萃華飯堂

營業中

休息中

葵涌工業區裏面既隱世好食飯堂，一到午餐，下午茶呢度就會有好多人食。一路都知道但係冇試過，所以今日就俾個機會佢！呢度嘅特色係可以自助拎湯！呢度嘅湯唔算話好龍尾不過有啖湯水飲都已經唔差！🙊我哋叫咗兩碟叉燒飯（$28）同埋一個乾炒牛河（$38）呢個價錢已經包埋嘢飲㗎喇😌呢度嘅叉燒飯真係冇得彈！叉燒夠濃又夠半肥瘦，第二啲地方食都唔及呢一度咁好食！勁多白飯仲要俾埋好多菜，唔會好似出邊得一兩條咁少👍🏿一定可以均衡飲食🤩佢嘅乾炒牛河都好有鑊氣！一碟望落去d牛都比得唔少，仲要大大份真係超級抵食！加埋辣椒醬咁就一絕喇😆呢度嘅衛生都好足，見到佢哋會用消毒酒精抹每一張枱！仲有佢哋會請有需要自力更生嘅殘疾人士，真係超有愛心！😍 呢間一定會番食！🤩

到葵涌區工作及午餐嘅幾會唔多，參考網上區內食評後，選擇最近嘅工廈飯堂及近期無乜食過又見有幾個好評嘅燒味飯。貪心一次過想試兩個好評燒味就叫咗 燻蹄叉燒雙拼飯；唔知係咪因為睇完食評大有期望嘅關係燻蹄與叉燒入口都只覺一般市場水準；燻蹄唔算特別香亦欠奉魚露，叉燒有啲瘦，肉質較結實。如果無期待的話期實係可以嘅。不過加入椰菜與整碟嘅份量全碟飯都算豐富，整體不過不失。諗深一層新冠疫情期間工廠區飯堂可能真係食得飽比好味係重要得多，只係我個人太多期望。

今日去葵涌區搵幾個朋友，食飯時間佢帶咗我去間佢地經常會食嘅餐廳。一入到去感覺地方非常大，又多枱，朋友更話我知黎到列湯任飲，啱晒我呢啲湯水怪。干炒貴叼水準ok，見佢炒落都乾身，配料都幾足，味道唔會太重味，都唔係好覺有味精味。呢個係我由細到大嘅最愛，乾炒意粉炒得好有鑊氣，有少少燒焦嘅豉油味，再加埋啲黑椒一齊，配埋塊茶記牛柳，唔錯唔錯。係個意粉本身炒得比較油，所以間唔時先食下。個麵底非常香脆，而麵上面嘅肉絲汁都比得好足，唔會食到最尾得麵冇汁。

葵涌區抵食飯堂之一，普遍味道正常，仲偶有佳作，地方大，易搵位。每日都有自助例湯，湯係任飲，但足料好味，唔會偷雞，啱哂我呢啲湯精。呢到選擇多，有不同嘅小菜，炒粉麵飯，蒸飯，三餸飯，不過我最鐘意都係呢到嘅燒味。呢頭燒味飯嘅選擇唔多，萃華嘅燒味飯絕對係呢區嘅首選。叉燒通常都係半肥瘦，唔會過瘦鞋口，又唔會過肥油冧冧，外表燒得乾身香甜，肉質保持彈牙，食落仲好香口。燻蹄彈牙，而且處理乾淨，唔見有毛髮，配埋酸醋非常開胃👍🏻凍奶茶味道一般，呢到嘅茶底唔啱我口味，永遠都飲到好澀🙈

萃華最近做週年慶特價，快餐/三餸飯都係HKD$35，由於呢個反通脹價錢實在係太抵食，食物又唔錯，座位又多，所以成為左我地近期最常去既飯堂。⭐️叉燒薰蹄飯 HKD$47雖然冇做特價35蚊，但萃華既燒味的確係唔錯，價錢都正常唔算貴，以附近嚟講，佢嘅叉燒最好味!⭐️是日午餐-星洲炒米 HKD$35絕對冇因為減價而縮水，大大碟，炒得有鑊氣。⭐️是日午餐-梅菜扣肉飯 HKD$35扣肉炆得入味香軟，肥肉部份入口即溶，瘦肉有咬口得黎亦好鬆軟，食落一啲都唔覺油膩，味道適中唔會過咸，反而梅菜仲帶甜味.⭐️是日午餐-蝦米粉絲水蛋飯 HKD$35大大碟好抵食，個人口味覺得淡咗啲。⭐️熱檸茶 跟餐試過呢到既奶茶/檸茶，就算凍熱都好重澀味，應該係茶底調得唔好。📝不過!! 佢呢到既例湯係自助任飲，足料得黎都唔錯!

