影片
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
今次嚟咗樂富蒲羅食東南亞風味中午套餐，環境寬敞乾淨，座位舒適，中午都幾多人排隊，可能要等位。生牛肉河粉係佢哋嘅招牌之一，牛肉片好新鮮，帶微紅色，即刻俾滾熱湯淥熟，肉質嫩滑又帶牛味；河粉夠爽滑彈牙，湯底鮮甜唔膩，湯裡面嘅配料好多，有牛展同牛肉丸，口感豐富。仲有微辣嘅辣椒伴碟，啱晒鍾意啲香辣味道嘅人。豬扒拉沙的味道濃郁，咖喱醬香滑帶香料香，豬扒炸得金黃香脆，肉質內裡保持嫩滑唔乾，拉沙惹味配有豆卜芽菜。
繼續閱讀
一碗 $6x 雞絲麵 得一啖雞絲😡😡😡. 牛肉麵都有三片， 點解雞絲咁平都咁稀罕， 有啲離譜！😳😳😳😳😳😳😳😳仲要加一午市， 咁樣仲有咩人留港消費！ 檢討吓
繼續閱讀
蒲羅今次係我第二次嚟樂富廣場食一間新加坡菜餐廳叫「蒲羅」，佢哋嘅下午茶真係好抵食，呢間餐廳絕對係無障礙餐廳，入面雖然通道唔算好闊，但係店員都好樂意幫我搵適合位置坐，仲要轉枱兩次，非常夠細心！1.蒲羅蝦麵$58+薄荷青檸梳打$12（9/10）呢碗蒲羅蝦麵有少少似喇沙，入面配料相當豐富，有三舊半蝦，點解話半，因為每一隻蝦都係切開半隻，仲有4舊豆卜、3塊腩肉、豆角同芽菜等等，飲品揀咗薄荷青檸梳打，飲咗好清新，梳打唔會倒得太多，青檸唔會太多，夾得好好！2.馬來咖哩牛腩 配米飯$60+椰汁紅豆冰$12（9/10）呢碟咖哩牛腩飯咖哩味香濃，有少少辣，牛腩都有8舊，每舊牛腩都唔會好韌，飲品揀咗椰汁紅豆冰，椰汁味好濃，紅豆煮得好淋，無一粒紅豆係生，好飲！3.街頭雞肉串燒（2串）$22（10/10）呢2串雞肉串燒唔會好乾，笑得啱啱好，點上秘製醬更加好食！4.新加坡咸蛋黃魚皮$22（9/10）呢碟咸蛋黃炸魚皮雖然份量少，得5塊魚皮，但每一塊都好脆，咸蛋味香濃！5.酸辣無骨鳳爪$22（9.5/10）呢碟酸辣無骨鳳爪一共有7舊鳳爪，每1舊鳳爪都酸酸辣辣好惹味！6.順化香茅雞翼（2件）$22（7/10）呢碟香茅雞翼一共有2件雞翼，雞肉肉質比較硬身，外皮炸得有少少燶！2人總共價錢$253，其他有加一服務費！個人口味總評分：8.92/10 @lokfuplace地址：樂富聯合道198號樂富廣場A區1樓1104-1105號舖Please follow me🙆♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻♂️#蒲羅 #新加坡菜 #樂富美食 #樂富好去處 #香港美食 #無障礙餐廳 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
繼續閱讀
今日去咗呢間餐廳試吓 整體感覺真係好一般 甚至有啲失望首先，叫咗個椰青，唔知點解可以有大半個都結冰飲落去喺度咬冰粒我嗰碗所謂嘅摻摻成碗得三四條油麵 其餘全部係米粉咁叫咩摻摻啊一係你就清清楚楚寫明今日冇油麵等客人自己決定食唔食一係你就直接講呢度嘅摻摻係米粉為主隔籬枱嗌咗個豬頸肉飯 睇落去已經覺得好乾人哋想問侍應拎啲豉油 點知竟然話冇豬頸肉本身已經唔算嫩仲要連基本調味都咁吝嗇唔明點解可以咁樣對待客人最離譜嘅係 我碗麵仲未食晒侍應就走過嚟問: 食完未？我連口都未開佢就已經伸手想收走🥲唔推薦！
繼續閱讀
呢間裝修得好別緻，有東南亞風味。座位寬敞，食物素質高👍❤️香茅豬撈檬豬肉嫩滑，搭配香茅嘅清香，令味道更加突出。每一口都好似帶你去旅行，感受到熱帶嘅陽光。❤️新加坡咸蛋黃魚皮咸蛋黃嘅濃郁與魚皮的脆口感完美結合，口感層次豐富，咬落去卜卜脆，加上鹹蛋黃嘅味道，好正🙌❤️熱鹹桔水一道消暑飲品，鹹味同酸味交融，清新解渴，特別適合炎熱嘅天氣，令人神清氣爽。❤️峴港炸蝦餅外脆內嫩，嘗一口就能感受到海鮮嘅新鮮，搭配少許醬汁，更加提升咗味道，口感豐富。❤️蒲羅蝦麵麵條彈牙，配上鮮美嘅蝦，湯底濃郁，好味
繼續閱讀