薈潮軒

營業中

休息中

🔥魚露金不換西澳龍蝦 呢道絕對係餐廳嘅招牌創新菜式，將潮州特色調味與澳洲龍蝦結合，創意十足。選用超過一斤半重嘅西澳龍蝦，肉質飽滿厚身。上枱時香氣四溢，魚露嘅鹹鮮嘅獨特香氣完美融合，撲鼻而來，令人食指大動。師傅將龍蝦起肉爆炒，火候控制得恰到好處。龍蝦肉炒至剛熟，口感爽脆彈牙，鮮甜無比，完全無被濃味嘅調料所掩蓋。魚露嘅鹹香成功吊出龍蝦嘅極致鮮味，而金不換嘅強烈香氣則賦予了菜式一種獨特的东南亚風情，味道層次非常豐富。墊底嘅少量洋蔥絲同樣爽甜入味，成為最佳配菜。呢道菜充分展現了師傅對調味平衡嘅高超掌握，係傳統與創新嘅完美示範。🔥金牌潮式炸雙拼 呢個拼盤可謂潮州打冷嘅升級豪華版，通常包含最具代表性嘅兩款炸物：普寧豆醬炸蠔餅同椒鹽墨魚丸。蠔餅做得極具水準，粉漿薄身酥脆，色澤金黃，完全唔油膩。內裡包裹著飽滿嘅珍珠蠔，鮮嫩多汁，點上少許魚露或喼汁，鹹香鮮味更加突出，係教科書級別嘅炸蠔餅。另一款椒鹽墨魚丸同樣出色。墨魚丸應該係手打而成，食到粒粒墨魚肉，口感彈牙到不得了，鮮味十足。外層椒鹽鹹香惹味，帶微辣，送酒一流。呢個雙拼雖然係炸物，但處理得乾身俐落，盡顯潮州菜對油溫控制嘅嚴格要求。🔥翡翠北菇原粒鮑魚

用餐買單後才發現餐廳正在做現金券優惠，買$1000送150。我們當晚共消費了$1550 ，本來是可以節省$150 ，但埋單時侍應也沒有提醒我們可以買現金券。其實我們大大話話也幫襯了十幾二十次，如果我們知道有現金券優惠的話，也樂意買$5000現金券。我認為侍應這樣對待熟客，實在有點失望，以後不再幫襯了。食物方面，水準一路比較平均，算是不錯。價錢並不算實惠，但因為容易訂枱，地方尚算清靜，方便傾偈，而食物質素亦OK，所以一路以來都幫襯了很多次，包括午市飲茶和晚市小菜。所以今次侍應這樣對待我們這些熟客，實在心有不甘，感到失望。

今日下晝食呢間潮州飯店慶祝朋友生日，大家都係第一次嚟，大家都係抱住試吓個心態去食，睇完餐牌之後決定叫個六人套餐，因為套餐入面可以揀嘅選項都非常吸引，初初抱住要加餸嘅心態，但係啲嘢食上枱之後發現碟頭都頗大，最後只係加咗甜品就算。首先個滷水拼盤都幾好食，滷水調味唔會死鹹味，個蠔餅好好食，蠔仔粥好大鍋，啲蠔仔好有鮮味，沙嗲牛河d沙嗲味恰到好處，川椒雞炒得好好食，總之個套餐性價比非常高，下次一定會再去幫襯

今午我與同事們（四圍枱）到此酒樓食開年飯。因為其中一圍枱的魚翅海皇羮內有小強🪳，我們要求全部都要更換。他們只肯換有小強的那一枱，我們再三要求下，夥計說4圍都可換 ，只是給予換上紫菜蛋花湯。我們不接受，並請他們換小菜，夥計又拒絕。最後只是換上炒米粉。在交涉過程中，酒樓職員對客人要求的處理方法及態度不負責任和無禮。其中，經理亦無講過 Sorry or 對唔住。 也有兩個小菜漏單，到食糖水時也未上菜。 此外對於魚翅海皇羮＆炒米的差價問題亦不回應。  食到一肚氣！

