58
19
7
港鐵深水埗站 D2 出口, 步行約6分鐘 繼續閱讀
電話號碼
23618708
營業時間
今日營業
17:00-02:00
星期一至日
17:00-02:00
付款方式
現金
其他資料
深夜營業
食評 (90)
等級4 2017-04-30
3288 瀏覽
今天晚上與一班吃貨朋友聚餐大家雖然都係女仔 但講到食大牌檔又吾會覺得麻甩 反而勁興奮!因為我地一大班人 可以點超多野食 還有我和無敵黑洞在 食吾曬應該有啲難道鹵水拼盤 $128依個好大盤呀 每樣少少 乜都有得食下面係用鹵水豆腐鋪底 食左一舊 覺得幾滑 吾錯 牛𦟌反而較普通 有啲過咸橙色既墨魚好食喎 爽口彈牙 有鮮味!鼓汁蒸鱔嘩 我既最愛 全晚最滿意係佢!白鱔肉夠新鮮 啖啖肉 口感爽脆 調味岩岩好 完全吾會食到腥味 蘭花炒斑球 $148龍躉塊份量少 切太薄 無左咬落多肉汁既感覺 雖然食落都有鮮味 但吾值咁貴黑椒薯仔牛柳粒 $88叫左兩碟薯仔炸到極脆 咬落入面卻軟糯似薯蓉 口感極佳 再加上薯仔外面有蜜糖和黑椒 香氣撲鼻!牛柳粒反而較遜色 牛肉鬆化但欠缺牛肉香 果然薯仔才是主角!生炒骨 $78酸甜開胃既咕嚕肉 雖然未去到啖啖肉 有啲入面有骨 但食得出肉質新鮮 同埋夠香脆 正!同叫左個炒豆苗 $88調味適中吾會過咸 豆苗應該吾係當做 冬季會幼嫩啲 但味道吾錯 食落亦無油淋淋既感覺魚香茄子煲 $68椒鹽九肚魚 $88蠔餅  超大份!我淨係講左我食左既味道同感覺有啲無食到同價錢就吾太肯定就無打出黎!但最後埋單就$1300 價錢都合理 餸菜份量方面可以多返啲(有點少) 同埋如果姐姐們既態度好啲會更好 問多句都吾耐煩 吾想答你咁 令人感到有點受氣不過今晚約到一大班朋友一齊出黎食飯 係開心既!食完直接去再戰甜品 繼續閱讀
(以上食評乃用戶個人意見 , 並不代表OpenRice之觀點。)
你就似銀河星星 焦點食評
等級4 2017-02-21
4376 瀏覽
每年都會和一班中學同學去到一位十分之敬重嘅老師家中拜年,然後柴娃娃去食個晚飯。近呢一兩年首選都係萬發,今年老師好高興咁同我地講唔使行咁遠啦。喺隔離咋,原來萬發呢過年搬咗去新鋪。環境好咗,座位舒適左,感覺乾淨左,整體高級左,唯獨是食物不變,依然咁好!我搶着要食薑蔥魚皮,朋友們非常震驚,我見到佢哋震驚嘅眼神令我都好震驚。怎麼啦!莫非你哋做咗20幾年人未食過?原來佢哋好多都未食過薑蔥魚皮。。。呀!這些老香港的美食,我哋又點可以錯過?近年食過比較好食嘅薑蔥魚皮係澳門,魚皮爽,薑蔥味配搭得宜,唯獨份量比較少,價格比較貴!不過對上一次去澳門嘅時候已經發現嗰間鋪頭執咗啦!有點可惜。薑蔥魚皮最常見嘅呢就係響粥店出現,但係功夫多又麻煩,賣唔起錢越來越少見。萬法嘅薑蔥魚皮好大碟,魚皮都十分之大片,薑蔥份量又夠多,魚皮爽脆,絕無腥味,配上薑蔥同豉油,係健康又美味嘅前菜。幾位同學試過都10分驚喜。一口接一口快速清碟。唯獨是現在睇返啲相覺得有啲密集恐懼症。。招牌名菜石鍋雪菜芥蘭同樣精彩,鑊氣十足芥蘭新鮮爽脆,味道比較濃,比起石鍋生菜更加有口感。清清淡淡地點咗個豆苗,清淡嘅菜式萬發都可以做得好好,蔡炒得綠油油,油份唔多適合近來愛扮健康的我。