蕉積妹

前日（31-5-2025 Sat）端午節晏晝，同老公由北角走嚟西九龍中心攞嘢，攞完原來都已經係傍晚，老公話要食啲嘢。我就唔肚餓，但就想上嚟6樓搵Italian Bite (https://www.openrice.com/zh/hongkong/r-italian-bite-%E6%B7%B1%E6%B0%B4%E5%9F%97-%E6%84%8F%E5%A4%A7%E5%88%A9%E8%8F%9C-r893297)，搵到喇，距離開重有半個鐘，就已經有人龍，好彩我哋晏晝係食意粉，所以唔食呢間lu，咁又周圍行吓搵吓有咩可以輕食，行到呢邊，見到有$35.00嘅開心果巴司克蛋糕喺泰茶舍（https://www.openrice.com/zh/hongkong/r-%E6%B3%B0%E8%8C%B6%E8%88%8D-%E6%B7%B1%E6%B0%B4%E5%9F%97-%E6%B3%B0%E5%9C%8B%E8%8F%9C-r992616）賣，又嚟食呢樣？隔離嘅呢間又有$45.00嘅開心果醬香蕉煎餅，再行前啲，見到zzz (https://www.openrice.com/zh/hongkong/r-zzz-souffle-pancake-%E6%B7%B1%E6%B0%B4%E5%9F%97-%E8%A5%BF%E5%BC%8F-%E7%94%9C%E5%93%81-%E7%B3%96%E6%B0%B4-r892444)嘅梳乎厘，要$56.00一個，咁唔食呢個住，試吓香蕉煎餅啦。咁我哋坐低先，老公揀$38.00嘅榛子香蕉煎餅同$30.00嘅薄荷椰乳可可少甜。店員收完錢後，話香蕉煎餅要等8分鐘，佢亦走去叫隔離嘅泰茶舍整嘢飲。老公好奇問，咁可唔可以買開心果巴司克蛋糕坐呢喥食？店員答可以，佢哋係同一間公司，重問係咪想要，要快喇，好快賣晒，咁老公就過去買啦。買完後我哋就等啦，係咁等係咁等，冇一樣嘢到嚟（關於泰茶舍嘅，就睇下篇食評），終於榛子香蕉煎餅到嚟，我奇怪點解會多咗香蕉喺面？我哋冇加$2.00，唔通本身有？影完相，老公即食一件，然後隔離另一個客話俾錯佢，原來店員將客人點$40.00嘅法式焦糖煎餅同我哋對調咗，對方話算，佢照要，店員俾返$2.00佢。而我就問店員，我使唔使俾返$2.00佢？佢答算啦，係我俾錯，唔使俾，呢個招牌煎餅工夫多啲，所以賣貴啲。咁我哋照食喇，佢係外脆內裡煙韌，成件唔太甜，OK嘅。服務：店員有禮，亦有問我坐嗰個位唔頂腳嗎？我答OK呀，佢都有問另一組客使唔使調位；又問客人覺得好唔好食。抵食係2.7分題外話：原來佢有間喺葵涌廣場https://www.openrice.com/zh/hongkong/r-%E8%95%89%E7%A9%8D%E5%A6%B9-%E8%91%B5%E8%8A%B3-%E5%A4%9A%E5%9C%8B%E8%8F%9C-%E7%94%9C%E5%93%81-%E7%B3%96%E6%B0%B4-r849082…查看更多

終於再次黎西九， 上次黎搵哩間蕉積妹，結果白行一趟，冇開到。。。今次再黎終於有開啦上網睇見哩間餐廳係葵廣都有 ，而西九哩間有少許位置供堂食，今次比較早到， 大概一點零鐘就到，所以冇咩人， 可以慢慢嘆。佢有好多唔同口味，有阿華田，榛子醬， 開心果等等口味， 而我專登為開心果味而走出黎食，不過個人不愛香蕉，就問下哥哥可否走香蕉， 估唔到竟然可以佢個餅皮都係位哥哥自己手搓的， 搓完就放落個油鍋度，都唔洗等好耐終於有得食， 第一啖覺得好有驚喜，餅皮又香， 開心果味又濃，正正正 不過可能會有一兩啖d開心果醬會有少少 “醬口”， 但整體係好食。 下次一定會再黎試其他味另外值得一讚，果個哥哥服務好好， 有禮。 thank you.…查看更多

