蕃滿門 (已結業)

✨中女獨食難肥日誌 ✨蕃滿門 中女食將軍澳一向好喜歡濃味的蕃茄湯底，朋友說曾經吃過這間蕃滿門的分店，蕃茄湯底好好味！所以這天晚上我們來到新都城的分店一試😋我們晚上六點左右來到，時間還早，不用等待就可以入座👍🏼鎮店蕃茄濃湯粉 $84餐牌選擇有好多，特地來吃這個蕃茄湯底！這個鎮店推介有齊牛腩、冬菇、日式油揚、炒蛋、煙鴨胸片、西蘭花、貢丸及蟹柳，上碟見到超多料超大碗都嚇一嚇😆兩個人分都可以！微辣剛剛好，夠惹味又不會搶了蕃茄的鮮甜！經典原味湯底亦有炒蛋，螺絲粉好襯蕃茄湯底, 推介！日式七味香炸花枝丸加$20有套餐可以選一款小食及飲品, 小食炸花枝丸彈牙有花枝粒粒, 唔錯！脆炸軟殼蟹咖喱乾撈烏冬 $108軟殼蟹有一整隻, 新鮮炸起熱辣辣, 好好食！咖喱撈烏東幾香, 份量亦好大!沙拉汁雞翼（兩隻）小食選了雞翼, 炸得香脆, 配上沙津汁酸酸地, 好開胃!四季春奶蓋（3.6牛乳）四季春無糖, 健康之選! 特別突顯奶蓋少少咸味, 又香滑, 好有驚喜!熱黑糖薑母紅菜頭朋友選了養身熱飲, 薑味幾重, 微微地幾好飲! 飲落好暖胃!晚飯人均消費$126, 同朋友慢慢吃了一個多小時, 食物份量好足又包特式飲品,

街坊系列–Tomato club蕃滿門💚見過好多次👀但都好小機會試因通常被一旁既PEPPER LUNCH吸引🤭------------------------------環境: 位於商埸FOOD COURTWHF+限聚令🙄搵位相對容易每張枱上都放有一個消毒濕紙巾方便食客隨時可以消毒清潔👍🏻------------------------------食物: 燒汁肥牛金菇蕃茄濃湯粉($48)湯底可以選辣或者唔辣🌶️今次試下原味🍅蕃茄味合格唔算去到好濃但亦無味精味😋麵質稍硬🍜岩哂食得慢既朋友仔配料清淡無味🥩似係碌熟放上面滑蛋夠滑身🥚但欠缺調味P.S. 套餐包一杯熱飲或汽水🥤------------------------------服務: 店員好有禮貌推介套餐並好好態度覆單☺️------------------------------環境: 5.5 /10食物: 5.5 /10服務: 5.5 /10地址: 尖沙咀新港中心地庫B01 大食代11號鋪人均消費: $ 50 - $ 80

其實我好鍾意食蕃滿門嘅蕃茄湯底但尖沙咀分店嘅服務真係令我有一個唔好嘅體驗先唔講店員由頭到尾都玩電話由落單到收錢一句說話都無講過還好湯底味道係我喜歡嘅蕃滿門味道濃濃嘅蕃茄味加上微辣 不過溫度只係溫暖好彩塊雞扒係熱同脆而且係好味

又去到food court 搵野食今次係尖沙咀新港中心既food court 見到依間以蕃茄做主題既餐廳全部湯底都係蕃茄濃湯分別只係在於辣定唔辣除左螺絲粉之外仲可以選擇米線，我今次就試一試距既鎮店推介，八餸蕃茄濃湯粉一見到碗濃湯粉差啲俾距嚇親超大碗個碗大到好似個盤甘個湯底好濃厚既茄膏味，唔太有新鮮蕃茄既味道......不過都幾甜八寶即係有八個餸，炒蛋炒得有啲過左火，冬菇同油揚索反哂啲湯幾甜其他配料都不過不失啦六十零蚊甘大碗，不失為頂肚餓既好選擇

