蓮香樓

幾個老友係外國黎香港玩,哽係要帶佢地去試下正宗香港懷舊味道,最後揀左中環蓮香樓.平日Lunch門口都已經排曬隊,等左一陣先有位,見到仲係舊式推車仔點心!好有懷舊feel!咩都想試下,試左招牌燒鵝拼叉燒,燒鵝上台仲熱,有油香兼肉地扎實.叉燒係老派蜜汁叉燒,夠淋無柴非常好.鬼佬Fd勁Like!點心試左蝦餃\排骨\燒賣同牛肉球.都係中上水準,蝦餃最好食,D蝦超彈牙,仲有汁噶入面.最緊要鬼佬朋友食得開心.

蝦餃皮痴住隻蟻，即刻搵個姐姐處理，點知個姐姐用普通話答沒問題的，但明顯有腳，佢知道我係香港人就用返廣東話話冇事架，唔係啲咩黎，用咗我對筷子夾走隻蟻，毀滅證據，我哋不斷問係咩嚟，但一直吱吱唔唔，最終就話係茶葉，我叫佢俾一對新嘅筷子我，佢比完之後就一枝箭走咗。人生第一次見有腳既茶葉。呢度點心唔難食，算中上。我覺得最大問題係負責人嘅態度，蝦餃皮上面好明顯係蟻，職員第一時間唔係諗點樣補救，而係毁滅證據，敷衍我哋。

經open rice book 枱😑都要排隊等入坐🫢係指跟人地無訂枱既排😑呢個我就覺得「甘我訂枱係咩作用」😅講下d野食先！最鐘意「選」腳趾～必叫鳳爪～吾會太咸～夠淋入味花生底係大大粒花！仲要有啲脆想講佢地個蝦餃真係好出色！皮又煙靭～蝦肉大粒包滿 平時我麻麻地燒賣，佢地既燒賣都好食！吾會成口粉～有蝦同豬肉一齊❤️雲吞脆卜卜「仲要係小點收費」蝦肉大粒～配埋甜酸汁～好食到停唔到口我格離果個食左兩個雞扎正常發揮～～裡面雞肉一舊滑一舊難幾好～～牛肉球都吾錯～彈牙有口感兩個人食完呢度仲好想試其他款式點心再出去拎～～再拎左兩牒🫢糯米包同牛柏葉佢個糯米包勁大個～好似叉燒包甘！裡面有細細粒臘腸、蝦米、略嫌唔夠多～成口糯米飯牛柏葉分量都好多！大大嚿～整體來講都好好食下次要再黎食其他點心～兩條友食8牒～好滿足！佢地既普洱茶又吾會太濃「岩曬我」

冇蝦嘅蝦多士$48一件冇餡嘅錦鹵雲吞$108一份一坺嘢嘅仙鶴神針$488一隻比鯇魚仲要腍兼係冰鮮嘅古法炆班翅$588一份冇咁嘅功夫就唔好收呢個價錢，懷舊兩個字代表一切！

話說前幾日同阿媽去咗蓮香飲茶去到門口已經排晒長龍，原本諗住唔排隊走啦都咁多人，見到蓮香派同事出嚟招呼客人，又準備咗茶同點心紙俾我地睇著。阿媽話佢以前感覺唔一樣，而家有活力同後生好多。又識講唔同嘅語言同客人溝通。阿媽話舊陣時蓮香啲人黑口黑面。飲完茶樓下仲可以買茶葉同埋買廢水飲。介紹茶葉個女仔對茶葉嘅了解都好清楚；又會了解吓阿媽頭先去樓上飲乜茶，再幫佢配茶葉；期間仲要見到佢回答好多其他客人嘅問題，不斷同我哋講唔好意思。我飲佢哋嘅春夏秋冬同陳皮燉檸檬。我哋走嘅時候仲去隔離舖頭斬咗個燒味。返到屋企阿阿爸話燒味正，送啤酒一流。

