影片
見到social media推介，又話幾個地方都會開分店，所以作為街坊想係foodie力推之前去試試個lunch。無點到餐廳招牌既燒雞，反而俾佢門口大大招牌寫住既$68和風黯然銷魂飯吸引左，並無套餐提供，熱檸水要另加$8。叉燒份量同埋啲飯係好充足的。米是用珍珠米做，配咗個滑蛋係側邊。但叉燒都幾另人失望，切到大大舊咁，有三分之一都係非常之硬，即使唔硬可以擺入口嘅亦都偏鹹，亦都冇乜烤叉燒豬肉嘅香味，似係喺出面訂返嚟嘅叉燒自己再加熱俾客人食。家人問點解我唔索性去附近食順興，後悔了。至於熱檸水都可以一提，只有兩片檸檬，拎開了檸檬片只有半杯水。好似連水都慳。本身一坐低見張枱都似上一手用完未抹枱，加上見到碗飯同食左幾啖，所有期望都降低曬。所以都覺得都係大坑餐記，就相都慳返無再影，點知一埋單竟然要$84，原來仲收左加一服務費，毫子都唔收直接round up。落單自己用QR code, 埋單自己行出去俾。除左係咁易遞上碟飯同個飲品，仲有咩服務可言？因為可以用電子消費？水都無另外俾。櫈又唔係要咩梳化皮櫈。真心覺得收費離譜。香港飲食業艱難，可能真係要力挽狂瀾，唔覺唔覺收多啲啲去經營。
繼續閱讀
本身係灣仔人，間中都會食薔紅，今日去大坑搵嘢食，本身都唔諗住晒quota食啲灣仔都有嘅嘢😂但一方面又想支持下，又想睇下水準有冇分別，所以就照去食！燒春雞！電話scan qr code自助落單，唯一唔gur嘅係已經要自助落單但都仲收加一，我寧願你本身個餸賣貴啲⋯叫咗燒春雞$88（同灣仔一樣）薯條要+$3，嘢飲要另加錢，凍檸茶加$13，呢兩樣比起灣仔啲收費貴咗少少首先嚟咗薯條先，好熱，夠脆之後燒雞嚟埋，同灣仔質素比感覺較肥美同新鮮，食落都覺得肉好嫩，就好似呢間分店咁，個vibe都好young！最開心係有得望住條街chill住食，仲可以帶埋狗！
繼續閱讀
我極少寫食評呢間真係值得抵讚叫外賣無意中發現外賣過銅鑼灣都好掂送到嚟仲好熱辣辣超掂燒雞皮脆肉嫩，必點叉燒蛋飯好味，啲豉油汁教得好好，我唔食太多豉油都倒晒落去😆搵日要去坐低食先
繼續閱讀