華龍咖啡屋餅店 (已結業)

嗰日經過尖沙咀，等人冇嘢做，又要等時間過，咁就屈入金馬倫里。周圍啲嘢都唔係好啱食，因為我淨係想飲杯嘢食少少野坐下唔好太差。咁我就見到呢間野，佢好似係二次元咁，我咁多年經過金馬倫道，都從來未發現過呢間野。我見佢裏便唔係旺，就入去試吓啦。佢裏面嘅選擇又唔係多，其中我見到雞比薯條或者沙律，我就想起我哋當日開快餐店其實沙律有機會都幾好食。咁我就試一試佢，佢係薯仔底加雜果，確實幾好食，唯一奇怪雜果裏便沒有菠蘿。都係果句一是無妨，有懷舊風味

One of my favorite local restaurant. A simple restaurant with good varieties and taste. Their bread is the best I had, especially pineapple bun. Must try. The only down side was the size of the restaurant, table to table is too close and not much privacy.

約咗朋友，未夠鐘，係尖沙咀，要搵個地方可以位得耐架，都可能只有快餐店行到通利琴行前，見到有間茶餐廳，就入去一試睇個餐牌，字裡間和門口既玻璃餅櫃，已慢慢感覺到昔日的情懷。店內仲可容許茶客叫杯茶，食個包，坐足一個下午茶時段，真係已經少有。叫咗個常餐：叉燒湯意粉、火腿奄列湯意粉已經好少出現係茶餐廳，多數都係公仔麵。火腿奄列，都係少會係唔洗加錢，已包在內。叉燒湯意：湯底同意粉，都有兒時味道，只係叉燒咸左啲啲火腿奄列：一個字，正！如果時下流行的滑蛋同佢揀，我會揀佢！

睇個店名都知唔後生😂自從兩年前轉左返尖沙咀，我唸我有80%既早餐都幫襯佢，雖然不時都有人會批評啲食物質素，不過我依然固我，一個雞尾包加一杯奶茶！有時直頭坐入去食個豐富早餐！而家買到熟晒，面包姐姐都費事煩，幫襯既都識自己找贖（講個信字）！5蚊一個無料包/7個半有料，見佢熱辣辣捧出黎，價錢合理、不過杯茶就-⋯貴左啲囉！（17蚊熱飲）所以成日都話茶水特別賺錢！成本不過幾蚊！ 但係呢杯茶又的確為好多人捱過幾多個唔精神既早上！我本人最愛雞尾包+奶茶，姐姐一聲大嗌入水bar ，轉頭就一杯杯奶茶捧出黎。好多人話面包黏牙，我又唔多覺！其他包都出色，例如芝士火腿、菠蘿包、墨西哥包⋯最重要係熱騰騰！就因為我發現呢間面包店兼茶餐廳應該係響我公司十里範圍內唯一一間，所以萬一佢唔開舖，我果日既早餐就唔知點算！而full set 早餐價錢同其他食肆差不多，都係果啲沙嗲牛肉、火腿、餐肉....配丁面/通粉、配多士餐包有野飲！每次入去坐，見到既都係熟口熟面，多左份人情味。總括都唔差架，唔明點解啲人批評為垃圾呢😅不過口味人人不同！

叫左個黯然銷魂飯 凍0茶 盛惠$50好鐘意呢種老香港冰室風味睇到餐牌好似主力係叉燒 因為好多唔同款式既叉燒飯甚至咖哩叉燒蛋飯都有講返個飯自己勁鐘意食蛋既關係對蛋既要求都幾高個煎雙蛋蛋白岩岩熟包住流出黎既蛋黃 一個字正 真係功夫到家蛋下面既叉燒係夠鬆夠甜 而且落足料 唔係得一兩舊 飯都好夠熱 而且好軟熟加埋d鼓油同蛋汁 我一個妹妹仔都食晒成碟飯雖然地方小小但都有男女洗手間而且好乾淨 望入廚房水吧都係好企理 絕對要讚而家舊式餐廳買少見少 真係好難再搵返下次要再試下佢d菠蘿油 熱奶茶

