華香雞 (已結業)

今日經過荃灣西唸唔到食咩，search下發現呢間之前好出名嘅餐廳，但而家好似冇再咁響朵，不過就係想試下，難得呢到先有。鋪頭唔算大，都幾細，同友人分別叫咗兩樣野：招牌華香雞黃薑飯+醉雞黃薑煎飯底煲。首先講下佢啲飯，真係非常非常咁多…見到個下都呆咗，應該個到有4-5碗飯，個黃薑煎飯煲仲跨張，食飯都食到非常飽。佢啲飯煮得好好，粒粒分明，唔會痴埋一舊，水份量拿捏得好好，而且黃薑粉味充足，好出色👍🏼👍🏼另外，個招牌華香雞佢咁啱俾咗隻雞髀，皮唔肥，肥瘦剛好，嫰滑多汁，好好食！另一個醉酒雞都唔錯，個人認為酒味可再濃啲會更好！

華香雞呢個名以前個名響噹噹係老字號，不過自從禽流感出現，啲分店就越來越少，而且隨着舖租嘅飆升，經營越嚟越困難，品質開始就走下坡，冇辦法保留原本嘅味道，昔日的光輝不再。不過聽講而家老闆想重振雄風，咁博士我就去佢新開嘅灣仔店，用我嘅金舌頭試一試味。聽講嚟自華泰農場所養嘅一級靚雞，好講究咁，雞肉質素有返咁上下，仲用秘製嘅方法烹製， 所以可以做多啲肉特別有口感，而且仲研發左唔同口味嘅雞。今次我博士就試咗兩款，一款係比較有特色嘅烏龍茶，令一款係招牌嘅華香雞，即係白切雞。🫰雙拼半隻: 招牌華香雞+烏龍茶香雞 $118🫰另加老火湯 $15🫰濃雞湯枝竹菜煲配白菜 $60白滷水所烹煮嘅華香雞，另一款用上烏龍茶葉同埋醬油所燻製嘅茶香雞。博士我一睇啲骨就知道係選用新鮮嘅雞，個雞皮係幾薄，而且都幾嫩，鹹鹹甜甜咁嘅鮮味。烏龍茶雞嘅煙熏味就幾濃嘅， 茶香啊都突出，而且色都幾均勻，雞皮下呢都有啲啫喱，雞肉浸到啱啱好，又飽滿又柔潤，再加上大量嘅薑蔥，茶香味出。仲有唔好漏咗個雞湯，其實都好清甜，蔬菜都幾多，湯味好濃郁係健康之選。

荃灣西商場行完街，就沿住人人都話好臭嘅海旁散步，行行下就去咗海濱花園 😳 屋苑雖然有個街市仔，有茶記、點心、粉麵等， 但我見呢間餐廳俾好多報章雜誌訪問過 (貼滿店鋪) ，所以好奇之下就試試佢 🥸 餐廳位置唔多，只有大概 20 個位，但因為是屋苑餐廳，而且過了中午時間，所以人流唔算多，不用等位 👍🏻點了招牌華香雞薑黃飯 $53, 不只是雞皮有醃料的味，雞肉都很重味，應該是用了很多時間處理 🤤 但除咗主角雞之外，黃薑飯都好重薑味，唔似有啲餐廳得啲色但食落似白飯 ❌ 跟餐仲有無味精湯同飲品(熱飲免費，凍飲加$3)，呢個價錢係好味又好抵～～如果唔係居民或者好似我咁亂行，有機會成世人都唔會堂食到呢間小店～～不過樓面姨姨話灣仔開了分店 👍🏻 同埋可以"跨區外送"，叫我下次試下 🤔?

華香這名字帶來淡淡古香，仲好襯餐廳內外一致既傳統風格裝飾。原來華香雞亦係整廣東雞既老字號，試過佢地一口雞就知道佢地實至名歸。👍🏻👍🏻今次我叫左♥️招牌華香雞湯米 $60♥️四寶飯 $78♥️濃雞湯枝竹雜菜煲 $65好值得叫一定係招牌華香雞，雞香嫩滑仲加左啲蔥油，配飯麵都一流。今次仲叫左湯米，湯係雞汁熬煮，啲米粉仲索晒雞本身既鮮味，好正呀😆😆四寶飯都係抵喊之選，呢度除左雞出名，原來整滷味都咁出色，五花腩肉質紮實，啖啖層次分明🤤🤤好食指數：🔥🔥🔥🔥打卡指數：🔥🔥🔥大份指數：🔥🔥🔥🔥性價比指數：🔥🔥🔥🔥

123014092022，我黎到呢間華香雞，2千年時代華香雞這個名字響噹噹，分店都好多間因為2千年間出現禽流感分店相繼沒落，現時只剩下2間。歷史不提喇先點餐，烏龍茶香雞白飯加凍檸檬茶還有例湯。龍茶香雞味道帶有少少茶味同煙燻味道，份量也相當多加上特制薑蔥蓉，唯雞肉有點嚡口，凍冰冰既肉還有點生...例湯老黃瓜排骨，湯就好熱可惜味道不夠可以用飲熱水來易容。凍檸茶就比較正常，而且要讚一下其水吧刀功一流，3片薄薄的有點難感覺到檸檬的存在。食客最誠實，好既排隊去幫襯，唔好既就...

