影片
港鐵銅鑼灣站 F1 出口, 步行約4分鐘
繼續閱讀
營業時間
今日營業
11:00 - 22:00
星期一至日
11:00 - 22:00
*截單時間: 21:30
以上資料只供參考, 請與餐廳確認詳情
呢間幫襯過好多次，對客服、食物大致滿意。近日晚市再去，明明大把吉枱，生口面阿姐叫我坐二人枱，但我會叫五六樣野，張枱咁細點擺？好聲好氣問佢可唔可以坐四人枱，佢竟然大聲話「你咁樣唔啱規舉」！以前我地次次兩個人嚟，都會安排四人枱！可能呢個阿姐以前做慣連鎖茶餐廳，唔知日式餐廳「規舉」。後來拉住個後生仔店員問，先可以坐到四人枱⋯⋯隔離又係兩個人坐2人枱，D碟多到捧係手度無處「降落」！結果個後生仔店員用左D時間，先幫到佢地轉枱。如果蕯利亞真係新增左2人限坐2人枱嘅「規舉」，即係迫客人叫少D野，或者直接唔好幫襯！
繼續閱讀
呢個蒜蓉法式焗田螺真係好好味，牛油味同蒜味都好重。羊架薯角煎得好香，羊架都好霖好好味。辣味雞翼都唔錯，會食上癮。煙三文魚pizza 芝士同煙三文魚都好香口，非常之美味。最後西蘭花香菇意大利粉炒得好香，有蒜蓉味得來又有香菇味。#薩利亞
繼續閱讀
今晚同家人嚟到銅鑼灣呢間薩莉亞食飯。我哋由意大利菜湯開始，一人一碗，好多菜，打個健康靚底先；跟住係鐵板羊鞍焗爐燒，羊肉唔羶，仲好juicy添，三嚿羊鞍咁多先79蚊，真材實料益街坊；同甜甜哋中華沙律一齊食嘅仲有兩碟蔬菜，意式清煮蘆筍、香辣野菌西蘭花，雖然佢哋賣相味道都好一般，但係勝在有營養，可平衡吓啲肉食嘛；黑椒蜆肉煮可以嗒嗒吓，豐富口感同時又完全冇壓力；主食係水牛芝士薄餅, ，一家人你一片我一片好快分享完，飽肚香口得嚟都好有風味。甜品係宇治抹茶千層蛋糕，雖然食唔出咩嘢抹茶嘅香味，但係就一定係甜品嘅感覺，食咗甜品個心就定喇。之前都試過就算一個人去第間薩莉亞餐廳食晚飯，同樣可以食得好豐盛。就算食得好飽足都冇內疚感，因為每樣份量少少，可以嗌好多品種，又有唔少菜蔬可以揀，容易做到健康而均衡。薩莉亞確實抵食嘅，識揀仲可以好豐富好健康添。
繼續閱讀
啲嘢整到好鬼死難食，薯蓉全部硬掘掘嘅，雞肉多利亞焗飯一嚿嚿濕粒粒，而且個Pizza有浸怪味，最嚴重嘅就係啲服務態度差，個職員見我哋係10幾歲嘅人恰我哋，唔俾我哋換張大啲嘅枱。
繼續閱讀
🌻一個人的晚餐，揀了一間有去過的餐廳，不過銅鑼灣《薩莉亞意式餐廳》就未去過，探店最開心！！🌻餐廳雖然在銅鑼灣，但地點有點偏，在一個商業中心內，而且入面大多是補習社或興趣班的舖，發現它是無聊逛逛時見到。🌻餐廳跟連鎖分店一樣，但我覺得這處較為潔淨及比較大，座位都不少，而幫襯的人都是學生或一家大小。在薩莉亞可以盡情去點菜，因為價錢不貴，我一個人就了四款食物，而埋單是一百元有找。原味雞翼$20香口，熱辣辣意式清煮蘆筍$20沒有味道香蒜走辣汁蜆肉意粉$35份量足，意大利粉軟硬適中菠蘿雜錦蔬菜沙律$13份量足，菠蘿開胃
繼續閱讀