今日去灣仔，路經聯發街，見到一樓有酒樓-薈潮軒，入去食晚飯，地方寬闊，裝修雅緻，落地窗，如果晨早飲茶應該好夠自然光，整體環境比一般酒樓舒適乾淨，工作人員好有禮貌。餐前小菜是豆腐，好特別，比起普通的青瓜或者花生好食金不換炒蟶子皇，蟶子超鮮甜鵝片好味，有豆腐墊底，份量都唔少川椒安格斯牛肉，唔辣，圍邊是炸紫菜？加埋牛肉一齊食更出色潮州麵線好大碟，一D都不油，好有水準整體食物質素及環境都唔錯，有下次再來吃

❣️天氣凍最想食羊腩煲，之前同朋友去左灣仔呢間潮州菜館食野，$368超大煲羊腩煲，水準又唔錯，值得一去~❣️餐廳座位舒適，適合坐下傾計，價錢都合理。 🐑羊腩煲跟菜一碟$368 - 大大煲抵食，入面有成8-10 件羊腩，全部大大件，肉質軟淋入味，仲有枝竹、馬蹄等配菜，熱住上好滿足。🍄鮮百合炒雜菌 $138- 菇類炒得香，仲有百合、豆角等，幾豐富 ✨鹵水雙拼$138- 大腸肥香入味，五花肉肥瘦均勻，分量十足呢到就算同屋企人食野，都係唔錯選擇，有機會再來

店名: 薈潮軒地址: 灣仔聯發街18號1樓灣仔站B2出口，行5分鐘環境: 4/5價錢: 4/5味道: 4/5灣仔新開左一間潮州菜，有各種潮洲滷水、小菜等，今次就同朋友去試下，當然唔少得試下煎蠔烙同潮洲滷水鵝啦👍🏻汕頭煎蠔烙❤️❤️❤️❤️❤️$128次次食潮州嘢都必食煎蠔烙，煎至香脆可口，蛋香味好出，加上大大隻又飽滿嘅蠔仔🦪整體惹味可口😋鵝肉❤️❤️❤️❤️❤️$168就算叫例份量都好足，鵝肉入味，肉質嫩滑又入味😍而且底下豆腐同樣入口嫩滑🥰北菇肚肉苦瓜煲❤️❤️❤️❤️❤️$118上枱熱辣辣冒哂煙，苦瓜炆至十分軟腍，完全唔苦，加上厚肉又彈牙嘅北菇同肚肉，清新又好食😆沙茶牛肉炒粿條❤️❤️❤️❤️$138份量同樣好大，沙茶牛肉惹味又好食，粿條索哂啲汁就更美味😋反沙芋頭（例）❤️❤️❤️❤️❤️$88反沙芋頭作為潮州菜嘅招牌甜品，製作難度十分高，好考驗功夫😙咬落熱辣辣，外面裏滿白砂糖，咬落外脆內軟，脆口嘅砂糖配上軟綿嘅芋頭，入口啱啱好😙茗茶$16/1位酸菜$15

💬灣仔都有好多中菜館，有質素亦有水準，潮州菜更加係精彩。雖然只係食晏，但係一兩款拿手好戲就會知道是龍是鳳，呃唔到人 。服務同環境都係有質素，有機會想再去晚巿試多次 。.———————————————————————————🥢滷水鵝片🪿💬唔太鹹，味濃而且肉質唔會太老太韌，切薄片適中，啖啖肉，係水準之作 。.🥢鹽水豆腐💬都係潮州菜之選，唔會油膩又夠乾身，一口氣可以吃幾件都得 。.🥢韭菜粿、咸水角💬飲茶🫖都可以食到好多款香口點心，真係好滿意，點心師傅確係有信心保證 。.🥢XO醬炒腸粉、星洲炒米💬鑊氣之選賣相都唔錯，味道👅當然無問題，首嘗嘅第一次都係滿足離開，有回頭嘅想法 。

潮州菜以其清淡、鲜美著称，强调食材的原汁原味。🦆 鹅三宝（鹅肠、鹅肝、鹅片）- **口感**：鹅肠脆嫩，鹅肝细腻滑润，鹅片鲜嫩多汁。- **味道**：咸香适中，搭配酱油或蒜蓉，味道鲜美，层次分明。🦐 海鲜豆腐煲- **口感**：豆腐滑嫩，海鲜鲜爽，汤汁浓郁。- **味道**：鲜甜的海鲜和豆腐的细腻相结合，带有淡淡的海味，口感丰富而不腻。🥬鲜百合炒菌菇- **口感**：百合脆爽，菌菇柔韧。- **味道**：清新的百合与菌菇的自然香气相得益彰，菜品清淡而有营养，带有淡淡的甜味。🍚芋头煲饭- **口感**：米饭松软，芋头绵密。- **味道**：芋头的香甜与米饭的醇香融合，整体味道浓郁，。