今日落好大雨，又係做外賣妹嘅好時機喇😆公司上下同事都叫外賣，話時話，我真係幾鍾意做統籌✌講返今次我聽同事介紹食依間嘅 #麻辣干炒牛河🍝 ，我真係O咗咀，一般嚟講 #干炒牛河 真係勁油，但點解依間一D都唔油架👍🐮#牛肉 香滑，#河粉 滑溜，干炒加麻辣原來可以咁夾😝😝依間店真係好良心，送湯+凍熱飲，今日例湯係 #合掌瓜湯 ，清甜解渴👏熱飲揀咗 #熱檸水 ，檸檬有D苦澀🍋成個餐$47，雖然唔平，但品質好，有機會會再幫襯😌順帶一提我做埋收數妹，我真係好有潛質呀😆😆❤整體嚟講我俾9.5分❤💁萃華飯堂↛地址：香港↠新界葵涌打磚坪街68號和豐工業中心地下7號舖

去葵興食野, 大部份都係荼記呀街邊野其實中意咁樣既香港多過全部都係商場同連鎖店今次朋友帶路去呢個佬味濃既飯堂食左個好正既叉燒飯其實大部份人都揀雙餸飯啲飯多到係平時屋企飯碗既兩三碗呀!難坐到既大部份都係佬啦XD既然朋友大力推介叉燒飯我就揀左燒味飯, 連湯同飲品, 四十幾蚊都算經濟好快就黎左既叉燒飯, 果然好大碟十數件叉燒平鋪係飯面叉燒大部份都係半肥瘦肥脂同瘦肉相間咁排例肉鬆化而且軟稔邊旁既蜜汁夾埋成就左呢件咁正既叉燒囉!飯量實在太多, 都食唔哂咯!!街坊野就係如此平靚正!會多多黎支持下

是日因為工作的關係，所以在工廠區午餐，其實我一向不太喜歡行工廠區，不過面對$98的時薪，做完可以休息一、兩個月去湊女，所以努力工作，期望有好的表現令上司俾機會自己keep住每季做。在工廠區讓我找到面積大而又有湯俾我任飲的飯堂真的難得，價錢尚算不錯~~~今日飯堂有花生雞腳眉豆湯，愛飲湯唔要渣的我最開心係自己添，唔怕唔合心意。沙薑雞脾飯都算不錯，不過沙薑唔算多，味道尚算ok~~~其實好想去食環境更好的pizza hunt，可惜要行好遠，個人真係唔想走，本身工作上我已經行好多，午餐時間難得搵到卡位可以坐得耐d仲好過四圍hea等開工~~~

上晝食完個通粉之後開左成朝會，開完得返半個鐘頭食飯時間，就拿拿臨拎銀包走人。礙於得返半個鐘，所以就去左較近既茶餐廳 - 萃華 - 無錯。早餐食完午餐又黎都真係幾悶架，不過無計喇，趕時間嘛，而依間茶餐廳又出名快，所以就黎喇！去到其實已經全場滿座，好彩小妹係一個人所以好快可以搵到搭枱既位置。坐低後，二話不說揀左兩餸飯，一黎今日唔想食咁多，二黎兩餸飯有菜嘛。（再次提及：依到既燒味同煲仔飯真係唔錯！咁啱經過可以試下呀）例湯係自己去裝既（任裝），但因為得小妹一個，唔去裝嚕，因為無人睇住自己野嘛。好快兩餸飯就黎到，蒜炒白菜仔同家鄉豬腩肉。白菜仔唔知係咪煮左好耐，已經放涼左嚕，不過勝在唔算太油，可接受既。而豬腩肉呢？唔算肥，而且好入味仲好林添！食食下好快就清左嚕（嘻嘻，有Ｄ嫌少添）。食飽，又返上去繼續努力嚕！

