萬順茶餐廳

營業中

休息中

我前兩日剛剛行開順天邨，十一點左右，原本想去大快樂食埋午飯，話仲有半個鐘先午市，結果就去咗呢間幫襯。叫咗黑椒牛肉飯，正常人梗係唸黑椒汁再加牛肉。佢嗰個黑椒汁，我真係希望教育下佢，係平時生粉水蠔油汁茨再加黑椒粒。我唔計呢個唔係平時黑椒汁，黑椒味根本冇用囉個汁到，亦同大家認識開嘅黑椒汁唔係同一種味。呢世唔會再幫襯。

～ 晚餐．枝竹豆腐斑腩煲、雜燴炒河、肉絲炒麵、粉葛果皮豬骨湯配凍檸茶同凍奶茶 ～🐟 枝竹豆腐斑腩煲 👉🏼 炸粉厚道啱啱好，真正斑腩並唔係鯰魚排做出嚟，份量多，枝竹同油炸豆腐好入味，但整體味道偏咸。🫕 雜燴炒河 👉🏼 河粉軟滑，內有瘦叉燒、豬肉片、魚鬆、魷魚、豬潤、芽菜同白菜，非常多配料，味道剛好。🍜 肉絲炒麵 👉🏼 炸脆麵底，半邊淋上芡汁，一邊脆一邊腍，香口，大量腍滑豬肉絲同脆口芽菜，味道唔錯。🍲 粉葛果皮豬骨湯 👉🏼 免費任添，無味精，落足料。🍹 凍檸茶 👉🏼 茶底濃，大杯，叫炒粉麵可跟餐加12蚊，原價17蚊杯。🥛 凍奶茶 👉🏼 茶底一流，所以都幾好飲。㊙️ 個人評價 👉🏼 抵食同好食嘅平民茶餐廳，湯水任飲重要免加一，有隱藏海鮮餐單，每日唔同。💸 埋單免加一 👉🏼 ＄180🏡 地址 👉🏼 觀塘茶寮坳順安道9號順天村熟食檔 5-8號☕️ 一個人的餐桌 一個人的孤獨 請我飲杯咖啡 瀏覽下網誌 謝謝

比較忙，無時間食午餐終於到3點3，食個下午茶休息一下要個雙併麵、奶豬豬沙嗲牛味濃又夠淋滑，紅腸正常品質數食晒個麵到奶奶豬一口，忍唔住woo左出黎～奶香、包又香又脆！！！雖然一麵一豬都夠晒飽今日有C6陪有空間叫多個西多士西多士絕對唔係隨便叫的因非常高卡.....到左！真係無浪費我個Quote! 超正！！相機未影已啪左兩件！即做係基本，麵包夠軟、蛋又香～蛋仲入晒落麵包裡面！！！當然～奶茶精，到茶記一定要黎杯奶茶！飲野一般都會走甜走糖可能依個關係，仲要有冰覺得依款奶茶唔夠香「茶、香都唔夠香」整體都相當不錯下次試下熱奶茶！！**最後，有少少位想講本人唔怕狗，都鍾意狗但⋯⋯堂食其間不停有人將狗狗抱出抱入sorry, 我個人覺得不太衛生 **

屋邨茶餐廳 主要做街坊生意 間唔中都會買下午茶外賣可惜 啲質素一次比一次差 嗌左雞翼薯條 、薯條西多士 跟可樂 盛為68蚊等左十零分鐘 返到屋企 一開個盒真係嬲到爆 啲薯條份量極少 全部都係燶晒似係翻炸完又再翻炸 三十零蚊一個餐 都唔應該係俾啲又燶又乾晒既薯條人 然後塊西多士 得果啲啲牛油 無俾蜜糖 乾啃 食左兩啖已經完全唔想食 我見個姐姐入外賣袋之前 有拎起盒野同廚房講左幾句 我都覺得有啲奇怪 點知原來係咁做街坊生意都咁樣 呃秤 食物質素又差 有無搞錯 唔駛旨意會再幫襯

平時少去隔離邨食飯既，不過因為上禮拜二有啲事，同屋企人去左順天度食晚餐。當時都6點幾近7點，可能平日夜晚唔係咁旺+第二日係公眾假期，睇落店內唔算多客。環境嘛⋯⋯普通茶記睇落乾淨就得，沒什麼特別。睇個餐牌，正常價位，50幾蚊一個小菜咁、因為得三個人食，所以只叫左3個小菜同白飯就夠。叫左碟咕嚕肉、個炒白菜同避風塘茄子。啲菜好快就送到上枱，熱辣辣，咕嚕肉同炒白菜都一般正路野不過不失，唯獨推介個茄子，外面上少少粉漿再炸一炸，然後加埋炸蒜、辣椒、同蔥花炒到香一香咁，第一啖咬落去覺得唔係幾夠味既（不過真係好熱），再鹹少少就好喇。但係之後食落覺得茄子的大細同炸蒜配合得好好，好香口，而且好好送飯對於喜歡食茄子既我黎講絕對係好評估唔到是是但但落街食飯竟然都有驚喜

返工成日都要自己食飯但通常我都會揀啲平野食一來覺得lunch 太短二來都係為飽肚今日上咗順天個頭食晏其實個頭都無乜選擇 得大快活 2間茶餐廳 同埋間酒樓搵咗間多人啲既茶餐廳食通常我都鍾意嗌常餐佢選幾好 有唔同野揀沙嗲牛肉 可以轉 雪菜肉絲 紅腸 火腿 等等而個奄列又可以轉做 餐肉 煎蛋 火腿 腸仔（任揀2樣）$32都算幾抵㗎喇因為九龍城食一樣既野係講緊4x蚊但係啲沙嗲牛肉完全唔入味喺啲湯度浸2浸就淡曬奄列份量好 但嚟到一啲都唔熱既今日間鋪仲大混亂出錯餐俾成3/4個客人呢

I seldom go to old estates like this old district so I might as well have lunch at one of their really old style Cha Chaan Tan. We have ordered two bowls of noodles to share. One of them is with beef brisket, while the other is with shrimp wonton. They are both just really average but comparatively the beef brisket one is slightly better because at least on par but the marination is just not enough and the bowl of the soup noodles just tasted bland. We were already shocked and disappointed as so

萬順茶餐廳係順天村街坊既老字號!前身係大排檔~~改建後成為茶餐廳雖然因物價通脹價格上升左唔少屋村茶餐廳黎講算係貴架喇!!不過不失好味本色 亦有唔少人日日幫親!我平時就食開6點前茶餐!!(如圖)24蚊平時間唔中會叫晚餐既外賣!!晚飯小菜係會貴少少~~35蚊起跳!!但係大碟架都!!如果兩個人可以加個白飯SHARE