萬興茶餐廳

營業中

休息中

第一次試萬興 見有人好評就試下 本身自己預備開食物跟開餐單 但太耐無食過街外邪惡野 有個想食乾炒牛河既衝動 平時都無咩機會黎跑馬地食野 所以決定一試 等外賣既時候見到店員同客人有講有笑 好有人情味 有個西裝男黎拎外賣 個員工話：無炸菜轉左雪菜比你 個客人答：你整咩我都食架啦 一聽就知係熟客 果下聽到都會心微笑野食無失望 乾炒牛河好有鑊氣 係出色既P.S. 無打算寫食評所以無影相 但係另一間茶餐廳經歷過唔好既感受之後覺得好人好事要分享

久別跑馬地，今次再遊，往事成和道的茶記已不復再，在昌明街發現了他，抱著一試無妨的心態走進去，點了個沙爹牛麵餐，價錢雖然畧為偏高，但食物很美味，沙爹牛肉味濃，日版出前一丁有口感，湯底好味，看得出廚房很用心去做，花費是值得的，值得再訪。電子單據收費，收費清楚。

每次外賣，個鬍鬚佬老細都搏懵收多錢，大家小心啲，check 清楚單。佢唔係第一次，次次識穿咗都扮晒嘢講唔好意思，但次次都係咁真係有啲嬲，已經報咗執法部門放蛇。(其他店員冇問題）

茶記都可以食得健康好味!新派茶記!今次遇到一間幾特別既茶餐廳 減油減鹽就算食茶記都可以健康!茶餐A 係麥包蛋白配牛油果,真係第一次見咁健康既茶餐廳三文治走蛋黃只用蛋白炒蛋,少左一份蛋黃香濃,但蛋白加埋軟滑既牛油果入口一樣咁香滑美味而且麵包加了植物牛油同烘到好香脆,非常好食有驚喜雪菜肉絲米粉,營養師講過食米粉係無咁肥既!雪菜無平時食到咁咸肉絲份量幾多下撈埋一齊食,味道岩岩好,湯底係用雞湯,所以味道好夠萬興茶餐廳跑馬地昌明街2號地舖消費$60評分7/10

喜歡在這裏吃早餐和下午茶餐, 雖然都係一般茶餐廳早餐，但食得出廚房有心機製作每份早餐和下午茶餐。最近在收音機聽到訪問介紹羊架午餐，問咗老闆幾時出羊架午餐就專程到訪。$88羊架加法蘭克福腸可選飯或意粉跟湯及茶。果然不枉此行。👍🏼記住問清楚幾時出羊架午餐一個月只得壹兩次。

沙嗲牛肉兩面黃炒麵加鹹魚煎肉餅、超正！蕃茄牛肉飯炒底，蛋香飯爽牛肉炒得好，冇得輸，好味到要加碼打包拎走。負責人2佬、阿仙奴死忠fans，星期六晚睇完英超，星期日食晏吹水哭波喪。

免治牛肉飯蛋勁多芡汁又勁多粉好難食⋯⋯⋯⋯⋯⋯⋯⋯叫咖喱排骨飯俾咗半份雞扒火腿汁啲汁橙色真係唔知咩來粟米汁又唔係又唔知點解食食吓個雞扒飯中間有蛋殼50幾蚊一兜比番啲基本野都得掛大家樂都唔會咁啦仲要等左好耐都只係比啲咁既野我唔知係咪換左老細之後就係咁啦但真係一啲都唔值大家可以睇下啲相真係完全見到呢間野幾咁用心煮食囉好難食好難食好難食講十次都唔能夠講到依家有幾嬲真係⋯⋯⋯⋯⋯⋯⋯⋯⋯咁嘅態度做飲食好差永不錄用啊無改善既話大家考慮下唔洗幫襯

中午時間過來食個lunch，一見到有位就坐埋去了，差唔多滿座了，飯點都幾多人，嗌左份常餐叉燒湯意粉配牛油多士，等左一陣就上菜了，叉燒厚度適中味道都算可以，個湯比較清淡，意粉偏軟，口感一般般，牛油多士感覺牛油並唔多，不過多少食落口感脆脆地我幾鐘意。

