萬利來快餐 (已結業)

環境冇問題，但係食物質素不能保持水準 今日體驗係難食 叫咗個沙嗲牛肉包套餐 食物偏凍 一個豬扒麵套餐 還可以 但係個沙嗲脆豬 食少少已經放棄 一點餘溫都冇 另外服務員不會主動執枱有待改善現時港人都不喜歡在港消費 原因就食肆自己檢討…查看更多

隨意走進茶記食個港式下午茶。💟雞搥滑蛋火腿米線 下午茶份量不過不失，雞搥有3隻即炸，仲熱辣香脆，配上滑蛋及超薄火腿，如多半塊多士會更好；米線唔會太軟，但都無彈牙，普通茶記水準。茶杯水有油，同杯水有漂白水味。…查看更多

話說今日即興想食番個西多士接完女女s放學大家一齊去tea一tea我地去左附近萬利來見到佢地推出左新菜式（好耐冇黎食）由其係甜品款。。。估唔到都幾吸引魔鬼多士：開頭見相都以為是多士上塗朱古力醬，但黎到之後先知係除左朱古力醬，佢仲有舊鮮牛油夾係中間再加上煉奶和朱古力粉。。。😋😋難怪叫魔鬼多士流心奶皇西多士：唔記得影相，但都好好味，流心奶皇取代了傳統的花生醬，外加上糖漿和煉奶，開頭見到糖漿好似好少咁。。但食落比例剛剛好。。因為流心奶皇本身都是甜。。如果糖漿再落多左就會超甜。。我食完這個西多士再嘆杯熱奶茶。。中和番甜味（因我我不落糖／煉奶）。。超級正…查看更多

第一次寫食評，因為太嬲，呢間野每次打電話去叫外賣 d態度都好似趕住收線咁款，最差最差就係個女收銀，黑口黑面一副厭世樣，有次去攞外賣仲比佢呼呼喝喝，差d同佢鬧交，唔明點解有人會請d咁嘅人幫自己倒米…查看更多

早餐唔一定要跟蛋或者多士，個人覺得非常好🥳通粉佢唔係薄切切嗰隻通粉係厚身嘅classic茶餐廳通粉😍早餐竟然$37連嘢飲有豬扒，豬扒質素超級好，食得出係即叫即做，鬆化熱辣辣，唔係乾爭爭又硬又凍👍🏻我估佢嘅豬扒包都會超好食，有機會我會試吓佢個豬扒包，因為佢個豬扒實在太好食啦買單$37+ $3凍飲$40搞掂…查看更多

小朋友喺土瓜灣返學，今日放早呀！咁返個零鐘頭去邊度坐呢冇理由成日都麥記架🤣想搵間茶餐廳坐下舒服啲食個粉呀嘛😋原來土瓜灣紅磡附近冇乜嘢乾乾淨淨舒適嘅茶餐廳㗎😅所以呢我終於係行到去紅磡廣場🤣其實都唔係好遠㗎咋五至十分鐘到就行咗過去廣場嗰度食個早餐😁呢一間呢紅磡廣場裏面係好企理好乾淨嘅👍👍以前食過好有印象♥️因為好好味同價錢又唔貴👍今次試下再水準點先😁😁叫咗個早餐C可以揀兩個餸嘅粉麵仲有炒蛋兩隻同埋一丹麥多士👍 我揀咗餐肉同埋腸仔米粉，佢隻米粉係粗米粉，呢隻好味㗎👍唔係度度有得食♥️水準ok喎👍👍炒蛋兩隻冇跟丹麥多士， 兩隻炒蛋唔駛落鹽都有味喎👍即係證明呀師父佢炒蛋嘅時候都落咗啲鹽啦perfect👍👍丹麥多士。。 我嫌佢細得滯囉唔夠喉呀😂不過都食得好飽，咁加埋個凍檸檬茶都係38蚊啫👍就可以坐個幾鐘抵呀😁紅磡土瓜灣首選我一定揀呢間乾淨企理呀嘛♥️#katkatfoodies …查看更多

星期六朝早訓晏左，過左12點，但老闆娘都俾我地叫個早餐。我簡左豬扒烏冬加奶油豬同茶走。烏冬係清湯，豬扒唔會太油，奶油豬就兩大舊，搽足料。奶茶茶味重，但未係最香個種。整體都ok，會考慮再幫襯。…查看更多

暫時到依家, 食過最好味嘅粟米肉粒飯係大家樂.原本無諗住入萬利來, 但門口寫住是日午餐有粟米肉粒飯,隻腳好自覺就走咗入去.優點:1, 冷氣足夠!2, 座位比隔離富華餐廳闊落.3, 粟米肉粒飯不過不失, 肉粒比想像中嫩口, 唔似人地D茶檔肉粒又實又硬又無味.4, 粟米汁唔用玻璃茨已經加分.5, 有露天吹煙位!缺點: 1, 打開 menu 選擇唔係太多.2, 價錢唔算平.3, 粟米汁唔夠濃郁.4, 姐姐D服務有點晦氣.有待改善呀！…查看更多