-家庭聚餐食到幾滿意！人均先200幾，份量好足！新中式的裝修，有房，不過人少食飯坐大廳比較有人氣！一排座位都靠窗。--推薦：滷水三拼我揀咗五花肉、元蹄、新鮮大墨魚（就是櫥窗掛嘅）好厚好脆！-芋頭焗飯呢味最讓我驚喜，入面有花生碎，五香肉腩粒，芋頭粒，蝦米，菌菇粒，吃起來特別香，咁凍嘅天，我都食咗兩大碗！--蠔皇安格斯牛肉  原本想叫個菜，好彩冇叫到，因為牛肉底部有好多芥蘭，已經足夠我哋食！-鮮百合炒什菌-金不换燉海螺冇叫到個豬肚湯有啲後悔，呢個湯一般般-

-🍴🍽🍴🍽🍴🍽️🪿🥙🧆🥙🪿🍴🍽🍴🍽🍴🍽菜館座落灣仔聯發街，環境清靜，裝修清雅，入門口有10多隻可愛熊貓裝飾😄。🥢滷水鵝片$188🆙鵝片色澤誘人，肉質鮮嫩，滷汁香醇入味，帶有淡淡的五香風味。每一片都嚼勁十足，搭配特製醬油更添風味👍。🥢鮮百合炒雜菌$138🆗百合清甜脆嫩，與各種菌菇的鮮香完美融合。每一口都充滿自然風味，口感層次分明，健康又美味😋。🥢椒鹽白飯魚$168🆗白飯魚外酥內嫩，香脆的外皮搭配微辣的椒鹽，味道鮮美。魚肉鮮甜多汁，口感一流，搭配啤酒，更是絕配😋。🥢炸普寧豆腐$88🆙豆腐每日新鮮由普𡨴運送到港，炸豆腐外酥內嫩，香氣四溢。搭配獨特調味，口感豐富，令人回味無窮。無論是搭配米飯還是單吃，都是絕佳美味👍。🥢潮式水晶包$48🆗水晶包皮薄透明，口感滑嫩。讓人忍不住一口接一口，是點心中的美味之選😋。🥢清心丸綠豆爽（餐廳敬送甜品）🆗清心丸綠豆爽口感細膩，清新爽口，搭配綠豆的自然甘甜，令人倍感清涼。每一口都帶來淡淡的香氣，是消暑佳品😋。🥸 評價 𝗥𝗮𝘁𝗶𝗻𝗴𝘀 🥸
食物 𝗙𝗼𝗼𝗱 7.5/10
環境 𝗘𝗻𝘃𝗶𝗿𝗼𝗻𝗺𝗲𝗻𝘁 8/10
服務 𝗦𝗲𝗿𝘃𝗶𝗰𝗲 8/10
性價比 𝗩𝗮𝗹𝘂𝗲 𝗳𝗼𝗿

喺會展收工同同事想食打冷，餐廳樓底高，坐落舒服，幾啱傾偈 。食物種類好多，我哋揀咗鵝片雙拼，拼大墨魚 。鵝片夠入味，肉質又唔會嚡，比坊間唔少鵝片出色 。大墨魚得比較薄，口感比較失色，有啲可惜，本身味道真係幾好 。20年老菜甫燉豬肚見到20年老菜甫就覺得好特別，深啡色嗰片就係啦 。飲落感覺有啲似鹹少少嘅胡椒豬肚湯，胡椒味都幾突出，天氣涼涼哋飲好舒服 。汕頭煎蠔烙可以話係食潮州嘢必備，呢款比較多透明粉漿，食落有啲似台灣蚵仔煎 。蠔仔夠大粒份量亦都唔少，食到邊位又脆帶點焦香，相當好食。 想食菜就叫個拍蒜鹹豬肉炒菜心，碟菜非常大碟，好足料 。菜心都keep住翠綠同爽脆 ，不失為一道蔬菜嘅好選擇 。睇餐牌嘅時候見芋頭焗飯幾特別，啲餡又蝦米、冬菇、豬肉肉粒、芋頭粒等等 。配搭同感覺有啲似臘味飯，米粒分明，配料令飯鹹香感十足，個人嘅喜歡

