華記餐室

營業中

休息中

👉東涌行到入大澳要揾地方醫肚休息下，店內茶記格局，貼地之選‼️📌豉椒排骨河 $54 ～ 排骨、河粉份量、味道正常。略嫌唔夠顏色，加返多啲老抽會更好。☺️📌鮮茄雞扒飯 $56 ～ 雞扒碎上，份量不少。鮮茄🍅形態工整，即叫即做，獻汁酸甜開胃，下飯一流。👍📌紅豆冰 + $10 ～ 加$10有飲品或紅豆冰。。揀咗紅豆冰，上枱見到竟然有半杯紅豆🫘，咁足料而家坊間已經買少見少，紅豆軟綿，粒粒開晒花，甜度適中，好味。😋✅員工姐姐見我哋背囊🎒放枱底，主動拎張圓櫈畀我哋放袋，唔使屈住對腳咁辛苦😓。。。。.✅去洗手間🚾時又會提醒：小心地滑。。.✅埋單時叔叔亦好殷勤地介紹各種電子支付。茶記有咁嘅服務態度，好滿意。😀.✅唔好漏咗自家製辣椒🌶️油，香而不過辣。👍🏬 華記餐室 (大澳)🚦 大澳永安街35-37號地舖

今日應該係我人生第一次嚟到大澳，咁有紀念價值嘅一天，一定要食餐好嘅賀賀佢😂今日天氣都幾熱，搵間有冷氣又坐得舒適嘅食店係必須嘅，而依間華記餐室睇過佢嘅食評都唔錯，店內空間又夠哂寬敞，檯與檯之間又唔會迫，一於就食依間啦，我地叫左兩碗麵，分別係牛腩同雲吞，兩碗麵嘅份量比想像中大碗，因為本身都只係想食少少嘢，點知份量出人意料咁大碗，麵質爽口，牛腩又夠腍唔un，雲吞又大粒又足料，所以食完都相當滿足，值得一試。

這裡D服務態度好差，牛肉出前一丁好難食，唔會再去了！店員臉色很難看，翻白眼，菜單稍微看久一點就拼命催，D野都好一般，比其他地方的茶餐廳要難吃太多，以後也不會再來了！！紅豆冰都好一般！！落單後沒人倒水，全程都是自助，食完之後就立刻收拾東西 一直盯著你 似乎想讓你趕緊離開騰出位置一樣！可能D店舖是自己的，不用交租金，所以對客戶是否再來消費無所謂！但是我覺得做生意D服務態度同食品的品質很重要。希望以後來大澳能夠體驗到更好的餐廳！

係大澳行嚟行去 都唔知去邊間餐食lunch好😂於是就求其揀咗呢一間茶餐廳食嘢同朋友坐低叫咗2樣嘢食 啲嘢食好大碟2個人去食 細食就叫一個主食同小食就會好啲🤣如果唔係 叫2個主食就應該食唔晒😗😗.✨蝦醬炒飯 (💰$52)炒飯味道唔錯 好香蝦醬味 但又唔會太鹹😋😋配料都幾多 有唔少叉燒 蛋 火腿 三色豆…不過啲飯食落都幾油😣.✨乾炒牛河(💰$52)碟牛河有唔少牛肉同菜心味道麻麻地 牛肉有啲韌 而且勁油膩🫣🫣