試過依到既早餐，發覺都唔太差，所以小妹第二日又黎，不過今次叫雞扒通粉（普通湯底），但味道未如理想，太淡，所以再次黎既時候都係叫返羅宋湯湯底。其實本想叫點心，但小妹眼闊肚窄，想試燒賣黎又想試菜肉包，試完包點又想試其他，所以最後都係揀返通粉類食，免得自己吃得太盡。一如而往，雞扒通粉羅宋湯底配熱齋啡，話說平時較少飲咖啡既小妹，依排唔知點解朝朝起身都好攰，所以都要黎杯齋啡提提神（希望唔會形成習慣）羅宋湯湯底還是那麼濃郁，蕃茄湯底和通粉是完美的組合！雖然明顯是用茄膏＋味精制作，但小妹還是止不住喝了幾口。雞扒啖啖肉，有些少肥膏。食完個通粉，飽滿咁上班去

怡星是小妹早餐必到之地，但不知道是否人流漸多後，質素稍為下降，而且經常座無虛席，所以只好另覓早餐之地萃華 - 小妹只光顧他的午餐，早餐就頭一次來。走過階梯，推開玻璃門，看到一盅兩件和雙蛋火腿，咦？坐下來看看餐牌才發現，原來這兒除了西式早餐外，還有點心蒸飯供應！這太適合我這愛吃鬼，最後看了餐牌五分鐘，終於下定主意叫了雞扒通粉羅宋湯湯式配熱齋啡。侍應姨姨很熟手，記下食物後便飛快送上餐具和暖水。熱啡先到，味不濃不酸，太合我心意了，皆因我是個不能接受太濃咖啡味的麻煩鬼。而通粉亦都於呷一口咖啡後送上。蕃茄紅的湯底，有少許蕃茄蓉和紅蘿蔔，味濃，作為通粉的湯底實在太合襯，只可惜湯底有點油，不知道是否雞扒的原固還是自身問題？而雞扒呢，很大的一塊，香口，但味道淡淡的。還可以吧看到很多人都點點心、腸粉和蒸飯，看來下次要嘗嘗囉！

小妹今日無帶飯同同事落公司附近餐廳食聽同事們講萃華既煲仔飯好掂所以就黎試下啦 午飯時間行上樓梯推開門見到好多男人，所以萃華又被我地稱為「麻甩飯堂」入到去自己搵位搵到位阿姐已經係你隔離Stand by等你落單因為已經有Target，好快就已經諗好食乜「鹹魚肉餅蒸飯呀，唔該」嗌完野食，就排隊出去拎湯依度係完全自助形式，湯自己出去裝要渣唔要渣全部自己黎個湯好味！一ｄ味精都無，好足料，好似屋企媽咪煲既老火湯咁（ｄ湯真係好搶手，因為係任飲，所以慢ｄ都無晒架）拎完湯返黎個飯都已經黎嚕（同事們嗌鳳爪排骨飯，但係已經售罄！下次要早ｄ黎落單先得）成個蒸食以煲仔上，感覺已經唔同ｄ而且再加上佢加左ｄ蔬菜係面，又加左ｄ分（依家好多食肆真係菜都無條架，而且萃華ｄ菜係熱既，完全唔係冷菜）有少少纖維到肚，自我安慰下都好嘛！ ｄ飯唔太淋，配上半肥瘦肉餅再淋上豉油真係可以成碗食晒睇下附近，都唔少人黎食蒸飯同燒味飯ｄ燒味又幾靚咁啵！等我下次試下佢ｄ燒味先！

(721)這區搵食，要想經濟些！莫過於工廈飯堂了。午餐選擇了一客快餐32元，一杯凍奶茶，凍飲加了2元，總共34元，都算抵食。涼瓜牛肉飯，涼瓜有點腍，沾滿了豉汁的牛肉，幾好味，飯粒煮得軟硬適中，整碟飯都做得不錯。凍奶茶，普通質素，都可以盡飲。工廈食堂，環境沒有一般好，這餐感覺都滿意。