週六約咗契妹交收禮物，為方便佢下午去醫院，所以就揀咗喺佢屋企附近間「萬興茶餐廳」度食晏。中午時份小小嘅茶餐廳已坐滿食客，幸好二人搭到張卡位。XO仔應旁邊嘅街坊熟客推薦，點咗個全日都有得食嘅「菜肉雲吞」。菜肉雲吞（$44；凍飲加$3）：菜肉雲吞呈奶白色嘅湯底味清唔油，入面加咗兩條鮮綠清脆嘅唐生菜，感覺都好健康。雲吞皮層巧薄幼滑，菜肉餡心清香軟嫩。跑馬地出名租貴，「萬興茶餐廳」能多年撐住應該有佢嘅理由，細佬第一次幫襯，喺小店速戰午餐，只係食咗個簡單嘅菜肉雲吞，茶記黎講算唔錯。

轉手後，食物和店面衛生退步了不少，中午快餐都係有5款，但食物嘅配搭和以前比較求其左好多，枱面常常未抹乾淨，辣椒油個底亦滿佈油跡，好多熟客亦冇再去，下午茶餐唯求方便，亦取消了油脾，只做炸脾，食左萬興三代老闆，上手老闆真係用心做，令萬興成為跑仔最好嘅茶餐廳，但一年光景，真係退步了不少，有時寧願上街市食or 出去銅鑼灣食, 老闆對廚房同樓面都要求唔高，伙計又點會認真吖！力不到不為財吖，希望你地可以再用心做番好萬興🙏🏻

今日行過跑馬地，去咗一間舊式茶餐廳叫 - 萬興，食咗個叉燒煎蛋飯加凍檸茶，都係一切茶餐廳味道，冇乜特別，但見有幾多款唔同嘅餐可以揀，下午茶餐、常餐、特餐...下次可以試試。

無聊搵個朋友傾下計吹下水，佢住喺黃泥沖水塘附近，周圍冇嘢食，叫咗外賣, 等多陣間, 老闆話要收來回的士錢, 好啦, 好肚餓好想食野, 鬼叫个朋友住喺山卡啦。佢一如以往叫咗個茄汁豬扒腸飯, 仲有我想試下 呢間茶餐廳嘅咖哩牛肉飯, 汁好多, 腸仔有兩條, 都算唔錯。 加多杯嘢飲，咁嘅價錢都合理嘅， 但係唔算係中式飯，冇例湯送。平常茶餐廳貨色，豬扒拼雙腸， 汁多撈飯正 ，豬扒小小太熟，有啲韌。咖哩牛肉飯，牛肉都算淋，但是咖哩汁太多， 稍為鹹咗少少。

茶餐廳來講，算有高級餐廳既禮貌，雖然好普通既裝修，唔算乾淨，但服務態度足以有下次再光臨！食物係一般茶餐廳貨色，但食物質素唔差，我食左個雙蛋榨菜肉絲米線，加一杯熱杏仁湘，蛋煎得唔求其，半生熟的，米線可以話好食，因為我本身好鐘意食米線，所以話得好食就真係好食，熱杏仁湘唔會好水，剛剛好味道！下次會再來食其他炒野！感覺應該好食！最重要係，我買單先幾十蚊，服務態度足以達到水平以上！今時今日仲有呢種茶餐廳服務態度好的已經買少見少啦！讚！

During lunch hour, I went to a cha chaan tang in Happy Valley. I have to wait for awhile during the peak time. But no a big problem.And I have ordered their lunch set. In their lunch set, it costs 45hkd, including a main course, soup of the day and a drink. I believe their set menu will change from time to time, so take it as a reference, maybe you go there tomorrow and you might get another set of menu.So today's menu included a curry chicken with rice, and this is what I have ordered. And the

Waking up early, boyfriend met  me for breakfast near my home. We decided to head to a cha chan teng that I had neglected called 萬興茶餐廳 (English name: Man Hing Restaurant). Happy Valley doesn't have a lot of cha chan tengs so this was a pretty old one.Menu is located on the wall. It's in Chinese only.I ordered a regular cha chan teng classic all day breakfast ($34). Macaroni with ham and a scrambled eggs with toast. Toast wasn't the thick kind but it was buttered generously. The scrambled eggs we