到點知已經好多人排隊等食好彩中間都多人中途離開冇等落去所以大約半個鐘就入得去！好快就嗌咗甜蝦沙律；甜蝦粗管麵；明太子魷魚蝦仁意大利粉同埋甜栗脆薯煙肉焗蛋沙律（24$)太肚餓唔記得影相，蕃茄仔鮮甜但略嫌鮮蝦太細隻

等位等了一個半小時，終於入到去食，點知椅背有隻曱甴。叫員工過嚟處理，佢就叫我行返出門口搵帶位嘅員工。等左十幾分鐘，最後幫我地換咗位，但冇處理過隻曱甴，見住佢係椅背爬來爬去，而且員工態度一般。由於等左太耐，唔想再走去第二度食，就坐低叫左蝦沙律，湯，蒜蓉包意粉，天使蛋糕等等蝦沙律嘅蝦好大浸雪味，蒜蓉包好硬，同以前食嘅質素差好遠。去到新嘅位置都好污糟地上有食物。雖然價錢好平，但好失望，短期內唔會再幫襯。

本人晚上於 海怡半島分店 等候座位，號碼是C46。而貴公司 的店員K女士在叫號碼，當她叫C43後沒有客人應睬 她便叫C44 C45過後她就突然不再叫C號座位， 改叫A,B坐位 大概7-8張座位入座後，本人家人便去查詢座位資料。她就很不耐煩，冷眼地回應，「我岩岩ABC都有嗌囉」，然後露出不滿表情。之後我們繼續耐心等候，她繼續叫A,B座位的客人入座 ，約5-6張座位的客人入座（大部分都是剛來的客人）都比我們早入座，而本人等候一個小時，還沒能入座。眼看等候的人數也只剩十多人，而7成都是這十五分鐘來。於是我家人再去查問，不明所以。她卻說「你地以為六合彩，隨意開就入得」又直言「你地等唔到咪唔好等囉，我係唔鐘意嗌C啊，你吹啊？」極之無禮。如此服務態度使我家人非常生氣，更有出言罵店員。本人也曾當服務員，也明白服務員有壓力，但更知道，即便客人如何，都不能出言鬧罵客人，何況我家人沒有出言時，貴 公司之員工K女士已經如此囂張差劣的態度。我知道貴 公司規模頗大 但如果員工態度和質素如此差劣，我認為在香港能繼續發展的機會也會日益減少。希望貴 公司 能有待改善以及再好好培訓閣下的員工們。