萬事居食 (已結業)

好好味嘅丼飯🥺♥️叫左和風牛肉飯同豚肉飯🐮🐷其實兩隻汁食落個味都好似😂唔識分啲肉好多 同埋真係好食得嚟唔會話好頸渴Jeng jeng子！住馬鞍山嘅朋友可以試下～…查看更多

新港城又多一個選擇，舊店冇去過，因為利安太遠了，不過一早知道有呢間舖，另外，朋友話過好食，而家搬咗去新港城，終於可以試吓點左牛肉壽喜燒烏冬，芝麻雞翼，芝士年糕，仲有蝦天婦羅烏冬好香呀，由於我食得太開心，掛住食，結果淨係影得一張相，烏冬好夠味，配料又多，冬菇個花切得好靚，蝦天婦羅大大隻，芝士年糕就係熱辣辣外脆內軟，正常芝士年糕咁嘅味個芝麻雞翼勁好食，好出色，一定要食，不解䆁，自己去試吓，樣樣都即叫即整，而且好快手…查看更多

味道相當不錯，如果住附近可以多一個外賣選擇。食左一個餐牌上面的豚肉便當，但由於唔喜歡食飯，所以問店員可唔可以轉烏冬，好驚喜，佢可以俾我地選擇，仲可以揀冷或熱烏冬，朋友揀左熱，我揀咗涷。涷烏冬有麻醬同蟹子，好開胃，一口氣食哂，豚肉好入味，好濃的日式醬油味，甜甜地，再加上兩隻煎餃子，外皮香脆，整體味道好好，如果有機會，下次會選擇外賣回家吃。美中不足係環境有d凌亂，可能店舖有其他活動或者做緊月餅換領，堂食可能唔坐得太耐，因為d位會坐得唔太舒服😅但我都非常推薦大家可以外賣返屋企食，因為味道好，價錢合理。小店初經營，食物質素好，應該大力支持。…查看更多

今日我和老公逛完商場買新電視後，他話同我去食日本嘢（深黃店），其實今次係我們第二次去食，之前老公班朋友試過老闆的牛舌泡飯、天婦羅大蝦及秘製麻辣雞煲做宵夜，他們都讚不絕口，其中有個朋友話晚上不食飯及減緊肥都全大碗食晒😍，所以我們昨天已訂位，今日準備去試下!老闆先俾二碗海帶面豉湯俾我們飲，攞左汽水俾我們，再俾個日式沙津幫我們開胃下😋!主菜就有下面幾樣：🍍1，日式牛舌泡飯~嘩😳!個湯十分美味，像七味粉等唔知咩味，酸甜辣咸都有，有勁重牛骨味，牛舌十分淋滑，蘿蔔入口即溶勁甜，原來老闆話蘿蔔只要入面個蘿蔔芯!整體十分美味，我和老公都全部食晒及連湯飲晒!😋😋😋🍍2，炸大蝦天婦羅，個脆漿勁鬆化脆口，不漿口，蝦彈牙鮮甜，好香脆漿味，同別家不同!（本人最愛食，記得點這個雞煲醬同食，有驚喜!❤）🍍3，秘製川味麻辣雞煲，個汁勁惹味，老公d朋友話個汁已食到一碗白飯，雞鮮甜嫩滑，新鮮夠味，d乾蔥要食啊👍！🍍4，日式蟹糕炒飯，飯底乾身香口，蟹膏咸香，炒飯冇咩鹽，蟹膏已足夠帶出咸香味，同菇菌特別夾味😋😋😋!………………………………上一次我和老公第一次去試的菜色如下😋（有些係餐牌上有架）!🍍1，芝士牛油果脆多士，唔食牛油果的老公都話好食👍❤!🍍2，日式壽喜燒火鍋，個湯底配d冬粉好正，牛肉嫩滑😊😋!🍍3，吉列牛肉薯餅，係老闆自家製，味道不錯，老闆廚師整炸嘢係一流架👍!🍍4，七味雞翼，辣辣地好香口，好鬆化😋!🍍5，酥炸雞軟骨，炸得好透，入面唔硬，配椒鹽一流❤👍!🍍6，2人日式沙津（豐盛版），個醋汁酸酸甜甜勁開胃，蕃茄仔清甜❤!💐我們去食左二次，冇一樣係唔好食，讚好食的客就唔少!（營業時間留意他們 fb page😊）…查看更多