蓉玥

營業中

休息中

平日食飯，大家都考慮.📸，靚女負責點菜，所以有D菜式唔知菜名。。😅基本上每道菜都有水準，夠熱，夠火喉，正👍看似普通的小店，有surprise，4個人，埋單大約1,000，比預計平又好味，一定會encore😋😋✨️首先，我唔食得辣，所以兩道冷盤 肺妻肺片同雞絲青瓜拌麵(唔知道正確名稱🤣)對於我黎講有D辣，由於真係幾好味，肺片夠爽夠凍，所以辣住食食下又食🤣牛肉餅非常出色，肯定係即整，夠熱同脆，大家都讚不絕口😋鬼馬蜜脆肉，夠熱同脆，粉唔厚，仲有油炸鬼，好味😆酸菜魚朋友為左我叫小辣，魚個好滑，重點係完全冇骨，好味😋蝦球個醬有些芥茉味配上青瓜絲，感覺清新😎👍🏻蜆夠新鮮配上特制醬汁啱啱好😋個菜唔記得叫乜名，個樣係大size 大豆芽，第一次見，夠火喉同惹味😋仲有久違了的臭豆腐，好好味😚甜品。。。我只記得有個豆字定豆腐什麼。。。總之就係好得😚為呢一餐聚會劃上完美的句號，大家已決定揾日再黎食招牌菜雞同燉湯，期待下次齊人再聚😄

第一次幫襯，外賣午餐時蔬浸豬潤 $60連白飯熱飲，豬潤共 4 片圖中係其中兩片，其餘都係白菜仔，豬潤份量少得可憐，而且煮得過熟又無味。好多粥舖豬潤粥都有4-5片大大片，而且煮得適中好味，呢度真係無下次！

讚-黎附近行山就會食 水準好穩定地好 炸子雞醬汁好 蔥油配魷魚係超級惹味 生炒骨係好少有地件件都大細均一 醬汁均勻 好開胃 釀鯪魚皮脆 肉質彈牙彈-上菜速度又真係慢左少少-鯪魚無醬汁蘸 食左一半之後 味有啲單調

東大街出名多嘢食呢間中菜menu好多選擇，有啲菜式比較少見，所以試試佢～預設每位茶位$8八寶茶，飲落甜甜哋。桂花蜜脆肉 $98平時中菜好少見，脆肉好特別，炸得好香好脆。😍面頭淋咗啲桂花糖，每塊脆肉都蘸咗少少，減少炸肉嘅油膩感。另外加咗啲洋蔥、三色椒同埋炸藕尖去炒，炸藕尖比較重澱粉感，本身冇咩味道，炸完好脆但比較重油味，個人唔太鍾意。姬松茸豬肚雞 $118好大煲！捧上嚟嘅時候仲滾緊，湯底好香姬松茸味，就咁飲就偏鹹。豬肚同雞嘅份量好足。仲有唔少姬松茸、腐竹，夾埋白飯一齊食，熱辣辣，啱晒冬天食！花膠米湯浸時蔬 $88花膠同菜嘅份量好足，個湯好特別，有淡淡嘅米味，健康清淡！menu有其他菜式都好吸引，有機會再食～

陀地酸菜魚＄68入到去會即刻俾例湯，例湯係免費嘅，售完即止，個例湯幾好飲，湯頭偏甜，呈奶白色，食得出有啲豬骨，應該煲咗一段時間。嗌咗個陀地酸菜魚嘅午市套餐，套餐會跟一個白飯，材料都幾豐富，除咗酸菜魚嘅基本食材，裏面仲加咗蓮藕、粉絲同金針菇。魚肉好滑，魚皮都好脆身，醃蘿蔔夠酸同脆身幾好食，酸菜魚湯較濃味，酸味同辣味適中，唔可以話超好食，但係$68呢個價錢比起其他賣酸菜魚嘅舖頭算係幾抵食。服務算素幾好.，座位都算寬敞舒適。晚市會收茶水錢同＋1服務費。

讚-嘢食水準穩定 櫻花蝦生菜爽脆 芝麻醬均勻 櫻花蝦好足料 蔥油雞既蔥油好香口 雞肉生爽度剛好 夠嫩 咭嚕肉脆得黎唔硬 醬汁係鹹酸合一 夠惹味 炸雞脾菇都香口彈-卡位有啲逼-豬肚韌左啲

筲箕灣少有高質午餐地方!同事介紹呢間！蔥油雞味道唔錯，去了骨入味肉嫩！有飯有飲品同例湯，今日例湯是红蘿白湯，幾甜幾清新！飲品選擇多，凍飲叫了凍檸茶，茶味香濃！午餐抵食水準之選！

主打粵菜，價錢係港島區算合理，不太貴，正正常常，味道夠，用心製作，碟碟即炒同炸，熱辣辣的！一諗好食咩要即刻叫，製作時間需時，放飯時間去食會比較人多要等位。午餐仲有埋老火湯送，同埋包一杯免費熱飲，肚子食到飽飽！

第二次來蓉玥了，上一次吃姬松茸雞湯實在太好味了，今次又來試試其他食物。這次我選上的是潮式炒河粉，港幣60元。我一個大男生都吃不完整碟，建議女生們都要兩人吃一份。炒河粉很美味，有潮州人至愛的菜甫，一吃下去就是外婆家的味道（我外婆是潮州人）。除此以外，炒河粉裡還有許多其他配料，都很好吃。這裡的座位都很寬敞，只是吃著熱食之下，空調略顯不足，所以必須要點冷飲！#香港美食# #奔奔老師嚐美食#

