13
14
0
其他資料
支持減塑 詳細介紹
食評 (27)
等級2 2018-01-24
713 瀏覽
今日一行五人, 食咗魚蛋河, 牛腩麵, 煎韭菜餃, 一碗魚肉, 豬皮, 魷魚, 大腸(四式). 想食煎釀豆腐, 但欠奉.魚蛋係黃色嗰隻, 咬落都算彈牙同埋有啲魚味, 河粉唔特別滑又唔特別鞋, 但係有D碎. 牛腩係車仔麵配料質素, 亦都係比較碎同份量不多, 麵偏軟但入口感覺唔錯. 四式裏面嘅魚肉, 豬皮, 大腸都算合格, 魷魚則完全冇味.以上全部用一款湯底, 偏淡略嫌味道不足.煎韭菜餃, 有韭菜香味, 算係幾樣之中可以推介嘅一樣.本來想再叫啲嘢食, 但係睇見餐牌又好似冇乜好叫, 所以最後都冇再叫.35蚊一碗的淨魚旦河或牛腩不多的淨牛腩麵, 又唔係特別大碗嘅話, 以我呢D低下階層嘅標準黎講, 唔算平. 繼續閱讀
(以上食評乃用戶個人意見 , 並不代表OpenRice之觀點。)
等級4 2017-11-21
580 瀏覽
是日天朗氣清,又係行山嘅好日子,來到南丫島,梗係要醫咗肚先開始行啦。蔡記小食位於榕樹灣,係行去索罟灣必經之路,一定唔會錯過。餐廳主打麵食,亦有碗仔翅及魚蛋等小食,總有一樣啱食。我地叫咗一碗車仔麵,碗仔翅及煎豆腐。車仔麵揀咗魚蛋,豬皮及蘿蔔,麵要幼麵。份量都幾大碗,魚蛋同一般車仔麵舖食到嘅小魚蛋唔同,比較大粒同軟身,食落都算彈牙,豬皮爽口但唔夠味,蘿蔔鮮甜但略嫌過淋。碗仔翅材料足夠,但可惜唔夠杰身,味道亦非常淡,絕對有改進空間。煎豆腐即叫即煎,一碟有五件,豆腐煎得香口,但鯪魚肉較薄,建議可以整返厚少少,咁味道就無咁單調。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-03-19
1079 瀏覽
是日南丫島快將完結,走了半天山路(其實不鈄),大約下午5時多,期望在走前在碼頭一帶作最後沖刺!因為部份店鋪6時便關門了。即便如此,吃貨當然先吃頓飽的,好的,再談購物。回程,又回到較早時份經過的麵店,被這裡傳統而簡潔的白板紅字餐牌吸引,決定和友人一試。這裡,地方相對寬敞,坐在大路旁的座位,方便擺放Bb車。有車仔麵、豆漿供應,我們決定一人一麵。筆者點了牛腩蘿白生菜油麵($38--三拼),這個經典組合看似簡單,但不易做得對板。就筆軍鬆化不黏牙,而又不失質感,還有蘿白由選材到炆製得「無渣」、「去澀」而又見清甜軟腍,便不是每家車仔麵店做得到。當然,不能對車仔麵店加以這麼多標準,但這店卻做到上述水準。牛腩入味軟腍,蘿白清甜融於口中,油麵需帶油分亦曾作去油處理,實在出色!推薦指數:5/5沒想到,在南_島最後一站,嚐到令人滿足的車仔麵、為是次旅程劃上完滿句號。 繼續閱讀
(以上食評乃用戶個人意見 , 並不代表OpenRice之觀點。)
等級4 2016-04-22
1661 瀏覽
唔知點解,今日特別想食豆嘅副制品,食完首站嘅豆腐芝士餅後,經過蔡記見有啲肚餓,於是就入去坐低,先叫一碟煎豆腐,但姐姐話是日冇豆腐供應,失望之餘,與友人一人叫左一碗麵,叫完麵食,好快有一小碗辣椒醬奉上,滿心歡喜期待我嘅水餃麵。可惜以為會係鳳城水餃嘅我對眼前呢碗自家包嘅水餃麵有啲失望,但食落又係另一回事,望落厚皮,食落皮嘅厚度適中,餡雖菜多肉少,但食得出新鮮,韮菜味濃。麵係一般雲吞麵嗰隻麵,食落爽口冇簡水味。另再叫左碗熱豆花,個人認為豆味太淡,可以話係食唔出,但勝在每檯上都有一膠罐黃糖粉任你加,黃糖粉亦睇得出乾淨衛生 繼續閱讀
(以上食評乃用戶個人意見 , 並不代表OpenRice之觀點。)
3X度大熱天黎南丫島一遊,經過入黎避暑~黑豆漿($6)夠凍,夠豆味~ 不只是糖水~ 消暑解渴一流~餃子(6隻 $18)不太焦,有脆邊~最重要係唔貴,好抵食~ 老闆服務周到~唯一唔好係半戶外,無冷氣,而且因為周圍鄉郊環境關係,所以有D蟲仔飛黎飛去~ 繼續閱讀
(以上食評乃用戶個人意見 , 並不代表OpenRice之觀點。)