放工一個人就去左新港中心個food court叫咗佢地嘅八餸藩茄濃湯粉食，真係好大份呀！個碗洗唔洗大成咁呀？佢地個湯底有好濃嘅藩茄味，感覺上好似好健康個粉可以有其他選擇，螺絲粉，米線等等。八個餸分別為：冬菇、豆腐乾、牛肉、鴨胸、西蘭花、香菇丸、蟹棒、滑蛋食完真係飽晒，下次決定去試其他餸

想講呢間餐廳我都食過好多次，每一次都非常滿意，但唔想次次都食一樣嘅野食，所以今日就決定試吓其他菜式先。佢個湯底都係一如以往咁出色，非常清甜，次次食晒之後都會飲埋佢個湯底。而佢個滑蛋都係非常之好味，煮得一啲都唔老，配埋啲螺絲粉同蕃茄湯一齊食簡直係Perfect match不過我想講下佢個牛扒，唔知係咪落咗好多鬆肉粉定咩，我覺得佢個質感唔似係平時食開嗰啲牛扒，牛味都冇乜。我諗我下次都係會叫返其他菜式食啦

A3野菌一族 $43配牛肉 +$6最愛的蕃茄湯底 配很愛的螺絲粉🥰🥰蕃茄味濃郁 食落係酸酸尾尾 唔係溝好多糖嗰種之後個蛋好正 真係夠哂滑仲有有好多菇🤤好入味份量好多 好大碗下！好抵食不過要挑剔嘅係牛肉比較上韌左啲比較多筋位仲有螺絲粉如果唔好煲到咁淋 保留反啲咬口會更加正😽不過呢間店係香港分店真係買少見少 千其唔好執呀😿😿

我覺得鍾意食蕃茄嘅人一定要試下蕃滿門，不過唔係呢間分店。之前食過九龍灣分店，覺得唔錯，今次係food court見到，決定再食一次，點知會失望。.我叫左香煎豬扒配蕃茄湯粉，我就叫左螺絲粉；蕃茄湯底都係有得揀辣度，我今次揀左唔辣。湯底係偏甜嘅蕃茄湯，入面有新鮮蕃茄蓉，所以食落幾香濃，唔會太稀。跟餐嘅炒蛋係半生熟蛋，夾埋螺絲粉同蕃茄湯一齊食，幾好。但係！塊豬扒真係令我好失望，完全唔好食食得出落左好多鬆肉粉，「拿」到塊豬扒無哂口感，食落好奇怪。而且，塊豬扒除左有油味之外，一啲味都無！就算有甜酸醬點都唔好食，所以我食左兩啖就無食。經過呢次，我唔會再去呢間分店，因為1）食物質素唔太好同2）始終food court 衛生同清潔度差少少，唔值得黎呢度食。

最近食得太多油膩煎炸野，要食返d清淡d既野balance返，同事介紹食公司樓下food court既蕃滿門。睇黎聽個名都知係同蕃茄有關，其實本身自己對蕃茄好抗拒，因為成日都覺得出面個d係罐頭湯溝成既湯。出奇地依個蕃茄湯我覺得好入味，罐頭湯個d我飲完會覺得好口渴，但今次冇，個蕃茄湯好濃味，好甜好足料，而我order個什菌炒蛋螺絲粉都唔錯，d菇索哂d蕃茄湯味，螺絲粉煮得岩岩好除左個炒蛋好似一早炒定之外，其他野都ok