之前都介紹過潮州菜俾大家，不過呢間有啲特別，佢嘅鵝腸同鵝肝都做得好出色！佢仲有水瓜烙，係我最愛食嘅潮州Dish!! 同埋最緊要嘅係佢中午係有得食潮式點心㗎！好想試佢嘅芋絲春卷😍▪️鵝腸鵝肝鵝肉三拼 鵝腸處理得好好！好爽口好食！鵝肝浸咗啲滷水汁好入味！唔似食緊中餐咁！鵝肉正常發揮都幾Juicy。▪️新鮮大墨魚墨魚口感唔錯，食得出好新鮮。個底配有豆腐，豆腐幾香都好食！不過略嫌佢嘅滷水汁有啲油，豆腐吸晒啲油，搞到有啲guilty 😂▪️香煎水瓜烙平時我真係好鍾意食水瓜烙，呢間整得唔錯，有蝦有花生粒有菜脯，好足料！略嫌煎得油咗少少🤏🏻。▪️鹹檸檬燉鴨湯飲落去好舒服，咁啱轉天氣好適合飲吓潤吓喉！呢個幾特別唔錯！▪️清心丸綠豆爽最後嘅甜品係送嘅，清心丸好食煙煙韌韌，綠豆爽唔會好甜，食落去口感煮得啱啱好！總括嚟講呢間餐廳都值得一試，見到廚師都係老師傅，而且當日晚上去嘅都係一啲老顧客，應該係佢哋新搬咗過嚟，佢哋過嚟捧場！邊間餐廳都好適合帶啲長輩過嚟食，佢哋應該都會幾鍾意，幾啱佢哋口味！

呢間潮州菜館位於灣仔區，大大個招牌，好易搵！餐廳內牆上掛著傳統山水畫作，用餐環境很溫馨。糖醋煎麵金黃酥脆嘅麵條，淋上了糖醋醬，每一口都酸酸甜甜，口感層次分明，係我至愛嘅潮州菜之一。蠔仔方魚肉碎粥經典潮州菜，粥底米粒粒分明，搭配新鮮蠔仔肉和方魚嘅咸香，很鮮香。椒鹽九肚魚外皮炸漿又薄又脆，很考功夫👍椒鹽嘅鹹香和滑滑嘅魚肉好惹味。清湯崩沙腩湯底清澈，沙腩肉質軟嫩，帶一點胡椒味，入口甘甘地，飲一啖，全身都有感溫暖。豆腐煮海皇煲賣相色彩繽紛，豆腐唔算滑，勝在搭配各種海鮮如蝦、蚌等，味道鮮美。豆腐吸收了湯汁，很入味。

講野食之前, 一定要講講個環境先, 呢度唔似一般既中式酒樓, 一入門口就感受到個高級既裝修同氣派, 門面光猛潔淨, 未食野已經加左分先💯川椒安格斯牛肉牛肉生熟程度岩岩好, 肉質好淋, 唔會食到有筋或者食唔斷既情況, 汁既味道以咸味為主, 冇咩辣味, 男女老幼都岩食, 伴碟加上少少紫菜, 令賣相顏色更好睇🐂潮式椒鹽九肚魚可謂其中一樣必食既潮汕菜, 九肚魚炸到金黃色, 皮薄餡靚, 椒鹽亦都入味, 起骨功夫都做得唔錯, 完全冇食到有骨🐟鹵水鵝片鹵水野又係潮汕名菜, 各式各樣既鹵水鵝呢度都有供應, 亦都似係呢度既招牌菜, 每塊鵝片都大大片, 鋪滿兩層, 再加堆豆腐墊底, 望落好大碟, 鵝片有口感有鵝味, 脂肪比例較少, 啖啖肉好抵食😛反沙芋頭食左咁多肉緊係要食返d甜品作結, 芋頭本身炸得皮脆肉嫩, 再連埋大量既糖一齊炒, 外層黐滿一層厚厚嘅糖, 咬落去除左糖既甜, 亦有芋頭既淡淡香味中和, 所以唔會話死甜, 係外面較少見到既菜式😋