影片
港鐵牛頭角站 A 出口, 步行約5分鐘
繼續閱讀
電話號碼
66362521
23639698
營業時間
今日營業
13:00 - 00:00
星期一至四
13:00 - 00:00
星期五至六
13:00 - 02:00
星期日
13:00 - 00:00
以上資料只供參考, 請與餐廳確認詳情
相關文章
葫蘆館未裝修之前都有幫襯過，當時嘅綠豆沙還算好味。裝修後第一次去買俾我個女食，佢問我啲沙去咗邊？我埋去一睇，一碗冇豆咁滯嘅綠豆水，得少少海帶。另外買咗一個桑寄生蓮子蛋茶，呢個算係正常發揮，隻蛋雖然好深色，但係啲味入唔到去中間，冇西環源記咁好食。聽聞事頭婆因為太辛苦要退休，本來諗住直接唔做，之後有個佢嘅食客聲稱唔想冇咗咁好食嘅糖水而接受，俾人接手之後差太多，為控制成本而令品質斷崖式下跌，冇興趣再幫襯。*因為寫食評唔可以上傳影片，我之後再獨立上傳影片比大家睇吓。
繼續閱讀
喺觀塘附近諗住食個糖水見佢餐牌都好多選擇好吸引，就要咗一個椰汁芒果仙草小丸子 （$38），椰汁紫米小丸子（$38），一嚟到份量已經小到嚇親人，個碗真係唔係平時糖水店用嘅碗，成個體驗10分鐘已經食完，未試過食糖水可以食到咁快速，味道係正常，但就好似撈糖水咁，個碗咁細啲料都唔會諗到係多㗎啦，唉但係份量與價錢真係差得太恐怖，另外仲點咗一個雞翼尖（ $22）我諗份量得10隻🫠真心留個食評係想去改善吓個份量!
繼續閱讀
葫蘆館📍：觀塘宜安街2-4號地下2A號舖🚗：牛頭角地鐵A出口 步行3分鐘📞：+852 2172-7556💲：~HKD30/head for dessertFood quality✔️：椰子味薑汁撞奶👌🏼：水蜜桃薑汁撞奶總結：😋屹立於牛頭角多年嘅薑汁撞奶 之前曾經宣稱要結業 但老闆似乎見結業時期多人排隊嘅畫面所感動 定轉咗手原店重開都算係為廣大街坊繼續服務👍🏼😋嚟到就冇理由唔食馳名嘅薑汁撞奶 呢嗰嘅撞奶超薑 啱哂我呢啲愛薑之人 椰子🥥味出色過水蜜桃 水蜜桃唔太夾😨衞生麻麻地 有潔癖嘅朋友要迴避 員工服務都係麻麻地 但未到惡劣🫡
繼續閱讀
夜晚口痕痕想食糖水，於是上網睇吓有邊間好食既糖水舖啦，睇左幾間終於發現左一間自稱40年傳統既糖水舖，食開中式糖水既我心諗冇死啦，就叫左個芝麻糊試下。點知都未食落口咋，就咁用匙羹拔上黎果下，咦！咁杰撻撻既滴都唔滴下….咁都算喇！食埋落口就奶哂野！碗野好似D芡汁未攪勻咁一舊舊！真係未食過咁差既芝麻糊，求求其其落D生粉落去！ 總結：本人雖然只幫襯過芝麻糊，但睇佢既製作 態度就奉勸各位小心中伏！！！！！！！！
繼續閱讀
由中學食到佢重開再重開，個薑汁撞奶同以前一樣味，但係就細碗左。不過個芒果椰汁西米露就好伏，啲芒果得幾粒，仲要係啲邊邊角角，不特止仲要有兩粒係爛嘅，其餘係酸嘅，一碗盛惠你$36。真係唔會再有下次。
繼續閱讀