12
4
1
食評 (22)
如果你唔怕等,薩利亞係一個好選擇,佢啲食物真係好平,不過你要好企得,慢慢等⋯我鍾意食巴馬火腿,所以叫咗個巴馬火腿拼辣肉腸,芝士巴馬火腿意粉,仲有焗蒜蓉青口只係$28,就有巴馬火腿同辣肉腸各三片,雖然質素唔係好高,但係我覺得已經係超值意粉有好多蕃茄醬同芝士,芝士焗溶咗,同啲蕃茄醬個汁好夾,好惹味,巴馬火腿都有好多片,係快餐店的價錢,但係有餐廳嘅質素,份量重好大碟青口洗得好乾淨,我最怕有啲海草夾係青口肉裏面,雖然係用蒜蓉焗,但係唔多夠味,爭左少少,或者下次食蜆肉可能會好啲 繼續閱讀
(以上食評乃用戶個人意見 , 並不代表OpenRice之觀點。)
等級2 2019-09-05
33 瀏覽
平時食蕯莉亞,多數買外賣,因為堂食要等好耐,今日見等6、7張枱,就等下,點知都要等左30分鐘先至開餐飲咗忌廉周打魚湯,忌廉味好濃,重有好多配料,有蜆肉同雜菜粒,口感好豐富,不過個湯唔夠熱,扣少少分平時喺其他Pizza店,多數只提供蒜蓉包,呢度我揀咗芝士蒜蓉包,係蒜蓉包上加多一層芝士,溶化咗嘅芝士同啲蒜蓉醬配合得天衣無縫,又夠熱又好味Pizza係巴馬火腿,辣肉腸,芝士,菠蘿,都係果句,好多餡料,又惹味,皮底鬆脆俾錢嗰陣時,仲驚喜,又平又抵食 繼續閱讀
(以上食評乃用戶個人意見 , 並不代表OpenRice之觀點。)
等級3 2019-06-29
343 瀏覽
去海怡睇完戲,順便係海怡食晚餐,原來宜家海怡地下開左幾間新餐廳,一早應該咁做啦!唔好全部南區人都去哂香港仔食飯,希望海怡商場好好利用其他空置的鋪位,租比更多有質素的餐廳!第一次試呢間意式餐廳,唸住都係食意粉pizza, 地方都算大,環境都算舒適! 坐低一打開Menu就嚇親,每款野食都只係$3-40! 有冇咁平呀?由於已經晚上9:30pm, 我地主要點小食為主!蒜香法包 $10 即叫即製,外脆內軟,都只係$10!意大利菜湯 $12 味道一般,沒有驚喜!歐陸風香烤焗香腸 $19 抵食👍🏼黑松露野菌意粉 $34 可能已經準備收工,感覺意粉唔夠熱,有黑松露味但冇黑松露的香味!蒜蓉焗田螺 $28 $28食到田螺真係邊到搵!而且餐牌寫人氣no.1, 就叫黎試試,都好食,略嫌太多油,好似油浸田螺!如果以做街坊生意黎講,呢個係平價之選!不過味道就不能有太高要求,一家人想平平地食下西餐,呢個絕對係好選擇! 繼續閱讀
(以上食評乃用戶個人意見 , 並不代表OpenRice之觀點。)
等級2 2019-06-23
217 瀏覽
今晚兩個人食薩利亞!6點已經到點知已經好多人排隊等食好彩中間都多人中途離開冇等落去所以大約半個鐘就入得去!好快就嗌咗甜蝦沙律;甜蝦粗管麵;明太子魷魚蝦仁意大利粉同埋甜栗脆薯煙肉焗蛋沙律(24$)太肚餓唔記得影相,蕃茄仔鮮甜但略嫌鮮蝦太細隻 繼續閱讀
(以上食評乃用戶個人意見 , 並不代表OpenRice之觀點。)
等級1 2019-06-23
181 瀏覽
等位等了一個半小時,終於入到去食,點知椅背有隻曱甴。叫員工過嚟處理,佢就叫我行返出門口搵帶位嘅員工。等左十幾分鐘,最後幫我地換咗位,但冇處理過隻曱甴,見住佢係椅背爬來爬去,而且員工態度一般。由於等左太耐,唔想再走去第二度食,就坐低叫左蝦沙律,湯,蒜蓉包意粉,天使蛋糕等等蝦沙律嘅蝦好大浸雪味,蒜蓉包好硬,同以前食嘅質素差好遠。去到新嘅位置都好污糟地上有食物。雖然價錢好平,但好失望,短期內唔會再幫襯。 繼續閱讀
(以上食評乃用戶個人意見 , 並不代表OpenRice之觀點。)