已經第三次嚟食下午茶，今次試咗個姬松茸豬肚雞寬薯粉。其實齋聽個名已經覺得裏面有唔少嘢，點知碗寬薯粉嚟到之後更加令人驚喜，裏面除咗有顧名思義嘅姬松茸、豬肚、雞、寬薯粉之外，另外仲有支竹，少少紹菜同埋杞子點綴。雞件用酒輕輕醃過，雞肉咬落彈牙，有少少酒香。 豬肚爽脆，雞湯香濃，加埋姬松茸、杞子，非常健康補身。跟餐仲有例湯蘿蔔雞腳湯同埋餐飲送。我全部湯都飲曬，返到屋企都唔會頸頸渴應該冇乜味精。 之前食過桂花蜜班塊客飯都相當唔錯。 下午茶價錢更加無得輸。不過食下午茶要注意四點半至五點半東家用膳唔開門。 外區人淨係識得排大隊食魚蛋粉，唔會行過兩間舖頭試真係走寶。

叫咗一人份量lunch外賣單等咗30分鐘先有，見到佢不斷出外賣平台單不斷出外賣平台單，但永遠都見唔到自己個外賣。催咗幾次單，個職員完全都唔理本身12:30有discount，我哋12:28去同個職員講落單，佢拖咗5分鐘先幫我哋落單，搞到最尾冇咗個優惠，然後又唔肯俾返個優惠我哋，返去打開外賣，叫咗個水煮魚，但係啲魚肉得好少，基本上得個汁。食物質素一般般，服務態度已經好差，拎到返去又唔係特別好食。筲箕灣東大街其實有大把選擇就算食川菜都唔使食呢間。

朋友介紹，位於筲箕灣東大街的一間新開大約半年有多的中菜館，話說有水準而價錢合理，於是昨晚相約一起晚飯，4個人叫咗2款小食：拍青瓜、炸蝦餅，5款小菜：炸子雞半隻、豬潤浸時蔬，麻辣魚，芥末蝦仁、豆角炒蛋（包白飯一大碗🍚），埋單差不多$800。最欣賞係豬膶浸時蔬，豬潤煮到啱啱好熟，爽脆！其他菜式都好好食👍🏻食到廚師係有心機整嘅，但炸蝦餅就普通D。地方都算坐得舒服，環境乾淨企理。如果有8-10人還可以book 個私家房，我冇問私房費消多少。

今日美食家同事想嚐粵菜😌 便一行三人到筲箕灣地鐵站B2 出口近天后古廟嘅 「蓉玥」菜館叫餸食飯：）空間唔大主要提供四人卡位，都算坐得舒服叫餸會跟雞湯熱飲.東大雞$65菜館頗多雞肉料理，喺口水麻辣蔥油雞同多款唔同口味嘅手撕雞等🐔入面，我地揀左菜名比較特別既東大雞~🐔口感偏向海南雞，配搭三色醬-香辣/椒叔/蔥油，附蔥油飯🐔雞肉嫩滑但略嫌雞皮部份太多🐔見隔離檯點左手撕雞set，足有半左山禁高，下次再黎會更想試手撕雞：）鬼馬桂花蜜脆肉$62豬肉粒外層甜脆 能吃到桂花味 但個人認為好像有點不太夾 另外油炸鬼粒好脆 單食邪惡但幾好味鹹酸菜炒豬肚$56驚喜之作！豬肚爽腍口感 連埋鹹酸菜一齊炒好惹味 送飯一流紅糖粉皮$8午市套餐加8蚊可點甜品：）涼粉上灑左d花生堅果同葡萄乾，但底部紅糖水較多同事略嫌太甜，可以不試

辛苦得來志在食，返工有時都真係激到成肚氣，圍爐食野申下先唔會屈到病。先以前好鐘意食泰國野「珍意」，自從珍意無做之後，就好似痛失飯堂，每日lunch time 唔知去邊好。之後開左間尼間「蓉玥」，食中菜主打四川，麻辣野係做得幾出色，味道調配得好好，之後再同大家介紹。今次想介紹佢既霸王雞，係姊去度最常嗌，雞嫩而且多蔥多芫茜，雞底下仲有啲青瓜絲，味道濃淡適中。至於咕嚕肉，用咗南乳醃肉，有淡淡的南乳味，但係就炸得太過火，肉有啲硬，所以咕嚕肉就唔係好推介。舖頭位唔多，都越嚟越多人幫襯，就算食12點都有機會冇位。📍 蓉玥 (筲箕灣)筲箕灣筲箕灣東大街14-22號東旺樓地下D號舖

晚飯時間行東大街搵食，見這間新開的小館門口張貼的餐牌有臭豆腐，於是入去試試。入到去坐低，餐廳裝修都是中式設計的，兩邊卡位，中間有少許細枱，感覺有點浪費空間，但另一方面來說就比較濶落，不怕人多聚集。點菜可掃碼下單，與內地餐應一樣，不過坐低如沒有要求就不會提供白開水，可能是新開張關係還在試業中。打開手機掃下，發現原來臭豆腐已經售罄了，有點失望。最後點了幾款小菜: 炸子雞半隻 $108 、桂花蜜脆肉 $80和通菜 $7X。味道都正正常常，半隻炸子雞份量不多，但炸得不錯，伴碟的蝦片上枱時仍脆口; 桂花蜜脆肉 都炸得乾身香脆，粉漿不算厚，但桂花味道不是太出，是有蜜糖甜味但不覺有桂花味;通菜都算嫰口，有些炸豬油伴碟幾得意，但就偏咸，可能是豆醬關係。感覺每碟餸的份量相對一般茶樓細小小。整體來說都合格，價錢和酒樓小菜差不多，沒有茶錢，新開張期間沒有收取加一費用，都算幾抵食的。看看遲下有沒有機會再試臭豆腐，除了蓉玥之外，形薈的一家也有臭豆腐吃，味道也對辦的。