23
5
18
所有分店 (2)
電話號碼
26667528
91397528
開飯介紹
集自助餐、網燒及鐵板燒於一身。海鮮拼盤更可選擇網繞或鐵板燒。火鍋配料、各類熟食種類多。 繼續閱讀
營業時間
今日營業
17:00 - 01:00
星期一至日
17:00 - 01:00
公眾假期
17:00 - 01:00
公眾假期前夕
17:00 - 01:00
付款方式
Visa Master AlipayHK 支付寶 現金 微信支付
其他資料
Wi-Fi
酒精飲品
電話訂座
加一服務費
當面支付
招牌菜
火鍋 燒烤
食評 (62)
等級4 2020-05-18
0 瀏覽
某一日經過蒲頭島聞到好香嘅麻辣火鍋味道,再望一望門口抗疫套餐價,火鍋外賣套餐,外賣自取有八折,埋單計數 $230 二人餐,款式多而且選擇豐富,仲可以配埋自家製香辣湯底,咁完美又點可以唔試吓呢?自家製香辣湯底屋企開冷氣食火鍋,食得安心又舒服,自家製果然特別真材實料,香辣味道濃烈,建議一份湯底加一份水,麻香而不會太辣,刺激惹味,火鍋精華發揮得更加好!美國牛板腱美國牛板腱肉的油花均勻,牛味濃香,口感柔嫩,牛板腱切片加上香濃的辣湯,味道跟肉汁一樣咁正呀!西班牙豚肉片西班牙的豚肉片外表特別肥美,而且霜降勻稱, 賣相很好。一咬落肉汁香甜四溢,肉味之香濃真的絕非一般豬肉可以相提並論,用來做火鍋也很好味。雞件雞件配搭濃郁的香辣湯底,有點像吃雞煲的感覺,雞件嫩滑多汁,口感一流。丸類特別要讚一下貢丸、牛筋丸味道特別香濃,一入口就有爆汁的感覺。火鍋配料比較特別的有墨魚春卷,彈牙到不得了,而且食到一粒粒的墨魚肉,口感很好。油豆腐平時比較少食到好似手掌咁大的油豆腐,放湯吸收晒所有精華,味道很好,湯汁飽滿。炸魚皮最開心係外皮香脆可口,沾滿湯汁更加好吃。蔬菜食咗咁多肉再食返唔同嘅蔬菜平衡一下,腸胃都健康啲。烏冬食火鍋最後一定要食埋烏冬咁先至完整嘅,烏冬吸收晒整個火鍋湯底嘅精華,每一啖都很好味道。再飲買冰凍的可樂,打邊爐飲可樂真係絕配! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-18
0 瀏覽
疫情爆發後除了返工就是留在家,近期情况有好轉,就去新界行下山,吸下新鮮空氣,咁啱碰到舊同學,原來他搬左入大埔住,邀請我去參觀一下他的新居,因近晚餐時間,他在樓下的蒲頭島買了二人火鍋外賣套餐。套餐有8折,火鍋外賣套餐有數款選擇,我選了其中2百多元的二人火鍋套餐,加50元有一套一人火鍋爐,一人一鍋,方便衛生,如果想二人世界用也足夠。落單後好快就包裝好待客人拎走。連混醬材料也預備妥當,十分方便快速。7款湯底自選了雪燕牛乳養顏湯,奶白色的湯底是濃縮的,所以店員貼左字條建議加1比1的水再加熱用,湯底加入了雪燕、南瓜、紅棗等,味道清甜,雪燕份量不少,晶瑩剔透,滋補養生。火鍋料新鮮,美國牛板腱肉質鮮嫩,牛肉味香濃。西班牙豚肉片,豬肉味比較濃,肉質細嫩。雞件新鮮嫩滑,貢丸、牛筋丸、海膽丸、墨魚春卷、芝士腸、魚皮餃、油豆腐款式都不少。唐生菜、粟米、冬菇、炸魚皮、金菇、烏冬,蔬菜麵食樣樣齊。還包2罐汽水。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-16
0 瀏覽