今日嚟左西九龍中心6樓美食廣場呢度掃街～之前都係葵涌廣場幫襯過「蕉積妹」，真係好好食！今次就嗌咗個🌟朱古力醬香蕉pancake！香蕉煎餅係即叫即整，落完單大概要等5分鐘～攞到上手真係好新鮮！食嗰陣時仲係熱辣辣嘅~香蕉煎餅每份都會切開小小格，其實一份都好飽！所以呢個煎餅適合3-4人，同朋友share~每人食幾舊！🌟阿華田醬香蕉煎餅真係冇諗過阿華田醬同香蕉味咁夾！阿華田醬版本唔算好甜，個皮係酥脆香口，入面夾住一片片香蕉，香蕉味好濃！香蕉煎餅整體好好食，不太甜也不太膩！🌟炸燒賣炸燒賣係用個袋裝住，好似Shake Shake薯條咁嘅～炸燒賣好香口！下次會再叫！！🌟斑斕椰椰（椰奶系列）斑斕同椰奶好夾！值得一讚係甜度適中！…查看更多

好耐無上西九，原來6樓多咗個美食廣場！今次比「蕉積妹」吸引住，炸鮮奶＋香蕉煎餅完全無得輸🔥🍌 法式焦糖香蕉煎餅即叫即煎，餅皮香脆＋面層焦糖脆片✨配埋香蕉，甜度啱啱好～食完又無罪惡感（自我安慰😆）啖啖都係幸福感！甜品控記得試！🥛 香脆鮮奶條熱辣辣即炸，外皮酥香、入面滑到似布甸🤤店員仲貼心提醒：分幾啖食，小心中間好熱口🔥🍑 白桃椰椰夢幻粉色飲品💗 白桃＋椰奶超順滑啖啖都有果肉～打卡又解渴，今夏飲品推介！我一個食咁多野已經飽到上心口如果想輕嘗炸鮮奶佢地有個Combo Set $55就有煎餅+小食+飲品，CP值超高！…查看更多

今日先知西九開左新Food Court多咗好多小店進駐！蕉積妹之前喺葵芳已經食過幾次西九有埋把枱慢慢坐低食環境更舒適😙出咗新口味煙肉芝士同開心果醬但由於我太掛住煉奶香蕉煎餅🥞留返下次捉埋朋友再嚟試新口味！-🌟煉奶香蕉煎餅煎餅即叫即炸焦脆兼有濃郁香蕉味道加咗煉奶都唔會過分甜膩🌟炸豬肉燒賣Shake Shake燒賣香口，令人上癮嘅味道🤤-🌟泰式奶綠 估唔到有咁多款飲品選擇梗係叫我最愛既泰式奶綠🫶🏻份量都幾大杯我嘅話要兩個人分享先得🤣🤣…查看更多

原來西九龍中心都開左蕉積妹🫓🍌 .ᐟ‪‪.ᐟ見到有期間限定開心果味，即刻想試🤍西九近排變咗食好西好地方🥹除左8樓，原來6樓都好多正嘢食！仲要唔使排隊！★開心果醬香蕉煎餅 $45覺得開心果控必定滿意，搽咗爆量開心果醬＋碎！濃郁果仁香，不過偏甜！入面有泰式煎餅必有香蕉片，首先係比開心果衝擊，蕉味後尾慢慢滲出！即叫即整，熱辣辣！★泰式檸檬紅茶 $26食油膩嘢一定配清新系列飲品！入面有椰果粒，青檸味較出，超解漏 ，佢哋仲有泰奶系列飲品！★炸豬肉燒賣 $15表面渗咗椒鹽，炸得超香脆，可以叫辣！對比豬肉餡料柔軟，好香！重點好抵食！！…查看更多

.#foodie #hk #hkfoodie#HTB美食推介【📍深水埗｜泰國馳名香蕉煎餅】大家成日去西九龍都話食意粉，下下都要排隊或者拎飛等時間，不妨食咗哩間快手嘅小食同埋甜品先啦☺️😋.🐨榛子香蕉煎餅 $38推薦度：⭐️⭐️⭐️⭐⭐見住店員將預先整好嘅煎餅皮，夾住大量嘅新鮮香蕉，放入油鑊到煎🍌🍌掀起咗幫手滰乾油，上面鋪滿大量嘅榛子醬，再加埋滿滿嘅煉奶做裝飾，極之邪惡，但極之好味😋甜品控唔食真係對唔住自己！！.🐨Shake Shake炸燒賣 $15/7粒推薦度：⭐️⭐️⭐️⭐擔心會甜到膩嘅朋友就要好似小編咁，同步食埋佢哋嘅炸燒賣啦！！因為一口鹹一口甜就可以接住繼續食啦🤣炸燒賣選用嘅係香菇燒賣，加埋滿滿嘅Shake Shake粉，配埋店員粗壯嘅手臂，又點會抗拒得到呢？.🐨青檸梳打 $23推薦度：⭐️⭐️⭐️⭐⭐就咁喺餐廳本身應該係冇嘢飲飲嘅，但係聯成咗隔離店舖合作。所以係哩間點埋，店員就會幫你叫去隔離嘢飲舖為你準備🍋‍🟩🍋‍🟩青檸梳打甜度調配得啱啱好，飲到青檸嘅酸又有清新感覺，互相融洽，最啱就係食完邪惡嘢飲番杯㗎啦💕——☼——☼——☼——☼——☼——蕉積妹 📍地址：深水埗欽州街37號西九龍中心6樓美食廣場6FC39-41號舖🐨推薦度：😋😋😋😋😋/5 🪸環境：👾👾👾👾🗣️服務：👍🏻👍🏻👍🏻👍🏻📸食物打卡度：💡💡💡💡💡🛠️分類：#HTB深水埗 #HTB甜品 #HTB外賣店.#深水埗美食 #深水埗 #外賣店 #甜品 #香蕉煎餅 #青檸梳打 #炸燒賣 #梳打 #美食推介…查看更多