已經習慣跟女朋友吃早餐，每一次也是一個享受。今天來到紅磡广場，就巧合經過女朋友會經常跟家人吃早餐的地方。由於想體驗一下女朋友的日常生活，就決定來這裡吃地道早餐。一進入店鋪，店員便立刻招待我們坐卡位，麼麼達！幸福的一天！接著便立刻便點了兩份早餐，我點了一份1）沙爹牛肉+午餐肉麵+多士+兩隻太陽蛋+奶茶2）五香牛肉+脆皮腸麵+多士+炒蛋+奶茶。這是正宗的港式早餐。好味道，不貴，值得一食！太陽蛋好味道，而且不用加錢👍🏻最後想提收銀員，或許可能是事頭婆的關係，傲慢無禮，反而其他員工服務好好。日期：2021.01.11…查看更多

超級傳統茶記，勝在有outdoor位置，有d有需要人士可坐外面😉叫左個常餐(沙嗲牛肉麵), 鮮茄濃湯午餐(鮮牛通)要讚既係常餐既公仔麵，係彈牙ga!!! 佢唔係丁麵，可能係大光麵，但少有地煮得好好食，沙嗲牛都ok。茄湯呢，其實佢係羅宋湯，唔係茄湯，辣辣地，配通粉都幾好食既，但鮮牛就麻麻，有d雪味。 多士新鮮好香蒜蓉味，茶走香濃有奶味。呢度早餐同下午茶都幾多選擇，反而未食過佢d飯，下次可以試下。d阿姐好好人，服務幾好。…查看更多

紅磡廣場本來就冇乜野食Lunch hr 又多人呢間萬利來一般都吸引到d人來快食今次食既咖哩豬扒飯豬扒咸到覺得佢用左好多醃料好差囉唯一係個薯仔🥔ok少少服務態度又唔好朋友突然來不到飯要打包走Waitress啊姐竟然叫我自己包所有餐具要行去收銀問佢哋拎完全係冇服務可言加上佢個午餐已經唔係特別平呢個質素加服務根本冇再去既理由希望紅磡廣場可以開返多d食店…查看更多

今曰同同事附近做完野分手之後自己找過地方休息嘆下茶餐，附近選擇吃下午茶地方算多但價錢就很參差，見到門外招牌多選擇又吾貴，我就揀左這茶記地方好大，可能三點多過了午餐時間大把位仼㨂，當然坐卡位我一個人叫左茶餐豬扒公仔面配火退奄列，好快到奄列炒蛋過老又唔熟，不太想吃了有點兒失望，牛油多士係凍冰冰.....麵煮得有點太軟了。不過豬扒倒是不錯，雖然肉質有點過鞋仲連骨，但醃得頗為入味。至於地道港式奶茶，幾好喝，夠熱，水準不錯，奶味濃郁。希望下次其他地方可以改善。…查看更多

我喺附近返工，成日都會來呢度食lunch。每次食lunch都好難揀，因為個鴛鴦焗飯都幾好味，但我次次都想揀炸雞比，好矛盾。😂😂😂佢個炸雞髀係我食過最好食嘅，平時啲炸雞髀都唔會點調味，直接撒味粉，但呢間啲雞髀明顯醃過，再生炸，隻味真係好正。…查看更多

第一次食萬利來的lunch，諗左好耐都唔知揀咩好，見到隔離枱叫咖喱，好似幾正，咪跟住叫囉。原來真係唔錯架喎。咖哩牛腩其實同咖哩薯仔雞都一樣有薯仔，唔駛為左想食薯仔而叫咖哩雞（呢點好重要，因為本人最愛食咖哩薯仔）因為咖哩牛腩係預先炆定既，真係即叫即上枱，完全唔駛等，啱晒肚餓唔想等，或者唔夠時間要食快飯既人。因為係一早煮定，所以d牛腩牛筋已經腍晒，而且入晒味。d咖喱汁有少少辣，用黎送飯一流！另外，有個小驚喜，就是跟餐的熱華田，好耐無飲過咁濃郁的味道，俾個…查看更多

好耐冇去過萬利來食 lunch, 今日經過竟然有好多吉枱，既然唔使等位咁一於坐低食個快餐。一睇餐牌，好似加左價，明白點解冇以前咁爆棚啦！我叫左個是日午餐，都要＄58 中餐湯送嘅，要求唔可以太高，入口甜甜地又warm warm 地, ok 啦。跟住order 咗個好似叫做馬來風味炒河粉, 都等得幾耐下，食落係幾好味嘅，加辣椒醬食更加 good但就其實雜燴炒埋一碟，食到有一隻蝦，好多切到好幼嘅火腿絲，味道就一般啦。但係不得讚師傅嘅刀工真係唔錯，因為連肉絲都可以切到咁幼，直情碎上:(同埋味道夠晒鹹。好彩有杯凍奶茶中和返…查看更多