111
42
10
港鐵大埔墟站 A1 出口, 步行約8分鐘 繼續閱讀
電話號碼
26566420
營業時間
今日營業
24小時營業
星期一至日
24小時營業
*6點后做外賣
付款方式
AlipayHK 支付寶 現金
其他資料
深夜營業
酒精飲品
外賣服務
電視播放
球賽直播
當面支付
招牌菜
蘋果批
食評 (179)
等級4 2020-08-20
769 瀏覽
人家長途跋涉走去街市熟食中心搵食,竟然都被封鎖,封舖唔封關,做乜膠抗疫都無用!三五成群呆滯阿嬸阿婆加大媽侍應,這裡沒什麼招乎可言。環境陰暗,檯面餐具調味架衛生有待改善,傳統茶記老店格局,廁所放棄唔睇喇!遠望有位地盤感濃厚既叔叔用叉羹食即食麵,用羹拓住再用叉捲成一團享用,好似食意粉一樣,狀甚優雅。廚房大叔無需啤到我實一實既,我帶黑色口罩有幾出奇呢?熱奶茶,幼滑香醇,茶奶味道平均互相配合。凍檸茶走甜,通透亮麗有光澤,清香紅茶點點鮮檸。明顯用熱茶加冰唔夠凍,浪費左杯靚茶。雞批,終於食到傳說中的雞批,期待已久不過強差人意,雷聲大雨點小!是否因為不是新鮮出爐,微波爐翻叮既關係呢?翻叮酥皮有點油膩,微溫入口鬆散碎開,沒有靈魂只得軀殼!雞蓉餡黏黏而漿口,味道還可以,沒有傳聞中的驚世味道!炸乳鴿,設置好有趣,擺盤吸引,鴿頭頸放在中間,賣相好可愛。肉質乾爭爭鞋烚烚硬掘掘,味道偏咸混濁。輕輕一啖後已沒有第二啖的衝動,不想浪費照食吧。炸雞髀,是否翻炸?賣相可怕,皮開肉綻,甩皮甩骨!食左先講,擘大口一咬一扯,乾硬鞋烚烚沒半點肉汁,用盡我的牙力撕開再耐心趙腍吞落肚!味道單調陰沉,只有咸味鹽味,而且油膩感強烈,浪費我寶貴的限額﹗魚片出前一丁,魚片腍劈劈鞋鞋糙粗,不彈不滑,咸咸地無鮮味,不喜歡!沙嗲牛肉出前一丁,熱辣辣新鮮出爐噴著煙!甜美帶香的沙嗲牛肉,鬆得不過份,還有原始味道及質感。麵爽滑富彈性,不過腍不粉口有質素。掛上濃郁湯汁連沙嗲汁大大力吸啜品嚐,幸福啊!太陽蛋牛扒即食麵,無雞扒供應?傳說中的毛巾牛扒,夾起軟泥泥頭揼揼,𢲡到腍劈劈滑潺潺,濃郁港式懷舊醃味。蛋黃掛麵香甜當然無得輸,麵質微粉微黏不過份,起碼燙嘴滾熱辣!湯底香濃,跟通粉的雞湯底一模一樣。太陽蛋豬扒出前一丁,湯汁濃濃跟麵同煮特別好食,混上甘甜蛋漿黏黏滑滑啜啜啜正呀!大啖一啜十足十老媽的味道!焗麵條質地軟滑,吸收濃湯程啡色亮麗光澤,滋味無窮!煎豬扒,真煎不是求其馬虎炸出黎,有誠意!黏黏的外層未夠焦香,肉質有嚼勁,原汁原味無鬆肉粉非常好,醃味甜美可口。出前一丁,鮮煮無得頂,有老媽的味道,湯汁浸入麵條中,熱辣辣入口軟滑味濃。其實我喜歡蛋漿撈麵食架,太陽蛋牛扒遲遲都未到!食完碗麵仲要等多 5 分鐘太陽蛋先到,不過即煮丁麵淨食已經非常美味!腸仔太陽蛋牛扒多士,其實我只想要碗普通腸仔太陽蛋牛扒出前一丁,何解變成兩道菜呢?眼前直頭係 All day breakfast 感覺,凍腸、油蛋、炸牛扒,想嚇鏈死朕咩!仲有白毛巾麵包伴碟裝飾。極咸凍凍熱狗腸盡頂食晒,油蛋微暖整隻啪入滿口油淋淋。炸牛扒熱辣辣沾點凍蒜蓉汁享用,外脆內腍啤啤,𢲡到鬆泡泡,醃到滑潺潺略咸。摸摸塊麵包,凍毛巾放棄!車厘茄藍霉不吃了。牛尾湯,味道非常羅宋湯,茄味鮮甜濃郁不濁不嗆,完全係茶記茄汁燴意粉味道。黑椒汁鐵板巨形雜扒,高價 $82 蚊攝牙罅唔夠飽!薯條苗條幼幼,起碼要紐紋粗條才美味!正確係巨形鐵板上的雜扒,不是鐵板上的巨形雜扒!炸雞中翼何解雜扒要㖮骨?格格不入。粉厚雞皮香脆炸得有點乾,裡面肉汁已全失。火腿薄切彈彈,用來捲著勁咸腸或羶牛脷可以轉移一下。