萬波 (葵涌廣場)

琴日去葵涌廣場行過萬波，又忍唔住買咗杯中埔西柚綠茶 🍊🧋，真係有驚喜！入口第一啖就感受到柚子果肉嘅清香，唔係嗰種人工味，係天然果香，仲有啲微微酸味，飲落去好清爽。配搭茉莉綠茶，茶底夠香但唔會搶味，兩者融合得幾好，飲完成個人都醒神晒！🤗甜度我揀咗微甜，啱啱好，唔會膩口，仲可以突出柚子嘅果香。冰度係固定冰，雖然唔可以改，但其實冰量都算適中，唔會凍到牙痛，又夠保持清涼感。杯身設計簡約有質感，拎住行街都幾有型 😎。整體嚟講，呢杯中埔西柚綠茶係夏天消暑之選，清新又唔重口味，CP值唔錯，值得一試！🌿🍊 快啲捉緊夏天嘅尾巴去飲返杯啦😙…查看更多

喺葵廣排緊隊等緊隔離食湯·雞就買返杯嚟飲吓！去台灣嘅時候已經試過萬波，不過香港分店就第一次試🤣🍎紅蘋島嶼 （微糖少冰）蘋果好香甜同清新，不過微糖嚟講我覺得都仲係甜咗少少🤏🏻🍊蜜柑烏龍 （微糖少冰）我比較鍾意呢杯，蜜柑味道好清新，酸甜酸甜咁，令人飲完一啖又一啖，而且夠晒解渴👍🏻可能因為我哋兩杯都係嗌咗水果茶，所以感覺好解渴消暑！夏天飲真係啱晒！-味道: 7/10回頭率: 7/10總評: 7/10…查看更多

喺葵廣搭電梯嘅時候注意到萬波賣嘅廣告，有一個叫做蜜柑烏龍嘅飲品，就特登過嚟試。天氣實在太熱啦，叫咗一杯少甜正常冰嘅中杯蜜柑烏龍。可能叫咗少甜嘅原因，杯飲品味道比較淡，烏龍茶底好清香，唔會澀口，淡淡的蜜柑香味，唔係死甜嘅糖漿味。整體覺得還好，未去到好好飲，但係天時暑熱，呢杯飲品都幾解渴消暑嘅。下次有機會可以試吓佢嘅其他飲品，因為都見到幾多人排隊買。…查看更多

🍍 金鳳旺萊冰沙 HK$45・味道：雖然冇得走甜，但係甜味啱啱好，0甜波畀滿分，大概3分甜👍🏻。鳳梨味好足，甜甜地唔會酸澀，仲飲到好多鳳梨粒😋，解暑消滯🌞，不敗好飲必選沙冰👅！・口感：沙冰打得好綿密，仲要隔走晒所有水果纖維，細心欸🫶🏻～・・・・・・・・・・・・・・・・・・・・🤰性價比：高～🤰9衝度：9衝～🤰結論：好飲！飲勝！・・・・・・・・・・・・・・・・・・・・…查看更多

今日同朋友喺街邊吹水，途中試咗"萬波"嘅台灣珍珠奶茶。點咗黑糖珍珠鮮奶同家金萱青茶。黑糖珍珠鮮奶非常nice，黑糖香氣同鮮奶嘅滑順perfect match。珍珠嚼起嚟煙韌有嚼勁，口感超滿足。至於家金萱青茶，茶味清香，非常解渴。喺同朋友傾計嘅時候，呢兩杯茶真係perfect解渴之選。…查看更多