西九開左蕉積妹咁大件事無人講，可以唔使去葵廣排啦，西九店仲有位坐添，正。⭐開心果醬香蕉煎餅本身諗住叫返至愛的花生醬口味，但見有近期熱話嘅開心果醬，仲係期間限定，咪試呢款先啦，比其他口味貴幾蚊的🤪檔主完全唔吝嗇，塗左好厚開心果醬，仲有勁多開心果碎，煎餅香口唔油膩，香蕉酸酸甜甜，上面仲加左煉奶，好食又邪惡，一份熱量超高，同朋友分享下先😆⭐香脆鮮奶條朋友點左炸鮮奶，佢話上次葵廣店賣晒，今日點都要試下。即叫即炸勁熱，千祈唔好一啖放入口呀😆外面好脆，內邊又香又滑，淡淡奶香勁正！⭐茉香椰椰見佢枱面有隔離茶檔餐牌，檔主話坐過黎飲無問題，又加左杯茉香椰椰，椰奶味好重，奶香好香幾好飲🤤以後香西九食野又多左甜品揀啦🤤正正正！…查看更多

今日喺西九龍行行吓街見到6樓有一間好吸引嘅小食，本身減緊肥嘅我都忍唔住入咗去嗌嘢食！深焙美式哇，呢杯深焙美式真係唔可以錯過！一啖飲落去，濃郁嘅咖啡香味瞬間充滿口腔，帶有一絲微苦，但又唔會太過，剛好可以提神醒腦。Shake shake豬肉燒賣而家講講呢個Shake shake豬肉燒賣，真係一試成主顧！外皮薄薄脆脆，裡面嘅豬肉餡料豐富多汁，口感一流。仲有嗰啲香料味道，令人食到停唔到手！阿華田香蕉煎餅最後要提的就係阿華田香蕉煎餅，簡直係甜品界嘅明星！煎餅外皮金黃香脆，裡面充滿柔軟嘅香蕉，搭配阿華田嘅巧克力味，甜而唔膩，口感豐富，令人一口接一口。食完之後，心情都好得多！如果下次再嚟嘅話，我會想試埋佢嘅花生醬同埋榛子煎餅！蕉積妹 (深水埗)深水埗欽州街37號西九龍中心6樓美食廣場6FC39-41號舖…查看更多

宜家深水埗西九6樓個food court 多左好多野食！見到有香蕉煎餅！勁吸引🤩仲有我最愛既開心果味好正！1⃣️ 開心果醬香蕉煎餅（$45）一見到有開心果味既，完全唔洗諗，直接決定就要佢😀香蕉煎餅即叫即製，包好香蕉再煎好之後，面頭再搽滿開心果醬，再撒上開心果碎，最後仲加左啲煉奶，邪惡度爆燈。煎餅一定要即刻食！食落脆香，面頭既開心果醬好濃，原來係自家製既～加上開心果碎增加口感。香蕉片軟軟甜甜，完美融入煎餅入面🤩2️⃣香脆鮮奶條（$38）呢個好有驚喜！可以話係我食過既炸鮮奶入面數一數二好食既😳一份四件，比起平時出面食開既大塊，冇expect 到食落入面係咁滑！面頭裹上薄薄一層麵包糠炸起，入面係彈+滑，帶少少微甜😍夾果下已經比個質感驚訝到！要小心啲、輕力啲咁夾～食落口口感好正！3️⃣芝士奶蓋泰式奶茶（$30）泰奶通常就係好甜！佢地係貼心地有得揀甜度～揀左三分甜甜度ok。泰奶既香味唔會因為冇咁甜而少左，依舊飲到果陣泰式手標茶既香料味😋今次仲有埋奶蓋！奶蓋唔算好結身，配合埋泰奶感覺冇咁heavy。…查看更多