記得多年前好多旺區都見華香雞這個招牌，後來銷聲匿跡。今日見到荃灣一個偏僻地方出現這招牌，入內見到張貼雜誌啲訪問得知當年華香雞結業後幾年前在荃灣海濱花園重開。餐牌選擇唔算多，大部分已貼在牆上方便睇。有餐湯或熱飲送，當日餐湯為清補涼雞腳湯。掛住飲唔記得影相。個湯幾好，有隻雞腳無味精見食評大部分人都食華香雞，我反其道而行，叫了豉汁白鱔同欖菜蠔仔。每個餸配唔同飯就唔同價錢。我揀了配最貴的煎黃飯。豉汁白鱔煎黃飯($68)上菜時係用一個木盤盛着熱熱金屬盤幾特別。白鱔新鮮，薄切有6件，味道配上大量洋蔥同葱非常香，啱晒洋蔥控同葱控黃飯面有大塊炒蛋，正。黃飯即係黃薑飯，有好黃薑香味，加上黃薑飯對身體有益特別食得安心開心。黃飯份量十足，而且下面有飯焦，脆脆的飯焦欖菜蠔仔煎黃飯($68)蠔仔同樣新鮮好味，雖然兩款都唔係哩到招牌菜，但都幾好，下次會試吓招牌菜 - 華香雞。

呢間店好似開左2-3年，但都未食過。今日終於有時間一嘗！呢間店都不太大，大概有15-20個座位，似係家庭式經營。餐廳內只有一位大廚，另外兩名員工。佢地都好有禮貌，而且非常好客，有一種似係番到屋企嘅感覺。餐廳最主要都係食雞，而佢都有牛楠、海鮮菜煲可以order。我就叫左招牌華香雞配黃煎飯。呢個飯嘅份量真係唔可以睇小！2個人叫1個飯都夠食，另外仲可以只加$5 就可以有一碟滷味豬耳，非常抵！！！ 朋友就order 左沙沙牛楠，果然冇叫錯，非常入味！極度推介！

黎到假日，探下朋友係要嘅，新手媽媽都需要空間發洩下。朋友住附近，佢都推介我地要試，難得入到度都試試佢。小店一間，有嘅係簡單嘅設計。幫襯個日都見一直有人流，呢度唔係好繁華，以為生意會麻麻。見到係用木桶上雞，幾特別，可惜我地得兩個人。點左醉雞食，都幾好味，雞浸得算耐，酒味又唔會過濃，雞肉都滑，整體都唔錯。叫咗牛腩，呢個還好，多筋位，入味，不過唔算好腍。我會覺得雞好過腩。黃姜飯，同我食開有小小唔同，平時係lim啲軟身味濃啲，依個係粒粒分明啲味道淡啲。

相約左幾個團友仔一齊入去荃灣探BBBB媽話一場嚟到就試吓華香雞好出名喎咁我同隔離組組長就二話不說去試吓先佢呢度有好多唔同種類嘅雞味道可以嗌但我地一黎到已經冇咗個唔知咩雞跟住我見到醉雞就試吓呢個先然後組長就想試吓個牛腩跟住仲可以嗌唔同嘅飯我哋兩個不約而同地揀咗黃姜飯見到佢醉雞係有埋隻雞脾我覺得好正不過佢啲酒香就唔係好濃郁但係又覺得味道剛剛好，搶唔到啲雞味然後個牛腩仲要蚊得好夠林仲有啲蔥同洋蔥做配菜我覺得啲牛筋好好食👍🏻呢度啲黃姜飯都炒到一粒粒而且我覺得性價比都幾高因為佢係有包嘢飲嘅或者你可以揀湯添👏🏻👏🏻

