董記東北餃子館 (已結業)

在網上外賣平台初嘗餃子館叫了牛肉麵和餃子外賣不但沒有分湯 而且得幾片薄塊牛展薄到見到師傅刀工非常利害而且湯麵淡而無味餃子皮厚無汁有兩粒爆左不可一不可再唔怕中伏自己試仲可以有人幫襯真係好勁

未婚夫之前吃過一次，他知道我喜歡吃餃子，今次專程帶我一齊來吃餃子。入店後，姨姨滿面笑容，態度親切叫我們找個位坐，也不會忙著催你落單，整個店鋪就是簡簡單單的，幾張枱，幾個食客，不斷有食客進進出出。我們先下單叫了白菜豬肉餃、韭菜豬肉餃子麵、紅腸、豬肉餡餅。紅腸先上場，是東北來的紅腸，煙熏味重很好吃！用來佐酒一流！👍🏻餃子皮是厚皮的，個人較為喜歡薄皮，未婚夫卻很喜歡厚皮。裏面的白菜和豬肉都很新鮮，但是豬肉沒有juicy汁，餃子略為乾身，肉和餃子皮是分開的。湯底略為遜色，沒有特別。豬肉餡餅等了很久才上菜，原因是因為所有嘢食都係即叫即整，所以會較為耐先上菜。大食的我們之後不夠飽，再追加了兩樣東西，分別是豆腐皮蛋和牛肉餃子。豆腐皮蛋必食！醬料非常好吃！豆腐和皮蛋好夾！牛肉餃子，牛肉有點羶味，個人還是比較喜歡韭菜豬肉餃子！店員態度友善，和藹親切！就是令你回到國內小店一樣！

(董記)東北餃子館 - 好味，餃子很有家的風味 🤗其實這間店已開業了一年半載，但一直未有機會嘗試。每次行過這店都以為沒太多人光顧。 但今天坐了個多小時，發覺雖不可說"客似雲來"但客人也是不停地進進出出。店內只有兩個人工作，所以有碗碟好像放了一段時間也未有人執拾， 有點像國內一些小麵店。店員告訴我們今天只有芹菜和酸菜的水餃，所以我們便點了芹菜豬肉水餃和涼拌土豆絲。水餃果然好吃 - 就是我最喜歡哪種皮 - 有點厚、煙煙韌韌、咬落有些少麵粉的甜味，就好像北方人過年在家包的水餃。水餃一咬落便知道是新鮮包的，芹菜還很脆。 桌上有一瓶乾乾的辣椒醬(?)，黑黑的，沒有什麼油，也不(太)辣，但用它來拌餃子一起吃，令餃子好吃了數倍。 所以我們又再叫多些食物。再點了酸菜豬肉水餃和西北大拉皮。原來酸菜都蠻好吃的，也很惹味。東北大拉皮更是有驚喜。拉皮本身沒有味道，要靠碟內的醬汁來調味。醬汁的味調得不錯。下次再去時，我會提醒自己吃之前一定要先拍食物的照片 ...

酸辣粉好好味，粉皮的酸醬汁加上粉皮、青瓜等，口感清爽，好好味！ 芹菜水餃，我最鍾意。 豆漿有豆味。 地方雖然唔大，但好有東北風味！其餘菜式未試過，下次會再嘗試其他特色小食 。服務態度也很好，值得一去試試！

一路都好鍾意食東北菜，今日經過佐敦黎試試依間好有內地風格既小館子。-素餃子 🥟$45總共十隻，皮有嚼勁，唔係淋淋地個種。素菜餡都好味，唔會太鹹。-拌三絲意料之外地好好味，粉條青瓜同海帶絲既組合-哈爾濱燻雞 $60半隻肉質緊，原來哈爾濱係凍食燻雞，味道唔錯，適合我胃口-醬骨架 內地試過類似菜式，今次食到還原度既高，而且醬汁調味好-韭菜盒子新鮮熱辣辣-小蔥豆腐同想像唔同，以為係細正方形再拌好多蔥。🤔-總體味道唔錯，菜式特別同種類多，價錢合理啦，下次經過再試試

今日經開佐敦，突然落咗大雨，唯有在附近搵地方吃午餐，給我遇上這間平平無奇的小店！我一心係想食餃子，一到去竟然午餐餐牌沒有餃子，只有下午茶時段才有，真心有啲失望，不過估佢唔到叫咗個滷水汁豬肚飯，超級超級好食！午餐包了一個青瓜小吃，味道清新這個就是滷水豬肚飯啦，配有少少蘿蔔，豬肚飯外面很少有得吃，多數是牛肚飯，我係唔識牛嘅，見到豬肚飯就雙眼發光了，豬肚洗得很乾淨，沒有帶點任何的異味，滷水汁亦都好出色，豬肚淋滑爽口，$40連飲品，價錢超值！食唔到餃子我係唔會死心嘅，所以都以正價叫咗個白菜豬肉餃，真係符合我嘅預期唔錯，幾好食啊！配合新鮮蒜蓉醬，非常正，好多肉汁！大家有機會試一試這些小店吧！