地道茶記食物，選擇不多，但沙爹牛的牛肉無梳打粉味，茄汁真系有新鮮蕃茄，炒飯做到粒粒分明……最正系茶走，茶奶比例恰如其分，香滑又有茶味！！！間舖的樓面吾會熱情如火，但系，當有卡位，你想轉枱，佢地吾會嫌你煩，坐耐啲hea下，亦吾會有人催促，亦吾會迫人搭枱……喱啲在現今茶記，其實已不多見。

今日真係咁啱經過，無心食哩間，但太肚餓。係尖沙咀咁耐都未食過哩間，好奇心驅使下咁就入左去試。見到有d人排隊買飽，好好奇究竟佢地d飽係咪好好食。叫左個餐，黎左個通粉就開始無晒好奇心。我哩個香港人實在食得澳牛太多，其他通粉實在比下去。火腿通，火腿無煎過，唔緊要，但係通粉係浸到發晒再煮熟，唔太好食！唯有期待個餐飽，點知個餐飽又凍又無乜牛油，咬落去仲有少少個邊仲要有少少硬硬。腸仔同旦同凍檸茶我唔講，因為無乜分別！我無再食嘅衝動～so sorry不過唯一可以講嘅係$30，算係尖沙咀合理價錢! 而且服務都唔錯。不過比錢果陣見到佢d瑞士卷又真係色水好靚架喎，而同我同枱0既客又真係叫咗飽食，無食通粉，唔通佢d飽(除咗跟餐果個飽)真係好好食????!!!!!!我叫錯咗???!!!

午餐時份人多多，睇到呢間平平地又有位，就入去食下。叫左两個洋蔥豬扒飯，一個鼓油一個洋蔥汁。其實賣相係可以接受，可惜本人鐘意有啲配菜冇咁肉，覺得太少蔬菜啦。男士可能岩口味啲，因為又多飯又多肉。豬扒切得薄薄地，可惜有啲硬，如果有肉汁會好食好多。整體感覺一般般。茶走反而唔錯。

一直以來, 對這間茶餐廳的印象是, 居然在繁榮熱鬧的尖沙咀可以吃到舊式茶餐廳的食品! 確實有點難以至信的感覺, 市區租金日益上漲, 要繼續經營此等食肆, 真是有點難道.鮮茄炸雞脾飯--未坐下, 已經看見兩三個食客正在品嚐炸雞脾, 雖然炸雞脾飯沒有餐飲, 依然要一試, 整碟飯份量足, 大大隻雞脾, 蓋著半碟飯, 雞脾是即叫即炸, 上卓時是熱辣辣的, 外層炸至香脆可口, 內裡仍然保存有肉汁, 肉質尚有雞味, 不過其中接近頂部的肉質有點過咸, 可能是醃肉時, 醃料塗上雞脾時有點不平均, 尚可接受, 白飯不過不失, 茄汁則不夠番茄味, 雖然有番茄和洋蔥加進茄汁內, 但是茄汁仍然缺乏番茄的鮮甜味道.午餐包括牛油餐包, 火腿奄列, 叉燒湯意粉, 凍奶茶凍奶茶--整個午餐, 一定要讚一讚杯凍奶茶, 除了冰多一點外, 奶茶夠凍, 有茶味, 兼有奶味, 十分配合, 入口滑溜, 甜度適中牛油餐包, 火腿奄列--方包一片, 切開一半, 以三角形伴碟, 麵包軟熟腍身, 內部塗滿牛油, 塗得頗算平均, 不多也不少, 奄列則屬一般貨色, 雞蛋煎得有點過熟, 帶點硬身, 不香口, 沒有蛋香味, 不肥膩, 火腿條,

第一次品嚐優質面包, 是我還在尖沙咀打工的日子. 輾轉多年, 我又回到尖沙咀的懷抱. 雖然店子離公司有一大段距離, 偶然會出外走走, 去個銀行, 都會故意走到此店, 回味以往每天跟人龍排除買面包的情景. 芝腿包因為同事像吃上癮了, 所以我也跟著試, 就一發不可收拾.面包質感跟大型連鎖店不同, 已漲到$6/ 個的芝腿包, 會吃飽人.面包結實又鬆軟, 有點黏黏糯米滋感覺, 沒有氣孔.面層是墨西哥包樣子, 咬了一口, 已溶化的芝士已來不急要跑出來, 是流心芝士芝士是用一整片火腿包著, 就算第2天吃, 只要微波一叮, 沒有走味.未試過入店進食, 因為時間不多, 無論早餐及午餐, 客人都很多~每次都是外賣面包.