諗住4點左加食啲野點知好多間餐廳已經山門，呢間餐廳都只係得普通粉麵，炒野都冇哂🥲 見好多行山人士嚟到都冇得食，如果想入去食正餐大家要預早啲時間！ 😋 牛筋腩麵 $37估唔到喺大澳都有得食牛筋腩，湯底同市區嘅非常唔同！ 呢間餐廳加咗胡椒粒去熬製，食落有胡椒既辣味同香味。牛筋都有兩大舊煮得非常軟綿，牛腩亦入味，冇牛既羶味！😋 西多士 $32新鮮炸出嚟嘅西多士零舍邪惡同好味！ 脆卜卜嘅外皮，放上一大舊牛油同勁多糖漿，加上花生醬做內餡，真係好正！ 雖然好肥，不過間中放縱下開心下💕 😋 奶茶 $18見到係用絲襪奶茶嘅方式沖泡，飲落香滑茶濃奶香，不過奶茶偏茶味重，會有少少苦澀，可以加少少糖中和下抵食程度：⭐️⭐️⭐️食物質素：⭐️⭐️⭐️⭐️員工態度：⭐️⭐️環境裝飾：⭐️⭐️⭐️衛生情況：⭐️⭐️食過返尋味：⭐️⭐️⭐️⭐️（滿分：⭐️⭐️⭐️⭐️⭐️）Ps 店員態度就真係一般般啦，4點幾開始掃地好似趕客咁

入大澳一定要食嘅名物有好多＼華記餐室／絕對榜上有名ฅ˙Ⱉ˙ฅ▰ 叉燒炒蛋三文治烘底炒蛋有少少老 但多士好好食！麵包烘完都會好薄仲好有咬口大滿足▰ 奶油多以前住大澳附近嘅朋友話總之多士就要食！推動咗我食奶油多 真係好好食麵包好味 啲醬都比得好大方漏晒出嚟邪惡到好正！▰ 墨魚丸麵麵嘅湯底好清冇油仲好鮮幼麵住得啱啱好仲爽口嘅 生菜都比到好多墨魚丸鮮甜彈牙！會越食越想食多兩啖😋嚟大澳除咗豆腐花之外華記嘅多士真係一流有機會入去玩嘅時候要試吓！

今日酒店check out，然後走咗去「華記」，叫咗豉椒炒蟶子，好快來到，一啖食落去，海水味好重，啲沙多到令你懷疑人生！滿口都係沙！即刻成碟放棄！🤬🤬🤬然後佢杯凍檸茶！！陽光都好飲過佢！呢個生炒排骨，又嚡又硬！唔夠酸，淡口！可以唔使叫！之後來咗個啫啫雞煲，可能之前幾個比較失望，反而雞煲會好返啲，但好食稱不上，不過不失！馬上又來埋薑蔥魚雲煲！我發覺間嘢嘅煲類反而OK，有鑊氣，味道🤔唔算濃味！蟹反而有啲驚喜！新鮮，辣！唔錯！不過就蟹比較細隻，腳無肉食！用咗三點蟹來炒，好易咬！會有少少少少膏～～總結：五個餸入邊，我最愛避風塘炒蟹，老公反而五個都好似一般般，最失望嘅魚雲煲，無肉食☹️！不過留意返，坐得海邊就要食嘢快啲，因為啲嘢凍得超快最後埋單$811，記得比現金，因為信用卡另外再加一！

暑假的尾聲，還是下雨的季候，一大青早約了幾個細路的朋友仔，一行幾家人浩浩蕩蕩在東涌的巴士站等待大嶼山巴士朝聖呢個大澳，來一個大澳的愛！我們一到步就去到制作花燈的工作坊，這個工作坊是在中秋節期掛滿在大澳的街道上，共同創造一個大澳的花燈會。完成了工作坊後，我們就到了這餐廳用我們的午餐，一入到餐廳就聲到老闆的熱情招待，老闆大大聲説：「你哋幾多位，想坐樓上定樓下。」這裡給我第一個感覺這餐廳是講究效率的，講究人情味，感覺是非常熟絡，如非熟絡他們的語氣及做事方法有少少要適應一下,似香港一間澳x / x牛餐廳服務態度一樣，食品是即做的，連玻璃樽汽水都有得供應，包羅萬有總之想得到的都有得供應。這樣的充滿愛的茶記老闆的愛

