萬發海鮮菜館

營業中

休息中

假日親戚飯聚，揀左到大埔萬發海鮮菜館，據聞係新開冇耐，叫餸食飯，親戚發辦。餐廳面積頗大，似大排檔格局。粟米魚肚羹，$148，好耐冇食過呢類野了，粟米味道濃郁，口感稠黏，正常水準。滷水鵝片(例)，$168，鵝片肉質鮮嫩柔軟，滷水的鹹香味道濃郁，不俗。椒鹽鮮魷，$148，外層酥脆，鮮魷惹味，口感爽牙，美味。椒鹽炸豆腐，$98，比平時見到的大件，外層脆內軟滑，幾惹味。帝皇小炒，$118，有鮮魷、腰果及蝦米等的雜錦，豐富又惹味。薯仔牛柳粒，$148，薯仔香口惹味，牛柳粒焦香肉軟嫩幾美味。豉椒炒聖子皇，$148，聖子肥美，爽口鮮甜又惹味。食物味道不俗，開心的一餐。大埔富善邨熟食亭1號舖

大埔萬發海鮮菜館的晚餐體驗中規中矩，適合多人聚餐。晚餐不設套餐，需逐道菜點選，每道菜價格約$100至$200，對於多人分享來說較為划算，但單人或小組用餐可能會覺得略貴。我們點了半隻金牌風沙雞、雪裏紅石頭芥蘭、椒鹽鮮魷及黑椒薯仔牛柳粒。當中雪裏紅石頭芥蘭比較好食，炒嘅火口啱啱好，菜葉爽脆，味道清新帶點微辣，味道滿意。椒鹽鮮魷外脆內嫩，調味適中，表現尚可。然而，金牌風沙雞的調味稍欠突出，雞肉略乾，未能完全釋放風沙風味；黑椒薯仔牛柳粒的牛肉質感普通，黑椒味亦不夠濃郁，兩道菜均顯得平平無奇。整體而言，食物味道中規中矩，部分菜式有亮點，但整體性價比一般，價格偏高，適合喜歡海鮮及多人聚會的顧客。

口㾗想食鵝翼，路過買盒外賣鵝掌翼，等左半個鐘都斬唔到出黎都算，出到黎細細盒得一隻，可以夠膽收你一百蚊，我食個燒鵝下庄好過，以後唔會再幫襯佢啦。 明晒點解啲人走晒去北上消費，咁樣黎劏客😡

叫咗個菠蘿石頭飯，入邊啲雞同蝦過熟好嚡又冇乜味，菠蘿好似¼隻手指夾咁大，總體嚟講好難食。一位大人同3歲小朋友去，俾人收兩位$9/位茶錢加小食費，但店員都冇俾過小食，當你水魚。茶樓都有得揀茶飲佢冇，茶餐廳咁款都學人收茶錢。晚餐個餐牌係茶樓價錢，但環境、食物、茶水又唔到茶樓嘅水準，夜晚真係冇乜客。上次中午入去食都好一般，叫咗個意粉好腍又冇味，紅色醬好淡，衰過茶餐廳；出名嘅滷水又係冇味。今晚諗住俾多次機會，點知晚飯仲惡劣。附近大把餐廳選擇。冇下次。

今日喺大埔嗰度幫襯咗一間類似茶餐廳嘅餐廳, 我本身都幾鍾意食全日套餐, 所以都嗌咗類似嘅嘢：🐑香煎牛扒公仔麵加炒蛋$50飲品嗌熱咖啡：味道正常發揮牛扒都算大塊！🤗

之前未批核到呢個新店，所以冇寫到食評，啱啱見佢開咗個page所以就補寫返。其實係嗰晚打完波近近地過嚟試新鋪。入到去勁多位，但係坐落唔夠15分鐘已經爆場。點菜之前去咗滷水檔睇。好多嘢都想食，但係得三個人要慎重考慮。最後點咗鵝片，啲肉質都幾嫩滑，但係就偏鹹咗少少。啲豆腐襯托啲辣椒油超出色。講返啲小菜先，捧出嚟都係熱辣辣出曬煙嘅。個焗魚腸見到佢有啲泡泡係咁嗶哩嗶哩，基本上係合格嘅，魚腸都幾乾淨冇腥味，不過如果可以落多少少陳皮會開心啲。金沙魷魚都夠乾身得嚟唔會割喉。另外個薯仔牛柳粒大大粒好有口感。個油麥菜雖然唔係啫啫煲上，但係都炒到出晒煙。除咗食物之外，最值得一讚係啲侍應，超勤快亦都自動自覺，依家真係好少有，尤其是啲侍應都係啲後生仔真係不得不讚。

萬發(大埔)由佢試業到而家，都食過好多餐，味道都穩陣，今朝早食早餐時，見到職員貼上，羊腩飯(午餐)，已經想試，去到午飯時間走落去，一坐低(搭檯)，已經見兩個職安真漢子，食緊呢個羊腩午餐，有買相仲有陣羊香味，二話不說，一個餐唔該！不一會，羊腩上檯，有5件羊，仲有啲入味支竹，三舊大筍，馬蹄等等，羊件有羊味無騷羊，夠焾，羊件唔會太多骨，個汁濃稠適中，送飯一流。埋單加凍飲都係$71(飯$68，凍飲+$3)，個價錢絕對超值。戴返頭盔先，我覺得好唔好食≠你覺得好唔好食，好唔好食因人而異。

普通小菜都要百二三蚊一個，乳鴿78蚊隻，鹵水更加不得了，最慘係啲鹵水冇味，咁嘅地方真係算貴。裝修一般，但食物味道真係麻麻。我哋四個人嗌多四個餸，食咗一半都唔想再食，覺得味道仲差過隔離檔兩餸飯，仲要收茶位，普通三個小菜加碟鵝片七百蚊落樓，仲要咁難食，以後唔會再去。