這小店店子小小，晚餐時間，食客不絕。這兒主打鎮店菜各款華香雞。除了雞以外，還有牛腩煲、白鱔煲、蠔仔煲、蔬菜煲和特色四寶飯等，價格極為親民，只是$38-$63元！另加老火湯亦只需加$9，認真抵食。招牌華香雞配煎黃飯煲$53這華香雞味道唔錯，雞的肥瘦得宜，而且大部分都是帶骨部分，肉質嫩口。煎黃飯煲的黃飯既有黃油風味，又夾有少量蔬菜和微焦的飯焦，味道更為甘香可口。牛腩汁菜煲$38這菜煲選用白菜，帶一點點牛腩汁風味，味道清清地，一點也不油膩。老火湯/清補涼煲雞腳+$9這老火湯雖然只是$9，但十分足料，火喉十足。湯汁順滑，滿有雞腳的鮮甜味，而且下的鹽唔多，一如家庭風味，感覺健康。簡單的一餐晚飯，所費唔多，難得可以再嚐舊日的味道。

今朝工作完回來已到食Brunch時間。第一次來這間華香雞店，不知道要點什麼！眼見餐廳上餐牌也推介上牛腩為主打！又看到旁邊的點了個木桶飯，就跟著點了木桶飯。兩個人同樣選擇了木桶咖哩牛腩飯。他們的工作效率很快。基本上點了很快就有得吃。每個午餐奉上熱湯一碗⋯⋯一埋嚟梗係飲湯先啦。紅蘿蔔豬骨湯，湯好有住家風味。夠熱有味，不是敷衍的湯水，算合格。本人是十分喜歡熱辣濃郁的咖哩的。咖哩牛腩用原隻木桶上。當侍應打開桶蓋，熱騰騰噴煙。非常強的咖哩香味。試一件入口味道濃厚。辣味較重..牛腩肥瘦適中，牛腩肉味不錯。炆得好淋。冇嚡口。不痴牙。牛根也不錯，唔會炆到過淋，都唔會太硬。黃薑飯軟硬度適中, 不過份量太少！因為這個咖喱汁真的煑得很好味。我想也會專誠重返這裡。

今日專登出荃灣食華香雞🐓🐓，原本試黃薑飯但老闆話黃薑飯售罄改白飯 😋😋點了午餐一碟華香雞白飯$45送老火湯加$5要拼豬耳老闆拎咗個蒜蓉薑蓉豉油話點豬耳~好味華香雞飯系肶多份量，薑蓉好出色食曬成碟!🤗🤗🤗🤗老火湯冇味精又濃🤗🤗豬耳切得薄又爽~🤗🤗

對華香雞有一種割不掉的情意結。大約十多年前，家中還是很窮的時候，能出外吃一頓飯已是恩賜。從前華香雞開在荃灣街市附近，母親偶然會帶我去吃一碟茶香雞飯，我們兩個人共吃一碟，母親總會把大部分雞肉留給我，而她只會蔥油撈飯。若吃剩一兩舊雞肉，侍應也會幫我們打包，再給我們一兜蔥油，於是那天晚上，我就會用蔥油撈飯，華香雞的蔥油，滋味無比，是我長大後一直也忘不了的味道。後來我長大了，有能力帶母親去吃更多精緻的美食，可是始終沒有從前對食物如此珍而重之的感動，想帶母親吃一碟茶香雞，可是卻再吃不到。直到約半年前，得知華香雞重開，那個中午，立即坐的士飛奔到海濱花園，雖然店面細了，但那碟蔥油一上桌，嗯，就是它了，雞肉同樣美味，但更美好的，是回憶中的感動也隨食物的香味溜入口中。

話就男友👦🏻話佢以前係元朗未食過見今日有揸車出街就特登過黎試下店內唔算好大得3張6人檯所以繁忙時間去到都要等一陣先有位🙂叫左2個飯1個菜🙊2個人食真係好飽😂😂😂華香雞煎香飯煲鐘諗淡口味既可以揀哩個煎白飯係指將個煲拎去煎香佢個底有飯焦除左雞&飯仲有蔥、洋蔥煎蛋（洋蔥好生）但都好好食既烏龍茶香雞煎黃飯煲鐘諗濃d口味既可以揀哩個（我相信其他雞應該會更濃味）黃飯+飯焦真係勁好食牛腩汁白菜煲叫哩個原因係附近既人都有叫一煲菜😂而且我地都係無菜唔得既人食到底其實偏鹹不過個煲勝左夠晒大煲無諗過個煲飯係咁大下次2個人叫1煲飯+菜+小食應該都夠除左牆上既餐牌外部分既街坊會識叫一d隱藏野食eg：四寶飯、鱸魚....睇黎要去食多幾次先知仲有咩好推介啦

以前在元朗，食雞必定有食過華香雞。朋友提起，在荃灣有間新店，聽聞是重出江湖。所以經過附近，就來試試。是日午餐，試了招牌雞，茶香雞，醉香雞的例牌。招牌雞保持一貫水平，不錯；茶香雞以前少食，這次感到味道很難忘，皮特別正；醉香雞酒味很香，但略咸了一點。整體的雞肉都很滑，口感很好，值得回咪。