今日去左大澳玩本來想試強記冰室，但中午時分，太熱又要等位，最後去了這間牛腩及奶茶☕️出名的《華記餐室》一坐下涼冷氣先！看到阿姐沖絲物奶茶奶茶☕️然後叫左個西多士再埋個牛腩豬扒麵嘩！好味啊！個豬扒同牛根都滿意西多士整得靚只是花生🥜醬不會太多但是減肥之選西多士 $32牛腩豬扒麵 $50

母親節同呀婆去大澳 係東涌搭左50分車程就入到去去到 去到華記 餐廳伙記態度幾好 特登拎多張凳比我地放袋 我地點左個咸牛肉蛋治味道都唔錯唔會太咸蛋都唔乾 幾滑 之後再點菜遠牛河同菜遠肉片妙河 味道就一般般 肉片味道都一般 牛肉太多筋位 個O

呢 間野食物方面都ok大份，牛筋都ok,但啲牛就老左啲，雲吞算係比較好食。但佢地個女職員態欠佳，喺我食緊飯果時聲都唔聲就拎隊張紙係我眼前，一啲禮貌都無 ，無下次！！

今日去大澳玩，行攰了就到一間華記餐廳食嘢，一入去餐廳 店舖職員不理睬，最後我大聲叫了他們，我要點餐，叫一碗牛根腩麵，沒想到這麽難食，牛根腩無味，湯底如清水，侍應招呼態度非常差，完全不可以接受，沒有下午套餐，飲品超貴，落單後無人招呼全程自助，店舖只是兩枱客人，沒有辦法，只好自己動手攞杯清水飲，下次不會再去這店舖，真係唔明白，啲嘢咁難食間店舖還可以生存，我想起了大澳的都是自己鋪，所以佢有冇生意 都冇問題，希望佢哋檢討下自己的態度，有D職業道德。

今日黎左行山由東涌行東澳古道行左4粒中終於黎到左大澳了✌️黎到第一時間梗係要醫下肚先見到有幾間冰室同餐廳最後㨂左華記餐室都係坐低食個下午茶姐店員熱情招待 店面尚算企理整體觀感唔錯隨便叫了個餐蛋出前一丁黎醫下肚同埋去茶記必嗌的凍奶茶去茶記叫奶茶好似已經變成了習慣吧味道正正常常咁 始終都係普通野但價錢略貴 因為唔包野飲淨係碗麵已經$32加凍飲$20而我朋友叫左個西多士黎食都係$32但始終大澳係遊客點 呢個價錢可接受

已經好耐無去過大澳啦，對上一次，唔記得有無3-4年前啦，個次嚟好似係同白海豚group 嚟啦，個次嚟都有食呢間舖頭，記得個次係食粉麵，今次想試下啲特色野，所以就叫左個蝦醬炒飯，始終大澳係出名蝦醬㗎嘛，所以我就叫左個蝦醬炒飯。叫左野食之後，等左一陣就有嘢食到啦，碟飯都好大碟，而且好惹味，好香蝦醬味，但食落又唔會覺得好鹹同好重味，反而係覺得啱啱好，材料都好豐富，有蝦仔、火腿、叉燒、蛋，不過就比較多油，可以媲美乾炒牛河的那種多油，我覺得如果少返啲油會比較好，因為會健康啲，當然我唔知係咪因為炒蝦醬就會咁啦，但係都好味ge。以下評分以5⭐️為滿分⭐️⭐️⭐️

同女朋友行大澳既第一餐！見呢間茶餐廳個樣都幾是是正正，就入左去食，因為實在太餓了，所以好快就點左兩個餸！女朋友話想食咸牛肉蛋治就叫左一份，一人一半。份量雖然唔算多，但論味道黎講，真係一流！蛋亦非常滑，半生熟，牛肉非常碎，所以配埋蛋既時候，食落都超滑。咸度剛剛好，唔會過咸，然後就係蝦醬炒飯，40蚊黎講，個份量都算幾多🤣蝦醬炒得幾均勻，淡淡鮮甜味，飯則粒粒分明，口感都唔錯。不過最估唔到係咁平既炒飯仲有蝦食！