今天到新港中心吃午餐，發現有新餐廳加入。這間餐廳主打蕃茄湯系列通粉。雜錦番茄濃湯螺絲粉$69估唔到這雜錦番茄濃湯螺絲粉超大碗！有八種材料：冬菇、貢丸、鴨胸、牛肉、炒蛋、豆卜、蕃茄、西蘭花、蟹柳。這螺絲粉口感比較軟身，番茄湯味道濃郁，有點像茄膏的味道，酸中帶甜，味道幾ok，好醒胃，但有同事覺得味道稍甜。配料方面都ok. 貢丸比較硬；鴨胸唔算好老，味道可以；牛肉唔太韌；炒旦是一般水平，部分炒得有點熟；而其他的材料都是中規中舉,作為簡單的午餐是稱職的，絕對足料。但其實可以點兩餸或三餸，雜錦的份量對女生而言實在太多了。

去到尖沙咀想搵野食真係唔容易。周街都係人，想簡單食下野都好難！ 幾經辛苦先搵到位，😌🤣🤣呢間都好多人排， 本來想叫2碗，但見人地個個呢碗真係好吸引。八餸茄濃湯粉 ， $69好大碗，夠晒2個人食。 蕃茄湯底非常香濃，通粉又唔會淋晒，好好食。 估唔到平時唔食粉嘅小朋友都啱口味。 而且碗料非常多。配埋滑蛋，真係好惹味，牛肉夠林，最好食係啲菇菇，吸晒湯嘅精華。小朋友都食到唔停口。啲丸都好爽口。認真抵食。尖沙咀簡單輕食，好選擇

覓 覓 \_凸_/餐廳定位： 白領，遊客， 學生，高端人口，情侶，街坊，長者，健康人士，素食者賣點：上菜超快! 服務，地域優勢價錢：大眾化食用方式：外賣，堂食 ，共享食堂Wifi：使用商場內wifi，上菜速度：光速奉送：茶水，極其齊全的餐具，調味料，小食裝修：共享食堂燈光：柔和噪音：中午比較吵溫度：適中服務質素：服務員充足，勞累，敏捷，貼心點菜菜式：湯底好味過敏原：無謝謝你的閱讀與留言因為我是邊吃邊寫的窮忙學生，所以統一用一個格式，再按需要作小許更改。

是日去咗尖沙咀都有啲嘢做咁你諗去都唔知下午茶食咩好於是就攞咗去新港中心下底嘅food Court平平哋求其食餐。作為一個番茄迷嘅我二話不說一定係揀蕃滿門！佢嘅選擇都算多嘅咁我今日就唔算好肚餓所以就叫咗個野菌一族。服務生嘅態度非常之好啦好主動上前問我想食啲咩然之後落左單亦都會問下你想要辣定唔辣。因為最近身體唔好想食清啲所以就冇叫到辣。賣相都叫做唔錯嘅成個碗都充滿着番茄嘅味道然之後佢啲炒蛋亦都好滑好香叫做幾好食而且個湯底都非常之濃郁螺絲粉嘅掛湯都做得唔錯分量方面整體來講全部都好多嘅每一啖都可以食到唔同嘅嘢菌同埋螺絲粉女仔食係絕對夠飽嘅

早幾日黎左尖沙咀番工，尖沙咀平平地都要50，60蚊，見新港中心下面有food court就諗住平平地食個飯。黎到都算多選擇，最後因為想食蕃茄就揀左呢間蕃滿門餐廳。本身見佢個個芝士肥牛金針菇螺絲粉好吸引，但係自己又唔食牛，所以揀左個香辣雞絲螺絲粉。一黎到碗麵好大碟，成碗麵都好紅，係蕃茄加埋辣既顏色。蕃茄既酸加埋辣食就好似食緊酸辣粉咁。碗麵上面有啲炒蛋，味道偏淡，似冇落到鹽。雞絲方面，佢唔係一絲絲既， 與其話佢係雞絲不如話佢似雞粒仲較為適合。份量方面雞既份量比得大方，差唔多每一啖都食到雞絲同埋螺絲粉。螺絲粉就正常水準，佢係比得多，女仔叫可能要叫扣底就啱啱好。仲有3塊豆卜吸盡湯底精華，超級好食。47蚊食到咁大份係尖沙咀黎講絕對唔易，想搵平食可以黎試下。