今日放早去左呢度食左好耐無見嘅韮菜盒，芹菜餃同拌三絲入面的客人只有2個好細個的北方男子同一個係咁食肉送啤酒的大叔餐廳有2位東北大嫂主持，門又唔係多數街舖嘅透明玻璃，感覺似真係去左北方，一間令人與世隔絕嘅餐廳其實食物質素唔差，不過餐牌d英文翻譯有d搞笑唔知係咪百度出嚟😂只係影左韮菜盒，雖然同想像中的「盒子」有d出入，但真係新鮮整出嚟好好食至於餃子一碟40蚊有10隻，咬開d芹菜味爆出嚟而拌三絲係海帶青瓜加少少粉皮同透明的冬粉，有好勁蒜味同少少芫茜味，而家呢d天氣食啱哂題外話，間舖細細又幾企理，好過好多香港其他的茶餐廳，但期間唔知係咪有人追數，其實唔算平不過都唔貴丫，希望佢地支持得住啦

佐敦附近幾多廣東菜以外的中國菜，今次發現咗一間東北菜。睇菜牌就已經好唔同出面。咩醬骨架，拌三絲，酸菜餃子呀，見過咩？？？ 同埋酸菜係東北酸菜，同四川辣辣，綠綠果D 唔同呀。一定要試一試，因為我已經試咗幾次啦，次次都選D唔同來試，幾好食噢。幾乎每一樣嘢都好有特色。佢地D饺子，肉餡係手打，所以好幼，食落好舒服。醬骨架真係讚到不得了，好入味，軟又有肉感。啖啖都食得出用時間煮出黎嘅味道。拌三絲係爽口加口感豐富，又營養。爽滑東北粉條，海帶絲，青瓜絲，真係幾特別噶配搭。呢間家常小館，值得多黎幾次

這一所位處於上海街內的餃子店，"娘"味十足，不知道的話，還以為是返回了內地用餐呢....通常一間新店子，在運作上少不免就會有點甩漏的。這一間，同樣也不會有例外....首先是走進去，想點一客饀餅，但侍者竟說師傅還未上班，所以沒得吃....此時望一望錶，都已下午一時半了，心愔道 : "您們究竟是不是不懂做生意的 ?"....再來，點一碗白菜豬肉水餃麵。落單後不久後端來，咬了一口水餃，發現餡料是酸菜加上豬肉來。此時也都默不作聲，事實上我一向都不太介意下錯單的，反正水餃內包甚麼饀，小弟一向採取的態度都是大小通吃的....怎知再食下去，有趣的事情發生了....下一只餃饀內，卻變成了芹菜豬肉....接著下來，又吃了一隻韭菜豬肉餃....吃來吃去，就是吃不著一只白菜豬肉饀的....不過在如此的大甩漏底下，小弟卻可得嚐店內好幾款不同的餃，也算是因禍得福呢....說回餃本身，算是做得不俗的 ---- 皮厚薄適中又紥實，肉饀菜與肉比例均稱且多汁不會太旱，做得甚地道....麵條不是爛塔軟軟的，咬起來微微地煙齦，不錯....新店有甩漏擺烏龍，實是正常不過，只是之後可以有改善的話，那就非常好了....

香港有好多餃子店，但正宗東北餃子認真唔多，直頭少有。老板娘係正宗東北人。餃子皮係親手做，會比一般買既皮厚，在於飽肚。葱油餅好有屋企既味道，即係唔似大眾化既食物。總括黎講真係東北口味。其他款式下次試過再講

佐敦上海街開咗間東北菜既食店。即刻想起之前去哈爾賓既旅行，咪入去試下又回味下囉。環境都好光猛。座坐算舒服啦。新開張，乾乾淨淨唔錯。我哋三個人叫咗幾樣嘢。梗係要試下佢d餃子。依個係芹菜豬肉水餃，$40。份量唔係好多。個皮厚既，同我哋係哈爾賓食既一樣。我記得民宿有一餐就係餃子餐，每人一大碟，份量多過依到好多。可能東北人當飯食，天氣又凍，所以d餃子皮厚d咁就飽肚d暖d啦。就算皮厚，都食到好鮮既味道，真係唔錯既。依個係佢推介既豬肉餡餅，$25有兩件。睇落好似好抵，個樣又靚，食落就中晒伏啦。餡餅好厚，豬肉少到差d睇唔到，咬落只係食到乾淨淨既餡餅味，一d 豬肉既味都食唔到。係，我係話過東北既皮係做得厚，但係人哋既餡都唔會少成咁，同樣都係大大份，至少我係哈爾賓食既時候係咁。所以你俾兩塊都無用，都無人想食。朋友叫咗紅燒排骨麵，$42。佢話好細碗。男仔食唔會飽。我哋只可以話依間舖來到香港就番香港人既食量啦。味道都ok既。排骨算稔，不過肥咗d。五香牛肉，$48。乾身鞋鞋地。點醋同蒜泥幾好味。佢d蒜泥個樣唔多靚，但食落好得。餐牌。埋單$164。我用係哈爾賓食過既同依間嘢比較，係有d唔公道既。或者唔係個個東北