蕉積妹😘😘😘食得蕉積深水埗西九龍中心、除左特色特賣場外6-8樓增添美食區、中西文化美食大都會😁😁📣📣以泰式小食主題📣📣開放式bar枱、等候食物時、還可欣賞店主下廚😆😆✨花生醬香蕉煎餅$38泰式香蕉煎餅以薄薄的麵皮包裹熟香蕉、煎至金黃酥脆、色澤金黃、不油膩、外層香脆、內裡柔軟、蕉香濃郁、搭配濃郁花生醬、增添風味獨特、口感層次豐富、令人回味無窮！✨開心果椰椰$30開心果、融合了香濃的椰漿、細膩的開心果碎粒、口感滑順、香氣四溢、完美選擇！✨炸燒賣燒賣炸至金香、加孜然粉、辣粉Shake 一shake、增添口感、滋味又惹味！蕉積妹深水埗欽州街37號西九龍中心6樓美食廣場6FC39-41號舖港鐵深水埗站C1出口/南昌站D1出口…查看更多

「蕉積妹」分店由葵涌廣場開到深水埗西九龍中心6樓大廚美食廣場，深水埗人有福了！招牌法式焦糖香蕉煎餅：酥脆煎餅 × 香甜香蕉 × 焦糖醬的罪惡誘惑，但食落竟然完全唔油膩！泰式街頭甜點結合了酥脆的印度煎餅，軟糯的香蕉和濃郁香脆的焦糖，加上熱騰騰上桌時還會淋上煉乳奶，冷熱交融、甜香四溢，絕對是讓人無法抗拒的邪惡甜品！焦糖帶有微微焦苦，平衡香蕉的甜膩。煉乳增加滑順感和甜蜜風味。 炸shake shake 豬肉燒賣：外皮酥脆內餡多汁，口感更豐富，入面仲有香菇粒，菇菌味濃，新鮮熱辣炸起，特別酥脆。竟然仲有芝士奶蓋泰式奶茶賣，泰式奶茶濃郁風味和芝士奶蓋綿密口感的創意飲品，甜度靈活，泰式奶茶本身偏甜，奶蓋糖量可減少。 總結：正宗高質法式香蕉煎餅甜度適宜 回再光顧…查看更多

今朝返工一聽同事講除咗葵涌廣場，而家深水埗西九龍中心六樓新開嘅大廚美食廣場又多一間「蕉積妹」啦，放工就即刻衝來食下先，同葵廣一樣，香蕉煎餅除咗有阿華田、朱古力、花生醬、榛子等口味，仲有法式焦糖香蕉煎餅，仲有我最愛的開心果口味！濃郁的開心果醬上灑滿開心果粒，味道香濃，值得一試！他們家的芝士奶蓋泰式奶綠都好好飲，唔會甜膩！估唔到一個月之前呢度都冇乜人，一個月之後開始多咗幾間餐廳有番D人氣，希望可以keep住…查看更多

西九龍中心上面既美食中心變左好多，多左好多小食同特色美食，熱鬧到好似年宵咁比我見到有香蕉餅😍每次去泰國都一定瘋狂食香蕉餅，反而香港唔多地方有，所以叫左份榛子味香蕉餅，果然係泰國嘅味道👍🏻仲嗌咗杯泰式椰子latte另外，呢度仲有shake shake炸燒賣, 加咗紫菜味shake, 第一次食完全唔似燒賣🤣多咗份香口感，幾惹味。呢度叫完嘢食，仲可以坐喺度望住佢整，得閒上嚟食吓嘢，Hea返個下晝都幾唔錯👍🏻…查看更多

蕉積妹 (深水埗)深水埗欽州街37號西九龍中心6樓美食廣場6FC39-41號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：開心果醬香蕉煎餅，炸燒賣 ，芝士奶蓋泰式奶茶 開心果醬香蕉煎餅：選用意大利進口的開心果醬，開心果粒粒經過低溫烘焙，呈現出濃郁的香氣和鮮甜的口感。香脆的煎餅搭配上鮮甜多汁的香蕉，形成了絕妙的口感組合！😄😄😄炸燒賣：外層酥脆金黃，內餡鮮嫩多汁，每一口都能感受到餡料的鮮美滋味，以及外皮的香脆爽口，還可選擇加上辣味，絕對值得一試！👍👍👍芝士奶蓋泰式奶茶：泰式奶茶有濃郁的奶香，加上綿密的芝士奶蓋，形成了絕妙的口感組合， 啖啖好滋味！😍😍😍…查看更多