4
0
0
港鐵佐敦站 D 出口, 步行約2分鐘 繼續閱讀
營業時間
星期一至日
18:30 - 23:00
付款方式
現金
座位數目
60
其他資料
Wi-Fi
酒精飲品
自帶酒水 詳細介紹
切餅費 詳細介紹
加一服務費
電視播放
食評 (4)
等級2 2019-02-04
640 瀏覽
海鮮控不可錯過!已經幫襯過蒸蒸日上四、五次。每次嘅水準都好好。冇得彈啊!簡直有種想「抱擁這分鐘」不停口品嚐鮮味嘅感覺。同其他蒸海鮮嘅食肆有少少分別,蒸蒸日上係「私房菜」嘅形式。所以每一日嘅中午就一定要confirm究竟有幾多位客人會到。因為晚餐嘅海鮮係當日晏晝先買嘅。所以食材十分新鮮。亦都因為佢哋只會買夠預定客人數目嘅份量,如果多咗人去就會唔夠食;少咗人去呢...你都要俾埋嗰份錢㗎 (都公平啫)。以下係其中幾樣我最喜歡喺蒸蒸日上食嘅海鮮;佢叫做黑珍珠貝。唔係成日有。蒸起之後黑珍珠背肉裏面會藏住一泡水。非常鮮甜。可能你會覺得賴尿蝦冇乜特別。但係賴尿蝦蒸起之後,店員會幫你起肉,食起上嚟一啲都唔麻煩。係炸芋頭丸。係好香口,食落去外皮鬆脆裏面軟林林又唔太甜嘅甜品。如果有朋友生日,仲有特製嘅QQ公仔壽包添。 繼續閱讀
(以上食評乃用戶個人意見 , 並不代表OpenRice之觀點。)
等級3 2018-12-11
600 瀏覽
話說有朋友生日約出嚟食飯,想食海鮮又唔想去西貢呀同三聖啲咁遠嘅地方,所以就搵咗間蒸海鮮嘅鋪頭食啦!咁呢間都係朋友搵出嚟book位嘅,信得過佢揀嘅食店!咁第一道類似蜆嘅東西,其實我都唔知係乜嘢嘅,食落就有海水鹹味而且都鮮甜嘅!咁之後呢就到蒸大蝦啦,啲蝦夠大隻而且都好鮮甜,食埋蝦頭啲蝦膏真係超級正!之後就蒸扇貝,不過佢就唔連殼上,呢個就冇乜特別啦!再嚟就係蒸貴妃蚌,味道都幾鮮甜,上邊有蒜蓉同埋粉絲加埋一齊食十分正!之後就係蒸東風螺加埋芋頭南瓜同粟米,東風螺好鮮甜,而芋頭南瓜同粟米亦都好好味!之後就係蒸龍躉啦,其實我平時就唔多食魚嘅,不過見佢整出嚟都好靚咁,食左第一啖之後嚟咗覺得又真係幾好食嘅,肉身都比較爽同有彈性!之後就到蒸蟹啦,隻蟹本身都多膏嘅而且味道亦都鮮甜,食咗都覺得十分滿足!不過就唔知點解要連埋啲豬皮一齊蒸,豬皮我就覺得麻麻啦!再嚟就有呢個蒸肉片粟米仔同埋菇,肉有得比你揀要牛肉定豬肉,咁我朋友就唔食牛肉嘅,所以我哋全部都要晒豬肉啦,豬肉味道都唔錯新鮮而且唔會簿身!咁其實係蒸海鮮嘅底部係有個粥底喺度嘅,所有海鮮啊肉加菜蒸完之後啲精華呢就流晒落個粥底度,所以最尾食埋個粥底係超級正嘅!咁因為其實我哋多人食啦,係有兩個蒸鍋嘅,所以都有返兩個粥底唔同味道嘅!食完呢個之後呢,佢就上埋個炸地瓜比我哋,咁食落同台灣果款我覺得差唔多味嘅,都OK唔錯!咁最後呢其實有個驚喜嘅,如果食飯嗰時入面有人生日嘅話,預早定位嗰時講定,係有一啲好得意嘅蒸包送我哋嘅! 繼續閱讀
(以上食評乃用戶個人意見 , 並不代表OpenRice之觀點。)
今日好難得約了大女幼稚園同學的媽媽食團年飯,今次又是去「蒸蒸日上」,食蒸海鮮 🐟🦐🦀! 菜單好簡單,大約分$330、$430、$530,當然價錢越貴,食材都越矜貴!我地就通常食$430的一款,但其實季節唔同,每次食材都有少少分別! 澳洲藍青口,好鮮甜,仲帶少少海水味! 海蝦都好鮮甜。 BB象拔蚌,咁多款之中我最鍾意,好鮮味! 聖子皇 鮑魚 游水海班,平時我麻麻地魚,但連我都覺得好正! 蔬菜,粟米甜,芋頭粉,南瓜甜。 海蟹、黑松露墨魚丸,海蟹都好新鮮。 手切牛小扒蒸得剛熟,好正! 蒸雞好滑! 最後碗雞粥真是好好味! 連甜品脆皮紫心丸都好好味! 難得每次去水準都一樣好,海鮮每次都好新鮮,而且價錢是set定,唔怕食海鮮時價比人當海鮮咁「劏」! 繼續閱讀
(以上食評乃用戶個人意見 , 並不代表OpenRice之觀點。)
等級1 2017-06-14
2446 瀏覽
我個日同朋友上左蒸蒸日上第一次試呢間餐廳🤤🤤🤤有驚喜!!!我食左好多海鮮,全部都好鮮,我地食左🦀🐟🦐好好味呀!佢地呢間個時間較得岩岩好!啲鮑魚完全唔un, 食左好多舊ahah!!!!(唔會好似某啲咁唔理我地)除左食物,餐廳既環境都令我地覺得好舒服,完全唔覺得好逼(我覺得kiu腳坐都仲好夠位)!呢到2個人來又得,超多人來都得!坐位好flexible! 佢地仲有間房嫁食海鮮當然要有酒,呢到有好多揀,我地都飲左好多呀重點係放工過來超級方便仲有要一提,呢間餐廳老板娘好有heart 嫁!佢會推介啲野比你,有咩夠鮮叫左實無甩拖🤤🤤🤤下次同朋友一定會帶再想呢間食!總分十個星滿分 繼續閱讀
(以上食評乃用戶個人意見 , 並不代表OpenRice之觀點。)