2
3
1
| 餐廳: | 萬豪漁港 |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
今日去開土瓜灣做嘢， 做完就同屋企人飲茶🫖求其揀咗間， 點知佢個午市自選套餐又幾抵喎！ $168 (平日) 假期+$20 一個前菜 三個點心 一個主食 再加一碟油菜😱平日一碟炒粉麵都$98秘製沙薑雞⭐️⭐️⭐️以為前菜細細地我諗起碼有半隻，不過細雞 沙薑味都重 不過就唔係靚部位 🤣唔算太嫩鮮蝦燒賣皇⭐️⭐️⭐️上面有隻蝦 調味適中 唔會太鹹 豬肉嘅份量就比較多養顏紅棗糕⭐️⭐️⭐️有三舊 比較淺色 紅棗味唔係好重 亦都唔係太甜蜜汁叉燒腸粉⭐️⭐️⭐️⭐️⭐️出奇地 比較皮薄加分！ 裏面有叉燒同芫荽 🤣 我係芫荽控 所以幾加分菜遠排骨炒河⭐️⭐️⭐️有草菇排骨蘿蔔 幾條菜心調味OK不過醬汁比較多 排骨就明顯係雪豬 雪味比較重🥲環境上酒樓都好大 不過比較舊 同埋好多旅遊團包餐 好在上菜都快 嗰個套餐就真係幾抵 3人食完好飽 😁
繼續閱讀
🍽️😄萬豪漁港今日同朋友一齊去食飯，隨意叫左幾樣餸今日咗佢地嘅特色小炒王，有啲似一個小炒大集合，整體味道可以！🍛🥦🍤😋另外，我亦試咗佢地嘅魚香茄子煲！茄子煲裏面有魚香醬汁同啲蔬菜，真係味道濃郁！茄子煮得軟綿入味，配上魚香醬汁，送飯一流！🍆🍲😍最後，我要提提佢地嘅咕嚕肉！！肉片酥脆，外層醬汁甜而不膩，是🍖😋總括而言，萬豪漁港嘅特色小炒王豐富多樣，魚香茄子煲味道濃郁，咕嚕肉香脆可口！！🌟🍽️😍
繼續閱讀
新年走咗去漢寶酒樓食龍蝦伊，今次去埋格隔萬豪漁港食龍蝦伊，睇吓邊個好食D.睇睇份 menu，有個叫做BB豬嘅菜式，問佢同乳豬有咩分別，佢話仲細過乳豬，但係答覆就模稜兩可，睇怕佢自己都唔知道，反正半隻都係218蚊，於是點咗半隻試試.一上枱，豬頭都上半個，雖然話就話比乳豬細，從 size 估佢比D乳豬年紀細，但口感同乳豬分別不大，因為BB豬仲係暖，未至於凍，所以入口更惹味，皮脆肉嫩，推介.龍蝦伊只有上湯，如果要芝士焗就要另加 $50，龍蝦肉新鮮同彈牙，但係伊麵比漢寶易斷，所以後期已經好難用筷子夾.另外嘅金蒜蒸日本元貝同西蘭花蝦球少元貝都係水準之作.環境方面，好明顯萬豪高一級，連個廁所都令過人.食到一半，嚟咗批旅行團，果D譚仔口音嘅領隊大大大聲講電話，突然間由頗清靜環境變成深圳東門! "喂! 禾呀！hi禾呀！禾地hi𠵱鬧呀! 土嘉嘩慢姣𠵱鬧呀!......"
繼續閱讀
睇食評話態度差都抱住麻麻既心態黎試下(因為紅日呢到都有位吾洗等）竟然意外地員工態度好好，食物質素亦都唔錯值得一試孖寶A餐魚同雞都好值得食，魚亦唔會蒸得太耐👍🏻👍🏻
繼續閱讀
第一次在萬豪漁港食晚飯，即使當日臨近母親節，萬豪晚市亦不算多人。當晚我地揀左幾個小菜食，食物賣相不錯，味道亦不俗，侍應很快手，上菜很快。下次若再有機會，我地都會再來一次～～
繼續閱讀