影片
以上資料只供參考, 請與餐廳確認詳情
之前睇完MM發現公司附近有間隱世蛋包飯，已經幫襯過幾次。見好耐冇去食諗住回味下，結果令人失望🥲之前未有咖啡檔嘅時候兩個老闆都好好人好nice。直到今日去，堂食入座嘅安排已經係0，根本唔知要排入面定出面。因為我哋係附近返工放lunch過嚟，只係諗住問下可唔可以叫定先，我哋有位再入，但個咖啡檔女士用一臉加一口氣覺得我哋煩住佢嘅語氣話：坐低有人會落。但係我哋角度係我哋決定咗食，而且知道煮需要時間 所以先問下。本身諗住係佢忙所以唔得閒理我哋，所以我哋再搵落單個哥哥仔問多次，結果個位女士用勁呼喝嘅態度重申一次: 坐！低！先！落！單！（然後反咗白眼加搖一搖個頭）。見到佢咁我哋都費事再等落去 好可惜應該唔會再有下次嘅光顧🙇🏻♀️
繼續閱讀
華記士多嘅蛋包飯屬地道小店出品，地點不方便，價錢少貴，餐廳座位不舒服，味道偏向家庭式，雞扒煎得外皮微脆，內裡肉質嫩滑，調味簡單，雞扒蛋包飯份量足，係夠飽嘅。食落滿足，係香港仔區好食嘅蛋包飯。手切封門柳，個名有少少奇怪，唔係手唔通機切？牛肉通常即叫即切即炒，牛肉鮮味唔出。蛋包滑溜溜，包住炒飯，炒飯底用豉油炒香，飯粒分明、乾身，唔油膩，整體口感層次豐富，蛋香同飯香結合得恰到好處。.蛋包飯：1. 封門柳 $652. 照燒雞扒 $60隨餐奉送：紙包飲包乙包.手沖咖啡咖啡師推薦 Barista Recommendation +$45咖啡太多味道，介紹完都唔記得，好多層次，有需求跟據自己嗅覺聞一聞再簡。..（根據現有資料，西灣河華記士多以芝士咖哩蛋包飯為主打，雞肉飯底為主，但香港仔分店則有更多肉類選擇，包括雞扒、封門柳等，豉油炒飯底更配搭唔同肉類，味道各有特色）
繼續閱讀
🍳蛋包飯與咖啡愛好者必試☕️✨一次滿足你兩個願望✨之前都食過西灣河嘅華記士多 主打超抵食咖喱蛋包飯🤭見網上有人介紹華記士多嘅分店 雖然係隔涉咗少少 喺香港仔網球及壁球中心一樓嘅餐廳🥹 但絕對冇令人失望‼️呢度蛋包飯嘅款式同西灣河嗰間有啲唔同西灣河得雞肉炒飯，可選擇加芝士，但係冇其他款式🫣呢度嘅炒飯係豉油炒飯同埋會配唔同嘅肉類例如封門柳、雞扒、漢堡扒等等我同男友都試咗封門柳蛋包飯（$65）😋😋真係食得出好用心製作🥹雞蛋夠晒滑🥚 入邊包住封門柳肉味好濃冇渣🥩同埋甜豉油炒飯亦都炒得好香咖喱亦係比較淡味嘅咖喱唔會好鹹好濃味🍛另外佢哋仲同 @under_coff 有合作嘅Pop up Store今次男友試咗barista recommendation 既哥倫比亞白山莊園酵母水洗 哈密瓜味道嘅手沖咖啡 （Cataloupe｜Juicy｜Vanilla flavour)佢有極高度嘅評價🫣 話係係香港飲過數一數二好飲嘅手沖咖啡我平時少飲手沖都試咗幾啖 呢種係唔係好重咖啡烘焙味既手沖 反而超重果香同埋飲得出好香嘅哈密瓜味🍈 個人比較鍾意fruity口味嘅咖啡 所以好啱我哋口味😋🥳買蛋包飯加多$45有呢杯咁嘅質素嘅手沖咖啡真係好抵🤩🤩下次有機會真係要試埋其他唔同口味🫶🏻
繼續閱讀
好耐之前去過，之後成日都唔見佢開，聽聞佢又再開返，所以尋日行過去諗住食個蛋包飯，睇過餐牌，一啲都唔貴，最平$45嘅蛋包飯，仲有嘢飲包埋。點知除咗蛋包飯嘅滿足感之外，還有手沖咖啡的驚喜，只需要加錢，最貴都係加多$45，相比出邊平好多，一於試吓啦！原來咖啡師好專業，初時叫一杯Premium，點知咖啡師親自過嚟講解，依家用乜嘢咖啡豆，我順便問吓有冇洪都拉斯嘅咖啡豆，超爽的回應，以下省卻3000字……最後，咖啡師按着客人口味選擇合適的咖啡杯，因為我要熱咖啡，佢仲預先用熱水暖杯……好細心！勁！真係無話可說😋
繼續閱讀
其實想試呢間餐廳好耐了，今日做完運動諗住去望下咩環境，點知我見到佢一個蛋包飯只係$48 仲要有三塊漢堡扒，好想食 。但係諗諗吓無理由做完運動食咁多野架，咁做黎仲咩 ？ 但係市儈嘅我就諗$48一個飯 無理由唔食 ，所以最後屈服左， 個飯唔係白雲黎個蛋仲要超滑， 不過就唔係好夠咖哩汁，不過老闆好Nice 我估到時有需要想多汁應該可以掛 。食完後，我同老闆講不如你加價啦，真心咁高質素 $70我都覺得抵食 。同埋見到老闆好高大但係好Nice 我見到仲有手沖咖啡飲，不過我太晏去了 飲完實訓唔著 不過下次有機會希望可以試吓 😂😂
繼續閱讀