作為一個奶蓋愛好者，嚟得葵廣掃街，冇理由唔試吓啲特別嘅奶蓋。放工約咗朋友嚟葵廣行街兼掃街，聽朋友講呢間萬波都幾好飲，咁啱食完螺螄粉走出嚟試試佢😌奶油Oreo那堤🍪🥛🧋 $45開頭都花多眼亂唔知揀咩好，見呢個Oreo latte係店舖推介一於試試🤤師奶仔心態中杯同大杯爭兩蚊，冇理由唔要大杯嘅🤭呢間個奶蓋比較特別，佢係朱古力奶蓋，飲落係有微微朱古力味，上面仲有Oreo碎🤤但可惜個人都係鍾意厚身嘅，如果未試過朱古力奶蓋都非常建議試一試👍🏻餐廳資料：萬波 (葵芳)葵芳葵富路7-11號葵涌廣場3樓302B號舖…查看更多

好耐冇行過葵涌廣場真係過時過節咁啱去開嗰頭先可以行到最高嗰層都唔少舖頭有開，因為食得好飽，所以淨係叫咗杯奶茶飲茶飲大概都係$30左右，價錢合理香草籽布蕾奶茶$32奶茶可以揀茶底有焙茶、烏龍茶同埋仲有一款唔記得咩茶簡，大食妹鍾意烘焙味道，所以揀咗焙茶個茶底有少少烘焙味，微糖都仲係好甜下個奶蓋係偏奶泡狀態，唔係好結實個隻，雲呢拿味就唔係好出啦，不過都幾好飲嘅次次去葵涌廣場，都有新發現新舖頭，係幾開心嘅一件事…查看更多

♡̴紅蘋粉粿♡̴最鍾意飲就係紅蘋粉粿首先茶底好濃厚然後再加埋淡淡嘅蘋果香有少少酸酸甜甜嘅感覺好開胃而佢嘅粉粿好煙靭而份量亦都好多每一啖都充滿着滿滿嘅料之前仲飲過萬波嘅其他飲品其他都好好飲仲要比坊間飲品店嘅特別十分推薦大家去試…查看更多

台灣過江龍，比想像中好飲，物有所值嘅貴，可以一試！・・・・・・・・・・・・・・・・・・・・🥭 楊枝甘露 L size HK$48・味道：冇得較甜度但0甜波好喜歡，係微甜版楊枝甘露糖水。飲晒成杯係解渴而唔係膩！本波給「過」｡:.ﾟヽ(*´∀`)ﾉﾟ.:｡！芒果完全唔酸好甜，掂👍🏻最欣賞係個水同料比例啱啱好，好多嘢嗒之餘，係飲咗杯嘢而唔係食咗杯嘢XD・口感：又小丸仔、西米、芒果粒、西柚粒，豐富好食。🍋 島嶼檸檬茶王 走甜 L size HK$26・味道：走甜但唔影響檸檬香，冇檸檬片但有已經有檸檬肉喺飲品到，配埋個茶底，夾埋係微澀但唔苦嘅，整體解渴，不錯desu。・口感：薄身正常・・・・・・・・・・・・・・・・・・・・🤰性價比：高～🤰9衝度：9衝～🤰結論：偏貴但物有所值嘅，可以一試！・・・・・・・・・・・・・・・・・・・・…查看更多

天氣咁熱，掃街嘅時候唔少得一杯手搖葵廣咁多間台式飲品，都係萬波令我念念不忘葵廣3樓呢個戰場，萬波一定係最大功臣比起甜到漏嘅台灣嘢飲，我偏向飲啲高質嘅萬波嘅嘢飲，向來都好特別之前飲過佢哋嘅金萱珍波粉今次就試吓店員推介俾我最新嘅蘋果茶果然冇介紹錯，水果茶一定係炎熱之選淡淡嘅蘋果香再加埋濃厚嘅茶底肯定係絕配佢嘅粉粿勁煙靭，份量都唔少，每一啖都一定飲到店員仲好貼心，咁叫我一定要搖勻先飲美中不足嘅係冇得揀甜度同冰度我就覺得甜咗少少，如果有得7分糖就會好啲總括萬波試新嘢都唔會伏…查看更多