一至五又是上班的日子對於我這個窮得要命的打工仔來說，平靚正的早餐是重要的！回公司路程中，必經過華龍的如果個日見到有剛出爐的芝士火腿包我是必定買的因為如果撞正還熱的，裡面的芝士是流心的！ 咬下去，芝土，包跟火腿可以說是融為一體！當然不是剛出爐的是沒有這效果的還好有點硬！隨便拍了一張原諒我咬得很有點....

三月上旬‧晴第一份工就在尖咀工作，這裡是最熱門的蛇竇之一。今天，想找個地方坐下工作，又回來了。要了杯熱奶茶，有茶味又滑身，始終有點水準的。鍚紙蛋糕牛油味重，吃起來較濕身。不過有提子乾也有核桃仁在內，好吃。

五時多六時，未夠時間吃晚飯，路過這間平日早上總是人頭湧湧的茶餐廳，忽然興之所至想吃一個港式下午茶。每個人心目中的港式下午茶，總有必叫的項目，我的也不例外。甫入門，還未坐下就已經點好食物。菠蘿油－是第一個報到的，可是單看賣相已「輸蝕」，經過一整天的忙碌，它應該是賣剩的數個吧，所以垂頭喪氣沒精打采的，軟軟的攤在碟上，完全沒有菠蘿包應有的飽滿熱情。一啖咬下去，更加了解它的內涵。放太久已經不再新鮮的菠蘿包，面層的膽皮已變軟，漿在口中令人連它真正的味道也吃不出；內裡的牛油也像被它同化了，聞下去有道年代久遠的油羶味。所以這餐廳在下午沒有人龍可能是有原因的。紅豆冰－每人喝紅豆冰都有其獨特的吃法。有人會把所有紅豆混和了椰汁，弄到整杯都是灰灰紅紅的才喝，我卻鍾愛用那長長的匙羹像探險一樣伸到最低，就像玩公仔機一樣，滿懷希望地等待撈上來的寶藏。這次的探險沒甚驚喜。紅豆有點硬，沒有起沙的感覺，要用力扮演人肉磨豆機，咬得幾下，甚麼食慾也沒有了。奶醬多士－是最後的壓軸嘉賓。它是我的情意結，總和茶餐廳分不開。被之前兩個角色調校了之後，原本我對這奶醬多士已沒甚期望。可是再一次證明了人生的確是滿希望的。脆得挺身的多士，

做完YOGA, 要食野...就俾監護人拖0左黎依到....WELL, 第一次食....見到個茶餐好似得好少野食, 點知, 食完, 飽到暈低~大家睇下個叉燒意粉, 嘩, 唔好睇佢D叉燒好似有D削, 但係食起黎, 係唔錯架, 係可以用黎做叉燒煎旦飯既貨色。 個火腿旦奄烈, 夾落個朱仔包到, 嘩, 超好食! 真係旦有旦味! 其實我都好多年未試過食旦係覺得咁有旦味....更加重要既係, 個朱仔包超有口感, D包, 食落去食有麵粉架, 唔係好似美X咁, 好似食空氣咁~ 個朱仔包, 會叮熱先上枱, 好好味~ 走之前再買0左個芝士火腿包, 過0左幾個鍾之後食, 自己叮熱先食, D芝士溶溶地, 唔錯。食食下睇到枱面話有黑白淡奶既杯換呀...不過已經DEADLINE0左...好灰呀.....有小馬架......

本人踏入社會工作後多年來對西炒飯一直不離不棄，雖不常吃，但愛吃的熱情倘在。今晚，怎料在此店點選的一碟西炒飯竟然只有大量碎火腿粒、大量碎香腸粒、少量雜菜粒加炒飯!要求茄汁調味，送來兩包給外賣用的茄醬!本人用匙羹撥來撥去後叫住侍者問為何欠缺小蝦(仁)，侍者回答有小蝦的不是西炒飯，此店二十多年來出品的西炒飯皆如此。噢~原來是本人孤陋寡聞才真，今晚本人實在有幸一賭西炒飯的真面目啊~不知所謂，食物標價廿六大元，連服務不值十元; 食物水準是合格有餘的，服務負分。