記憶中我去過《蓮香樓》嘅次數不多，今次上去整返一盅兩件坐一陣。 喺香港呢類舊式氛圍嘅茶樓，已經買少見少。但呢到我確是感受到過往舊有熟識嘅飲茶文化及氛圍，這些在今時今日都差不多已走進成為歷史。已很少見有用茶盅冲茶嘅茶樓，滾水沖進茶盅再倒出來嘅茶，水夠滾，茶味會更香更濃 。點心主要都是較大路嘅款式，選擇唔算特別多。 味道/品質只能説中規中矩，但點心始終是人手做，足料夠新鮮。《燒賣》 《蘿蔔糕》 《棉花雞》 I《大飽》 - 咁細個飽都叫大飽 布甸《芝麻卷》結帳是由自己拿點心咭到櫃檯付錢。 查看點心咭發現剛點過的點心大部分都是特，頂點 （真唔知有乜點心會是小點）

今天下午三點多去吃。蓮香樓是走懷舊路線的點心酒樓。就想著要去嘗一下。不知是否下午茶客流量減少的關係，在點心車上的點心種類十分少，點心車只有5-6款。而且不會再有新的點心出爐。另外，他們設有燒味部，卻只有叉燒飯可以選擇。真的令人十分失望。原本點心不夠吃的話，想叫一個飯填飽肚都只有一種選擇。環境尚算可以，但是服務態度一般。只可以講齋食佢嗰份懷舊情懷。只吃了五份點心就要兩百塊。感覺沒有到真的要來嘗的必要了。最後，不知道收銀姐姐是否太累呢？還是由早收錢到下午時間，對金錢和數字都不敏感。張單$238，給$500。卻找回$202。希望收銀姐姐以後都可以對數字更敏感🥶

今日帶住個黎香港旅游噶外國朋友仔，梗係揾D特色香港風味比佢試下，跟住地圖往半山行，離地鐵站唔係好遠，大大個懷舊招牌見到蓮香樓。坐地就見到係用好復古噶茶杯，外國朋友仔第一次見，都超級好奇。叫左幾樣點心，蝦餃同燒賣就必叫啦~蝦餃入面D蝦肉爽口彈牙，無雪味。燒賣一食就知人手切肉手製，油脂豐富仲要有咬口。果然舊式茶樓先食到呢D味道。臨尾仲叫左芝麻卷同西米焗布丁~好耐無食過呢D“兒時味道”，正。臨走外國朋友仲去門口“蓮香茶”排隊買左杯真係蓮香茶，nice。

特地带来香港玩的朋友去吃，提前在openrice上订了座位，结果服务很差，set很难吃，还说我缺席订座，明明自己不核实，我们入座前说明有订座，没人核实，再也不会去了

1926年開業的蓮香樓為懷舊粵式茶樓，古色古香保留咗傳統嘅點心車特色點心種類繁多 亦都相當出色但唔建議夜晚去 因為好多嘢都無 得幾款基本點心 主打其他小炒同煲而且夜晚點心價錢十分貴 係日頭嘅double係幾有特色嘅一間茶樓 值得一試👍🏻

香港難得的百年老店, 重開返一定要去試下, 當天去到差不多全場滿座, 好熱閙, 除本地人之外, 也有很多遊客, 要食點心要早D到 食物 : 煎韮菜餃 $35 ~ 是姐姐在點心車上即煎, 熱辣辣大大隻, 好食 鮮豬潤燒賣 $35 ~ 古早味點心, 姐姐話點心車唔會有, 要落單叫廚房做, 當然要試下, 味道幾好唔錯 蜜味义燒腸 $42 ~ 此款點心比較遜色, 腸粉皮比較厚，麻麻地蓮香蝦餃皇 $42 ~ 大大粒, 蝦新蘚好食 西米焗布甸 $38 ~ 是懷舊甜品, 好耐無食過, 唔係太甜都幾好 飲品 : 茶位 $18/位, 叫咗壽眉茶, 味道正常 環境 : 當天是星期日, 人比較多, 要搭枱，裝修有特式服務 : 職員有禮貌 價錢 : HK$251 (包加一服務費)

