薩莉亞意式餐廳 (華比銀行大廈)

尋晚第一次去旺角呢間分店，三個大人安排一個又窄又細角落位嘅四人枱只得三張凳😡😡😡，旁邊有空卡位一直冇安排客人坐，直到我哋落咗單之後，職員安排一家三口去坐。搞到我哋要用一個大鈎鈎起三個袋，之後留咗喺餐廳唔記得拎走。我最不滿係點咗三個飲品吧共$39，連一杯有奶咖啡都飲唔到，我連續去咗兩次發現雪櫃內的1公升牛奶已經乾塘好耐，店內有三四個職員，冇理由睇唔到我打開雪櫃check，最後我去第三次咁啱有個職員去飲品bar攞汽水飲，見到我即刻一枝箭咁飛返入廚房慌死我叫佢換盒奶咁。你哋呢個分店唔想人客飲咖啡？$39 齋飲汽水同沖熱茶飲😡😡😡…查看更多

好耐無來, 今晚過來食, 望下餐牌先🧐, 叫左一個周打海鮮湯🦐, 一個忌廉磨菇湯, 一個水牛芝士🧀, 一個BBQ豬🐽肋骨, 一個雞肉🐔野菌pizza🍕, 一個青醬大蝦🦐意粉, 一個炸魷魚圈🦑, 一個忌廉芝士菠菜, 等左一陣忌廉芝士菠菜送到, 吃一d😆好香濃的忌廉芝士味, 菠菜夾埋一齊, 食落好香滑👍😋, 再來炸魷魚圈🦑, 食到入面係魷魚🦑, 佢炸得來又唔會係成口粉, 加少少類似沙律醬的物體, 食落酸酸地, 唔錯😍, 個水牛芝士🧀食落就麻麻地, 無芝士香味😅, 唔會再叫, 食落口係食到一舊野但唔知係乜嘢😂, 再飲周打海鮮湯🦐, 飲落唔錯, 好滑好濃, 入面係有少少海鮮😀, 又試下個青醬大蝦意大利粉, 見佢寫new, 所以叫, 食落個醬的味道麻麻地, 唔同出面煮得好滑好creamy, d蝦🦐無乜味, 依個都唔會再叫😅, 再試件BBQ豬🐽肋骨, 依個食落有驚喜😘👍, 肉質有咬口, 唔會好淋, d醬甜甜地幾好, 但食落就辣左d😆, 再試雞肉🐔野菌🍕pizza, d雞🐔都係無乜味, 不過食落整體味道算ok, 係餅邊焗得太硬, 如果軟番少少會好d, 整體不過不失, 價錢相宜, 地方舒服, 都係慳家之選, 但唔係款款都ok, 而且食完都幾口渴😅😅…查看更多

今日同朋友去咗薩莉亞食晏，呢間餐廳喺旺角嘅MPM Plaza。餐廳環境幾舒服，木系嘅裝修同柔和嘅燈光，畀人一種好溫馨嘅感覺，座位都算寬敞。再講下食物，蒜香法包烤得好香，麵包外層酥脆，蒜香味同牛油香融合得唔錯，不過同正宗意大利餐廳嘅蒜香麵包相比，呢度嘅蒜香味可以再濃郁啲。水牛芝士薄餅，芝士嘅牽絲效果唔錯，芝士味都算香濃，番茄醬底酸甜度啱啱好，但餅底就唔算好薄脆，同正宗拿坡里薄餅有啲距離。原隻雞翼炸得金黃酥脆，外皮好香口，入面嘅雞肉嫩滑多汁。鮮蝦冷盤嘅蝦新鮮彈牙，配上特製嘅醬汁，味道唔錯。價錢方面真係好抵食，三個人食埋單先二百零蚊，仲唔使加一，性價比超高。小缺點就係部分食物嘅賣相唔算好精緻，同高級意大利餐廳相比，喺食物嘅擺盤同精細程度上有進步空間。而且餐廳有時人多會有啲嘈雜。講到薩莉亞嘅食物，其實佢唔係話有好正宗好高級嘅意大利風味，但勝在平價又大份，啱晒我哋呢啲想食意大利菜又唔想大出血嘅打工仔。每次嚟食都覺得好似同朋友一齊去咗個平民版嘅意大利美食之旅，雖然唔完美，但有住屬於自己嘅味道同回憶，呢啲情懷就係薩莉亞喺香港咁受歡迎嘅原因啦。…查看更多

人手不足、服務態度非常差！全場只得兩個職員應付客人，另一個曾制服嘅經理淨係企喺度又唔幫手，完全無理會客人需求，好廢！另外，個WiFi 密碼唔啱，叫人落單竟然無人理！…查看更多

餐廳光線充足而餐牌款式都選擇比較多價錢都係$30開始而小食$20到已經有所以學生平民都可以食到餐具自助水機都係自助但加熱水方面比較不安全因為冇得放低隻杯加 一定要手拎住而且水力都比較大已經有人整親隻手 跌咗隻杯落地所以真係好小心 建議可以整返擺放位置放杯蕃茄煙肉意粉$30餐廳無額外加1服務費意粉勁熱，出晒煙 啱啱整好非常新鮮而且單看份量都偏大 仲有芝士粉喺面 煙肉份量都偏多軟硬適中 但唯獨蕃茄汁方面比較淡同稀底部已經好多蕃茄汁水有啲似學生訂飯的意粉味道不過呢個價錢食到呢個質素都合理…查看更多