牛脷有嚼勁,牛味濃帶點牛羶。有骨豬扒原汁原味,野性的原始質地好味道。牛扒鬆鬆舒服晒,腍腍滑嘟嘟咸咸的。黑椒汁甜中帶香辣可緩和一下重口味,雜豆乾爭爭只係作點綴裝飾的嗎?黃金蝦,炸得乾爽透徹不油膩,去掉蝦鎗蝦眼可以放心整隻啪入!食蝦無需剝殼,蝦殼脆卜卜,蝦肉爽彈多汁,咸蛋黃甘香無敵,結合得渾然天成!豉汁蒸倉魚,可否細心一點將豉汁平均搽勻整條魚呢?剩係得中間一篤仔,倒不如清蒸後,豉汁另上點黎食啦﹗烹調中規中矩,豉汁惹味提鮮,魚肉實實啖啖肉,多多肉少少飯淋點豉汁舔舔脷。肥牛炒韮菜花,估唔到會有洋蔥絲,幸好炒得夠火喉熟透帶甜。大大注爽嫩鮮甜韮菜花夾雜洋蔥絲連嚥韌肥牛齊齊嘆,非常可口幸福!椒絲腐乳炒通菜,高速猛火爆炒再焗一焗,鑊氣強勁!翠綠爽甜多汁,菜甜味混著微辣咸香腐乳汁,大注大注搭多啖香飯塞進,好好味呀﹗粟米斑塊,即炸斑塊鬆脆無窮無得頂﹗外脆金黃,內嫩白滑滴著魚汁。厚厚魚肉大量甜美粟米汁,驅使我吞下整碗飯呀﹗加埋其他可愛美味小炒,扒完兩碗飯都未夠喉,仲想添食呢﹗ 繼續閱讀
(以上食評乃用戶個人意見 , 並不代表OpenRice之觀點。)
等級3 2020-12-02
160 瀏覽
呢排成日出去大埔墟 原本想上熟食市場 不過醒起 大埔有間好出名嘅蘋果批 就試一試 入邊嘅阿姨全部都好好人 我哋話叫蘋果批 佢就話等一陣有個熱嘅 咁就等下啦 另外我哋嗌咗個常餐 我最鍾意就係飲茶餐廳嘅熱奶茶 同快餐店係爭好遠架 沙爹牛肉麵 就正常水平 等咗一陣 蘋果批終於到 入面有好多蘋果 但係味道唔係太啱我 佢唔係啲好香甜嘅蘋果  係有啲爽 同微酸既 不過十幾蚊都已經比足料  總括嚟講  只係唔啱我口味 唔代表佢唔好 我會再嚟食佢啲茶餐 繼續閱讀
(以上食評乃用戶個人意見 , 並不代表OpenRice之觀點。)
等級3 2020-11-19
229 瀏覽
今日咁啱黎到大埔墟,於是專登早啲過黎覓食,見到呢間嘅蘋果批同雞批幾出名,就決定試下。點知原來佢哋而家唔係日日有雞批😢想試嘅人記住留意下,唔好好似我咁摸門釘蘋果批未至於驚豔,尤其個批皮其實有啲濕同淋,餡本身應該係好食,但就有時會食到苦味,唔知係咪因為蘋果芯?菠蘿油本身都無特別期望,就係好普通一個,個包唔夠熱同脆皮。留意到餐廳姐姐同啲客真係幾熟,係咁閑話家常🤣 繼續閱讀
(以上食評乃用戶個人意見 , 並不代表OpenRice之觀點。)
等級3 2020-06-21
643 瀏覽
切餅蘋果批$14有完整一個同切餅簡。我簡左切餅,因為個餡好似會多d。個餡超甜,甜得過左火🙈🙈有d似爛蘋果咁。內有🍇乾🤔?佢會叮反熱比你食,算不錯服務之後叫左西多,炸得唔脆,好淋。唔好食花生醬好少。🙅🏻‍♀️🙅🏻‍♀️咁就$24😨另外叫左個椒鹽豬扒飯,幾好食。$55包湯。 繼續閱讀
(以上食評乃用戶個人意見 , 並不代表OpenRice之觀點。)
等級2 2020-06-05
461 瀏覽
晨早入來大埔先來食個早餐,就揀左喺火車站行10分鐘就到嘅茶記,佢嘅新街市對面,好易搵$32 三餸粉麵都OK,揀左煎蛋腸仔魚腐,居然有魚腐!!啲魚腐唔好期望同啲魚蛋粉麵茶記有得比,不過都OK嘅~早餐配杯熱奶茶不過不失,但有啲唔太飽,我係女仔都唔太飽,就諗住叫個蛋撻試下諗住問下有冇酥皮蛋撻啦,個伙計好似聽唔明咁呆左陣,可能冇人咁問過佢?不過佢有行返過來同我地講全部蛋撻都係酥皮,咁好啦,我地一人叫左個點知⋯⋯個蛋撻係曲奇皮嘅⋯⋯個蛋撻唔算特別香,OK啦~ 繼續閱讀
(以上食評乃用戶個人意見 , 並不代表OpenRice之觀點。)