大家好！今日我地試試 2人HK$300 可以食到幾多野同推介下邊間係必食！食評次序: 3分 - 慧食貓 -> 無辣不歡 -> DP Dessert -> 萬波島嶼紅茶 -> 2分 - 屯の大阪章魚燒 -> Chok雞 -> 1分 - 烤焗工房 -> 冇分 - 嘆杯貓茶 -> 緣味之家 -> Free D Coffee -> 丸子茶(自家評分，滿分3個【好食！】，口味各有不同，評分只供參考！)食完辣野就要搵野飲，呢間萬波喺葵廣3樓，我地揀左大既波霸奶茶，茶味香、奶味濃、珍珠唔會太硬，好食！解喝解辣一流！波霸奶茶(大)・HK$30 VLOG:…查看更多

唔知飲咩好既話望一望「人氣飲料推薦」，綜合左最多人10杯飲，一定搵到啱自己嘅口味😆 有好多款都好好飲咁，有d平時都好小見到的款式例如紅豆粉粿鮮奶，不過見到有草莓🍓既飲品，我唯有下次先試下個紅豆粉粿係點樣啦～🔸草莓芝士綠茶🍓睇到已經心心眼了😍😍 面頭有勁厚嘅奶蓋和草莓乾係用咗明治鮮奶和草莓🍓打成沙冰🍧，飲落勁草莓味唔會甜到好似人造糖咁，而且入面有勁多草莓嘅果肉，好有咬口呀~🔸 金牌愛玉檸檬完全稱得上金牌知名～係清新之選糖度岩岩好， 愛玉份量都差唔多有半杯😍很好很好喔加上有檸檬係入面，好清涼~…查看更多

記得之前出街要戴口罩的日子，想掃下街都唔太方便。到了2023年，依家終於可以除口罩，所以今個周末特登去葵廣掃下街先！葵廣掃街第三站，去萬波買杯野飲先～埔里甘蔗青 ($30)之前係荃灣飲過一次萬波，記得都幾好飲。今次係葵廣見到萬波新分店，就決定再次幫襯。今次點左埔里甘蔗青 ($30)，由四季春青茶加上甘蔗汁，甘蔗夠濃亦飲得出茶味，非常清涼解渴！以下係我的評分（滿分為５分）：味道：5分環境：(外賣不評)服務：(外賣不評)價錢：3.5分推薦程度：4.5分萬波網址: https://s.openrice.com/QrbS05HiC00~uKZISBA 地址: 葵芳葵富路7號葵涌廣場3樓302B號舖…查看更多

葵芳廣場不愧美食廣埸，行過見到3樓新開左一間手搖飲品，重點係一行近啲聞到好香既茶味。Search完發現原來萬波係台灣品牌，仲要7個國家都有分店，甘就冇唔試既理由>W< 超推薦食法：1️⃣茉香奶綠加粉粿(少甜)（$31）食厭左珍珠可以試下粉粿，唔係好多地方有得賣>W<。好似啫喱咁滑之餘又帶有咬口，仲有少少焦糖味。 2️⃣鮮奶油Oreo奶茶（$40）飲既第一啖就覺得好台灣feel，因為飲食文化唔同，我係expect 奶油Oreo係輕盈同甜。但萬波既鮮奶油係鹹鹹的~Oreo既甜有對衡既作用，覺得可以一試!…查看更多

掃完街口淡啖想飲返杯野見佢網上評語都ok 而且現場都有人買就一於試下等待時間唔耐不過一拎杯野見到色水都覺得唔太對路有奶個杯冇乜茶色 只有稀稀地嘅奶水色純茶個杯茶色淺 叫完少冰都係好多冰我杯茱莉那提要左微糖 加珍珠飲落好好好好~淡茶味 冇奶味 啲珍珠就連少少甜味都冇（我邊打呢編野邊飲，依家覺得好似飲緊珍珠水😂😂）我朋友個杯金萱青茶 無糖 加愛玉都係勁淡茶味 有既味主要嚟自愛玉可能係我地叫錯野飲啦，見到其他客都叫排行榜推薦飲品🫠…查看更多