琵琶豆腐係佢哋另外一個必點菜,基本上枱枱都會叫。同樣份量絕不氣場,即叫即做外脆裏邊十分之嫩,外層唔會炸過燶,唔會太熱氣咬落去呢仲有少少汁流出黎架。以我自己每次嚟到都會發板點呢個鹹魚煎肉餅,我哋呢一個彩特別鍾愛,同樣煎得香脆,鹹魚香味濃郁,而且每一片煎肉餅都有返咁上下厚度,豐滿得很,唔使點汁都覺得好夠味。萬發座無虛席,天天爆滿,最主要嘅原因深信係佢抵食夾大件,而且能夠維持水準,幾十蚊一個小菜,比其他地區大份好多,叫菜係菜,肉係肉,包保你唔會叫個西蘭花花枝片淨係見到三片花枝然後好多西蘭花,份量大又足料,新舖價格都唔會太大改動,仍然係相宜之選。無論你去到邊度,呢粒咁閃閃發亮嘅萬發星星,我都會見到咖! 繼續閱讀
(以上食評乃用戶個人意見 , 並不代表OpenRice之觀點。)
等級2 2017-09-12
44 瀏覽
一早BOOK左位黎喱到吃大排檔, 今次係四個女仔一齊食。一來到門口,老實講我有少少嚇親,因為根本唔知邊到係門口,餐廳範圍好大, 侍應姐姐帶左我地去一條行仔入面, 好似去大陸食飯咁, 街上搵張台坐低。環境一般,但又座無虛席,應該係好好食既。朋友強烈推介黑椒薯仔牛柳粒。看賣相覺得無咩特別,但一食真係驚為天人,唔係D牛柳粒好食,竟然係D薯仔好好食。 入面脆但外面好似畀蜜糖包住, 喱個味係係其他餐廳到未食過既, 牛柳粒就有黑椒香味, 不過最好食都係薯仔,一來到好快就食哂。雖然大排檔坐得無咁舒服,但D野食有時真係好味過餐廳, 所以間中都會同朋友黎食下。今次仲叫左椒鹽骨,蠔餅etc., 味道都好好。不過最難忘的還是黑椒薯仔牛柳粒,下次一定會再叫。 繼續閱讀
(以上食評乃用戶個人意見 , 並不代表OpenRice之觀點。)
等級1 2017-09-01
151 瀏覽
知道佢哋由石硤尾店搬到去深水埗, 以前喺石硤尾店嘅時候感覺佢哋嘅食物非常有水準同埋好好食。所以都會介紹朋友或者自己間唔中去食下。所以兩週前我特登約咗幾個朋友去深水埗新店 試下, 點知發覺佢哋所做嘅小菜同石硤尾店比較簡直完全係兩回事 。小菜大部分都好油膩,最唔掂係佢哋所介紹嘅所為靚湯 ,基本上同一般嘅例湯係冇分別, 所謂嘅湯係非常之淡而無味好似溝咗水一樣,因此萬發呢個名在我來說已变成一個污名, 而我自己亦都冇興趣再去食, 亦唔會介紹畀任何朋友。希望此店可以檢討下及期望日後有所改善 繼續閱讀
(以上食評乃用戶個人意見 , 並不代表OpenRice之觀點。)
等級1 2017-08-06
522 瀏覽
三個人吃晚飯,叫左海蜇手撕雞,醬燒大鱔球,黑椒牛柳粒,同蝦醬通菜。首先上左海蜇手撕雞,見到個碟頭已經哇一聲,88蚊份量得碟頭飯咁少,雞得幾條仔,一試仲乃野,雞肉梅爛有up味,海蜇完全無味,碟頭細原來下面仲墊左一排酸青瓜,醋精味重到攻眼。呢d咁簡單噶菜式都可以差到咁,簡直趕客。然後醬燒大鱔球,仲離譜。完全唔系燒,系炸,上左好厚粉炸完全硬嘣嘣。雖然我唔系廚師,但一個正常人都應該分得出咩系燒咩系炸啦。仲要d鱔泥味重到吞唔落。呢味真系過份到簡直想退菜。黑椒牛柳粒同通菜不過不失。今時今日食品質素咁差,真系有難度,鄧你悲哀。絕對無下次👎 繼續閱讀
(以上食評乃用戶個人意見 , 並不代表OpenRice之觀點。)