蓮香三戶—蓮香樓、蓮香居、蓮香棧，其中蓮香樓最老字號，據說總店係喺廣州。翻新咗之後今次第一次嚟，大致上保留返傳統茶室風味，仲有得 OpenRice 訂位，感覺方便。茶樓開 6AM ，佢話可以飲到 4PM ，好多街坊支持，有飲開西茶嘅人，一個人，隔離有人客著旗袍支持。另外，大門口蓮香茶專賣茶品和特飲，行過一個舖位有蓮香燒臘。伙記十分熱情，示範泡茶斟水、上點心、帶位影相都無問題。食物方面好多選擇，有半自助式有煎腸粉車，味道唔錯，埋單價錢中上。

以前黎親蓮香都必食肥叉飯，事關又甘香又好味又新鮮，知道佢重開，今日特登黎幫襯，睇下佢重keep唔keep到水準。 一黎到坐低，叫左幾籠點心，都較以往遜色小小，都還好嘅，叫埋以往最愛肥叉例牌，個後生仔根本就無落到要肥 ，上到黎食五舊，五舊都瘦過煲湯啲瘦肉 ，之後同個部長講都毫無跟進。果真江山一代不如一代 再咁落去 態度質素如此 再執一次都係遲早難免嘅事。咁樣都叫肥叉 重瘦過全紅蟬

蓮香樓，服務好，味道好，夠老牌哩間經典老鋪，之前曾經關門大吉，後來有人支持從新開始，感覺— 門面裝修就是差不多關門大吉之前一樣，店內(包括廁所)乾淨光猛.— 所有員工都可能系平時大家稱呼的大媽大哥，但非常友善有禮貌，反應迅速，絕對比深圳蘩樓好。一定要努力啊— 香港推車仔叫賣點心已經不多，這裡伙計叫賣得開心，客人拿得開心，師傅補貨快，樣樣熱辣辣，好味道，雖然沒有什麼特別裝飾，但就系貴於保持傳統。— 每碟分量比其他香港和深圳酒樓大。味道比較有原味而不是太味精化。

雖然係香港人，但唔係住係港島區，所以真係要突登坐一個鐘頭巴士過去中環「連香樓」飲茶❤️究竟係有幾鐘意飲茶？🤣我諗而家仲有點心卡，仲會見到架點心車喺你身邊推來推去，姨姨叔叔會話俾你知架點心車有啲咩點心，你要離開自己個位出去拎點心嘅茶樓真係一隻手都數得出，買少見少！老實講，我真係坐一個鐘頭巴士過去係飲「情懷」😌今日去係平日，下午2點左右去到，上到去即刻有個人招呼我哋去其中一張四人枱坐底咗，我之前有同屋企人嚟過，不過係裝修之前，裝修之後就冇嚟過，裝修之後係真係坐得舒服好多，環境都新淨好多👍🏻話說，我好想用個茶盅飲茶🥲但嚟到係正常嘅茶壺🫖，I人嘅我又唔敢問，有無人可以話我知點解?今日我真係好肚餓，無乜影相，淨係拍咗片，基本上將啲食物掃晒落肚先醒起🤣真係I am so sorry！事後食飽先補返啲環境同點心車相，原諒我😆我哋今日食咗7個點心，分別係蝦餃、燒賣、叉燒腸粉、蒸排骨、焗蓮蓉西米布甸、炸鮮奶、酸菜豬大腸。蝦餃、燒賣同蒸排骨係正路嘢，我唔特別講。♦️酸菜豬大腸：佢係我第一次食嘅點心，酸菜佢係墊喺豬大腸嘅下面，好味👍🏻豬大腸調味都啱啱好，唔會有臭味，口感偏軟腍，軟腍得嚟又唔會令你覺得嘔心♦️叉燒腸