前日去左大埔太和既蒲頭島買火鍋外賣,餐廳職員準備得好好,將所有既配料,醬汁,飲品也放置得好好;完全冇執漏。今次我揀左二人火鍋外賣套餐,外賣仲有八折!見到有多款配料,感覺好抵食啊~吾知味道合吾合心水呢?芝士鮮茄牛肉湯底:餐廳貼心將芝士分開,可自行將芝士放有湯底中溶解。鮮茄牛肉湯底既蕃茄味好濃郁,味道甜中帶少少酸,令人愈食愈開胃!更有薯仔和蕃茄肉。餐廳提供溫馨提示,需要將一比一比例把水放入鍋中啊!美國牛板鍵:先講賣相,牛板鍵顏色鮮艷,而當中帶有好幼細既紋理,可見牛脂吾會好多,令食客吾會有好油膩既感覺。焯後既牛板鍵肉質好滑,仲滲出好多肉汁,食起黎味道更加之juicy;牛味香口的。雖然是二人份量,但片數也很足夠,厚薄適中。西班牙豚肉片:食完牛就有豬,豚肉片為粉嫩色。即使焯後,口感絕對吾鞋口;反而帶滑,當中依然有肉汁滲出,可知豚肉片也吾乾身,同樣很值得一食。雞件:雞件大約是150g左右,一個套餐有牛有豬又有雞,岩晒食肉獸。雞件口感同樣吾會鞋,雞香味濃。炸魚皮:必定一讚既炸魚皮,份量足,而且每塊也大大塊;口感極為脆口,食落有脆卜卜既聲,咸度剛好!!金菇,粟米,冬菇:金菇清洗得好乾淨,沒有帶沙粒,焯後因吸入湯底令整體味道更加入味。粟米好甜口。冬菇好大粒,焯後林林地幾好食。貢丸,牛筋丸,海膽丸,墨魚春卷,芝士腸,魚皮餃,油豆腐:至於丸類方面,套餐也提供了多款丸類比食客。雖然每款只有兩件,但款數也很多,一定食得飽!貢丸和牛筋丸口感爽口彈牙,海膽丸爆出汁。墨魚春卷長身,墨魚味香口。芝士腸也爆出芝士。魚皮餃咸度岩岩好。油豆腐幾特別。唐生菜:餐廳經已清洗得好乾淨,唐生菜賣相好好,吾會系爛業,焯後味道不錯。烏冬:二人份量,大大增加飽肚感。烏冬好滑又吾易斷,值得一讚~兩罐汽水解渴! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-12
40 瀏覽
多咗外賣返屋企開餐當然唔少得火鍋,呢款美食一年四季都食得到,是日去咗呢間火鍋放題店買外賣火鍋家陣外賣自取有八折優惠,套餐已包括多款火鍋配料,分別有三款特色套餐供應,最啱我呢D懶人夠晒方便點了呢款二人火鍋外賣套餐,已包十多款配料連飲品,湯底要香濃沙嗲湯係火鍋最佳配搭,火鍋套餐包裝好晒可以返屋企準備品嚐一餐火鍋,打開包裝已見各款火鍋配料盡在眼前先放入湯底落鍋滾起,再放各款丸類同餃等一陣就可以品嚐,當然有埋美國牛板腱、西班牙豚肉片同雞件,而且份量足夠二人享用係不可缺少嘅火鍋食材濃郁沙嗲香味亦滲出來係時候開餐,鍾意食肉嘅我,即刻食番幾片牛板腱滿足一下,入口啖啖肉汁至於豚肉片食落一樣咁爽嫩,點埋醬汁一齊食更滋味,食完一輪肉唞一唞再食下其他火鍋配料,尤其金菇同油豆腐吸收晒湯汁精華入口特別惹味最後食番個烏冬已經好飽滿嘅一餐外賣火鍋。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-05-08
55 瀏覽
以前都黎過蒲頭島堂食Hotspot, 當時已經感覺唔錯, 除左火鍋料外, 出面亦有熟食同甜品任取.因疫症關係, 近來已減少出外用餐次數, 而有次行經街道無意中留意到呢到有火鍋外賣套餐, 之後有日想同家人Hotpot去左呢到買外賣.其實火鍋套餐外賣我都係第1次試, 但原來果種方便, 真係令人好開心, 唔洗好似平時係街市咩都買小小就已經曬左好多時間.今次叫左個2人餐, $200鬆D就有交易, 但份量好足, 我同家人Total 3人食都食唔哂.叫左人蔘鬚雞肉湯, 本身以為個湯底會偏苦甘, 但原來又唔係wo, 都幾特別, Daddy仲加左D酒落湯底提鮮tim.套餐肉類方面有美國牛板腱, 西班牙豚肉片及雞件; 其他配菜有丸, 有油豆腐(口感似豆卜), 有菇, 有魚皮, 有菜, 有粟米(好甜), 有烏冬(係有咬口QQ既)等, 仲包埋2罐汽水tim.美國牛板腱: 超級驚喜, 無諗過呢個價錢可以食到呢種油脂分佈好平均又無渣既牛!!西班牙豚肉片: 第2驚喜, 因為豚肉煮完唔會”Hi”/硬不得止, 仲好爽口有口感!!其他配料我就不特別講了, 因為都係大路火鍋料, overall d野係新鮮, 乾淨!!食後感係: 我會再Encore!! =P 繼續閱讀
(以上食評乃用戶個人意見 , 並不代表OpenRice之觀點。)